August 14, 2020

ராஜாங்கணையில் பாடசாலை, மாணவருக்கு கொரோனா


ராஜாங்கணை பிரதேசத்தில் பாடசாலை மாணவர்கள் மற்றும் ஆசிரியர்கள் உட்பட 30 பேரை தனிமைப்படுத்த பிரதேச சுகாதார அதிகாரிகள் நடவடிக்கை எடுத்துள்ளனர். 


குறித்த பிரதேசத்தில் பாடசாலை மாணவர் ஒருவருக்கு கொரோனா தொற்று உறுதிப்படுத்தப்பட்டதை தொடர்ந்து இந்த நடவடிக்கை மேற்கொள்ளப்பட்டுள்ளது. 


இதேவேளை, வௌிநாட்டுகளில் இருந்து 66 பேர் இன்று காலை இலங்கை வந்துடைந்துள்ளனர். 


இவ்வாறு வருகை தந்த அனைவரும் முப்படையினரால் பராமரிக்கப்படும் தனிமைப்படுத்தல் முகாம்களுக்கு அனுப்பி வைக்கப்பட்டுள்ளதாக தெரிவிக்கப்படுகிறது. 


இதேவேளை, இன்றைய தினத்தில் தனிமைப்படுத்தல் செயற்பாட்டை நிறைவு செய்த மேலும் 82 பேர் விடுவிக்கப்படவுள்ளதாக தெரிவிக்கப்படுகிறது.

August 13, 2020

மேலும் புதிதாக 5 அமைச்சர்கள் நியமிக்கப்படவுள்ளார்களா..?

அமைச்சு பதவிகளை இழந்த 5 முன்னாள் அமைச்சர்கள் மீண்டும் நியமிக்கப்பட உள்ளனர் என்று கொழும்பில் இருந்து வெளிவரும் சிங்கள இணையத் தளம் செய்தி வெளியிட்டு உள்ளது.

இது தொடர்பாக சிங்கள இணையத் தளத்தில் மேலும் தெரிவிக்கப்பட்டு உள்ளதாவது:

கண்டியில் நேற்று புதன்கிழமை (12.08.2020) பதவி ஏற்ற அமைச்சரவை அதிகாரம் உடைய மற்றும் இராஜாங்க அமைச்சர்களைத் தவிர, மேலும் பல திட்ட அமைச்சர்களை நியமிக்க அரசாங்கம் பரிசீலித்து வருகின்றது.

இதன்படி, 5 திட்ட அமைச்சர்களை நியமிப்பதற்கான ஆலோசனை நடைபெற்றது.

நியமனங்களுக்கான திகதி இதுவரை முடிவு செய்யப்படவில்லை என்றும், இந்த முறை எந்த அமைச்சர் பதவிகளையும் பெறாத முன்னாள் அமைச்சர்கள் குழுவுக்கு பெயரிடப்பட்ட திட்ட அமைச்சர் பதவிகளை வழங்கவும் முன்மொழியப்பட்டுள்ளது என்று அதில் மேலும் தெரிவிக்கப்பட்டு உள்ளது.

தேர்தலில் தோற்றாலும், அராஜகம் பிடித்த முஸ்லிம் அரசியல்வாதிகளிடம் இருந்து மக்களைக் காப்பாற்றுவேன்'


“நாடாளுமன்றத் தேர்தலில் தோல்வி அடைந்திருந்தாலும் வரும் நாட்களில் அம்பாறை மாவட்டத்தில் தமிழ் மக்களுக்கு எதிரான அராஜகம் பிடித்த முஸ்லிம் அரசியல்வாதிகளிடம் இருந்து மக்களைக் காப்பாற்றுவேன்”

இவ்வாறு கருணா என்றழைக்கப்படும் முன்னாள் பிரதி அமைச்சர் விநாயகமூர்த்தி முரளிதரன் தெரிவித்துள்ளார்.

தேர்தல் தோல்வி மற்றும் எதிர்கால அரசியல் நடவடிக்கை குறித்து இன்று -13- தனது பேஸ்புக் பக்கத்தில் விடுத்துள்ள பதிவில் அவர் இவ்வாறு கூறியுள்ளார்.

இதன்போது தொடர்ந்தும் கருத்து வெளியிட்டுள்ள அவர், “எதிர்வரும் காலங்களில் தொடர்ந்தும் அம்பாறை மாவட்டத்தில் இருந்தே அரசியல் செய்யப் போவதாகவும்” குறிப்பிட்டார்.

தலதா மாளிகையில் புதிய அமைச்சரவையின் பதவியேற்பு, பௌத்த பெரும்பான்மையினத்திற்கான தெளிவான சமிக்ஞை - பாக்கியசோதி

(நா.தனுஜா)

ஜனாதிபதி கோத்தபாய ராஜபக்ஷ - பிரதமர் மஹிந்த ராஜபக்ஷ தலைமையிலான புதிய அமைச்சரவை கண்டி தலதாமாளிகையில் பதவியேற்றுக்கொண்டிருப்பதானது சிங்கள பௌத்த பெரும்பான்மையினத்திற்கான முதன்மைத்துவத்தை வெளிப்படுத்தும் ஒரு தெளிவான சமிக்ஞையேயாகும் என்று மாற்றுக்கொள்கைகளுக்கான நிலையத்தின் பணிப்பாளர் கலாநிதி பாக்கியசோதி சரவணமுத்து தெரிவித்திருக்கிறார்.

நடைபெற்று முடிந்த பொதுத்தேர்தலில் வெற்றிபெற்று ஜனாதிபதி கோத்தபாய ராஜபக்ஷ - பிரதமர் மஹிந்த ராஜபக்ஷ தலைமையிலான புதிய அரசாங்கத்தின் அமைச்சரவை நேற்று  புதன்கிழமை கண்டி தலதாமாளிகையில் பதவிப்பிரமாணம் செய்துகொண்டது. இதுகுறித்து கலாநிதி பாக்கியசோதி சரவணமுத்து மேலும் கூறியிருப்பதாவது:

கண்டி தலதா மாளிகை மதம் மற்றும் மதச்சார்பின்மை ஆகிய இரண்டையும் பிரதிபலிக்கின்றதொரு தலமாகவே காணப்படுகின்றது. எனினும் யாரிடம் தந்ததாது இருக்கின்தோ அவர்களே நாட்டை ஆளவேண்டும் என்ற அடிப்படையிலான தலதா மாளிகையின் பின்னணிக்கதையையும் நோக்கவேண்டும். எவ்வாறெனினும் தலதா மாளிகையில் புதிய அமைச்சரவை பதவியேற்றுக்கொண்டிருப்பதானது சிங்கள பௌத்த பெரும்பான்மையினத்திற்கான முதன்மைத்தன்மையை வெளிப்படுத்தும் ஒரு தெளிவான சமிக்ஞையேயாகும்.

