இரக்கம் கொன்ட, இஸ்லாமியனாய் பேசுகிறேன்...!

இனி இங்கே

பாவங்கள் தான் ஆழுமா ????

மனிதம் 

வீழுமா ???

இஸ்லாமியனாய் பேச வரவில்லை -

இரத்தமும் சதையும் கலந்த

சக மனிதனாய்......!

சாவு வரும்

யாருக்கும் தெரியாது

எப்போது .?

எதர்க்காகச் சாகின்றோம்

யாருக்கும் தெரியாது

இப்போது !

இயேசுவின் சிஷ்யர்களே !

உங்கள்

ஆத்மாக்கள் சாந்தி

அடையட்டும் !

எனது பள்ளியாகட்டும் ..

உனது ஆலயமாகட்டும் .

எங்கு இறந்தாலும்

உயிரின் மதிப்பு ஒன்று தான் 

எங்கு ஓட்டப்பட்டாலும்

குருதி நெடி குமட்டல் தான் !

யுத்தம் வேண்டாமென

புத்தன்

வந்தொதுங்கிய பூமி

ரத்தத்தில் நனைகிறதே !

குண்டுச் சத்தத்தில்

உயிர் உரைகிறதே!

நானும் , நீயும்

பிறந்து வளர்ந்த பூமி இது!

உனது இரத்தம்

எனக்கு ஹராமென்றிருக்க -

குன்டு வைத்துச் சிதைப் பேனா

உன்னை ??????

இரக்கம் கொன்ட

இஸ்லாமியனாய் பேசுகிறேன் -

முகங் கண்டிரா உங்களுக்காய்

என் 

உள்ளம் அழுகிறது !

உங்கள்

மதக் கோட்பாடுகளை

சாவடிப்பதில் கூட எமக்கு

சம்மதமில்லை -

உங்களையா  சாவடிப்போம் ??

இயேசு 

உயிர்த்தெழுந்த நாளிலா

நீங்கள்

மரணிக்க வேண்டும் !???

என் சிலுவைத்தோழர்களே ! ஒன்றை

புரிந்து கொள்ளுங்கள்

மதத் தலங்களை இடிப்பதும் ,

தற்கொலையும்

இஸ்லாத்தில் இல்லை !

தற்கொலை குண்டுதாரி

அவன் உடம்பில்

பச்சை குத்தி இருக்கிறானாம்

அராபி மொழியில் . . ...

tatoo -   

அது காட்டவில்லையா ?

அவன்

இஸ்லாமியன் இல்லை .

உனதாலயத்தில்

கிழவனையும் , பிஞ்சுகளையும்

கொன்று குவிக்க

வென்று விடுமா?

இஸ்லாம்  .......

வெட்கித் தலை குனியும் !

எங்களை

மன்னித்தருள்வாயாக

ஏக இறைவா 

இஸ்லாத்தை

சிலுவையில் அறைந்து விட்டார்கள்

எங்களில் சில

யூதாஸ்கள் !

    oooo

 கம்மல்துறை

 எம்மெல் .ஷரான்