சிக்கலில் மாட்டினாரா ரவூப் ஹக்கீம்..??

சிறிலங்கா முஸ்லிம் காங்கிரஸின் தலைவர் ரவூப் ஹக்கீம் குறித்து அரசாங்கத்தின் உயர் மட்டத்தினரின் கவனத்திற்கு கொண்டு செல்லப்பட்டுள்ளதாக அறியவருகிறது.

அண்மையில் கிழக்கு மாகாண சபை தேர்தல் பிரச்சார கூட்டமொன்றில் நாட்டில் பயங்கரவாதம் ஒழிக்கப்பட்டுள்ள போதிலும் காவுயுடை பயங்கரவாதம் ஒழிக்கப்படவில்லை. இதுவிடயத்தில் ஜனாதிபதி மஹிந்த ராஜபக்ஸ கவனம் செலுத்த வேண்டுமென அமைச்சர் ரவூப் ஹக்கீம் வேண்டுகோள் விடுத்திருந்தார்.

அமைச்சர் ஹக்கீமின் இந்த வேண்டுகோளை ஆங்கில, சிங்கள ஊடகங்கள் பெரிதுபடுத்தி, அந்தப் பேச்சுக்கு இனவாதம் சாயம் பூசியிருந்தன. கொழும்பிலிருந்து வெளியாகும் ஆங்கில் பத்திரிகை இந்த விவிகாரத்தை தூக்கிப்பிடித்துள்ளது. ஹக்கீமுக்கு எதிராக அந்தப் பத்திரிகை அண்மைக்காலமாக அதிக செய்திகளை பிரசுரித்து வருகிறது. அந்தப் பத்திரிகை ஆசிரியர் தற்போது ஜாதிக ஹெல உறுமய கட்சியின் தீவிர ஆதரவாளர் என்றும் தகவல்கள் கசிந்துள்ளன.

வியாழக்கிழமை நடைபெற்ற அமைச்சரவை முடிவுகளை அறிவிக்கும் ஊடகவியலாளர் மாநாட்டில் அமைச்சர் ரவூப் ஹக்கீம் மீது மறைமுக குற்றச்சாட்டை அமைச்சர் ஹெகலிய ரம்புக்வெல சுமத்தியிருந்தார். முஸ்லிம் பாராளுமன்ற உறுப்பினர்கள் சிலரும் ஹக்கீமை கடுமையாக விமர்சித்துள்ளனர்.

வியாழக்கிழமை அலரி மாளிகையில் ஜனாதிபதி மஹிந்த ராஜபக்ஸ நடாத்திய இப்தார் நிகழ்விலும் அமைச்சர் ரவூப் ஹக்கீம் கலந்துகொள்ளவில்லை. 

இவ்வாறான் நிலையில் அமைச்சர் ரவூப் ஹக்கீமீன் பேச்சு குறித்து அரசாங்க உயர்வட்டாரம் கடுப்பில் இருப்பதாக அறியவருகிறது. கிழக்கு மாகாண சபை தேர்தலுக்கு முன்னதாக அரசாங்கத்தின் இந்த அதிருப்தி பகிரங்கப்படுத்தப்படாவிட்டாலும் தேர்தலின் பின்னர் ஹக்கீம் நெருக்கடிகளை எதிர்நோக்கலாம் என நம்பப்படுகிறது. சிலவேளைகளில் அதற்கு முன்னதாக அரசாங்க உயர் வட்டாரம் ரவூப் ஹக்கீமின் பேச்சு குறித்து அவரிடமிருந்து விளக்கம் கோரலாம் என எதிர்பார்க்கப்படுகிறது.


எமது முன்னைய செய்தி..!

http://www.jaffnamuslim.com/2012/08/blog-post_1413.html