முகத்துடன் கோபித்துக்கொண்டு, மூக்கை வெட்டவேண்டாம் – மகிந்த தேசப்பிரிய

எதிர்வரும் பொதுத்தேர்தலில் எவரேனும் வாக்களிப்பதை தவிர்த்துக்கொண்டால் அது முகத்துடன் கோபித்துக்கொண்டு மூக்கை வெட்டுவதற்கு சமமானது என தேர்தல்கள் ஆணைக்குழுவின் தலைவர் மகிந்த தேசப்பிரிய தெரிவித்துள்ளார்.

இலங்கை மக்களிடம் உள்ள எவரேனும் கொள்ளையடிக்க முடியாத சொத்து வாக்கு என அவர் தெரிவித்துள்ளார்.

வாக்குரிமை என்பது உயிருக்கு அடுத்த இடத்தில் உள்ளது எனவும் அவர் குறிப்பபிட்டுள்ளார்.

இதன் காரணமாக எவராலும் பறிக்கமுடியாத வாக்குரிமையை இழப்பார்கள் என்றால் அது முகத்துடன் கோபித்துக்கொண்டு மூக்கை வெட்டுவதற்கு சமமானது என அவர் தெரிவித்துள்ளார்.

விருப்பத்துடன் வாக்களியுங்கள், இம்முறை தேர்தலில் வாக்களிக்கும்போது சில சுகாதர விதிமுறைகள் உள்ளன அவற்றை கடைப்பிடியுங்கள் என அவர் தெரிவித்துள்ளார்.