'முஸ்லிம்கள் அரசுடன் இல்லை என்பதை மத்திய மாகாண தேர்தல் முடிவுகள் பொய்யாக்கும்'

(எம்.எம்.எம். ரம்ஸீன்)

முஸ்லிம்கள் ஐக்கிய மக்கள் சுதந்திர முன்னணியுடன் இல்லை என்ற வசனத்தை எதிர்வரும் மத்திய மாகாண சபைத் தேர்தல் முடிவுகள் பொய்யாக்கும் என்று முன்னாள் மத்திய மாகாண சபை உறுப்பினர் எம்.ஆர்.எம். ஹம்ஜாத் குறிப்பிட்டார். 

கம்பளையில் அம்பகமுவ வீதியில் நேற்று 0.08.2013 1மாலை அவருக்கு ஆதரவாளர்களால் வழங்கப்பட்ட வரவேற்பின் போது அவர் தொடர்ந்தும் உரையாற்றுகையில், 

முஸ்லிம்கள் ஆளும் கட்சியுடன் இல்லை என்ற கருத்து நிலவுகின்றது. ஆனால் இக்கருத்தை மாற்றியமைக்கும் காலம் வந்துள்ளது. இம்மாகாண சபைத் தேர்தல் முடிவுகள் கண்டி மாவட்ட முஸ்லிம்கள் ஆளும் கட்சியுடன் இருப்பதை நிரூபிக்கும் என்றார். இதில் பிரதியமைச்சர் அப்துல் காதரும் கலந்து கொண்டார்.