முஸ்லிம் காங்கிரஸ் Vs தேசிய காங்கிரஸ்

முனையூரான்

நாம் எந்த இனத்தைச் சேர்ந்தவர்களாயினும் எமது தாய் நாடாகிய இலங்கையின் பிரஜைகள் என்பதில் பெருமையடைகிறோம். இந்தப் பெருமிதத்தில் முஸ்லிம்களும் பங்குகொள்வதில் பெருமையடைகின்றனர். அரேபியர்களாகிய முஸ்லிம்களின் முன்னோர் ஏறத்தாழ 2500 ஆண்டுகளுக்கு முன்னர்  இலங்கைச் சோனகர் என்னும் இனத்தினரை இங்கு தொடக்கி வைத்தனர். இஸ்லாத்தைத் தழுவிய மக்கள் என்ற வகையில் முஸ்லிம்கள் இந்நாட்டின் நெடுங்கால வரலாற்றுப்; பின்னணியினைக் கொண்டவர்கள். இவ்வரலாற்றுப்  பின்னணியுடன் வாழுகின்றமை அங்கீகரிக்கப்பட்ட வலாற்று நிகழ்வுண்மைகளினால் புலப்படத்தப்படுகின்றன.

இலங்கையில் வாழும் ஏறக்குறைய 2 கோடி மக்கள் சனத் தொகையில் கிட்டத்தட்ட 15 இலட்சம் மக்கள் முஸ்லிம்கள் ஆவர். இந்நட்டடில் வாழுகின்ற முஸ்லிம்களின் எண்ணிக்கையில்  60 வீதமானோர் வடக்கு, கிழக்கு மாகாணங்களுக்கு வெளயிலும் (தெற்கில்) 40 வீதமானோர் இவ்விரு மாகாணங்களிலும் வசிக்கின்றனர். 1981ஆம் ஆண்டின் சனத்தொகைக் கணக்கெடுப்பின்படி தெற்கு முஸ்லிம்கள் தெற்கில் வாழும் மொத்த மக்கள் தொகையில் 5.4 வீதம் மட்டுமே. அதேசமயம் வடக்கு. கிழக்கு இரு மாகாண சனத்தொகையில் ஏறக்குறைய 17 வீதமாகவும் கிழக்கின் மொத்த சனத்தொகையில் 35 வீதமாவும் முஸ்லிம்கள் உள்ளனர். முஸ்லிம்களில் பெரும்பான்மையானோர் வடக்கு. கிழக்கிற்கு வெளியே வசித்த போதிலும் அநேகமான முஸ்லிம் பிரதிநிதிகள் பாராளுமன்றத்திற்குத் தெரிவு செய்யப்படுவது கிழக்கு மாகாணத்திலிருந்தே ஆகும்.

இற்றைக்கு ஏறக்குறைய 80 வருடங்களுக்கு முன்னர் அதாவது 1931ஆம் ஆண்டு நடைபெற்ற சட்டசபைத் தேர்தலில் முதன்முதலாக நேரடியான மக்கள் வாக்களிப்பின் மூலம் தெரிவு செய்யப்பட்ட முதல் முஸ்லிம் பாராளுமன்றப் பிரதி நிதியாக சேர் மாக்கான் மாக்கார் அவர்கள் தெரிவ செய்யப்பட்டார். இவர் தெரிவு செய்யப்பட்ட தொகுதி மட்டக்களப்பு தெற்கு என்று அன்று அழைக்கப்பட்ட தொகுதியாகும்.. மட்டக்களப்பு தெற்குத் தொகுதி என்றால் காத்தான்குடி, கல்முனை, சம்மாந்துறை மற்றும் பொத்துவில் பகுதிகளை உள்ளடக்கிய பிரதேசமாகும்.

