விலையை அதிகரித்த சூப்பர் மார்க்கெட்டுக்கு, தக்க பாடம் புகட்டிய நீதிமன்றம்

அங்கீகரிக்கப்பட்ட விலையை விட அதிக விலைக்கு போத்தல் குடிநீரை விற்றதாக குற்றம் சாட்டப்பட்டதை அடுத்து, நுவரெலியா க்ளென்ஃபால் சாலையில் உள்ள ஒரு சூப்பர் மார்க்கெட்டுக்கு நுவரெலியா நீதவான் நீதிமன்றம் ரூ. 500,000 அபராதம் விதித்துள்ளது.

அதிகபட்ச சில்லறை விலை ரூ. 100 ஆக இருந்தபோதிலும், ஒரு  போத்தல் குடிநீருக்கு ரூ. 130 வசூலித்ததாக சூப்பர் மார்க்கெட் ஒப்புக்கொண்டதைத் தொடர்ந்து,   இந்த அபராதம் புதன்கிழமை (10)  விதிக்கப்பட்டது.

மீறல்களைத் தடுக்கவும் நுகர்வோரைப் பாதுகாக்கவும் இந்த அபராதம் விதிக்கப்பட்டதாக நீதிமன்ற அதிகாரிகள் தெரிவித்தனர்.

செ.தி.பெருமாள்