எகிப்தின் முதற்சுற்று தேர்தல் முடிவுகள் - இஹ்வான்களுக்கு பின்னடைவு

எகிப்திலிருந்து ஹபிபுல்லா பைஸ்

 எகிப்தில் நடந்து முடிந்த ஜனாதிபதிக்கான தேர்தலின் உத்தியபூர்வ தேர்தல் முடிவுகள் இன்று உயர் தேர்தல் ஆணையகத்தினால் வெளியிடப்பட்டுள்ளது. உத்தியாக பூர்வமாக அறிவிக்கப்பட்டாலும் இன்னும் சற்று நேரத்தின் பின்னே எல்லா ஊடகங்கள் மூலம் வெளியிடப்படவுள்ளது . அந்த அடிப்படையில்,

 இஹ்வான்கள் சார்பாக போட்டி இட்ட “முஹம்மது முர்சி” 5624673 வாக்குகளை பெற்று முதலாவது இடத்திலும்,

 முன்னைய முபாரக்கின் உறுப்பினராக இருந்து இந்த தேர்தலில் போட்டி இட்ட முபாரக்கின் எச்சமான “அஹ்மத் சபீக்” 5223624 வாக்குகளை பெற்று இரண்டவாது இடத்திலும்,

தனித்து போட்டி இட்ட “ஹம்தீன் சபாஹி” 4670960 வாக்குகளை பெற்று மூன்றாவது இடத்திலும்,

 இன்னும் தனித்து போற்றி இட்ட “அபூ புத்துஹ்” 3980746 வாக்குகளை பெற்று நாலாவது இடத்திலும் உள்ளனர்.

 ஆனால் எகிப்தின் தலைநகராக இருக்கும் கெய்ரோவில் 993464 வாக்குகளை பெற்று “ஹம்தீன் சபாஹி” வெற்றி பெற்றுள்ளார் .இரண்டாவது இடத்தில் “அஹ்மத் சபீகும்” , மூன்றாவது இடத்தில இஹ்வானிய வேட்பாளர் “முஹம்மது முர்சியும்” உள்ளனர.

இதில் குறிப்பிட தக்க விடயம் என்னவென்றால் இஹ்வானிய வேட்பாளர் “முஹம்மது முர்சி” இதில் தோல்வியை தழுவி இருப்பதாகவே தெரிகிறது .இது “மீள் ஜனாதிபதி தேர்தலில்” எந்தவித மாற்றத்தை ஏட்படுத்தும் என்று பொறுத்து இருந்து தான் பார்க்க வேண்டும்.

 ஆனால் எகிப்தின் மாற்று மொரு பெரிய பிரதேசமான “அல்ஜீசா” என்ற பிரதேசத்தில் இஹ்வானிய வேட்பாளர் வெற்றி பெற்று இருப்பது “மீள் ஜனாதிபதி தேர்தலில்” தாக்கத்தை செளுத்தும்மென எதிர்பாக்கப்படுகிறது .

 இரண்டு முக்கிய வேட்பாளருக்கான வாக்குகள் விகிதாசாரம் அடிப்படையில் சிறிய வேறுபாடுகளே காணப்படுகின்றன . எனவே “மீள் ஜனாதிபதி தேர்தலில்” வெற்றி பெற வேன்றும் என்றால் மற்றைய ஜனாதிபதி வேட்பாளர்கள் யாருக்கு ஆதரவு வழங்குகிரார்களோ அவர்தான் அதிகம் வெற்றி பெரும் வாய்ப்பு உள்ளது .எனவே இதற்கு கால நகர்வுகளே பதில் சொல்லும் .நாமும் பொறுத்திருந்து பார்ப்போம் . நல்லாட்சி நிலவ நாமும் அல்லாஹ்விடம் பிரார்த்தனை செய்வோம்.