1931ஆம் ஆண்டில் தொகுதி ரீதியான தேர்தல் நடைபெற்றபோது இலங்கையில் 3 தொகுதிகளில் முஸ்லிம்களின்  வாக்குப்பலத்தினால்  பாராளுமன்றத்திற்கு பிரதிநிதிகளை அனுப்பக் கூடிய பலமிருந்தது. மட்டக்களப்புத் தெற்கு, புத்தளம், மத்திய கொழும்பு ஆகியன அத்தொகுதிகளாகும். ஆனால் அன்றைய தேர்தல் முடிவுகளின்படி மட்டக்களப்புத்0 தெற்குத் தொகுதியில் மாத்திரம்தான் ஒரு முஸ்லிம்  பிரதிநிதி தெரிவானார் முதன்முதலில் மக்களால் தெரிவு செய்யப்பட்ட முஸ்லிம் சட்டசபை பிரதிநிதி கிழக்கு மாகாணத்திலிருந்தே தெரிவு செய்யப்பட்டார் என்பது முக்கியமாகிறது.

தனிக்கட்சியொன்றை உருவாக்கி செயற்படவும் கூடுதலான மக்கள் பிரதிநிதிகளை தெரிவு செய்யவதற்குமான மக்கள் சக்தியும் வாக்குப்பலமும் முஸ்லிம்கள் கிழக்கில் செறிந்து வாழ்வதனால் சாத்தியமாகிறது. இதனாலேயே தெற்கு முஸ்லிம் தலைமைகள் அக்காலத்தில் சட்டசபைக்கும் பாராளுமன்றதிற்கும் செல்வதற்காக கிழக்கில் போட்டியிட்டார்கள் என்ற வரலாறு எமக்கு புலப்படுத்துகிறது. 

தமது அடிப்படை உரிமைகளைப் பேனிப்பாதுகாக்கவும் தமது அடக்கப்பட்ட உணர்வுகளை வெளிக்காட்டவுமான பலமுள்ள சாதனமாக ஒரு தனி அரசியல் கட்சியை முஸ்லிம் சமூகம் எப்போதும் வேண்டி வந்திருக்கிறது. முதல் அரசியல் ஸ்தாபனம் 1957ஆம் ஆண்டு ஒக்டோபர் மாதம் 17ஆம் திகதி கல்முனை நகர மண்டபத்தில் இந்தியாவைச் சேர்ந்த மௌலவி எஸ்.எம். மஷு மௌலானா அவர்களி;ன் தலைமையில் நடைபெற்ற கிழக்கிலங்கை பேராளர்களின் மகா நாட்டில் இஸ்லாமிய ஐக்கிய முன்னணி என்ற ஓர் அரசியல் ஸ்தாபனம் உருவாக்கப்பட்டது. இந்த மகாநாட்டில் 275 பேராளர்கள் கலந்து கொண்டனர். இவர்களில் ஏறக்குறைய பதினாறு பேர் கையெழுத்தைக் கூட வைக்க முடியாமல் தமது பெருவிரல் அடையாளங்களை பதித்திருக்கிறார்கள்  என்ற தகவல் எழுதப்படிக்கத் தெரியாதவர்களிடம் கூட அப்போது மேலோங்கியிருந்த அரசியல் எழுச்சியையும் சமூக உணர்வையும் நம்மால் இனம் கண்டு கொள்ள முடிகிறது.  

இந்த இஸ்லாமிய ஐக்கிய முன்னணிதான் 1960ஆம் ஆண்டின் ஜுலை தேர்தலுக்காக அன்றைய தேர்தல் கமிஷரினால் உதயசூரியன் சின்னத்துடன் அங்கீகரிக்கப்பட்ட முதலாவது அரசியல் கட்சி என்பதை நாம் மறந்து விட முடியாது. இந்த வரலாறுகள் பலருக்கு தெரியாமல் இருக்கவும் கூடும். இஸ்லாமிய ஐக்கிய முன்னணி, இஸ்லாமிய சோஷலிச முன்னணி, மாக்ஷிய 

எதிர்ப்பு முன்னணி, கொழும்பு முஸ்லிம் ஐக்கிய முன்னணி என்று சமூகத்தின்  மத்தியில் பிரபல்யம் அடைந்த எல்லா அரசியல் ஸ்தாபனங்களும் முஸ்லிம்களுக்கு மத்தியில்  'தனிக்கட்சி' என்ற உணர்வின் மீது கட்டி எழுப்பப்பட்டவை என்பதை மறந்து விட முடியாது. 

