Header Ads

எனக்கு எதிராக மக்கள் ஆர்ப்பாட்டம் நடத்தவில்லை, கோத்தாபய சிறப்பாகச் செயற்பட்டார், எங்களுக்கு பணப் பற்றாக்குறை உள்ளது


பிரதமர் மகிந்த ராஜபக்ச தற்போது தனது அரசியல் வாழ்வில்  மிகக் கடினமான சவால்களிலொன்றை எதிர்கொண்டுள்ள நிலையில், இப்போது போது ஏற்பட்டுள்ள நெருக்கடிகளுடன் அவரை பதவி விலகுமாறு சில தரப்பினர்  அழைப்பு விடுத்துள்ளனர். மக்கள் ஆணையின் மூலம் தேர்ந்தெடுக்கப்பட்டதால், தானும் ஜனாதிபதியும் பதவி விலகுவது நடைமுறைசாத்தியமானது  இல்லை என்றுகுறிப்பிட்டிருக்கும் பிரதமர் மகிந்தராஜபக்ச  , பொறுமையாக இருக்குமாறு  மக்களை வலியுறுத்தியுள்ளார். டெய்லி மிரருக்கு வழங்கியநேர்காணலில் அவர் இதனைத் தெரிவித்திருக்கிறார் ,அத்துடன்  இரு சகோதரர்களுக்கிடையிலும்  பிளவு எதுவும்  இல்லையெ னவும் , விரைவில் இயல்பு நிலை யை ஏற்படுத்துவதற்காக  பிரச்சனைகளுக்கு  தீர்வு கண்டு  வருவதாகவும்அவர் மேலும் தெரிவித்துள்ளார்  .

பேட்டி  வருமாறு ;

கேள்வி ; பிரதமர்  அவர்களே, உங்களைப் பதவி விலகி   வீட்டுக்குச் செல்லுங்கள் என்று  சில பிரிவினர் அழைப்பு விடுத்துள்ள நேரத்தில் இன்று நான் உங்களைச் சந்திக்கிறேன். கடந்த ஆண்டு இதை யாரும் கற்பனை செய்துகூடப்  பார்த்திருக்க மாட்டார்கள். இதை நீங்கள் எவ்வாறு  கருது கிறீர்கள்?

பதில்; இதைப் பார்ப்பது எனக்குப் பரவாயில்லை. இலங்கை போன்ற ஒரு நாட்டில் மக்கள் எனக்கு எதிராகவும் ஆதரவாகவும்  எதிராகவும் இருக்கும் ஜனநாயகம் உள்ளது, எனவே மக்கள் தங்கள் கருத்துக்களைதெரிவிக்க முடியும். அதைச் செய்ய அவர்களுக்கு உரிமை உண்டு. அப்போது போரை முடிவுக்கு கொண்டு வந்து, அபிவிருத்தி செய்தல், முதலீடுகளை கொண்டு வருதல், பொருளாதாரத்தை வலுப்படுத்துதல் போன்றவற்றின் மூலம் பொதுமக்கள் விரும்பியதை நான் வழங்கிய போது, ​​அவர்கள் என்னை விரும்பினார்கள். ஆனால் இன்று சில பிரிவினர் என்னை விரும்பவில்லை, எனவே அவர்கள் என்னை செல்லுமாறு கோரு கிறார்கள். அதனால் பரவாயில்லை. இந்த நாட்டு மக்களுக்காக என்ன செய்தோம் என்பதை மறந்து விடுவதுதான் மனித இயல்பு. நாம் பாதுகாத்து அவர்களுக்குக் கொடுத்த ஜனநாயகத்தின் காரணமாக அவர்கள் தங்கள் கருத்துக்களை சுதந்திரமாக வெளிப்படுத்துகிறார்கள்.


0000000000

“எங்களுக்கு ஒரு ஆணை கிடைத்துள்ளது, மக்கள் எங்களை மாற்ற விரும்பினால், அவர்கள் அதை தேர்தலின் மூலம் செய்யலாம்”

0000000000

கேள்வி; 2020 பொதுத் தேர்தலில் அதிக விருப்பு வாக்குகளைப் பெற்றுள்ளீர்கள். ஆனால் இன்று உங்களுக்கும் ஜனாதிபதிக்கும் எதிராக மக்கள் வீதியில் இறங்கியிருக்கிறார்கள். அதைப் பற்றி நீங்கள் என்ன சொல்ல முடியும்?