அமைச்சர்களும், இராஜாங்க ...

தற்போதைய அரசாங்கம் அதன் தேர்தல் பிரசாரசெயற்பாடுகளை தீவிர சிங்கள பௌத்தவாதத்தை மையப்படுத்தியே மேற்கொண்டது. அவ்வாறிருக்கையில் தற்போது அரசாங்கம் மிகவும் பாதுகாப்பானதொரு பெரும்பான்மையைக் கொண்டிருக்கும் நிலையில், அதனைப் பயன்படுத்தி அனைவரையும் புறக்கணிக்கும் விதமாக அல்லது நிரந்தரமாகவே இரண்டாந்தரப்பிரஜைகளாக்கும் வகையில் அவர்கள் அதிகாரத்தை விரிவாக்கப்போகின்றார்களா என்ற கேள்வி எழுந்திருக்கின்றது. எனினும் அவர்கள் அவ்வாறு செயற்பட மாட்டார்கள் என்றே நான் கருதுகின்றேன் என்று குறிப்பிட்டிருக்கிறார். 

இளவயது முஸ்லிம் திருமணங்களுக்கு தடை, பாதுகாப்பு அமைச்சை ஜனாதிபதி வகிப்பதில் சிக்கலில்லை - அலி சப்ரி

(ஆர்.ராம்)

நாட்டின் தலைவராகவும், முப்படைகளின் தலைவராகவும், அமைச்சரவையின் தலைமையையும் கொண்டிருக்கும் ஜனாதிபதி கோத்தாபய ராஜபக்ஷ, பாதுகாப்பு அமைச்சினை தன்வசம் கொண்டிருப்பதிலோ பாதுகாப்பு அமைச்சராக பதவியில் நீடிப்பதிலோ எவ்விதமான சட்ட முரண்பாடுகளும் இல்லை என்று நீதி அமைச்சர் ஜனாதிபதி சட்டத்தரணி அலி சப்ரி திட்டவட்டமாக தெரிவித்தார். 

நீதி அமைச்சராக நியமனம் பெற்றதன் பின்னர் அடுத்து முன்னெடுக்கவுள்ள தனது செயற்பாடுகள் மற்றும் தான் கொண்டிருக்கும் விசேட திட்டங்கள் தொடர்பில் கேசரிக்கு பிரத்தியேகமாக கருத்து வெளியிடும்போதே அவர் மேற்கண்டவாறு தெரிவித்தார்.  அவ்விடயங்கள் வருமாறு, 

நீதித்துறை மறுசீரமைப்பு

நாட்டில் நீதித்துறை மறுசீரமைப்பு சம்பந்தமாக பல்வேறு சந்தர்ப்பங்களில் பேசப்படுகின்றன. குறிப்பாக, வழக்கு விசாரணைகளில் நீதிமன்றங்களில் காணப்படும் தாமதங்கள், வழக்குகள் தேக்கமாக இருத்தல் போன்ற தொடர்பாக விசேட கவனம் எடுக்க வேண்டியுள்ளது. கடந்த காலத்தில் நீதிமன்றக் கட்டமைப்புக்களில் பணியாற்றிய அனுபவத்தினை நான் கொண்டிருக்கின்றேன். ஆகவே எந்தெந்த மாற்றங்களை செய்ய வேண்டும் என்பதையும் உணர்ந்து கொண்டுள்ளேன். அதற்கமைவாக அடுத்த கட்டமாக நடவடிக்கைகளை முன்னெடுக்கவுள்ளேன். 

ஜனாதிபதியும், பிரதமரும் என்மீதான நம்பிக்கையைக் கொண்டிருக்கின்றார்கள். ஆகவே வினைத்திறனான நீதித்துறை உருவாக்குவதற்காக அர்ப்பணிப்புடன் செயற்படவுள்ளேன். மேலும் நீதித்துறையை டிஜிட்டல் மயப்படுத்துவதற்குரிய நடவடிக்கைகளையும் முன்னெடுப்பதற்கு எதிர்பார்த்துள்ளேன். 

19ஆவது திருத்தச்சட்டம்

19ஆவது திருத்தச்சட்டத்தில் பல்வேறு குறைபாடுகள் காணப்படுகின்றன. அவை அனைத்தும் பொதுவெளியில் கலந்துரையாடப்பட்டுள்ளன. 19ஆவது திருத்தச்சட்டம் அவசரஅவசரமாக தனிப்பட்ட காரணங்களுக்காகவே முன்னெடுக்கப்பட்டுள்ளது. அத்திருத்தம் காரணமாக அரசியலமைப்பு நடைமுறையில் பல்வேறு நெருக்கடிகள் காணப்படுகின்றன. இதனை சாதாரண பொதுமக்களும் உணர்ந்துள்ளார்கள். ஆகவே 19இல் சர்ச்சைகளை உருவாக்குகின்றன அல்லது குழப்பகரமான விடயங்களை கொண்டிருக்கின்ற ஏற்பாடுகளில் உடனடியான திருத்தங்கள் அவசியமாகின்றன. அதுதொடர்பில் வரைபுகள் தயாரிக்கப்பட்டு உரிய நடவடிக்கைகள் எடுக்கப்பவுள்ளன. மேலும் புதிய அரசியலமைப்பு பற்றி தேர்தல் மேடைகளில் பேசப்பட்டது. அதுகுறித்து ஜனாதிபதி, பிரதமர், அமைச்சரவை முடிவுகளை எடுக்கின்ற பட்சத்தில் அடுத்தகட்ட நடவடிக்கைகள் முன்னெடுக்கப்படவுள்ளன

ஜனாதிபதியும், பாதுகாப்பு அமைச்சும்

அரசியலமைப்பில் 19ஆவது திருத்தச்சட்டம் நடைமுறையில் உள்ள நிலையில் ஜனாதிபதி கோத்தாபய ராஜபக்ஷ பாதுகாப்பு அமைச்சுப்பதவியை வகிக்க முடியுமா என்பது தொடர்பில் கேள்விகள் எழுந்துள்ளன குறித்து கருத்து வெளியிட்ட நீதி அமைச்சர், அரசியலமைப்பின்  மூன்றாம், நான்காம் சரத்துக்களை பார்க்கின்றபோது ஜனாதிபதி நாட்டின் தேசியப் பாதுகாப்பு விடயங்களுக்கு பொறுப்பானவராக உள்ளமை தெளிவாகின்றது. 

