அக்குரணையில் நடந்தது என்ன..?

அஸ்ஸலாமு அலைக்கும்

அகுரணையில் நிகழ்வதற்கிருந்த 90.1 அலைவரிசை நிகழ்ச்சி நிறுத்தப்பட்ட உண்மை நிகழ்ச்சியை இங்கு நாம் சேர்த்துள்ளோம். நீங்கள் நடுநிலையாக செய்தியை வெளியிடுபவர்கள் என இவ்வளவு காலம் நம்பியுள்ளோம். எனவே நாம் உண்மை நிகழ்ச்சியை சாரு பிழிந்து இங்கு உங்கள் இணையதளத்தில் வெளியிடுவதற்காக அதை அனுப்பிவைக்கிறோம். அல்லாஹ்வின் மீது  ஆணையாக இந்த சம்பவம் உண்மையானது.

தொடர்பு: நுஸ்ரத் + அப்கர் + மசுத்

அக்குரணையில் பொதுபல சேனாவுக்கு விடையளிக்கும் 90.1 fm  நிகழ்வின் உண்மை நிலை

''பொதுபல சேனாவுக்கு விடையளிக்கும் முஸ்லிம்களின் நிகழ்வு நிறுத்தப்பட்டது'' என்று Jaffnamuslim.com  28-03-2013 என்ற தங்களது இணையத்தளத்தில் பிரசுரிக்கப்பட்டிருந்தது. ஆனால் அதில் குறிப்பிட்டிருந்த தகவல்கள் உண்மைக்கு புறம்பான தகவல்களாகும். எனவே நடந்த உண்மை சம்பவத்தை நாம் உங்களுக்கு அனுப்பி வைக்கிறோம். இதனை நீங்கள் பிரசுரிப்பீர்கள் என நம்புகின்றோம். 

நடந்த சம்பவம் வருமாறு,

'பொது பல சேனாவுக்கு மறுப்பு' 'வரிக்கு வரி பதில்' என்ற தலைப்பை தாங்கிய சுவரொட்டி 23.3.2013 சனிக்கிழமை இரவு IRO  நிறுவனத்தின் பணியாளர்களால் அக்குரணை நகரில் ஒட்டப்பட்டது.  மறுநாள் (ஞாயிற்றுக்கிழமை) காலையில் அக்குரணை IRO  கிளையில் பணியாற்றும் அக்குரணையைச் சார்ந்த சகோ.காமில் அவர்களுடன் அக்குரணை உலமா சபை தலைவர் மௌலவி ஷியாம் அவர்கள் தொடர்பு கொண்டு மேற்படி சுவரொட்டிகள் ஒட்டப்பட்டிருப்பதை சுட்டிக்காட்டி 'இந்நிகழ்ச்சி அக்குரணையில் நடாத்தப்பட்டால் இனங்களுக்கிடையிலான பிரச்சினைகள் உருவாகலாம், எனவே இந்நிகழ்ச்சியை நிறுத்துவதற்கு ஏற்பாடு செய்யுங்கள்' என கேட்டுக்கொண்டார்.  

அதற்கிணங்க சகோ.காமில், தலைமையகத்தோடு தொடர்பு கொண்டு மேற்படி மௌலவியின் வேண்டுகோளைத் தெரிவித்தார். அதற்கு தலைமையகம் ' பொதுபலசேனா சம்பந்தமான விடயம் பேசாமல் ஏனைய நிகழ்ச்சிகளை நடாத்துவதாகவும் வானொலியில் 'உலமா சபையின் வேண்டுகோளுக்கிணங்க இந்நிகழ்ச்சியை நிறுத்தியதாக அறிவித்துவிட்டு ஏனைய நிகழ்ச்சிகளை நடாத்துகின்றோம்' என்று கூறியதை சகோ.காமில் உலமா சபைத் தலைவரிடம் தெரிவித்தார். 

அதற்கு அவர் 'அல்ஹம்துலில்லாஹ் அப்படியென்றால் பரவாயில்லை' என்று கூறினார் அதன் அடிப்படையிலேயே உக்குவலை என்ற ஊரிலும் 25.03.2013 அன்று எமது நிகழ்ச்சிகள் மிகச் சிறப்பாக நடைபெற்றன. அதற்கு உக்குவலைப் பிரதேச மக்களே சாட்சி. 

ஆனால் அக்குறணையில் நடாத்தும்போது பொலிஸ் அதிகாரிகள் அந்த இடத்திற்கு வந்து 'தங்களது நிகழ்ச்சி நடாத்தப்பட்டால் அக்குறணையில் சமாதானத்திற்கு பங்கம் விளைவிக்கும் என அக்குறணை பெரிய பள்ளியிலிருந்து எங்களுக்கு தொலைபேசி மூலம் தகவல் கிடைத்திருக்கின்றது,' அத்தோடு 'உலமா சபைக்கு இந்நிகழ்ச்சி சம்பந்தமான அறிவித்தல் கொடுக்கப்படவில்லை'  என்றும் கூறிவிட்டு, எமது நிகழ்ச்சி சம்பந்தமாக சில அதிகாரிகளுடன் தொலைபேசி மூலம் கலந்துரையாடிய பிறகு,  SLBC Chairman    அவர்கள் FM Technician    அவர்களுடன் தொடர்பு கொண்டு நிகழ்ச்சியை நிறுத்துமாறு கேட்டுக்கொண்டார். அதற்கிணங்க நிகழ்ச்சி நிறுத்தப்பட்டு பொலிஸுக்கு வரவழைத்தார்கள். அப்போது நாங்கள் வழக்கறிஞருடன் சென்று விபரம் கேட்டபோது இந்நிகழ்ச்சி நிறுத்துவதற்கு நாங்கள் காரணம் அல்ல என்று பொலிஸ் அதிகாரிகள் கூறினார்கள். அதன்பிறகு நாங்கள் வாக்குமூலம் கொடுத்துவிட்டு வந்தோம். அல்லாஹ்வின் மீது ஆணையாக இதுதான் உண்மை சம்பவம்.