''எனது மையித்தின் மேலாகத்தான் ஹக்கீம் இந்த ஊருக்கு வர முடியும்''

By Omar Farook

அமைச்சர் ரவூப் ஹகீம்  அக்கரைப்பற்று இப்தார் நிகழ்வுக்கு வரும்போதே அவரது வாகனத்தை உதுமாலெப்பையின் அடியாட்கள் அட்டாளைச்சேனையில் வைத்து தாக்கினர். சென்ற வருடம் போலவே ஹகீமை அக்கரைப்பற்று மண்ணில் நோன்பு திறக்க வரவிடமாட்டேன் என அதாஉல்லா இம்முறையும் களத்தில் குதித்தார்.

இப்தார் ஏற்பாடுகள் நடைபெற்ற இடத்திற்கு காலையிலேயே அனுப்பப்பட்ட அதாஉல்லாவின் குண்டர்கள் அந்த இடத்தில் கலகம், தீவைப்பு மற்றும் நாசகார நடவடிக்கையில் ஈடுபட்டனர். இவர்கள் தயார் செய்யப்பட் உணவுகள், ஆயிரக் கணக்கான நீர்ப்போத்தல்கள், ஈச்சம்பழம் ஆகியவற்றை வீதியில் இழுத்துப் போட்டு மிதித்து நாசமாக்கினர். இருந்தபோதும் நோன்பு திறக்கும் வேலைகள் மீளவும் நடைபெற்றன.

மாலையில் அட்டாளைச்சேனை, அக்கரைப்பற்று பிரதேச சபை பிரிவுகளில் இருந்து கொண்டுவரப்பட்ட தே.கா. குண்டர்களும் அதாஉல்லாவின் குண்டர்களுடன் இணைந்து கலகத்தில் ஈடுபட்டனர். ஹகீம் இந்த ஊருக்கு வருவது தனக்கு பெருத்த அவமானம் என்றும் தனது மையித்தின் மேலாகத்தான் ஹகீம் இந்த ஊருக்கு வர முடியும் என்றும் அதாஉல்லா தனது குண்டர்களுக்கு ஆணையிட்டார்.

தொடர்ந்தும் அவர்கள் நடாத்திய தாக்குதலில் இப்தார் நடைபெறவிருந்த  இடத்தைச் சூழவிருந்த பல வீடுகளுக்குச் சேதம் ஏற்பட்டது. இத்தனையையும் அதாஉல்லா நீர்ப்பாசன அதிகார சபைக்குச் சொந்தமான சுற்றுலா விடுதிக்குள்ளிருந்தே வழிநடாத்தினார் என்பது குறிப்பிடத் தக்கது.

ஹகீம் அக்கரைப்பற்றில் நோன்பு திறக்கும் நிகழ்விற்கு வருகை தராதது அவருக்கு மக்கள் மத்தியில் அபிமானத்தையே அதிகரித்திருக்கின்றது. அவர் வந்திருந்தால் பல உயிரழப்புக்களை அக்கரைப்பற்று மண் நேற்றுச் சந்தித்திருக்கும்.

ஊர் இளைஞர்களின் கொலைக்குக் காரணமாக ஹகீம் அமைந்தார் என்ற பிரச்சரத்திற்கும் அதாஉல்லா சகல ஏற்பாடுளையும் செய்திருந்தார்.

அக்கரைப்பற்று ஆதார வைத்தியசாலை, நீர்ப்பாசன அதிகார சபை ஆகியவற்றை அதாஉல்லா குண்டர்களைப் போஷிக்கின்ற இடமாகப் பாவித்துவருவதனையும், அவரது றமழானையும் மதியாத மனித உரிமை மீறல்களையும் மக்கள் அருவருப்புடன் நோக்குவதும் குறிப்பிடப்பட வேண்டியதே.