அத்துடன் அவரே முப்படைகளினது தலைவராகவும் உள்ளார். அமைச்சரவையின் தலைவராகவும் உள்ளார். ஆகவே அவர் அப்பதவியை வகிப்பதிலோ பாதுகாப்பு அமைச்சினை தனக்கு கீழ் வைத்திருப்பதிலோ எவ்விதமான சிக்கல்களும் இல்லை. மேலும் 19ஆவது திருத்தின் 51ஆவது சரத்தினை மையப்படுத்தி குழப்பமடைய வேண்டிதில்லை. நாட்டின் தேசிய பாதுகாப்பு விடயங்களில் அவதானமாகவும், கூடிய கரிசனையும் கொண்டிருக்க வேண்டும் என்றார். 

முஸ்லிம் விவாக, விவகரத்து சட்டம்

முஸ்லிம் சமூகத்தினுள் காணப்படும் இளவயது திருமணங்களை தடைசெய்ய வேண்டியது மிகவும் அவசியமாகின்றது. அதனை முஸ்லிம் சமுகத்தினர் பெரிதும் விரும்புகின்றார்கள். கடந்த காலத்தில் முஸ்லிம் பிரதிநிதிகளும் அதனை ஏற்றுக்கொண்டுள்ளனர். 

1951ஆம் ஆண்டின் 13ஆம் இலக்க முஸ்லிம் விவாக மற்றும் விவாகரத்துச் சட்டத்தில் திருத்தங்களை செய்வதற்காக முன்னாள் நீதியரசர் சலீம் மர்சூப் தலைமயிலான குழுவினர் பல்வேறு விடயங்கள் தொடர்பில் ஆராய்ந்து அறிக்கையொன்றை தயாரித்துள்ளனர். அதேபோன்று இந்தச் சட்டத்தினை திருத்துவதற்கான வரைபும் தயாரிக்கப்பட்டுள்ளது. 

ஆகவே மிக விரைவாக முஸ்லிம் விவாக மற்றும் விவாகரத்துச் சட்டம் உரிய திருத்தங்களுடன் நிறைவேற்றப்படவுள்ளது. இதில் முஸ்லிம் சமுகத்தின் ஏற்புடன் அவர்களுக்கு எவ்விதமான பாதிப்புக்களும் ஏற்படாது நிறைவேற்றப்படவுள்ளது. 

பயங்கரவாத தடைச்சட்டம்

நான் அறிந்தவரையில் பயங்கரவாத தடைச்சட்டம் சம்பந்தமாக இதுவரையில் அரச தரப்பு சார்ந்து எவ்விதமான முன்மொழிவுகளும் காணப்படவில்லை. எனினும் அமைச்சரவை கூடியபின்னர் அவ்விடயம் தொடர்பில் அவசியம் ஏற்படும் பட்சத்தில் கவனம் செலுத்தப்படும் என்றார். 

இன்னும் ஒரு மாதமளவில் நல்ல நல்ல, விளையாட்டுக்கள் தொடர்பில் நாம் பேசுவோம்

புதிய அமைச்சுக்கள் பெயரிடப்பட்டுள்ள முறைகளை பார்க்கும்போது அமைச்சர்கள் நகைப்புக்கு உட்படுத்தப்பட்டுள்ளதாக ஐக்கிய மக்கள் சக்தியின் தேசிய தேசியப் பட்டியலுக்கு பெயரிடப்பட்டுள்ள ஹரீன் பெர்ணான்டோ தெரிவித்துள்ளார். 

ஐக்கிய மக்கள் சக்தி இன்று (13) நடத்திய ஊடக சந்திப்பில் கலந்து கொண்ட அவர் இதனை தெரிவித்தார் 

அங்கு தொடர்ந்தும் கருத்து தெரிவித்த அவர், 

´இவ்வாறான அமைச்சரவை ஒன்று உலகில் எங்கும் இல்லை. நிதி நிர்வாகத்திற்கு மஹிந்த, பாதுகாப்பு கோட்டாபய, இளைஞர் மற்றும் விளையாட்டு நாமலுக்கு, நிதி செலவிட பெசில், விவசாயத்திற்கு நீர் வழங்குவது சமல்´. என்று அவர் தெரிவித்தார். 

´எனது நண்பருக்கு பத்திக் அமைச்சும் கொடுத்து, துணியை கட்டிக் கொள்ள சொல்லியுள்ளார். கப்பலில் பணம் வரும் வரையில் பார்த்துக் கொண்டிருந்தவருக்கு துறைமுக அமைச்சு வழங்கப்பட்டுள்ளது. இது நகைப்புக்குரிய விடயம் என வருத்தத்துடன் தெரிவித்தக் கொள்கிறேன். கோட்டாபயவை நம்பி வாக்களித்த அனைவருக்கும் முதலாவது அரை விழுந்துள்ளது. 

நீங்கள் கொடுத்த மக்கள் ஆணையால் நாம் அமைதியாக இருக்கின்றோம். இன்னும் ஒரு மாதமளவில் நல்ல நல்ல விளையாட்டுக்கள் தொடர்பில் நாம் பேசுவோம்´. என ஹரீன் பெர்ணான்டோ மேலும் தெரிவித்தார்.

அலி சப்ரியை முஸ்லிம்களுக்கெதிராக பயன்படுத்துவார்களா...?

- முகம்மத் இக்பால் -

முன்னாள் வெளிவிவகார அமைச்சர் லக்ஸ்மன் கதிர்காமரை இலகுவில் மறந்திருக்கமாட்டீர்கள். தமிழரான இவர் முன்னாள் ஜனாதிபதி சந்திரிக்காவினால் அரசியலுக்கு அழைத்துவரப்பட்டார்.

1994 இல் தேசியப்பட்டியல் மூலம் பாராளுமன்ற பிரதிநிதித்துவம் வழங்கப்பட்டு வெளிவிவகார அமைச்சராக நியமிக்கப்பட்டார். இவரை சந்திரிக்கா அரசாங்கம் நன்றாக பயன்படுத்தியது.

இதுபோலவே இன்று ராஜபக்சாக்களின் அரசாங்கத்தினால் அலிசப்ரி அவர்கள் அரசியலுக்கு அழைத்துவரப்பட்டு தேசியப்பட்டியல் மூலம் பாராளுமன்ற பிரதிநிதித்துவம் வழங்கி நீதி அமைச்சராக நியமிக்கப்பட்டுள்ளார்.