பதில்;குறிப்பிட்ட சில பிரிவினரே இவ்வாறு கூறி வருகின்றனர். இந்தப் பிரிவுகளுக்குள்ளேயே எப்போதும் எ மக்கு எதிராக இருக்கும் சில குழுக்கள் உள்ளன. இவர்கள்தான் எங்களை போகச் சொல்கிறார்கள். ஆனால் அது நடைமுறையில் இல்லை. நாங்கள் ஒரு ஆணையின் மூலம் உள்ளே வந்தோம். சிலர் நாம் போக வேண்டும் என்று விரும்புவதால் நாங்கள் செல்வோம் என்று அர்த்தமல்ல. எமக்கு ஆணை கிடைத்துள்ளது, மக்கள் எம்மை மாற்ற விரும்பினால் தேர்தலின் மூலம் அதனைச் செய்ய முடியும்.

 கேள் வி;. ஆனால் இப்போதும்கூட  உங்கள் வாக்குத் தளம் அப்படியேயே  இருப்பதாக நினைக்கிறீர்களா?

பதில்;முழுமையாக . இதே வாக்காளர்கள் அடுத்த தேர்தலில் எனக்கு வாக்களிப்பார்கள், ஏனென்றால் நான் யார், நான்எவ்வாறு  என்பது பற்றி அவர்களுக்குத் தெரியும். எனக்கு அந்த நம்பிக்கை இருக்கிறது. பாருங்கள் , அந்த மக்கள் எனக்கு எதிராக போராட்டம் நடத்தவில்லை. சில பிரிவினர் என்னை செல்லுமாறு கோருவதால்  எங்களுக்கு வாக்களித்த நூறாயிரக்கணக்கான மக்கள் நாங்கள் செல்ல வேண்டும் என்று விரும்புவதில்லை. இந்த எதிர்ப்பாளர்கள் மட்டும் முழு மக்களையும் பிரதிநிதித்துவப்படுத்துவதில்லை, இருப்பினும் அவர்களின் கருத்துக்களும் மதிக்கப்படுகின்றன.


 கேள்வி  பிரதம ர்  அவர்களே, தற்போதைய பிரச்சினைகளால் ராஜபக்சவின் பெயர் கடுமையாகக் களங்கமடைந்துள்ளது. ‘கோ  ஹோம்  ராஜபக்ச ’ பிரசாரத்தை மக்கள் முழுவீச்சில் மேற்கொண்டு வருகின்றனர். இதனை நீங்கள்எவ்வாறு  கருது கிறீர்கள்?

பதில்;இது எ மக்குப் புதிதல்ல. இது பல ஆண்டுகளாக நடந்து வருகிறது. ஆனால் இன்னும் நாங்கள் இங்கே இருக்கிறோம். நாங்கள் மக்களின் தேர்வு என்பதால் ஆணையின் மூலம் உள்ளே வந்தோம். நாங்கள் மக்களுடன் இருக்கிறோம். நாங்கள் மக்களிடமிருந்து வந்தவர்கள். நாம் மக்களுடன் இருக்கும் போது, ​​எங்களிடம் நம்பிக்கையும் இருக்கிறது, அதற்கேற்ப செயற் படுவோம். மக்கள் எங்களை விரும்புவதால் நாங்கள் இங்கு இருக்கிறோம். மக்கள் விரும்பும் நாளில் நாங்கள் செல்வோம். 2015ல் நடந்த தேர்தலில் தோல்வி அடைந்தோம். பின்னர் 2019 இல் நாங்கள் திரும்பி வந்தோம். எனவே பெரும்பான்மையானவர்கள் எங்களுடன் இருக்கிறார்கள்.

 கேள்வி;உங்கள் சகோதரர் ஜனாதிபதி கோத்தாபய ராஜபக்சவுக்கும்  உங்களுக்கும் இடையில் பிளவு ஏற்பட்டுள்ளதாக தற்போது செய்திகள் வெளியாகியுள்ளன. இரு சகோதரர்களுக்கும் இடையில் ஏற்பட்டுள்ள உட்   பூசல்கள் காரணமாக நாட்டில் கடுமையான அரசியல் ஸ்திரமற்ற நிலை ஏற்பட்டுள்ளதாக செய்திகள் வெளியாகியுள்ளன. இதைப் பற்றி நீங்கள் என்ன கூற  முடியும்?

