இலங்கையில் திருமணத்தை விரும்பும் இந்தியர்கள்.

இந்தியத் திருமணச் சந்தை குறித்த புதிய ஆய்வறிக்கை ஒன்றில், 2025ஆம் ஆண்டில் இந்தியர்களின் வெளிநாட்டுத் திருமணத் தங்குமிடங்களுக்கான விருப்பத் தேர்வுகளில் இலங்கை அதிவேகமாக வளர்ந்து வரும் நாடாக உருவெடுத்துள்ளதாகத் தெரிவிக்கப்பட்டுள்ளது.

‘வெட்மீ குட்’ (WedMeGood) தளத்தின் ‘2026 இலக்குத் திருமண அறிக்கை’ (Destination Wedding Report 2026) இந்தத் தகவலை வெளியிட்டுள்ளது.

2025ஆம் ஆண்டில் இந்தியத் திருமணங்களுக்கான வெளிநாட்டுத் தேர்வுகளில் இலங்கை 25% அதிகரிப்புடன் முதலிடத்தில் உள்ளது.

இந்தியாவிற்கு அருகாமையில் அமைந்திருப்பது, எளிதான போக்குவரத்து வசதிகள் மற்றும் உயர்தர சொகுசு விருந்தகங்கள் கட்டமைப்புகள் இதற்கு முக்கிய காரணங்களாகப் பார்க்கப்படுகின்றன.