நிந்தவூர் வைத்திய அதிகாரி டாக்டர் மாஹிரின் விளக்கம்.

(யு.எல்.எம். றியாஸ்)

2013.07.21ம், திகதி எமது  இணையத்தில் வெளியான நிந்தவூர் வைத்தியசாலை கவனிக்குமா செய்தி தொடர்பாக நிந்தவூர் மாவட்ட வைத்திய அதிகாரி டாக்டர் எம்,சி,எம், மாஹிரின் விளக்கம்.

வைத்தியசாலையானது முற்றுமுழுதாக சேவையின் நோக்காக செயற்படும் ஒரு உன்னத இடமாகும். அதிலும் குறிப்பாக அரசாங்க வைத்தியசாலையானது 24 மணிநேரமும் மக்களுக்கு சேவை செய்யும் ஒரு உன்னத இடமாகும். அந்த வகையில் வைத்தியர்களும் அத்துரைசார்ந்தவர்களும் பெரும் தியாகத்துடனும்,அர்பணிப்புடனும் மக்களுக்கு தன்சேவையை வழங்கி வருவதை நாம் யாவரும் அறிந்த விடயமாகும்.

இதற்கமைய கடந்த ஞாயிற்றுக்கிழமை (21) நிந்தவூர் மாவட்ட வைத்தியசாலையில் இடம்பெற்ற சம்பவமானது முற்றிலும் வைத்தியசாலைக்கு அபகீர்த்தியை ஏற்படுத்தும் வகையில் சிலவிசமிகளால் நடாத்தப்பட்ட விடயமாகும்.

அதாவது குறித்த சம்பவதினம் ஞாயிற்றுக்கிழமை விடுமுறை தினம் அன்றையதினம் வைத்தியசாலையில் கடமையில் இருந்த வைத்தியர் மதியம் இரண்டு மணிக்கு கடமையை முடித்து சென்றுவிட்டார். மறு கடமைக்கு உரிய வைத்தியர் வருவதற்கிடையில் சில நிமிடங்களுக்குள் இச்சம்பவம் இடம்பெற்றுள்ளது.

குறித்த கடமை வைத்தியர் வைத்தியசாலைக்கு வந்துகொண்டிருக்கும் வேளையில் இச்சம்பவம்  இடம்பெற்றுள்ளது.

விபத்தில் பாதிக்கப்பட்ட நபரை வைத்தியசாலைக்கு கொண்டுவந்து அனுமதித்ததும்உடனடியாக வைத்திசாலையில் அவருக்குரிய சிகிச்சைகள் மேற்கொள்ளப்பட்டுக்கொண்டிருக்கும் வேளையில் உரிய கடமை வைத்தியர் வைத்தியசாலைக்கு வருகைதந்துவிட்டார்.

இதற்கிடையில் விபத்தில் காயமடைந்தவரை வைத்தியசாலைக்கு கொண்டுவந்தவர்கள் வைத்தியசாலையின் வைத்தியசேவைக்கு இடையூறு விளைவிக்கும் வகையில் சத்தமிட்டு வைத்தியசாலையின் அமைதிக்கு பங்கம் ஏற்படுத்தும் வகையில் நடந்து கொண்ட விதமானது முழு வைத்தியசாலையின் நடவடிக்கைக்கும் குந்தகம் விளைவிக்கும் அளவுக்கு அவர்களின் நடவடிக்கை அமைந்திருந்தது.

இதனால் கடமையில் ஈடுபட்டிருந்த வைத்தியர்கள் , தாதியர்கள்  உட்பட வைத்தியசாலை  வட்டாரத்தினர் மிகுந்த சிரமத்தை எதிர்கொள்ள வேண்டியிருந்தது

இதேவேளை ஆரம்பகட்ட சிகிச்சையை குரித்தனபருக்கு அவசர சிகிச்சைப்பிரிவில் மேற்கொள்ளபட்டது சாதாரணமாக அவசர சிகிச்சைப்பிரிவில் நோயாளியைத்தவிர வேறு எவரையும் அனுமதிப்பதில்லை . இருந்தபோதும் சிலர் உள்நுழைந்து அவசர வைத்திய சேவைப்பிரிவில் சேவையாற்றிக் கொண்டிருந்த வர்களிடம் சத்தமிட்டு உரத்த தொனியில் எச்சரித்துள்ளார்கள். இதனால் குறித்த தினம் வைத்தியசாலை நிர்வாகம் பெரும் அச்சத்தை எதிர்கொண்டது. இதற்கிடையில் குறித்த நோயாளியை மேலதிக சிகிச்சைக்காக கல்முனை அஸ்ரப் ஞாபகார்த்த வைத்தியசாலைக்கு இடமாற்றம் செய்யப்பட்டது

அவ்வேளையில் நிந்தவூர் மாவட்ட வைத்திய சாலையின் அம்பிலன்ஸ் வண்டியின் சாரதி ஞாயிற்றுக் கிழமை என்பதால் விடுமுறை பெற்றிருந்தார். வாரத்தில் ஒருநாள் அம்பிலன்ஸ் வண்டி சாரதிகளுக்கு விடுமுறை வழங்குவது வழமை. அந்த வகையில் குறித்த சாரதிக்கு விடுமுறை வழங்கப்பட்டிருந்தது அதனால்தான் பக்கத்து கிராமமான காரைதீவு வைத்தியசாலையில் இருந்து அம்பிலன்ஸ் வண்டி பெறப்பட்டு மேலதிக சிகிச்சைக்காக நோயாளி அனுப்பி வைக்கப்பட்டார்,

எமது வைத்தியசாலையானது அம்பாறை மாவட்டத்தில் பலராலும் போற்றத்தக்க வைத்திய சேவையையும் ,அதனோடு இணைந்த சேவைகளையும் செய்து பல தேசிய சான்றுகளை பெற்றுக் கொண்டமை  யாவரும் அறிந்த விடயமே

ஆனால் இதை பொருக்க முடியாத சிலருடன்  (சுலைமான் ராபி ) என்பவருக்கு பிழையான தகவல்களை வழங்கியதுடன் தனது தகப்பனின் அரசியல் இலாபத்தை இரட்டிப்பாக்கும் வகையில் குறித்த சம்பவத்தை பிழையாக சித்தரித்து முழுமையான சரியான தகவல்களை பொறுப்பு வாய்ந்தவர்களிடம் பெற்றுக்கொள்ளாமல் அரை குறையாக தனக்கு கிடைத்த சிறு தகவல்களை வைத்து எழுதிய விடயமானது ஊடக தர்மத்தை அப்பட்டமாக மீறும் ஒரு செயலாகும்

இந்த நடவடிக்கையானது வைத்தியசாலையின் நடவடிக்கைக்கும் சேவைக்கும் களங்கத்தை ஏற்படுத்தியுள்ளது. அது மட்டுமல்லாது இவ்வைத்தியசாலையின் ஒட்டுமொத்த சேவையையும் கொச்சைப்படுத்திய நிலைமையைக் கொண்டுவந்துள்ளது.

ஒரு சிறு தவறை வைத்துக்கொண்டு முழு வைத்தியசாலையின் நடவடிக்கையும் பிழையானது என்று நினைப்பது முற்றிலும் தவறானதாகும். என நிந்தவூர் மாவட்ட வைத்தியசாலையின் வைத்திய அதிகாரி டாக்டர் எம்.சி,எம், மாஹிர் தெரிவித்தார்.