அமைச்சர் அதாவுல்லாவின் மற்றுமொரு கண்டுபிடிப்பு..!

கிழக்கு மாகாண சபை தேர்தலில் ஸ்ரீலங்கா முஸ்லிம் காங்கிரஸுக்கு  அளிக்கின்ற ஒவ்வொரு வாக்குகளும் வடக்கையும், கிழக்கையும் இணைப்பதற்குரிய சதித்திட்டத்திற்கு துணை போகுமென தேசிய காங்கிரஸின் தலைவரும், உள்ளூராட்சி மாகாண சபைகள் அமைச்சருமான ஏ. எல். எம். அதாவுல்லா தெரிவித்தார்.

நிந்தவூரில் நடைபெற்ற இப்தார் நிகழ்வின் போது பிரதம அதிதியாக கலந்துகொண்டு உரையாற்றுகையிலேயே அவர் மேற்கண்டவாறு தெரிவித்தார். இந்நிகழ்வில் தொடர்ந்தும் பேசுகையில்,

பிராந்தியத்தில் இனவாதத்தை தூண்டி, நாட்டில் பிரச்சினையை தோற்றுவித்து அதன் மூலம் மாகாண சபை தேர்தலில் வாக்குகளை வேட்டையாட சில சக்திகள் முயற்சிக்கின்றன. இதற்கு மக்கள் ஒருபோதும் துணைபோகக் கூடாது எனக் கூறினார்.