அனைத்து பாடசாலைகளுக்கும் ஸ்மார்ட் போர்டுகள் - பெற்றோரிடமிருந்து பணம் வசூலிக்கக் கூடாது

2026 ஆம் ஆண்டளவில் அனைத்து பாடசாலைகளுக்கும் ஸ்மார்ட் போர்டுகள் மற்றும் இணைய வசதிகள் வழங்கப்படுமெனவும் இதற்காக பெற்றோரிடமிருந்து பணம் வசூலிக்கக் கூடாது எனவும் பிரதமர் உத்தரவிட்டுள்ளார்.

2027 ஆம் ஆண்டு முதல் தரம் 2 மற்றும் தரம் 6 மாணவர்களுக்காக புதிய கல்விச் சீர்திருத்தங்கள் அறிமுகப்படுத்தப்படும். ஆரம்பப் பிரிவில் ஒரு வகுப்பிற்கு 25-30 மாணவர்களும், இரண்டாம் நிலைப் பிரிவில் அதிகபட்சமாக 35 மாணவர்களும் இருக்குமாறு திட்டமிடப்பட்டுள்ளது.

சம்பந்தப்பட்ட சுற்றறிக்கைகளின் விதிமுறைகளுக்கு வெளியே, எந்தச் சூழ்நிலையிலும் மாணவர்கள் பாடசாலைகளில் சேர்க்கப்படக் கூடாது. வகுப்பறைகளை மேம்படுத்தும்போது, அவை செய்முறை மற்றும் செயல்பாடு சார்ந்த கற்றலுக்கு ஏற்றவையாக இருப்பதை உறுதி செய்வதற்கான திட்டங்களைப் பொறியியல் பிரிவு தற்போது தயாரித்து வருகிறது. பாடசாலைகளில் உள்ள சில சிக்கல்களை மாகாண சபை மற்றும் உள்ளூராட்சி மட்டங்களில் தீர்க்க முடியும் எனவும் சுட்டிக்காட்டப்பட்டுள்ளது.