வடமுஸ்லிம்களின் பூர்வீகத்தில் இன்னுமொரு காசாவை உருவாக்கபோகும் வடமாகாண தேர்தல்

(எஸ். ரீ. ரோசன் அஸ்ரப்)

நாரிப்போய் நாசமாகி நாதியற்று போக ஓரு சமுகத்தை அதன் கலாச்சாரத்தை அரசியல் தடயத்தை அழிக்க நினைப்பது தாழ்தப்படட் சிந்தனையில் மலர்ந்த அடக்கு முறையின் சிந்தனை எனலாம்.

பலஸ்தீன காசாவின் கக்கிசங்கள் காசநோயாக தொடர்ந்நு உக்கிரமாகும் ஒரு உலகில். துவைந்து போன உதிர துளிகளும், துவண்டு போன முஸ்லிம் தன்மான உணர்வுகளும் தூரல்களாகவே உலக முஸ்லிம் அரசியல் தலைமைகளை ஈரமாக்குகின்றன. இதற்குள் வேண்டாம் இன்னுமொரு முஸ்லிம் காசா இலங்கையில்.

விடுதலை புலிகளின் அடக்குமுறை சுவாலைகள் 1990களில் பல்லாயிரகணக்கான முஸ்லிம் உணர்வுகளை காசாவாக மாற்றியது இன்னும் அந்த காசாக்கள் புனித இஸ்லாத்துக்கு கட்டுபட்டு. தற்கொலை செய்யாமல் தங்கள் கைகளை இறைவனுக்காக உயர்த்தி பிரார்த்தினையும் கைகளை பனித்து பிச்சையும் ஏந்தி வெந்நு நொந்நு வாழ்வு நடாத்துகின்றது. 

இது 2 மணிநேரம் எனும் விடுதலை புலிகளின் கட்டளை ஏறபடுத்திய கரை படிந்த வரலாற்று காசா அன்மை காலமாக முஸ்லிம் விரோத நாடுகளில் இருந்து இறக்குமதி செய்யப்படுகின்ற சதிகள் சட்டம் எனும் போர்வையில் ஏற்படுத்துகின்ற கொடுமைகள் முஸ்லிம் பூர்வீகத்தில்  வாழ்வாதரத்தில் தீ வைத்து கொண்டு இருக்கின்றது இது இன்னுமோர் காசாவுக்கான சமிஞ்சையாக தோற்றம் பெருகின்றதா?  அப்பாவி முஸ்லிம்களின் வயிற்றில் அடிக்கும் இச்சட்டம் நாளைய முஸ்லிம் வாழ்வில் ஏற்படுத்த போகும் காசா.

புத்திரிகைகளில் பலஸ்தீன காசா பற்றி வீரம் பேசும் அரசியல் வாதிகளுக்கு மத்தியில் வடமாகண முஸ்லிம் பூர்வீகத்தில் பிரசவிக்க   துடிக்கும்.கொடிய காசா சூழலை தடுத்து நிறுத்த குரல்.கொடுக்கும் அமைச்சர் றிசாட் இலங்கை முஸ்லிம்கள்  விரைவாக ஏற்க வேண்டிய அரசியல் தலைமை.

இலங்கையில் இன்னுமோர்  காசா உருவாக்கபடுமேயானால் அதை விட அநியாயம் உலகில் எதுவுமே இருக்க முடியாது. அந்த அநியாயத்தை கூட நியாயபடுத்த முஸ்லிம் அரசியல்  தலைமைகள் தருணம் பார்க்கும் அபாயகரமான சூழல் உருவாவதற்குமுன் வட கிழக்கு முஸ்லிம்கள் தெளிவான அரசியல் பாதை ஒன்றில் சங்கமிக்க வேண்டும். இது கொடிய அரசியல் யுகம் எமக்கு முன் ஏற்படுத்தயிருக்கின்ற வரலாற்று கற்கை நெறி.