இந்த உணர்வுச் சிந்தனைகளின் ஆரம்ப வெளிப்பாடே காத்தான்குடியில் 1980ஆம் ஆண்டு ஸ்ரீலங்கா முஸ்லிம் காங்கிரஸ் என்ற கட்சி விதைக்கப்பட்டு அது 1986ஆம் ஆண்டு தலைவர் அஷ்ரஃப் அவர்களின் தலைமைத்துவத்துடனான அரசியல் கட்சியாக பிரகடனம்  செய்யப்பட்டு வளர்ச்சியடைந்தது. ஸ்ரீலங்கா முஸ்லிம் காங்கிரஸ் தலைவர் அஷ்ரஃபின் தலைமைத்துவத்துடனான அரசியல் கட்சியாக பதிவு செய்யப்பட்ட பின் சந்தித்த முதலாவது பொதுத் தேர்தல் 1989ஆம் ஆண்டு நடைபெற்ற பொதுத் தேர்தலாகும். இத்தேர்தலில் தனித்துப் போட்டியிட்டு வன்னி, திகாமடுல்ல, மட்டக்களப்பு மற்றும் திருகோணமலை ஆகிய மாவட்டங்களில் மொத்தமாக 106,137 வாக்குகளைப் பெற்று தேர்தல் மாவட்ட ரீதியான 3 ஆசனங்களையும் தேசிய ரீதியில் 1ஆசனத்தையும் பெற்றது. 1994ஆம்  ஆண்டு நடைபெற்ற பொதுத் தேர்தலில் 7 ஆசனங்களையும்  தலைவர் அஷ்ரஃப் மரணித்த வருடமான 2000ஆம் ஆண்டு நடைபெற்ற நாடாளுமன்டறத்  தேர்தலில் அஷ்ரஃப் அவர்களினால் உருவாக்கப்பட்ட மற்றொரு கட்சியான தேசிய ஐக்கிய முன்னணி பெற்ற ஆசனங்களையும் சேர்த்து 12 ஆசனங்களைப் பெற்றது.  

தலைவர் அஷ்ரஃப் அவர்கள் முஸ்லிம் காங்கிரஸை அரசியல் கட்சியாக பதிவு செய்து சந்தித்த தேர்தல்களில் வெற்றி பெற்று இந்நாட்டின் அரசாட்சியை அமைக்கும்  சக்தி சிறுபான்மையினக் கட்சிக்கும் உண்டு என்ற உண்மையை உலகயறியச் செய்தார். அந்தச் சக்தி அஷ்ரஃப் அவர்களின் மரணத்துடன் வழுவிழந்தது. கட்சியின் தலைமைத்துவம் கைமாறப்பட்டதன் பின்னர் இக்கட்சியின் பல உயர்பீட உறுப்பினர்கள் கட்சியின் தலைமைத்துவத்தின் செயற்பாடுகளில் நம்பிக்கையிழந்தனர். தலைவர் அஷ்ரஃப் உருவாக்கிய கட்சி சிதைக்கப்படக் கூடாது என்பதில் அக்கரை கொண்ட உயர்பீட உறுப்பினர்கள் அக்கட்சியின் தலைமையை மாற்ற விரும்பினர்.