லக்ஸ்மன் கதிர்காமர், அலிசப்ரி ஆகிய இருவருக்கும் பொதுவான சில ஒற்றுமைகள் உள்ளன. அதாவது இருவரும் சிறுபான்மை இனத்தவர்கள். அத்துடன் தேர்தலில் போட்டியிட்டு தங்களது சமூகத்தின் வாக்குகளால் வெற்றிபெறுவதற்குரிய அரசியல் தளம் இல்லாதவர்கள்.

சட்டத்தரணிகளான இவர்கள் இருவரும் தூங்கும்போது ஆங்கிலத்திலேயே கனவு காண்பவர்கள். அதாவது தங்களது தாய்மொழியில் அதீத பற்றுதல் இல்லாதவர்கள்.

வெளிவிவகார அமைச்சர் பதவிக்கு பொருத்தமான எத்தனையோ சிங்கள ராஜதந்திரிகள் இருக்கத்தக்கதாக முகவரியே இல்லாத லக்ஸ்மன் கதிர்காமரை சந்திரிக்கா அரசு கொண்டுவந்தற்கு பின்னால் பல திட்டங்கள் இருந்தது.

அதாவது அப்போது விடுதலை புலிகள் இராணுவரீதியில் மிகவும் பலமாக இருந்ததுடன், ஐரோப்பா உற்பட சர்வதேச நாடுகளில் புலிகளின் வலைப்பின்னல்கள் விரிந்து காணப்பட்டது.

“சிங்கள அரசாங்கம் தமிழர்களின் நிலங்களை ஆக்கிரமித்து தமிழர்களை கொலை செய்கிறது” என்ற புலிகளின் பிரச்சாரம் அப்போது மேற்கு நாடுகளில் மேலோங்கியிருந்தது. இந்த பிரச்சாரத்தை முறியடித்து விடுதலை புலிகளை தடைசெய்வதற்கு சிங்களவரைவிட தமிழரே பொருத்தமானவராக இருந்தார்.   

அத்துடன் புலிகளை இராணுவரீதியில் அழிப்பதற்கு முடியாமல் இருந்த சந்திரிக்கா அரசு, மேற்கத்தேய நாடுகளில் புலிகளுக்காக பணம் வசூலிக்கப்படுவதனை கட்டுப்படுத்துவதன் மூலம் இங்கே புலிகளை பலயீனப்படுத்தலாம் என்று திட்டமிட்டது.

லக்ஸ்மன் கதிர்காமர் அவர்கள் தனக்கு பதவி வழங்கிய எஜமானர்களுக்காக ஓயாது ஓடியோடி உழைத்தார். இவரது ராஜதந்திர முயற்சி வெற்றியளித்தது. ஐரோப்பிய நாடுகள் புலிகளை பயங்கரவாத இயக்கமென்று தடை செய்தது.

இறுதியில் புலிகளினால் தமிழின துரோகியாக சித்தரிக்கப்பட்டு 2005 இல் அவரது இல்லத்தில் புலிகளின் ஸ்னைப்பர் தாக்குதல் மூலம் கதிர்காமர் கொலை செய்யப்பட்டார்.

அதுபோல் எத்தனையோ சிங்கள சட்ட மேதைகள் இருக்கத்தக்கதாக இனவாதிகளின் எதிர்ப்புக்கும் மத்தியில் நீதி அமைச்சராக அலிசப்ரி என்கின்ற முஸ்லிம் ஒருவர் நியமிக்கப்பட்டதன் பின்பு “உள்நாட்டிலோ சர்வதேசத்திலோ எந்த எதிர்ப்பு வந்தாலும் பத்தொன்பதாவது சட்டத்தை திருத்தபோகிறேன்” என்று கருத்து வெளியிட்டதானது சந்தேகத்தினை ஏற்படுத்துகின்றது.

இங்கே “உள்நாட்டில்” என்று யாரை குறிப்பிடுகின்றார் ? பத்தொன்பதாவது அரசியலமைப்பு சர்வாதிகார ஆட்சிக்கு எதிரானதாகவும், சிறுபான்மையினர்களுக்கு சற்று ஆறுதலாகவும் இருக்கின்றது. இதனை மாற்றுவதென்றால் எதை மாற்றப்போகின்றார் ?  

“ஒரே நாடு, ஒரே சட்டம்” என்பது முஸ்லிம்களுக்கென்று விசேடமாக இருக்கின்ற தனியார் சட்டத்தை நீக்குவதற்கு மேற்கொள்ளப்படுகின்ற சதித்திட்டமாகும். இதற்கு சர்வதேசத்தின் எதிர்ப்புக்களை சமாளிக்கும்பொருட்டு அன்று தமிழர்களுக்கு எதிராக லக்ஸ்மன் கதிர்காமர் பயன்படுத்தப்பட்டதுபோல இன்று முஸ்லிம்களுக்கு எதிரான சட்டங்களை நீதி அமைச்சர் அலிசப்ரி அவர்கள் மேற்கொள்வாரா ?

அதாவது எங்களது கண்ணில் எங்களது கையாலேயே குத்துவதற்கான பேரினவாதிகளின் நிகழ்ச்சி நிரலுக்கு அலிசப்ரி அவர்கள் துணைபோவாரா ? பொறுத்திருந்து பார்ப்போம்.

இந்த பெருந்தன்மையும், பக்குவமும் எந்த அரசியல்வாதிக்கு வரும்...?


இன்று -13- இந்த பதிவை பார்த்தேன். பாராளுமன்ற உறுப்புரிமையை இழந்த பிறகு வேலை செய்கிறேன் என்று யாரோ ஒருவர் பதிவிட்டிருந்தார். இதை பதிவு செய்தவருக்கு நான் மிகவும் நன்றிக்கடன் பட்டுள்ளேன்.

ஏனெனில், நான் மத்திய வங்கியில் கொள்ளையடித்து வாழாமல் இந்த மாதிரி முக்கிய வேலை பார்க்கிறேன். எனக்கு இது மிகவும் பிடித்திருக்கிறது. Anbu Javaharsha

Sunil Handunneththi

Saw this post early this morning.. Someone posted this saying I'm doing a job after losing.. I'm so thankful for the person who posted it.

Because I'm robbing the Central Bank and not posting a photo like this and doing an important job. .. I really like it.

அடுத்த பாராளுமன்ற தேர்தல் 2030 வரை பிற்போடப்படுமா..?


