'உடைந்துபோன இதயங்களை சீர்செய்ய தேவையான எல்லாவற்றையும் அரசாங்கம் செய்கிறது'

வெளிநாட்டு அழுத்தங்களினால் வடக்கு மாகாணசபைக்குத் தேர்தலை நடத்தவில்லை என்று ஜனாதிபதி மகிந்த ராஜபக்ச தெரிவித்துள்ளார்.  கண்டியில் நடந்த நிகழ்வு ஒன்றில் உரையாற்றிய அவர், 

“தேர்தலை நடத்துவதற்கு இதுவே சரியான நேரம் என்று அரசாங்கம் உணர்ந்து கொண்டதால் தான், மாகாணசபைத் தேர்தல் நடத்தப்படவுள்ளது.  இது ஜனநாயக நடைமுறைகளின் ஒரு பகுதி.  அந்த வழியிலேயே வடக்கு மாகாணசபைத் தேர்தலுக்கு அரசாங்கம் ஏற்பாடு செய்துள்ளது. 

வடக்கு மக்களின் உடைந்து போன இதயங்களை சீர் செய்வதற்குத் தேவையான எல்லாவற்றையும் அரசாங்கம் செய்து வருகிறது.  போரினால் பாதிக்கப்பட்ட பிரதேசங்கள் குறுகிய காலத்தில் மீளக் கட்டியெழுப்பப்பட்டுள்ளது. ஆனால் வெளிநாடுகளில் உள்ள சில சிறிலங்கர்கள் நாட்டுக்கு எதிராக பேசி வருகின்றனர். 

அவர்கள் நாட்டைப் பிளவுபடுத்த ஒரு போதும் இடமளிக்கப்படமாட்டாது” என்றும் அவர் மேலும் தெரிவித்துள்ளார்.  கண்டியில் ஜனாதிபதி  டற்பயிற்சிக் கூடம் ஒன்றையும் திறந்து வைத்துள்ளார் என்பது குறிப்பிடத்தக்கது.