கல்முனை இஸ்லாமாபாத்தில் குவாசி நீதிமன்றம் (படங்கள்)

(எம்.எப்.றிபாஸ்)

கல்முனைத்தொகுதியின் அபிவிருத்திக்குழுத் தலைவரும் திகாமடுல்ல மாவட்ட பாராளுமன்ற உறுப்பினருமான சட்டத்தரணி எச்.எம்.எம்.ஹரீஸ் முன்னெடுத்துச் செல்லும் ” ஒளிரும் கல்முனை ” வேலைத்திட்டத்தின் மிக முக்கியமான நிகழ்வொன்று இன்று காலை கல்முனை இஸ்லாமாபாத்தில் இடம்பெற்றது.

கல்முனைப்பிரதேசத்தைச் சேரந்த கல்முனை , சாய்ந்தமருது, நற்பிட்டிமுனை மற்றும் மருதமுனை பிரதேச முஸ்லிம் மக்களின் நீண்டநாள்  தேவைகளுள் ஒன்றாகவிருந்த குவாசி நீதிமன்றம் நீதியமைச்சர் றவுப் ஹக்கீம் அவர்களால் திறந்து வைக்கப்பட்டது.

இந்நிகழ்வில் கிழக்கு மாகாணசபை உறுப்பினர்களான ஏ.எம்.ஜெமீல், ஏ.எல்.தவம், கல்முனை மாநகரசபை உறுப்பினர் ஏ.ஏ.பஷீர் , கல்முனை பிரதேச செயலாளர் எம்.எம்.நௌபல் , சட்டத்தரணிகளான ஏ.எம்.றகீப் , எம்.எம்.முஸ்தபா , குவாசி நீதவான் அல்ஹாஜ் என்.எம்.இஸ்மாயில் உ்ட்பட பலரும் கலந்து கொண்டனர்.