பதில்;இதெல்லாம் பொய்.கோத்தாபய  ராஜபக்ச ஜனாதிபதி. எனவே நான் எப்போதும் அவரை ஜனாதிபதியாக மதிக்க வேண்டும். அவர் என் தம்பியாக இருக்கலாம், ஆனால் அது வேறு விட யம். அது ஒரு தனிப்பட்ட உறவு. ஆனால் அவர் ஜனாதிபதி, அதற்காக நான் அவரை மதிக்கிறேன். எல்லோரையும் போல நாங்களும் வாதிடுகிறோம்,


அமைச்சரவையில் கூட வாதிடுகிறோம். ஆனால் எங்கள் வாதங்கள் அங்கேயே நின்று விடுகின்றன. அவர் ஜனாதிபதி, நான் பிரதமர், நாங்கள் ஒரே பக்கத்தில் இருக்கிறோம். எங்கள் இருவருக்குமிடையில் வாக்குவாதங்கள் ஏற்பட்டால் ஜனாதிபதி மற்றும் பிரதமராக தொடர்ந்து செயற்பட முடியாது. அது நாட்டுக்கு நல்லதல்ல. எனவே உங்கள் கேள்வியில் நீங்கள் கூறியதுபோல்  அப்படி எதுவும் இல்லை. நாம் ஒன்றாக அமர்ந்து தற்போதைய அனைத்துப் பிரச்சினைகளையும்கலந்துரையாடி  எப்படி முன்னேறுவது என்பது குறித்த உடன்பாடுகளை எட்ட முடியும்.

0000000000

“நாங்கள் பல நாடுகளுடன் கலந்துரையாடி வருகிறோம். இங்குள்ள தூதர்களை அடிக்கடி சந்தித்து வருகிறோம்.”

000000000

கேள்வி;பிரதமரே, 2019 ஆம் ஆண்டு ஜனாதிபதி வேட்பாளராக உங்கள் சகோதரர் கோத்தாபய  ராஜபக்சவை முன்வைத்தீர்கள். அவருக்கு வாக்களிக்குமாறு மக்களை நம்பவைத்தீர்கள். இன்று நாம் எங்கே இருக்கிறோம் என்று பாருங்கள். உங்களுக்கு ஏதேனும் கவலைகள் இருக்கிறதா?

பதில்;இல்லவே இல்லை. கோத்தாபய  ராஜபக்ச சிறப்பாகச் செயற்பட்டதாகவும், சிறப்பான பணியைச் செய்திருப்பதாகவும் தனிப்பட்ட முறையில் நான்கருதுகிறேன் . இன்று நாம் பிரச்சினைகளை எதிர்கொள்கிறோம் என்பது உண்மைதான், ஆனால் கூடிய விரைவில் இயல்புநிலையை மீட்டெடுக்க நாங்கள் கடுமையாக உழைத்து வருகிறோம். மக்களுக்கு நிவாரணம் வழங்குவது மற்றும் பொருளாதாரத்தை மீண்டும் தடத்தில் கொண்டு செல்வதற்கான வழிகளைப் பார்ப்பதுதான் இப்போது எங்களின் அக்கறையாகும் . கோத்தாபய ஜனாதிபதியாக பதவியேற்ற போது எங்களிடம் கோவிட்-19 தொற்று நோய் இருந்தது அதனால் நாம் கடுமையாக பாதிக்கப்பட்டோம்  என்பதை உணர்ந்துகொள்வதுஅவசியம்  . ஆனால் அதே நேரத்தில் நாடுகள்அந்நோயி னால்  போராடிக் கொண்டிருக்கும் போது மக்களுக்கு தடுப்பூசி போட்டோம். எனவே ஜனாதிபதி தோல்வியடைந்ததாக கூறும்போது அது உண்மையானதல்ல . , தற்போது நிலவும் பொருளாதார பிரச்சினைகளை குறைப்பதற்கான வழிமுறைகளை நாங்கள் இப்போது பார்க்கிறோம், இவை அனைத்தும் விரைவில் முடிவடைந் து மக்களுக்கு நிவாரணம் கிடைக்கும் என்று நாங்கள் நம்புகிறோம்.

 கே ள்வி ;அப்படியானால் இந்த பிரச்சினைகளை உங்களாலும் ஜனாதிபதியாலும் தீர்த்து வைக்க முடியும் என்று நீங்கள் நம்புகிறீர்களா?