- Azaam Ameer -

"இந்த அரசியலமைப்பால்  ஆணைப்  பெண்ணாகவும், பெண்ணை ஆணாகவும் தவிர மற்ற அனைத்தையும் மாற்ற முடியும்"  
  - முன்னாள் ஜனாதிபதி ஜே ஆர் ஜெயவர்த்தன 

இலங்கை அரசியலமைப்பின் பிரகாரம் இறைமை மக்களைச் சாரும். குடிமக்களின் சட்டவாகத் தத்துவம்  பொதுவாக பாராளுமன்றத்தாலும், அது பொதுஜன வாக்கெடுப்பின் போது மக்களல் நேரடியாகவும் பிரயோகிக்கப்படும். 

பாராளுமன்றத்தின் ஆயுட் காலம் ஆறு வருடங்கள் என்றிருந்ததை,  19வது திருத்தம் மூலம் ஐந்து வருடங்களாக குறைக்கப்பட்டுவிட்டது. அதன் அடிப்படையில் அடுத்த பாராளுமன்றத் தேர்தல், புதிய பாராளுமன்றம் முதலாவதாக கூடிய திகதியில் இருந்து ஐந்து வருடங்களுக்குள், அதாவது 2025 இல் அல்லது அதற்கு முன்னர்  நடாத்தப்படல் வேண்டும். இருப்பினும் அடுத்த பாராளுமன்றத் தேர்தல் மேலும் 5 வருடங்களுக்கு ஒத்தி வைக்கப்படக் கூடிய வாய்ப்பு உள்ளது. 

இது ஒன்றும் நம் நாட்டிற்கு புதியதல்ல. இவ்வாறான நிலை இதற்கு முன்னர் இலங்கை வரலாற்றில் இரு முறை நிகழ்ந்துள்ளன. 1970 தேர்தலில் சிறிமா அரசாங்கம் 2/3 பெரும்பான்மை கொண்ட பலமான அரசாங்கம் ஒன்றை அமைத்தது. 1975 இல் நடக்கவிருந்த தேர்தலில் எதிர்பார்க்கும் வெற்றியைப் பெற முடியாமல் போகும் எனக் கணித்த அரசு,  2/3 பெரும்பான்மை பலத்தைப் பயன்படுத்தி அடுத்த தேர்தலை 1977 வரை நீடித்து இரு வருடங்களுக்கு பிற்போட்டது. 

அதன் பின்னர் 1977 தேர்தலில் ஜே ஆர் ஜெயவர்த்தன அரசு, 4/5 பெரும்பான்மையுடன் அசுர வெற்றி பெற்றது. இருப்பினும், 1982 இல்  நடைபெற்ற ஜனாதிபதி தேர்தலில் ஜே ஆர் 52% மான வாக்குகளையே பெற்றுக் கொண்டார். எனவே அதே ஆண்டு வரவிருந்த பொதுத் தேர்தலில் 2/3 பெரும்பான்மை பெறுவது சாத்தியமற்றது என்பதும், சிலவேளை சாதாரன பெரும்பான்மை பெறுவதே கடினமாகிப் போய்விடலாம் என்ற நிலையும் தோன்றியது. 

இந்த அரசியலமைப்பால்  "ஆணை பெண்ணாகவும், பெண்ணை ஆணாகவும் தவிர மற்ற அனைத்தையும் மாற்ற முடியும்"  எனக் கூறிய , இலங்கை அரசியல் வரலாற்றில்  "கிழட்டு நரி - the Old Fox." என  விழிக்கப்பட்ட ஜே ஆர்  தேர்தலை ஒத்திவைக்க எடுத்த எத்தனம் சிறிமாவினால் உயர் நீதிமன்றத்தில் சவாலுக்கு உட்ப்படுத்தப்பட்டது [2 SLR 1982]. 

பிரதம நீதியரசர் சர்வானந்தா உட்பட நான்கு பேர் கொண்ட பெரும்பான்மை அமர்வு பாராளுமன்றத்தில் 2/3 பெரும்பான்மை ஆதரவுடன், மக்கள் கருத்தறியும் வாக்கெடுப்பு ஒன்றைப் பெறுவதன் மூலமும் தேர்தலை ஒத்திவைக்கலாம் எனத் தீர்ப்பளித்தது. 

அதற்கமைவாக ஜே ஆர் அரசு, பாராளுமன்றத்தின் ஆயுட்காலத்தை மேலும் 5 வருடங்கள் நீட்டித்து  தற்போதும் நடைமுறையில் உள்ள 1978 ஆம் ஆண்டின் அரசியலமைப்பில்,  4வது திருத்தச் சட்டத்தை 2/3 பெரும்பான்மையுடன் நிறைவேற்றியது.

பின்னர் இலங்கை வரலாற்றில் நடைபெற்ற ஒரே ஒரு  மக்கள் கருத்தறியும் வாக்கெடுப்புபை (referendum) 22.12.1982 நடத்தியது. விளக்குச் சின்னத்தைத் "ஆம்" என்பதற்கும் பானைச் சின்னத்தை "இல்லை" என்பதற்கும் தெரிவு  செய்யுமாறு கோரப்பட்ட தேர்தலில் 54% விளக்கைத் தெரிவு செய்தனர். அதனால் 1982 இல் நடைபெற வேண்டிய தேர்தல் 1989 யிலேயே நடைபெற்றது. 

பொதுவாக அரசியலில் காலம் செல்லச் செல்ல ஆளும் கட்சியில் வாக்கு வங்கியில் சரிவு ஏற்படுவது வழக்கமாகும். எனவே தற்போது உள்ள அரசு 2/3 பெரும்பான்மையைக் கொண்டிருப்பதாலும்,  அது அரசியலமைப்புத் திருத்தம் ஒன்றை கொண்டுவர மக்கள் ஆணையைக் கோரியுள்ள நிலையிலும், அரசின் தற்போதைய பலத்தைத் தக்க வைப்பதில் ஆர்வம் கொள்ளும் என்பதில் எந்த ஐயமும் இலை. இந்தப் பின்புலத்தில் அடுத்த பாராளுமன்றத் தேர்தல் 2030 வரை ஒத்திவைக்கப்படுவது சாத்தியமான நிகழ்தகவுகளில் ஒன்றாகும். 

மட்டக்களப்பு பல்கலைக்கழகம் கொரோனா, சிகிச்சை நிலையத்திலிருந்து விடுவிக்கப்பட்டதா..?


மட்டக்களப்பு பல்கலைக்கழகம் கொரோனா சிகிச்சை நிலையத்திலிருந்து விடுவிக்கப்பட்டிருப்பதாக வெளிவரும் செய்திகளில் எவ்வித உண்மையும் இல்லை என்பதை உங்கள் அனைவருக்கும் அறியத்தருகின்றேன்.

