அமெரிக்காவின் நிதியில் இஸ்ரேல் ஏவுகணை பரிசோதனை

ஈரானுடன் மோதல் போக்கைக் கடைபிடித்து வரும் இஸ்ரேல் தனது ஏவுகணை வரிசையை விரிவுபடுத்தியுள்ளது.

மத்திய ரக ஏவுகணைகளை வழிமறித்துத் தாக்கும் "ஏரோ-2' ஏவுகணையை இஸ்ரேல் மேலும் மேம்படுத்தியுள்ளது. ஈரான் நாட்டின் மத்திய தூர ஏவுகணைகளான "சஹாப்', "செஜில்', சிரியாவின் "ஸ்கட் டிஎஸ்' ஏவுகணைகளை வழிமறித்துத் தாக்கும் திறனுடையதாக "ஏரோ-2' மேம்படுத்தப்பட்டுள்ளதாக இஸ்ரேலில் இருந்து வெளியாகும் "ஜெருசலேம் போஸ்ட்' பத்திரிகையில் செய்தி வெளியாகியுள்ளது.

வரும் மாதங்களில் "ஏரோ-3' எனும் புதிய இடைமறித்துத் தாக்கும் ஏவுகணையை முதன் முறையாக பரிசோதித்துப் பார்க்க, அந்நாட்டின் பாதுகாப்பு அமைச்சகம் முடிவு செய்துள்ளது.

இஸ்ரேலின் முதல் தலைமுறை ஏவுகணை தொடர்பான ஆராய்ச்சிகளுக்கு 80 சதவீத நிதியுதவி அமெரிக்காவால் வழங்கப்படுவது குறிப்பிடத்தக்கது