பதில் முழுமையாக ,  நாங்கள் ஏற்கனவேஅதுதொடர்பாக  அமைச்சரவையுடனும்  எம்.பி.க்களுட னும் , பணியாற்றி வருகிறோம். நிச்சயமாக  இதிலிருந்து வெளியேறி, விரைவில் இந்தப் பிரச்னைகளைத் தீர்த்துவைக்க முடியும்.

கேள்வி ; நீங்கள் அது  தொடர்பாக  வேலை செய்கிறீர்கள் என்று சொல்கிறீர்கள், ஆனால் இன்றும் மக்கள் தங்கள் அடிப்படைதேவைகளை  பெற்றுக்கொள்ளமுடியவில்லை . எரிபொருள் தட்டுப்பாடு, மின்வெட்டு தொடர்கிறது, மருந்து மற்றும் உணவு தட்டுப்பாடு உள்ளது. உங்களால் உங்கள் பிரஜைகளுக்கு  அடிப்படை வசதிகளை செய்து கொடுக்க முடியவில்லை. அப்படியென்றால் இதையெல்லாம் உங்களால்நிறைவேற்ற  முடியும் என்று நீங்கள் எப்படி நம்புகிறீர்கள்?

பதில்;ஒவ்வொரு அரசாங்கமும் இந்தப் பிரச்சினையை எதிர்கொண்டிருப்பதை நீங்கள் காண்கிறீர்கள். இந்த அரசாங்கம் மட்டுமல்ல. இந்த நேரத்தில் எங்களிடம் பணப் பற்றாக்குறை உள்ளது. மேலும் நாம் எண்ணெய் வாங்குவதற்கு ஏனைய  நாடுகளை சார்ந்திருப்பதால் எண்ணெய்க்கு பணம் கொடுக்க வேண்டும். காலதாமதம் ஏற்பட்டாலும் பணம் செலுத்தி சரக்குகளை விடுவிக்கிறோம். இந்த அடிப்படை அத்தியாவசிய பொருட்கள் முடிந்தவரை பிரஜைகளுக்கு  வழங்கப்படுவதை நாங்கள் உறுதி செய்கிறோம். இன்று மின்வெட்டு காலத்தை குறைக்க முடிந்துள்ளது. சரக்குகள் இறக்கப்பட்டவுடன் விற்பனை நிலையங்களுக்கு எரிபொருளை விநியோகித்து வருகிறோம். உலக வங்கி மற்றும்ஏனைய முகவரமைப்புகள் போன்ற தரப்பினர் எ மக்குத் தேவையான மருத்துவப் பொருட்களைப் பெறுவதற்கு உதவுகின்றன. மக்களுக்கு உணவு கிடைப்பதை உறுதி செய்கிறோம். நிச்சயமாக ஒரு பிரச்சினை இருப்பதை நாம் மறுக்க முடியாது. ஆனால், ஒரு அரசாங்கமாக நாங்கள் விநியோகம் தொடர்வதையும், அது பொதுமக்களை விரைவில் சென்றடைவதையும் உறுதிசெய்கிறோம். இந்த பொருளாதார நெருக்கடியை விரைவில் தீர்த்து விடுவோம் என்பதால் சற்று பொறுமையாக இருங்கள். இந்த அரசாங்கமும் அதன் அமைச்சரவையும் அதன் பாராளுமன்ற உறுப்பினர்களும் பலமாக இருப்பதால்தான் எம்மால் அதைச் செய்ய முடிகிறது.


000000

“அப்போது போரை முடிவுக்கு கொண்டு வந்து, அபிவிருத்தி செய்தல், முதலீடுகளை கொண்டு வருதல், பொருளாதாரத்தை வலுப்படுத்துதல் போன்றவற்றின் மூலம் பொதுமக்கள் விரும்பியதை நான் வழங்கியபோது, ​​அவர்கள் என்னை விரும்பினர். ஆனால் இன்று சில பிரிவினர் என்னை விரும்பவில்லை, எனவே அவர்கள் என்னை செல்லுமாறு கோரு கிறார்கள். அதனால் பரவாயில்லை”

0000000000

கேள் வி;  அரசாங்கம் விரைவில் இந்த நெருக்கடியை தீர்த்து இயல்புநிலையை மீட்டெடுக்கும் என்று நீங்கள் கூறுகிறீர்கள். ஆனால் அதைஎவ் வாறு  சரியான முறையில் செய்ய திட்டமிட்டுள்ளீர்கள்?