அத்துடன் கடந்த தேர்தல் முடிந்த கையோடு என்மீதான போலியான பிரச்சாரங்கள் திட்டமிட்டு எமது எதிர்த் தரப்பால் பரப்பப்பட்டு வருகின்றது. அதன் தொடரில் கொரோனா சிகிச்சை நிலையமாக செயற்பட்டு வரும் எமது மட்டக்களப்பு பல்கலைக்கழகம் அரசால் விடுவிக்கப்பட்டிருப்பதாக சிலர் போலிச் செய்தி பரப்பி வருகின்றனர்.

குறித்த தகவலில் எவ்வித உண்மையும் இல்லை என்பதுடன் எமது மட்டக்களப்பு பல்கலைக்கழகம் தொடர்ந்தும் கொரோனா சிகிச்சை நிலையமாகவே பயன்படுத்தப்பட்டு வருகின்றது என்பதனை உங்கள் அனைவருக்கும் அறியத்தருகின்றேன்.

எனது உத்தியோகபூர்வ முகநூல் அல்லாது வேறு தளங்களில் பகிரப்படும் இவ்வாறான உறுதிப்படுத்தபடாத தகவல்களை நீங்கள் யாரும் நம்ப வேண்டாம் எனவும் உங்கள் அனைவரையும் அன்புடன் கேட்டுக்கொள்கின்றேன்.

உங்கள் அன்புச் சகோதரன்

கலாநிதி MLAM ஹிஸ்புல்லாஹ் 

(முன்னாள் கிழக்கு மாகாண ஆளுனர்)

தேசியப் பட்டியலை, விட்டுக்கொடுக்க தயாரான இம்தியாஸ்


- Anzir -


ஐக்கிய மக்கள் சக்திக்கு, இம்முறை நடந்த பாராளுமன்றத் தேர்தலின், மூலம் 7 தேசியப் பட்டியல் ஆசனங்கள் கிடைத்திருந்தன.


இதனை பங்கிட்டுக் கொள்வதில், பங்காளி கட்சிகள் ஐக்கிய மக்கள் சக்தியுடன் முரண்பட்டுக் கொண்டன.


குறிப்பாக சிறுபான்மை கட்சிகள் சார்ந்த (மனோ, றிசாத், ஹக்கீம்) தரப்புக்கள், தமக்கு ஒவ்வொரு தேசியப் பட்டியல் வீதம் 3 தேசியப் பட்டியல் ஆசனங்களை கோரியிருந்தன.


இந்நிலையில் நெருக்கடியை தவிர்க்கவும், ஐக்கிய மக்கள் சக்தியின் ஒற்றுமையை தக்கவைக்கவும், முன்னாள் அமைச்சர் இம்தியாஸ் பார்க்கீர் மரிக்கார் தனக்கு ஒதுக்கப்பட்ட, தேசியப் பட்டியல் ஆசனத்தை விட்டுக்கொடுக்க இணங்கியுள்ளார்.


எனினும், சஜித் பிரேமதாச உள்ளிட்ட முக்கியஸ்தர்கள் இம்தியாஸ் தேசியப் பட்டியலில் இருந்து ஒதுங்கக் கூடாது என வலியுறுத்தியுள்ளனர்.


சிறுபான்மைக் கட்சிகளும், இம்தியாஸ் எக்காரணம் கொண்டும் தேசியப் பட்டியல் ஆசனத்தை விட்டுக்கொடுக்கக் கூடாது அவரின் சேவை நாட்டுக்கும்  சமூகத்திற்கும் தேவையென சுட்டிக்ககாட்டியுள்ளன.


மேலும்  சமூக ஆர்வலர்கள், ஜப்னா முஸ்லிம் ஆசிரியர் அடங்கலான இன்னும் சிலரும், இதையொத்த கருத்துக்களை இம்தியாசிடம் கூறியிருந்தன.


இந்நிலையில் ஐக்கிய மக்கள் சக்தியின் செயலாளர் ரஞ்சித் மத்தும பண்டார இன்று வியாழக்கிழமை 13 தேர்தல் ஆணைக்குழுவுக்கு அனுப்பிவைத்த, ஐக்கிய மக்கள் சக்தியின் தேசிய பட்டியல் உறுப்பினர்களில், இம்தியாசின் பெயரும் உள்ளீர்க்கப்பட்டிருந்தமை குறிப்பிடத்தக்கது.

ஜனநாயக நாடு ஒன்றில், எதிர்க்கட்சியின் அதி முக்கியத்துவம்

- By: M.I.Y. Suhood -

எந்த ஒரு நாட்டில் பலமான எதிர்க்கட்சி  இல்லையோ அங்கே தரமான பாசிச ஆட்சியினைக் காண முடியும். இந்தியாவின் BJP அரசின் ஆட்சி முறைமை இதனைத் தெளிவாகக் காட்டுகின்றது. பாசிச ஆட்சியின் இன்னுமொரு கருத்தாவது: அங்கே மக்கள் ஆட்சி நடைபெறமாட்டாது. ஜனநாயக விழுமியங்கள் அங்கு பேணப்படமாட்டாது. அரசின் தலைவரே அங்கு சகலதுமாகவும் இருப்பார். பாராளுமன்ற உறுப்பினர்களுக்கு பேச்சுச் சுதந்திரம் இருக்கமாட்டாது. சொல்பவற்றிற்குத் தலையாட்டிவிட்டு சம்பளப் பத்திரத்தில் ஒப்பமிட்டு சம்பளத்தையும் இதர வசதிகளையும் அனுபவித்துக் கொண்டு போக வேண்டியவர்களாகத்தான் இவரகள் பார்க்கப்படுவார்கள்.

எப்படியிருந்தபோதிலும் இலங்கை போன்ற பல்லின மக்கள் செறிந்து வாழும் ஒரு நாட்டிற்கு பலமான எதிர்க்கட்சி ஒன்று இருக்க வேண்டியது மிக அவசியமhகும். 2/3 பெரும்பான்மை நாட்டின் நல்லாட்சிக்கு என்றும் கேடுதான். அதற்கான அனுபவமும் எம்மிடம் நிறைய உண்டு. 2/3 பெரும்பான்மையை வைத்து அடாவடித்தனமாக அரசியல் மாற்றங்களைச் செய்வதனைவிட அரசமைப்பு மற்றும் வேறு திருத்தங்கள் செய்ய வேண்டுமாக இருந்தால் முழு அவையும சாதாரண பெரும்பான்மையில் ஒன்று சேரந்து செய்வதுதான் சிறப்பான ஜனநாயகப் பண்பாக அமையும்.

