முஸ்லிம் உம்மத்திடம் ஹமாஸ் விடுத்துள்ள கோரிக்கை - எகிப்து, ஜோர்டான், சவூதி உள்ளிட்ட ஏனைய நாடுகளுக்கும் பாராட்டு
காசாவில் இருந்து பாலஸ்தீனியர்களை வெளியேற்றும் ட்ரம்பின் திட்டத்தை நிராகரிக்குமாறு ஹமாஸ் வரவிருக்கும் அரபு உச்சிமாநாட்டில் பங்கேற்கும் தலைவர்களுக்கு அழைப்பு விடுத்துள்ளது.
"டிரம்பின் கட்டாய இடப்பெயர்வு திட்டத்தை எதிர்க்கும் எகிப்து, ஜோர்டான், சவூதி அரேபியா மற்றும் அனைத்து நாடுகளின் நிலைப்பாட்டை நாங்கள் பாராட்டுகிறோம்" என்று ஹமாஸ் செய்தித் தொடர்பாளர் ஹஸெம் காசிம் ஒரு அறிக்கையில் தெரிவித்துள்ளார்.
பிப்ரவரி 27 அரபு உச்சிமாநாடு மற்றும் இஸ்லாமிய ஒத்துழைப்பு அமைப்பின் மந்திரி சபைக் கூட்டத்தை "ட்ரம்பின் திட்டத்திற்கு எதிராக உறுதியான நிலைப்பாட்டை எடுக்கவும், அதை செயல்படுத்துவதைத் தடுக்க அரபு-இஸ்லாமிய கூட்டு மூலோபாயத்தை உருவாக்கவும்" அவர் வலியுறுத்தினார்.
"இடப்பெயர்வு பற்றிய ட்ரம்பின் கருத்துக்கள் இஸ்ரேலிய அரசாங்கத்தில் தீவிர வலதுசாரிகளுடன் அவர் இணைந்திருப்பதை பிரதிபலிக்கிறது" என்று காசிம் மேலும் கூறினார்.
Post a Comment