பதில்;உடனடி தீர்வாக, எங்களுக்கு உதவ தயாராகஇருக்கும்   நாடுகள் உள்ளன. மேலும் நாங்கள் அவர்களுடன் கலந்துரையாடலை ஆரம்பித்துள்ளோம், அவர்கள் சாதகமாக பதிலளித்துள்ளனர்.

கேள்வி;உங்கள் அரசாங்கம் இந்ததட்டுப்பாட்டை  முடிவுக்குக் கொண்டு வந்து இந்த வருடத்திற்குள் பொருளாதாரப் பிரச்சினைகளைத் தீர்க்க முடியும் என்று நீங்கள் நினைக்கிறீர்களா?

பதில்;ஆம். அதில் எங்களுக்கு நம்பிக்கை உள்ளது. எனவேதான் பொறுமையாக இருக்குமாறு மக்களை கேட்டுக் கொள்கிறோம். ஏனெனில் இது தீர்க்கப்பட்டவுடன், நிறைய முதலீடுகள் மற்றும் அபிவிருத்திகளைமேற்கொள்ள  நாங்கள் திட்டமிட்டுள்ளோம். பொருளாதார மீட்சிக்கான திட்டம் உள்ளது . கொஞ்சம் பொறுமையாக இருங்கள். நாம் மட்டுமல்ல. எந்த அரசாங்கமும் இன்று இதை எதிர்கொண்டிருக்கும்.. ஆனால், இந்த அரசு பலமாக இருப்பதால்தான் இதற்கு விரைவில் தீர்வு காண முடியும். இ திலிருந்து வெளியே வருவோம் என்ற நம்பிக்கை எனக்கு இருக்கிறது.


கேள்வி;பொருளாதார உதவியைப் பெற நீங்கள் எந்த நாடுகளுடன் கலந்துரையாடுகிறீர்கள்?

பதில்;பல நாடுகளுடன் பேச்சுவார்த்தை நடத்தி வருகிறோம். இங்குள்ள தூதர்களை அடிக்கடி சந்தித்து வருகிறோம்.சர்வதேச நாணய நிதி ய கூட்டங்களின் போது  நிதியமைச்சர் பல தலைவர்களை சந்தித்தார். அவர்கள் அனைவரும் எங்களுக்கு உதவுவதாக உறுதியளித்துள்ளனர், இப்போது அவர்களுடன் எங்கள் கலந்துரையாடல் ஆரம்பிக்கப்பட்டுள்ளது .

 கேள்வி . நீங்கள் எல்லாம் எங்கே தவறு செய்தீர்கள் பிரதமரே? இன்று நாம் இருக்கும் நிலை எப்படி வந்தது?

பதில்;இதைஆராய்ந்து  வருகிறோம். இது தொடர்பாக சில உயர்மட்ட பொருளாதார நிபுணர்களின் ஆலோசனையை ஏற்கனவே கேட்டுள்ளோம்.

 கேள் வி; அரசியல் அணியில் ஐக்கிய மக்கள் சக்தி  உங்களுக்கு எதிராக நம்பிக்கையில்லாப் பிரேரணையை முன்வைத்துள்ளது. ஒரு காலத்தில் உங்களுக்கு விசுவாசமாக இருந்த உங்களது தரப்பு  பாராளுமன்ற உறுப்பினர்களே இப்போது உங்களுக்கு எதிராக  இந்த பிரேரணைக்கு ஆதரவை திரட்டி வருகின்றனர். உதய கம்மன்பில, விமல் வீரவன்ச மற்றும் டி ரான் அலஸ் போன்றவர்கள்   எடுத்துக் கொள்ளக்கூடிய சில உதாரணங்களாகும். வேறு பெயர்களும் உண்டு. இதைப் பற்றி நீங்கள் என்ன சொல்ல முடியும்?

