முழுமையான அரசு அந்தஸ்தினை கோருவோம் - மஹ்மூத் அப்பாஸ்

பாலஸ்தீன் அதிபர் மஹ்முத் அப்பாஸ் தமது மக்களுக்கான ‘முழுமையான அரசு’ அந்தஸ்தினைக் கோரி ஐநாவில் விண்ணப்பிக்கவுள்ளதாக அறிவித்துள்ளார்.

பாலஸ்தீன அரசுக்கான அந்தஸ்தை இன்னும் ஒருவாரத்தில் ஐநா சபையில் கோருவார் என்று எதிர்பார்க்கப்பட்ட நிலையிலேயே தனது மக்களுக்காக ரமல்லாவில் நிகழ்த்திய உரையில் அப்பாஸ் இதனை தெரிவித்துள்ளார்.

 கிழக்கு ஜெருசலேத்தை தலை நகராகக் கொண்டு, 1967 இல் இருந்த எல்லைகளின்படியான பிராந்தியத்தை பாலஸ்தீன அரசாக அங்கீகரிக்குமாறு பாதுகாப்பு கவுண்சிலுக்கு அப்பாஸ் விண்ணப்பிக்கவுள்ளார்.

மேற்குக் கரை, காசா, கிழக்கு ஜெருசலேம் மற்றும் 1967இல் இஸ்ரேலினால் ஆக்கிரமிக்கப்பட்ட எல்லா நிலப்பரப்புகளையும் உள்ளடக்கியதாக இந்த எல்லை அமைந்துள்ளது.