13 ஆவது சீர்திருத்தம் - முஸ்லிம் காங்கிரஸ் ஆதரவளிக்காது - சற்றுமுன்னர் தீர்மானம்

இன்று திங்கட்கிழமை, 10 ஆம் திகதி, நீதியமைச்சர் ரவூப் ஹக்கீமின் வீட்டில் நடைபெற்ற முஸ்லிம் காங்கிரஸின் பாராளுமன்ற உறுப்பினர்களின் கலந்துரையாடலில் அரசியலமைப்பின் 13 ஆவது திருத்தததிற்கு ஆதரவளிப்பதில்லையெ தீர்மானிக்கப்பட்டுள்ளது.

இதனை மு.கா. செயலாளர் ஹசன் அலி எம்.பி. ஜப்னா முஸ்லிம் இணையத்திடம் உறுதிப்படுத்தினார்.

அடுத்துவரும் அமைச்சரவை கூட்டத்திற்கு முன் இதுபற்றி கடிதம்  மூலமாக ஜனாதிபதி மஹிந்த ராஸபக்ஸவுக்கு அறிவிப்பதெனவும் தீர்மானிக்கப்படடுள்ளது. 

சமார் 2 மணித்தியாலங்கள் நடைபெற்ற இக்கூட்டத்தில் முஸ்லிம் காங்கிரஸ் எம்.பி.க்கள் அரசியலமைப்பின் 13 ஆவது திருத்தத்திற்கு ஆதரவளிப்பதில்லையென்ற ஒரே நிலைப்பாட்டிலேயே காணப்பட்டதாகவும் ஹசன் அலி மேலும் கூறினார்.

முஸ்லிம் காங்கிரஸ் பேராளர் மாநாட்டில் 13 திருத்தத்திற்கு ஆதரவாக மேற்கொள்ளப்பட்ட நிலைப்பட்டிலிருந்து ஒருபோதும் கட்சியால் விலகமுடியாதெனவும் அவர் மேலும் சுட்டிக்காட்டினார்.