பதில்;எனக்கு எதிராகச் செல்வதற்கு  அவர்களுக்கு ஒரு காரணம் இருக்க வேண்டும். இது என்ன காரணம் என்று எனக்குத் தெரியவில்லை, ஆனால் அது அவர்களுக்கு மட்டுமே தெரியும். அவர்கள் என்னை வந்து சந்திக்கவில்லை, ஆனால் நான் அவர்களைப் பார்க்கும்போது நான் அவர்களிடம் பேசுகிறேன். ஆனால் அவர்கள் எந்த முடிவையும் எடுப்பதற்கு முன், என்னிடம் வந்து பேசியிருக்க வேண்டும். இப்படி எனக்கு எதிராகச் செல்வதை விட நாம் இணைந்து செயற் பட்டிருந்தால் அதுவே சரியான செயலாக இருந்திருக்கும். இன்றும் அவர்களுடன் கலந்துரையாடுவதற்கும்  அவர்களிடம்  எனக்கு எதிராகவுள்ள  கவலைகள் என்ன என்பதைப் பார்ப்பதற்கும் நான் தயாராக உள்ளேன்,  ஆனால் அது அவர்களைப் பொறுத்தது.

0000000000

“இன்று நாங்கள் பிரச்சினைகளை எதிர்கொள்கிறோம் என்பது உண்மைதான், ஆனால் கூடிய விரைவில் இயல்புநிலையை மீட்டெடுக்க நாங்கள் கடுமையாக உழைத்து வருகிறோம். இப்போது நாங்கள் கவலைப்படுவது மக்களுக்கு நிவாரணம் வழங்குவது மற்றும் பொருளாதாரத்தை மீண்டும் தடத்தில்  கொண்டு வருவதற்கான வழிகளைப் பார்ப்பதுதான். கோத்தாபய ஜனாதிபதியாக பதவியேற்றபோது, ​​கோவிட்-19 தொற்றுநோய்  எமக்கு ஏற்பட்டது, அது எம்மைப் பாதித்தது. எமது அந்நியச் செலாவணி வரத்து கடுமையாகப் பாதிக்கப்பட்டது. ஆனால் அதே சமயம் நாடுகள் இன்னும் போராடிக் கொண்டிருந்த போது மக்களுக்கு தடுப்பூசி போட்டோம்.

0000000

 கேள்வி:  120 பாராளுமன்ற உறுப்பினர்கள் இப்போது உங்களுக்கு எதிராகநம்பிக்கையில்லாத்தீர்மானத்தில்  வாக்களிக்க தயாராக உள்ளனர் என்று  திங்கட்கிழமை கம்மன்பிலகூறினார். நீங்கள் பிரதமர் பதவியை ராஜினாமா செய்யத் தயாராக உள்ளீர்கள் என்று சில குழுக்களிடமும் தெரிவித்திருக்கிறீர்கள் என்றார். அ து உண்மையா?

பதில்;தற்போதும் நான் பாராளுமன்றத்தில் பெரும்பான்மை ஆசனங்களை வைத்துள்ளேன். ஆனால் இது மாறுமா என்று தெரியவில்லை. அதுதான் அரசியல். பெரும்பான்மையான எம்.பி.க்கள் நான் செல்ல வேண்டும் என்று நினைத்தால், நான் செல்ல வேண்டும்.இது பற்றி  எந்த கேள்வியும் இல்லை.

 கேள்வி ;, 113 ஆசனங்களை  இழந்து பெரும்பான்மையை இழந்தால், பதவி விலகுவீர்களா?

பதில் ;ஆம் நான் செய்வேன். பிறகு நான் ஏன் என் பதவியில் இருக்க வேண்டும்? நான் பொறுக்க மாட்டேன். நான் அப்படிப்பட்ட தலைவர் இல்லை. 2015 இல் நான் தோல்வியடைந்த பின்னர், நான் மீண்டும் ஆட்சிக்கு வந்தேன், ஏனெனில் இந்த நாட்டில் உள்ள பெரும்பான்மையான பொது மக்கள் நான் மீண்டும்  திரும்பி வரவேண்டுமென விரும்பினர். நான் ஆணையின் மூலம் உள்ளே வந்தேன்.

கேள் வி; நீங்கள் பெரும்பான்மையை இழந்தால், உங்கள் திட்டங்கள் எவ்வாறானதாக  இருக்கும்? அரசாங்கத்தில் இருந்து விலகி எதிர்க்கட்சியில் அமர்வீர்களா?

பதில்;எத்தனை எம்.பி.க்கள் எ ம்முடன் இருக்கிறார்கள் என்பதைப் பொறுத்தே இருக்கிறது. பெரும்பான்மை பலம் இருந்தால் நாங்கள் தொடர்ந்து ஆட்சியில் இருப்போம். பெரும்பான்மையை இழந்தால் எதிர்க்கட்சியில் அமர வேண்டியிருக்கும். எதிர்க்கட்சி என்பது எனக்கு விசித்திரமான இடம் அல்ல.

