ஓய்வு வாழ்க்கையை, குறைந்த செலவில் அனுபவிக்கக்கூடிய நாடாக இலங்கை

வெளிநாட்டவர்கள் ஓய்வு வாழ்க்கையை மேற்கொள்ள உலகின் மிகவும் செலவுக்குறைவான நாடாக இலங்கை தேர்வு செய்யப்பட்டுள்ளது. 2026 ஆம் ஆண்டுக்கான உலகளாவிய ஓய்வூதிய குறியீடு (Global Retirement Index) அறிக்கையை வெளியிட்ட International Living இதழின் ஆய்வில் இது தெரிவிக்கப்பட்டுள்ளது.

குறைந்த செலவில் உயர்ந்த வாழ்க்கைத் தரத்தை அனுபவிக்கக்கூடிய நாடுகளின் பட்டியலில் இலங்கை முன்னணியில் திகழ்கிறது. இதன்படி, மலிவு விலையில் செலவு செலுத்தும் திறன் பிரிவில் 98 மதிப்பெண்கள் பெற்று இலங்கை உலகில் முதலிடத்தைப் பிடித்துள்ளது.

இலங்கையில் உணவு மற்றும் காய்கறிகளின் குறைந்த விலை, எளிதான போக்குவரத்து, தரமான குறைந்த செலவிலான சுகாதார சேவைகள் ஆகியவை இந்த உயர்ந்த தரவரிசைக்குக் காரணமாகக் குறிப்பிடப்பட்டுள்ளன. ஆசியாவில் ஓய்வூதிய வீசா பெற எளிதானதும் செலவுக்குறைவானதுமான நாடுகளில் ஒன்றாக இலங்கை அங்கீகரிக்கப்பட்டுள்ளது.