பெரமுனவின் வெற்றியினை பெரும்பாலோர் எதிர்பார்த்ததுதான். ஆனால் UNP இப்படியான பினனடவைச் சந்திக்கும் என்பது எதிர்பாராத நிகழ்வுதான். இதற்கு ரணில் மாத்திரமல்ல அஙகுள்ள இரண்டாம் மூன்றாம்  நிலைத் தலைவரகளும் மக்களுக்குப் பதில் அளிக்க வேண்டியவரகளாக இருக்கினறனர்.

2019ல் நடைபெற்ற ஜனாதிபதித் தேர்தலில் பெரமுன பெற்ற வாக்குகள் 6,924,255. ஐதேக பெற்ற வாக்குகள் 5,564,239. மேலதிக வாக்குகள் 1,360,016. ஐதேக அதிக வாக்குகள் பெறாமைக்கு அப்போது பல காரணங்கள் அடையாளப்படுத்தப்பட்டன. 01 - வேட்பாளர் தெரிவில் ஏற்பட்ட காலதாமதம். 02 - அதனால் நடைபெற்ற உள்ளக போட்டிகள் 03 - குழுக்களாகப் பிரிந்து நின்றமை 04 - பிரச்சாரத்திற்கான காலம் போதாமல் இருந்தமை. 05 -  தலைவர்களே பிரிந்து நினறமையால் தேர்தலுக்கு மக்கள்முன் கொண்டு செல்லப்படவேண்டிய தேர்தல் விஞ்ஞாபணம் அதிகளவு தாமதத்தினை ஏற்படுத்தியமை. இதனால் இரண்டு கட்சிகளுக்கும் இடையிலான வாக்கு வித்தியாசம் 1,360,016 ஆகக் காணப்பட்டது. பாராளுமன்றத் தேர்தலில் காணப்பட்ட வாக்கு வித்தியாசம் பெரமுன  6,853,693 -  SJB 2,771,984 -  4,081,709. இரண்டு பாரிய தேர்தலுக்குமிடையில் ஏற்பட்ட இந்த மிகப் பாரிய வாக்கு வித்தியாசத்திற்கு மிகப் பெரிய காரணம் இருந்த தலைவர்கள் "அரசியல் அடாவடித்தனத்தினை" கட்சிக்குள் இருந்தபடியே மக்களைப்பற்றியும் நாட்டைப் பற்றியும் சிந்திக்காது நடத்தி முடித்தமைதான். இதனால் பாதிக்கப்படப் போகின்றவரகள் இடையிலுள்ள சாதாரண எளிய மக்கள்தான். இதனைப் பற்றி எல்லாம் எந்த அரசியல் வாதியும் அதிகம் யோசிக்கமாட்டார்கள். மறுபக்கமாகச் சொல்லப்போனால் தமது "வாழ்க்கை வசதிகள்" மேம்படல் வேண்டும் என்ற சிந்தனைதான் அவரகளுக்குள் காணப்படுகின்றன.

தற்போதைய சூழ்நிலையில் எதிராகவுள்ள இவ்விரு கட்சிகளையும் ஒன்றாக இணைத்தால்த்தான் எதிர்வரும் ஐந்து வருடங்களின் பின்னர் பலமான எதிர்க்கட்சியாகவோ அல்லது அரசுத் தரப்பாகவோ காணமுடியும். இல்லாவிட்டால் அரசுத் தரப்பிலிருந்து தவறான புரிந்துணர்வில் வெளியேறக்கூடிய சிறு தலைவரகளைக்கொண்ட குழு பிற்பட்ட காலத்தில் மக்கள் ஆதரவைக்கோரி வெற்றி பெறவும் கூடும். அனுமானங்களைவிட உடன் சூழ்நிலைக்கு அதிக முக்கியத்துவம் கொடுக்க வேண்டும். இருக்கக்கூடிய தலைவரகள் இரு கட்சிகளையும் இணைத்து பலமான கட்சியாக பாராளுமன்றத்திற்கு வெளியில் இருந்தாவது அரசின் மக்கள் விரோத செயற்பாட்டிற்கு (அப்படி ஏதும் நடந்தால்) தமது குரலை உயர்த்திக் காட்ட முடியும்.

பல்டிக்கு தயாராகும் முஸ்லிம் Mp

முஸ்லிம் கட்சியொன்றை பிரதிநிதித்துவப்படுத்தும்,  பாராளுமன்ற உறுப்பினர் ஒருவர், ஆளும் தரப்புக்கு பல்டி அடிக்கத் தயாராகி வருவதாக, தகவல்கள் தெரிவிக்கின்றன.


நிகழ்கால 2 பாராளுமன்ற உறுப்பினர்கள் இதனை Jaffna Muslim  இணையத்திடம் தெரிவித்தனர்.


ஆளும் ஸ்ரீலங்கா பொதுஜன பெரமுன, பாராளுமன்றத்தில் ஏற்கனவே மூன்றில் இரண்டு பெரும்பான்மையை பெற்றுள்ள போதிலும், இன்னும் சில ஆசனங்கள் தமக்கு மேலதிகமாக இருந்தால் நல்லது என கருதுகிறது.


இந்நிலையில் பல்டி அடிக்கத் தயாராக உள்ள அந்த முஸ்லிம் Mp,  தனது வர்த்தக நடவடிக்கைகளுக்கு வலு சேர்க்க, பல்டி அடிக்கும் திட்டத்தை கொண்டிருப்பதாக மேலும் அறிய வருகிறது.


சஜித் பெருந்துரோகம் இழைத்துவிட்டார், இதை எம்மால் மறக்க முடியாது - நஸீர் அஹமட் ஆவேசம்

- ஏ.எச்.ஏ. ஹுஸைன் -

முஸ்லிம் சமூகத்துக்குரித்தான தேசியப்பட்டியல் பிரதிநிதித்துவங்களை வழங்க மறுக்கும் சஜித் பிரேமதாஸவின் நடவடிக்கைகளில், கடும் அதிருப்தி அடைந்துள்ளதாக ஸ்ரீலங்கா முஸ்லிம் காங்கிரஸ் கட்சியின் பிரதித் தலைவரும் மட்டக்களப்பு மாவட்ட நாடாளுமன்ற  உறுப்பினருமான ஹாபிஸ் நஸீர் அஹமட் தனது அதிருப்தியை வெளியிட்டுள்ளார்.

இந்த 5pடயம் தொடர்பாக அவர் வியாழக்கிழமை 13.08.2020 வெளியிட்டுள்ள அறிக்கையில் இந்த அதிருப்தி தெரிவிக்கப்பட்டுள்ளது.