கேள்வி; தற்போது அலரிமாளிகைக்கு வெளியே போராட்டம் நடைபெற்று வருகிறது. உங்கள் அரசாங்கம் தோல்வியடைந்துவிட்டது என்று போராட்டக்காரர்கள் சொல்வதை நீங்கள் கேட்கிறீர்களா?

பதில்;இதுதான் ஜனநாயகம். இருப்பினும் இது முதல் முறை அல்ல. இதற்கு முன்பும் எனக்கு எதிராக போராட்டங்கள் நடந்தன. எனக்கு எதிராக குரல் கொடுக்க மக்களுக்கு உரிமை உள்ளது. ஆனால் தேர்தல் நெருங்கும் போது மக்கள் எங்களுக்கு வாக்களிப்பார்கள், ஏனென்றால் நாங்கள் பல ஆண்டுகளாக  வழங்கியுள்ளோம்.

கேள்வி;ரணிலின் தலைமையில் புதிய அரசாங்கத்தை அமைப்பது தொடர்பில் ஐக்கிய தேசியக் கட்சியின் தலைவர் ரணில் விக்கிரமசிங்கவுடன் நீங்கள் பேச்சுவார்த்தை நடத்தி வருவதாக செய்திகள் வெளியாகியுள்ளன. அதில் ஏதேனும் உண்மை உள்ளதா?

பதில்;இல்லவே இல்லை. நான் அவருடன் அப்படி எதுவும் பேசவில்லை. நான் சஜித்துடனும் பேச்சுவார்த்தை நடத்தவில்லை, ஏனெனில் சஜித், தான் பிரதமராகாவிட்டாலும் , ஜனாதிபதியாக முடியும்  என்று நினைக்கிறார்.

 கேள்வி: 19வது திருத்தத்தை கொண்டு வந்து நிறைவேற்று அதிகாரம் கொண்ட ஜனாதிபதி முறைமையை நீக்க வேண்டும் என நீங்கள் பாராளுமன்றத்தில் குறிப்பிட்டிருந்தீர்கள். அதற்கு என்ன நடக்கிறது?

பதில்;19வது மற்றும் 20வது திருத்தச் சட்டத்தில் உள்ள சில சரத்துக்களை மீண்டும் கொண்டு வந்து 21வது திருத்தத்தில் இணைத்துக்கொள்வது குறித்து ஆய்வு செய்ய உபகுழு ஒன்று நியமிக்கப்பட்டுள்ளது. எனவே அதற்கான பணிகள் நடைபெற்று வருகின்றன. ஆனால் அதற்கு சிறிது காலம் பிடிக்கும். அதுவரை மக்கள் நிறைவேற்று அதிகாரம் கொண்ட ஜனாதிபதிக்கு வாக்களித்துள்ளார்கள் என்பதை ஏற்றுக்கொள்ள வேண்டும்.

கேள்வி ; எனது இறுதி கேள்வி. பாரா ளுமன்றத்தில் உங்களுக்கு ஒரு மகன் இருக்கிறார். தற்போதைய சூழ்நிலையானது  அவரது அரசியல் வாழ்க்கைக்கு முற்றுப்புள்ளி வைத்துவிட்டதாக நினைக்கிறீர்களா?

பதில்;இது அனைத்தும் அவரைப் பொறுத்தது. அவர் (நாமல்) அரசியலில் இருப்பதற்காக தனது தந்தையின் பெயரையோ, சிறியதந்தையின்  பெயரையோ அல்லது பாட்டனாரின்  பெயரையோ பயன்படுத்த  முடியாது. அவர் மக்களுடன் இணைந்து வர வேண்டும். நீங்கள் மக்களுடன் இருந்தால் உங்களை யாராலும் அகற்ற முடியாது. இதுதான் எனக்கு நடந்தது. நான் மக்களுடன் இருந்தேன், இன்னும் மக்களுடன் இருக்கிறேன். 55 ஆண்டுகளாக நான் மக்களுடன் இருக்கிறேன். அதை யாரும் மறுக்க முடியாது. 1970களில் இருந்து இன்று வரை ஒவ்வொரு நாளும் மக்களுக்காக என்னை அர்ப்பணித்து வருகிறேன்.

No comments

Powered by Blogger.