சவூதி இளவரசர் மரணம்

சவூதி அரேபியாவின் முடிக்குரிய இளவரசர் சுல்தான் பின் அப்துல் அஸீஸ் அல் சவூட் தனது 81 ஆவது வயதில் இன்று சனிக்கிழமை அதிகாலை நியூயோர்க்கில் உயிரிழந்துள்ளார். கடந்த சில காலமாக நோய்வாய்ப்பட்டிருந்த சுல்தான் பின் அப்துல் அஸீஸ் அந்நாட்டின் பாதுகாப்பு அமைச்சராக செயற்பட்டதுடன், முக்கிய புள்ளிகளில் ஒருவராகவும் கருதப்படுகின்றார்.

கடந்த 2009, ஆண்டு முதல் சுகவீனமுற்றிருந்த அவர் அமெரிக்காவிலும், மொராக்கோவிலும் சிகிச்சை பெற்று வந்தார். அவரது நோய் தொடர்பில் வெளியில் தெரிவிக்கப்படவில்லை.