ஊமையர்கள் மொழியாக கை சைகை இருப்பது போல் முஸ்லிம் சமுக அரசியல் வெறும் வெற்று கைகளின் வீர அசைவாக இருக்க முடியாது. அவ்வாரன கைகளே ஒரு இலங்கை காசாவுக்கான கதையை துவக்கி வைக்கும் என்பதை வட கிழக்கு முஸ்லிம்கள் உணர வேண்டும்.

விடுதலை புலிகளின் காலத்தில் முதூர்  கிண்ணியாவில் ஏற்பட்ட அசாதரணசூழலுக்கு வீர கை சைகைகள் காரணமாயின. அதே கைகளும் குரல்களும் விடுதலை புலிகளுக்க கை கூப்பி சலாம் போட்டது.

முஸ்லிம் இளைஞ்சர்களின் ஐனாசாக்கள் கண் முண்னே தீயிட்டு கொமுத்தி  ஒரு குட்டி காசாவுக்கான கதை இலங்கையில்  தீச்சுவாலையாய் துவங்கிய போது சத்தமின்றி அங்கிகாரம் வழங்கியவர்களால் இன்னுமோர் காசா இலங்கையில் உருவாக்கபடுவதற்கு முற்றுபுள்ளி வைக்க முடியாது.

வடமாகாண சபைத் தேர்தல் 13வது திருத்தத்தில் திருத்தம் இல்லாமல் நடைபெறுமேயானால் வட மாகாண முஸ்லீம் பூர்வீகத்தில் உருவாகும் காசாவை கட்டுப்படுத்த எவராலும் முடியாது. 'நொண்டிப் பூனை விராண்டுவதைப் போல' 13வது திருத்த சட்ட விடயத்தில் முஸ்லீம் கட்சி ஒன்று விடுகின்ற அறிக்கையும் சபை நடப்புக்களும், கால அவகாசங்களும் 'இரு கால்களையும் இழந்த முடவன் தடை தாண்டி ஓடும் ஓட்டத்திற்கு ஆசைப்படுவது போல்' உள்ளது. 

13வது திருத்தத்தில் திருத்தம் இல்லாமல் தேர்தல் நடைபெறக் கூடாது. அவ்வாறு நடைபெற்றால் கிழக்கின் மாகாண அதிகாரமும் வடக்கின் மாகாண அதிகாரமும் ஒரே நேர் கோட்டில் பயணம் செய்யும். அவ்வாறு பயணம் செய்கின்ற போது 'இரு மாகாண அதிகாரத்தையும் சுமந்து செல்ல ஒரு வண்டி போதும்' எனும் பிரேரணை சர்வதேச அழுத்தத்தோடு கொண்டுவரப்படும். அவ்வாறு கொண்டுவரப்பட்டால் அந்த வண்டி இலங்கை - இந்திய ஒப்பந்தத்தை நோக்கிப் பயணிக்கும்.

எனவே அவ்வாறான சூழல் வருமானால் பாதிக்கப்படப்போவது வட கிழக்கு முஸ்லீம்களே. எனவே 13வது திருத்தச் சட்டத்தில் திருத்தம் தேவையில்லை என அறிக்கை விடும் அரசியல் வாதிகள் , கட்சிகள், அகில இலங்கை முஸ்லீம் காங்கிரஸினதும், அதன் தலைமை அமைச்சர் றிசாட் பதுயுத்தினதும் குரலை ஒடுக்க ஒட்டு மொத்த வடமாகாண முஸ்லீம்களையும் பலிகாடாக்க வேண்டாம். எனவே வட மாகாண முஸ்லீம்கள் மிகவும் எச்சரிக்கையாக இருக்க வேண்டும். அதே வேளையில் அமைச்சர் றிசாட் பதுயுத்தின் நியாயமான அரசியல் பயணத்தில் வட கிழக்கு முஸ்லீம்கள் இணைந்து கொள்ள வேண்டும்.

அறிவிப்பாளர் - (இலங்கை ஒலிபரப்புக் கூட்டுத்தாபனம்)

  கொள்கைபரப்புச் செயலாளர் (கல்முனைத் தொகுதி)

(அகில இலங்கை முஸ்லீம் காங்கிரஸ்)