' ஒரு கட்சியின் உருவாக்கம் ஒரு தனி மனிதனாலேயே முதன் முதலில்  அறிமுகப்படுத்தப்படுகிறது என்பது உண்மைதான். ஆனால் அவ்வாறான ஒரு கட்சி ஒரு தனி மனிதன் அல்ல' என்ற அஷ்ரஃபின் கூற்றுக்கு ஏற்பவும்    'எனது தலைமையின் மீதோ அல்லது மத்திய குழுவின் மீதோ உங்களுக்கு நம்பிக்கை அற்றுப் போயின் எனது தலைமையையும் மத்திய குழுவையும் மாற்றி வேறு ஒரு அரசியல் கட்சியின் தலைவரோ அமைப்போ அவசமில்லை. இக்கட்சியிலேயே சேர்ந்து இக்கட்சியையே வழி நடத்தி இக்கட்சியையே பொறுப்பேற்று  இக்கட்சி மூலமே உங்கள் நியாயங்களைப் பெறுவதற்கு நானோ, வேறு யாருமோ தடையாய் ஒருபோதும் இருக்க மாட்டோம்' என்று அஷ்ரப் அவர்கள் கட்சியின் 6வது மகாநாட்டில் அளித்த வாக்குறுதிக்கு எற்பவும் அக்கட்சியை விட்டுச் செல்லாமல் கட்சியின் தலைமைத்துவத்தை மாற்ற வேண்டிய தேவை கட்சியின் உயர்பீட உறுப்பினர்களுக்கு ஏற்பட்டவேளை கட்சிக்குள் இருந்து கொண்டு கட்சித் தலைமையை மாற்ற முற்பட்டனர்.  அந்த முயற்சி வெற்றியளிக்காது போனதையடுத்து கிழக்கு தலைமைத்துவத்துடன் கூடிய தனிக்கட்சியொன்றை அமைக்க வேண்டிய தேவை அன்றைய மு.க. உயர் பீட உறுப்பினர்களுக்கு ஏற்பட்டது.

இந்த வரலாற்றின் அடிப்படைப் பின்னணியில் அஷ்ரப் என்ற ஓர் ஆளுமைமிக்க தலைமைத்துவத்தின் பாசறையில் வளர்ந்த தற்போதைய ஆளும்கட்சி அமைச்சரான ஏ.எல்.எம். அதாவுல்லா அவர்கள் அஷ்ரப் காங்கிரஸ் எனும் இயக்கத்தை ஆரம்பித்து  பின்னர் அது தேசிய முஸ்லிம் காங்கிரஸ் என்று மாற்றப்பட்டு ஈற்றில் தேசிய காங்கிரஸ் என்ற பெயரோடு கிழக்கின் சக்தி மிக்க கட்சியாக வளர்ச்சி கண்டு வருகிறது. 

2005இல் கட்சியை ஆரம்பித்து கட்சியின் தலைவர் அமைச்சர் அதாவுல்லா ஆற்றிய உரையினை இங்கு குறிப்பிடுவது பொருத்தமாகும். 'ஒரு ஆளுமைமிக்க தலைமைத்துவத்தின் பாசறையில் வளர்ந்த வாரிசுகள் நாம். அந்த தலைமையின் வழிப்படுத்தலும் நெறிப்படுத்தலும் நம்மை நமது சமூக விடுதலையை நோக்கிப் பயணிக்கச் செய்தன. நாம் நமது அபிலாஷைகளை  வென்றெடுக்கும் போராட்டத்திற்காகக் களமிறங்கினோம். நமது விடுதலைக்கான குரலாகவும் ஒலித்தோம். நமது போராட்டத்தின் நேர்மையும் கூர்மையும் பகைவர்களைக்கூட பயங்கொள்ளச் செய்தன.  நமது ஒற்றுமை நமது போராட்டத்தின் வலிமைமிக்க ஆயுதமாயிற்று. நாம் தேசமெங்கும் பேசப்பட்டோம். அந்த தருணத்தில்தான் விரோதிகளின் குறிக்கு நமது தலைமை இலக்கானது. நாம் அந்த பெரும் தலைவரை இழந்தோம். 

