October 08, 2021

புனித ஹரம் ஷரீபில் 40 வரு­டங்­க­ளாக, சேவை­யாற்றும் பாக்­கியம் பெற்ற அஹமத் கான்


புனித மக்­காவில் உள்ள மஸ்­ஜிதுல் ஹரம் பள்­ளி­வா­சலில் சுமார் நான்கு தசாப்­தங்­க­ளாக துப்­ப­ர­வாக்கல் பணி­யினை செய்து வரும் பாக்­கி­யத்தைப் பெற்­ற­வர்தான் பாகிஸ்­தானைச் சேர்ந்த அஹமத் கான். 61 வய­தான இவர், 1983 இல் தனது 23 ஆவது வயதில் சவூதி அரே­பி­யாவின் மக்­கா­வுக்கு தொழில் தேடி பயணம் செய்­தி­ருக்­கிறார். அந்த நேரத்தில் தனது அடுத்த நான்கு தசாப்த வாழ்க்­கையை மக்­காவில் தான் தொட­ரப்­போ­கிறேன் என அவர் நினைத்­தி­ருக்­கவே இல்லை.

தற்­போது அஹமத் கான் மஸ்­ஜிதுல் ஹரமில் துப்­ப­ரவு தொழி­லா­ளர்­க­ளுக்­கான பிர­தான மேற்­பார்­வை­யா­ளர்­களுள் ஒரு­வ­ராக இருக்­கிறார். பாகிஸ்­தானில் இருந்து சவூதி அரே­பி­யா­வுக்கு செல்­லும்­போது தனது பெற்­றோ­ரிடம் தான் விரைவில் நாடு திரும்­பு­வ­தா­கவே அவர் சொல்­லி­யி­ருக்­கிறார். ஆனால் மஸ்­ஜிதுல் ஹர­முக்கு சேவை செய்­வதை தனது பாக்­கி­ய­மாகக் கரு­திய அஹமத் கான் சொந்த நாட்­டுக்குத் திரும்பிச் செல்­லாது சவூ­தியி­லேயே தங்கி விட்டார். மஸ்­ஜிதுல் ஹரம் பள்­ளி­வா­சலின் இரண்­டா­வது மூன்­றா­வது விரி­வாக்கத் திட்­டங்கள் மற்றும் கஃபா மறு­சீ­ர­மைப்பு திட்­டங்­க­ளின்­போது அர்ப்­ப­ணிப்­புடன் அஹமத் கான் தமது வேலை­களை செய்­தி­ருந்­த­துடன் குறித்த பணி­களை நேர­டி­யாக கண்­களால் காணும் பாக்­கி­யத்­தையும் பெற்­றி­ருக்­கிறார்.

சவூதி அரே­பி­யாவில் 40 வரு­டங்களாக காலம் கடத்­து­கின்ற போதிலும் தான் ஒரு­போதும் குடும்­பத்­திடம் இருந்து விலகி இருப்­ப­து­போல உணர்ந்­த­தில்லை என்று அஹமத் கான் கூறு­கிறார். அஹமத் கான் எப்­போதும் தன்னை ஒரு அதிஷ்­ட­சா­லி­யா­கவே உணர்­கிறார். “மஸ்­ஜிதுல் ஹரம் பள்­ளி­வா­ச­லுக்கு சேவை செய்­வ­தோடு மாத்­தி­ர­மன்றி அங்கு தொழு­வ­தற்கும் முடி­கின்­றது. நான் எப்­போதும் புனித கஃபா­வுக்கு மிக அருகில் தான் இருக்­கிறேன். இது இறை­வ­னுடன் சிறந்த உறவைக் கொண்ட நப­ருக்கு மட்­டுமே கிடைக்கும் ஒரு பெரிய பாக்­கியம். நான்கு தசாப்­தங்­க­ளாக இந்த வேலையைச் செய்ய முடிந்­ததில் நான் மன­நி­றை­வ­டை­கிறேன்” என அவர் தெரி­விக்­கிறார்.

ஆரம்ப நான்கு வரு­டங்­களும் வெளிப்­புற முற்­றங்­களை சுத்தம் செய்­வதில் பணி செய்த அஹமத் ஒவ்­வொரு கால கட்­டத்­திலும் பல்­வேறு பணி­களை மாறி மாறி செய்­துள்ளார். சக முஸ்­லிம்கள் சமய கட­மை­களை செய்­யும்­போது வச­தி­யாக உணர வேண்டும் என்று எப்­போதும் கரி­ச­னை­யுடன் செயற்­பட்டு வந்­த­தாக அவர் தெரி­விக்­கிறார். அதனை மிகவும் விருப்­பத்­துடன் ஒரு கட­மை­யாக மற்றும் பாக்­கி­ய­மாக எண்ணி செய்து வரு­கிறார்.

