1976 புத்தள கலவரமும், வபாத்தான நமது மூதாதையர்களும்..!

இஷாம் மரிக்கார்

அன்றைய நாள் இரண்டாம் மாதம் இரண்டாம் திகதி நடந்த கலவரம் எப்படி தோற்றம் பெற்றது என்ற கேள்வி பலரது மனதில் இல்லாவிட்டாலும், அதனை தெரிந்து கொள்ளவேண்டும் என்கின்ற ஒரு ஆசை எல்லோர் மனதிலும் இருந்துவருகிறது.

ஒரு வெள்ளிக்கிழமை வழமையைப்போல பெரியபள்ளியின் முன்னாள் உள்ள மன்னார் பாதை மல்ஹர்ஸ் கடைக்கு முன்னாலும் பெரிய பள்ளியின் முன்வாசலுக்கு முன்னாலும் கருப்பு பலகை வைத்து தொழுகைக்காக மூடப்படுகிறது. அன்றைய வழக்கம் வீதியை மூடி தொழுகைக்கு முன்னாள் உரைநிகழ்த்தி தொழுவது.

இதன் போது மன்னார் வீதியில் வந்த இரண்டு போலீஸ் அதிகாரிகள் (மெல்லு , கருணாரத்ன என்கின்றன SA இருவரும்) அந்த கருப்பு பலகையை தூக்கி சற்று விளக்கி வைத்துவிட்டு முஸ்லிம்களால் மறைத்துவைக்கப்பட்டிருந்த மன்னர் வீதியில் சென்றார்கள். சென்ற பின்னர், தொழுகை முடிந்து வந்த மக்கள் மத்தியில் கேள்விகள் குமிந்தன.

யார் செய்தது? ஏன் செய்தார்கள்? என்ன தைரியம் அவர்களுக்கு? நாம் என்ன கோழைகளா? என்னவென்று ஒரு கேள்வி கேட்கவேண்டும்? என்ன வென்று ஒரு கை பார்த்தாலும் பருவா இல்லை? என பல கேள்விகள் குமிந்த வெளிப்பாடே அனைத்து முஸ்லிம்களும் பழைய போலீஸ் நிலையத்திற்கு அதாவது புதிய பஸ் நிலையத்துக்கு முன்னாள்  இருந்த போலீஸ் நிலையம் நோக்கி சில தைரியமிக்க புரட்சி வார்த்தை பேசக்கூடிய டாக்டர் இலியாஸ், ஆசிரியர் சபருள்ள, தடியன் வகாப் என்று கூறப்படும் நபர்களின் தலைமையில் வழிநடாத்தப்பட்டு போலீஸ் நிலையத்தை நோக்கி சென்று அங்கு இருந்த போலீஸ் நிலைய வாசலை கூட உடைக்க முற்பட்டபோது , போலீஸ் நிலையத்தில் இருந்த போலீஸ் காரர்கள் துப்பாக்கியை ஏந்தியவாறு நம் மக்கள் முன்னாள் அணிவகுத்தார்கள். அந்த நேரத்தில் உடனடியாக அன்றைய நகர பிதா இபுன் அவர்கள் போலீஸ் நிலைய மதிலை பாய்ந்து போலீசோடு ஒரு பேச்சுவார்த்தை  செய்தார்கள்.

ஆனால் அதன் பின்னர் மக்கள் அனைவரும் பெரிய பள்ளியின் முன் வந்து நின்று மன்னார் வீதியில் பயணிக்கும் பஸ், டிப்பர் போன்ற வாகனத்திற்கு கல்லால் அடித்து நாசப்படுத்தினார்கள் அப்பொழுது கொழும்பு போலீஸ் உயர் பதவியில் இருந்த முஸ்லிம் போலீஸ் அதிகாரி கபூர் அவர்கள் வந்து பெரியபள்ளியின் முன்னாள் கூறினார்கள் "அல்லாஹுக்காக நீங்கள் எல்லாம் பள்ளி உள்ளே செல்லுங்கள், பாரதூரமான விளைவுகள் வரக்கூடிய சாத்தியக்கூறுகள் இருக்கிறது" என்று கூறினார்.

அப்போது போலீஸ் அதிகாரிக்கு முன் ஆசிரியர் சபுருல்லாஹ் அவர்கள் கூறினார் "உங்களுடைய கோட்டை கலட்டி விட்டு நீங்கள் செல்லுங்கள்" என்றார். அதற்கு கபூர் அளித்த பதில் "உங்களை அல்லாஹ் காப்பத்தட்டும்" சொல்லி அரை மணி நேரம் கூட முடியவில்லை , எங்கிருந்தோ போலீஸ் வாகனம் மூலம் வந்த போலீஸ் அதிகாரிகள் பள்ளியை சுற்றிவலைத்தார்கள். அப்போது பள்ளிக்கு உள்ளே அனைவரும் சென்று தரையோடு ஒட்டிக்கொண்டார்கள் (படுத்தவாறு), அப்போது ஒரு சிலர் பள்ளிக்குள் நடந்து உலாவிய போது போலீஸ் அதிகாரிகளுக்கு விளங்கிய நிழல்கள் மூலமே அவர்கள் 11   பேரும் குறிவைக்கப்பட்டு பள்ளியினுள் ஷஹீத் ஆனார்கள். (இன்ன லில்லஹி வஇன்ன இலிஹி ராஜிஊன்)

அன்று தான் நமது ஊற்றின் வரலாற்றில் பெரிய ஒரு கருப்பு புள்ளியாய் இருந்துவரும் 76 ஆம் ஆண்டு கலவரம் நிகழ்ந்து முடிந்தது. இதில் இருந்து அழகான ஒரு படிப்பினைகளை நாம் படித்துக்கொள்வோம். இனியாவது பெரியபள்ளியின் பெயரை முற்படுத்தி தேவை இல்லாத விடயத்துக்கு ஆற்பாட்டம் செய்து அல்லது தனது சுய இலாபத்திற்காக பெரியபள்ளியை முன்வைத்து ஆட்பாட்டமோ அல்லது ஏதாவது எதிர்ப்பு நடவடிக்கையோ செய்வதில் இருந்து விலகி நிற்போம். பெரிய பள்ளி நமது ஊரின் தலைமை அதை ஒரு அரசாங்கத்துக்கு எதிரான பார்வைகொடுத்து மாற்றிவிட வேண்டாம். தற்போதைய காலம் இனவாதங்களை தூண்டக்கூடிய காலமாக கணிக்கப்பட்டுவருகிறது. சிந்திப்போம் செயலாற்றுவோம் ஒன்றுமைப்படுவோம்.

நன்றி வஸ்ஸலாம்