ஆயினும்  நாம் நமது போராட்டப் பாதையில் நின்றும் சறுகி விடவில்லை. தலைவர் காட்டிய செந்நெறியின்பால் பயணித்தோம். புதிய தலைமைக்கு மகுடமிட்டோம். கட்டளைக்குச் செவிசாய்த்தோம். சமூ விடுதலைக்காய் நம்மை நாம் தியாகித்தோம். ஆனால் நடந்தது என்ன. நம்பிக்கை தர வேண்டிய நமது புதிய தலைமை தன்னலத்திற்கு சோரம் போனது. தனித்துவமான நமது கட்சி மாற்றாரின் கைபொம்மையானது. இதனால் நமது விடுதலைக்கான குரலும் அடைக்கப்பட்டது. நமது போராட்ட வடிவங்கள் மாசுபடுத்தப்பட்டன. நமது தலைவர் அஷ்ரப் அவர்கள் கட்டிக்காத்த விடுதலைப் பாதை சிதைக்கப்பட்டது பார்த்துக் கொண்டிருக்க முடியுமா? வாய் மூடி மௌனித்திருக்க முடியுமா? சமூகத்திற்காகவே கட்சி கட்சிக்காக  சமூகமல்ல என்ற நிலைப்பாட்டிற்கு வந்தோம். புதிய தலைமையை புறந்தள்ளினோம.; நமது சமூகத்தின் தூய்மையான விடுதலை நோக்கை மட்டும் சுமந்து கொண்டு வெளியேறினோம். 

இப்போது நமது தலைவர் மர்ஹும் அஷ்ரப் அவர்கள் நமக்குச் சொல்லித்தந்த  பாடங்களோடும் நம் சமூக விடுதலைக்காய்ப் போராடும் மாசுபடாத கொள்கையோடும் நாம் புதியதோர் அரசியல் ஸ்தாபனத்தை உருவாக்கியுள்ளோம். அதுதான் குதிரைச் சின்னத்துடன் தேசிய காங்கிரஸ் எனும் அரசியல் கட்சியாகும்' என்று தலைவர் அதாவுல்லா அவர்கள் அன்று கூறினார். இந்த வரலாறுகள் தெளிவுபடுத்தப்படாமலும் இருக்கின்றன.

தலைவர் அஷ்ரப் முஸ்லிம் காங்கிரஸை  உருவாக்கிய குறுகிய காலத்திற்குள் சந்தித்த தேர்தல்களில் எத்தகைய வெற்றியைக் கண்டாரோ அந்தளவுக்கு பெரிய வெற்றியைக் கானாவிட்டாலும் தேசிய காங்கிரஸ் உருவாக்கப்பட்டு 4 வருடத்திற்குள் சந்தித்த சகல தேர்தல்களிலும் தனித்தும், எதிர்கட்சி அரசியல் முஸ்லிம் சமூகத்திற்கு குறிப்பாக கிழக்கு முஸ்லிம்களுக்கு ஒருபோதும் பயனளிக்காது என்ற நிலை தோற்றம் பெறும்போது இணைந்தும் போட்டியிட்டு, பிரதேச, நகர மாநகர சபைகளுக்கான உறுப்பினர்களைப் பெற்றுள்ளதோடு கிழக்கு மாகாணசபையில் ஒரு அமைச்சர் அடங்கலாக 3 உறுப்பினர்களையும் பெற்று அமைச்சரவையிலும்  அமைச்சராக அக்கட்சியின் தலைவர் இருப்பது என்பது இக்கட்சி கொண்டுள்ள இலட்சிய நோக்கங்களுக்கான வெற்றியை தெளிவுபடுத்துகிறது. செயற்படும் கட்சியை வழி நடத்துவதற்கும் புதியதொரு கட்சியை உருவாக்கி அதை வெற்றிப் பாதையில் மக்கள் சக்தியோடு செயற்படுத்துவதற்கும் நிறைய வித்தியாசங்கள் இருக்கின்றன. அந்தவகையில் கட்சி ஸ்தாபிக்கப்பட்டு குறுகிய காலத்திற்குள் பிரதேச சபை உறுப்பினர் முதல் பாராளுமன்ற உறுப்பினர் வiராயன உறுப்பினர்களை தேசிய காங்கிரஸ் பெற்றிருப்பதானது அதன் பரிமான வர்ச்சியைப் புலம்போட்டுக்காட்டுகிறது.