மன்னர் பஹத் பின் அப்துல் அஸீஸ் அவர்­களின் ஆட்­சியில் சவூதி அரே­பி­யா­வுக்கு வருகை தந்த அஹமட் சவூ­தியின் பல்­வேறு வர­லாற்றுச் சிறப்­பு­மிக்க சம்­ப­வங்­களை நேர­டி­யாகக் கண்­டுள்­ள­துடன் கஃபாவை மறு­சீ­ர­மைக்கும் காட்­சிகள் மற்றும் மஸ்­ஜிதுல் ஹரம் பள்­ளி­வா­சலை விரி­வு­ப­டுத்தும் பணி­க­ளையும் நேரில் காணும் வாய்ப்­பினை பெற்­றவர் ஆவார். எப்­போதும் இந்த விட­யங்­களை நினை­வு­ப­டுத்தி தன்னை ஒரு அதிஷ்­ட­சா­லி­யாக உணரும் அஹமத் கான்; அவ்­வா­றான விட­யங்­களை எல்லா இடங்­க­ளிலும் மகிழ்ச்­சி­யுடன் நினைவு கூர்வார். மன்னர் பஹத் பின் அப்துல் அஸீஸ் ஆட்சிக் காலத்தில் கஃபாவை புன­ர­மைக்கும் வேலைத்­திட்­டத்தை நேரில் கண்ட இவர் தனது வாழ்க்­கையில் அதை ஒரு மிகவும் அழ­கான விட­ய­மாக உணர்­கிறார்.

இவ்­வா­றான வர­லாற்று சிறப்­பு­மிக்க விட­யங்­களை காணும் பாக்­கி­யத்தை வழங்­கு­வ­தற்கு தன்னை இறைவன் தேர்ந்­தெ­டுத்­தி­ருக்­கிறான் என்று அஹமத் கான் நம்­பு­கிறார். தனது கடி­ன­மான உழைப்பு மற்றும் நேர்மை என்­ப­வற்­றிற்­காக அனைவர் மத்­தி­யிலும் நன்­ம­திப்பை இவர் பெற்­றி­ருந்தார். உலகின் எல்லா பகு­தியில் இருந்தும் வரும் அன்­பான மக்­களை வர­வேற்று அவர்கள் புனித இஸ்­லா­மிய சமய கட­மை­களை வச­தி­யான முறையில் செய்து முடிப்­ப­தற்­கான ஏற்­பா­டு­களை செய்­வ­தையே அஹமத் கான் பெரிதும் விரும்­பு­கிறார். அர்ப்­ப­ணிப்­பு­டனும் மிகுந்த விருப்­பத்­து­டனும் குறித்த சேவை­யினை அவர் செய்து வரு­கின்றார்.

அஹமத் கான் மூன்று பிள்­ளை­களின் தந்­தை­யாவார். அவ­ரது இரண்டு மகன்­களுள் ஒருவர் புனித மக்­காவின் இலத்­தி­ர­னியல் திணைக்­க­ளத்தில் பணி செய்­கிறார். மகளும் மகனும் பாகிஸ்­தானில் வசிக்­கி­றார்கள். புனித மக்கா மற்றும் மதீ­னா­வுக்­காக சேவை செய்­யும்­போது தனிமை உணர்வோ அல்­லது களைப்போ வரு­வ­தில்லை என்று சொல்லும் அஹமத் கான், மக்­கா­வில்தான் தனது உடல் அடக்கம் செய்யப்பட வேண்டும் என்று மிகவும் உணர்வுபூர்வமாக கூறு­கிறார். புனித பள்ளிவாசலின் எந்தவொரு இடத்திலும் அன்பு, சந்தோஷம், அமைதி, அருள் என்பவற்றை பெற முடிகின்றது என்றும் அஹமட் கருதுகிறார்.

(சவூதி அரே­பி­யாவிலிருந்து வெளி­வரும் அரப் நியூஸ் பத்­தி­ரி­கையில் வெளி­யான ஆக்­கத்தின் தமிழ் வடி­வம்) – Vidivelli , எம்.ஏ.எம். அஹ்ஸன்


0 கருத்துரைகள்:

Post a Comment