சம்மந்தனும், மாவையும் முஸ்லிம்களை நோக்கி நேசக்கரம் நீட்டிக்கொண்டிருக்க..!

(முசலியூர்.கே.சி.எம்.அஸ்ஹர்)

முல்லைத்தீவின் முள்ளியவளைப் பிரதேசத்தைச் சேர்ந்த பலவந்தமாக வெளியேற்றப்பட்ட முஸ்லிம் மக்களை அரச அங்கீகாரத்துடன் குடியேற்ற,  ஈ.பி.டி.பி,இணைப்பாளரும், வன்னி மாவட்ட பாராளுமன்ற உறுப்பினர்களான வினோவும், சுரேசும் தடைகளை ஏற்படுத்தி வருகின்றனர்.

மிதவாதத் தமிழ்த் தலைவர்களான சம்மந்தன் ஐயாவும் மாவை சேனாதிராஜா அவர்களும் முஸ்லிம் மக்களை நோக்கி நேசக்கரம் நீட்டிக்கொண்டிருக்க மேற்சொன்னோர் தமது இனவாத செயற்பாட்டையும் கருத்தையும் வெளியிட்டு வருகின்றனர். 

ஒரு தெரிவு செய்யப்பட்ட காணியில் முஸ்லிமக்களை குடியேற்ற முயற்சி செய்யும் போது அது தமிழரின் பூமி எனக்கூப்பாடு போடுகின்றனர். அதை விடுத்து பிறிது ஒரு இடத்தை தெரிவு செய்யும் போது காடுகளை முஸ்லிம்கள் அழிக்கின்றார்கள், இயற்கை வளமும் சமநிலையும் அழிகின்றன என அறிக்கை விடுக்கின்றனர். இவர்கள் வடபுல முஸ்லிம்களுக்குச் சொல்ல எத்தனிக்கும் செய்தி என்ன..? 

வடபுல முஸ்லிம்கள் வெளியேற்றப்பட்ட பின்பு 22 வருடங்களாக அங்குள்ள அரச காணிகள் என்ன நியமத்தில் யாருக்கு வழங்கப்பட்டது என்பது யாவருக்கும் தெரியும். இக்காணி வழங்களில் செல்வாக்குச் செலுத்தியோர் யாரென்பது அப்போது கடமையிலிருந்த அரச அதிகாரிகளுக்கும் மக்களுக்கும் தெரியும். பல்லாயிரக்கணக்கான காணி அனுமதிப்பத்த்ரங்கள் தனியே தமிழ் மக்களுக்கு வழங்கப்பட்டு உள்ளன. 1990 இன் பின்பு வழங்கப்பட்ட அனுமதிப்பத்த்ரங்கள் அரசால் மீளாய்வு செய்யப்பட வேண்டும். அப்போது இக்காணி தொடர்பான உண்மை வெளிவரும். 

வடபுல முஸ்லிம்கள் இடம்பெயர்ந்து புத்தளத்திலும் ஏனைய பிரதேசங்களிலும் வசித்தமையால் அங்கு பிறந்த பிள்ளைகளின் பிறப்புச் சான்றிதழில் புத்தளம், நீர்கொழும்பு, அனுராதபுரம் எனத்தானே குறிப்பிடப்பட்டிருக்கும்.

இடம்பெயர்ந்த பின்பு வசித்தபிரதேசத்திலிருந்து ஆள்அடையாள அட்டைக்கு விண்ணப்ப்pத்தவர்களுக்கும் அடையாள அட்டையில் அவ்வப்பிரதேச முகவரிகளே குறிப்பிடப்பட்டிருக்கும.; இப்படியான ஆவணங்களைப் பார்த்து விட்டு அதிகாரிகளும் அங்குள்ள தமிழ் அரசியல் வாதிகளும் வெளியிடங்களிலிருந்து கொண்டு வரப்பட்ட முஸ்லிம்கள் குடியேற்றப்படுவதாக ஊடகங்களில் உரத்து அறிக்கை விடுகின்றனர். ஒரு பொய்யை உரத்து  100 முறை கூறினாலும் பொய் ஒரு போதும் உண்மையாகாது.