கல்முனையில் மு.கா. ஊர்வலத்தில் பொலிஸ் அடாவடித்தனம் (படங்கள் இணைப்பு)

அபு ஆதில்

 

ஸ்ரீலங்கா முஸ்லீம் காங்கிரசின் கிழக்கு மாகாணசபையின் வேட்பாளர் எ.எம்.ஜெமீலை ஆதரித்து சாய்ந்தமருது மாளிகைக்காடு பொது அமைப்புக்களால் ஏற்பாடு செய்யப்பட்டு இன்று சாய்ந்தமருது மாளிகைக்காடு சாந்தியில் இருந்து வீதிவழியாக சென்றுகொண்டிருந்த மாபெரும் ஊர்வலத்தை கல்முனை பொலிஸ் நிலையத்துக்கு முன்னால் மறித்த கல்முனைப் போலீசார் ஊர்வலத்தில் கலந்து கொண்டவர்கள் மீது சாரா மாரியாக தாக்குதல் நடாத்தினர். 

இந்தத்தாக்குதலின் போது சீருடை அணியாத போலீசாரும் தாக்குதலை மேற்கொண்டனர்.

பின்னர் ஸ்தலத்துக்கு விரைந்த போலீஸ் நிலைய பொறுப்பதிகாரி தாக்குதலை மேற்கொண்ட போலீசாரைக் கடிந்ததுடன் கூட்டத்தினரை கலைந்து செல்லுமாறும் பணித்தார்.

மீண்டும் இவர்களது ஊர்வலம் கல்முனை சந்தை மற்றும் கல்முனை கடற்கரைப் பள்ளி வீதி வழியாக சாய்ந்தமருது உள்ளூர் வீதிகள் வழியாக மீண்டும் மாளிகைக்காட்டை மலை 5.30 அளவில் வந்தடைந்தது.