அதில் மேலும் குறிப்பிடப்பட்டுள்ளதாவது,

பொதுத் தேர்தலில் எட்டப்பட்ட தேர்தல் உடன்பாடுகளை ஐக்கிய மக்கள் சக்தியின் தலைமை உதாசீனப்படுத்துவது, அதன் பங்காளிகளின் உறவுகளில் விரிசலை ஏற்படுத்துமெனவும் அவர் மேலும் தெரிவித்துள்ளார்.

 “ஐக்கிய மக்கள் சக்தியின் தலைவர் சஜித் பிரேமதாஸவுடன், தேர்தலின்போது செய்யப்பட்ட உடன்பாடுகளில் நம்பிக்கை வைத்தே, முஸ்லிம் காங்கிரஸ் தேர்தல் பணிகளை முன்னெடுத்தது. தொகுதி விட்டுக்கொடுப்பு, ஒத்துழைப்பு, அரசியல் செல்வாக்கு பலம் என்பவற்றைக் கருதியே சில தியாகங்களையும் எமது கட்சி செய்தது.

இந்தத் தியாகங்களை கௌரவித்து, தேசியப்பட்டியல் வழங்குவதாக உடன்பாடும் உத்தரவாதமும் வழங்கப்பட்டது. இத் தீர்மானத்தின் அடிப்படையில், முஸ்லிம் காங்கிரஸ் பிரச்சாரம் மேற்கொண்டதால், எமது கட்சி வேட்பாளர்களை நிறுத்தாத மாவட்டங்களிலும், முஸ்லிம் காங்கிரஸின் கணிசமான முஸ்லிம் வாக்குகள் ஐக்கிய மக்கள் சக்திக்கு கிடைத்தன.

எனினும், தேர்தல் முடிந்த பிற்பாடு வழங்கிய வாக்குறுதிகள் நிறைவேற்றப்படாமை, எமது கட்சிக்கு மட்டுமல்ல, முஸ்லிம் சமூகத்துக்கும் ஏமாற்றத்தை அளித்துள்ளது. மட்டுமின்றி எமது கட்சியின் போராளிகள், ஆதரவாளர்களும் இந்த ஏமாற்று வேலையினால் மனமுடைந்து போயுள்ளனர். சஜித் பிரேமதாஸ எமக்கு வழங்கிய வாக்குறுதிகளை நிறைவேற்றாமல் பெருந்துரோகம் இழைத்திருப்பது ஏற்றுக்கொள்ள முடியாததும், வரலாற்றில் மறக்க முடியாததும் ஆகும்.

கடந்த காலங்களில் முஸ்லிம் காங்கிரஸ{டன் தேசிய கட்சிகளின் தலைவர்கள் மேற்கொண்டிருந்த உடன்பாடுகளும் வழங்கிய வாக்குறுதிகளும் முறையாக நிறைவேற்றப்பட்டிருக்கின்றன. அந்தவகையில், முன்னாள் ஜனாதிபதி அமரர் பிரேமதாஸ, மறைந்த தலைவர் அஷ்ரபுக்கு வழங்கிய உறுதிமொழிக்கிணங்க, சிறுபான்மைக் கட்சிகளின் நாடாளுமன்றப் பிரதிநிதித்துவ வெட்டுப்புள்ளியை 12 சதவீதத்திலிருந்து 5 சதவீதமாக குறைத்து, சமூகத்துக்கு விமோசனம் வழங்கியதை ஞாபகப்படுத்த விரும்புகிறோம்.

அதுமாத்திரமின்றி, மறைந்த தலைவர் மர்ஹ_ம் அஷ்ரபின் அரசியல் இணக்கப்பாடுகளை கௌரவமாக மதித்த சந்திரிக்கா அம்மையார், அம்பாறைக்கு ஹெலிகொப்டரை அனுப்பி அவரை கொழும்பிற்கு வரவழைத்திருந்தமையை இச்சமயத்தில் நினைவுபடுத்த விரும்புகின்றோம்.

முஸ்லிம் காங்கிரஸின் வரலாற்றில் 1989ஆம் ஆண்டிலிருந்து தொடர்ந்தேர்ச்சியாக எமது கட்சிக்கு தேசியப்பட்டியல் கிடைத்திருக்கின்றது. தனித்துவ சின்னமான மரத்தில் போட்டியிட்டு, தேசியப்பட்டியல் பிரதிநிதித்துவத்தைப் பெற்றது மாத்திரமின்றி, தேசியக் கட்சிகளுடன் தேர்தல் உடன்படிக்கைகள் மேற்கொண்டு, 2 தொடக்கம் 4 வரையிலான தேசியப்பட்டியல் எம். பிக்களைப் பெற்றிருக்கின்றோம்.

இம்முறை சஜித் பிரேமதாஸவின் மீது நம்பிக்கை கொண்டதனால், எமக்கு உரித்தான தேசியப்பட்டியல் எம்.பிக்களை இழந்தது மாத்திரமின்றி, கட்சியின் வரலாற்றில் கறுப்புப் புள்ளியாக அது பதிந்துவிட்டமை, கட்சிப் போராளிகளை கவலைப்படுத்தியுள்ளது.

இவ்வாறான ஏமாற்றங்கள் எமக்கு ஏற்படுமென தெரிந்திருந்தால், எமது கட்சியின் தனித்துவ சின்னத்தில் போட்டியிட்டிருப்போம். சில மாவட்டங்களில் வெல்ல முடியாத நிலை ஏற்பட்டிருந்தாலும், நாடளாவிய ரீதியில் எமக்கு வழங்கப்படும் வாக்குகளின் மூலம், தேசியப்பட்டியல் எம்,பி க்களையும் மேலதிகமாக பெற்றிருப்போம். அதுமாத்திரமின்றி, முஸ்லிம் சமூகத்தின் வாக்குகளைப் பயன்படுத்தி, தன்னைப் பலப்படுத்தியுள்ள ஐக்கிய மக்கள் சக்தி, மு.கா வின் பாராளுமன்றப் பிரதிநிதித்துவத்தைப் பலவீனப்படுத்தியுள்ளமை கண்டிக்கத்தக்கதாகும்” எனவும் அவர் அந்த அறிக்கையில் சுட்டிக்காட்டியுள்ளார்.

திருகோணமலை இராணுவ கட்டளை தளபதியை, பாராட்டி கௌரவித்த மூதூர் முஸ்லிம்கள்


- ஹஸ்பர் ஏ ஹலீம் -

புதிதாக கடமையேற்றுள்ள  திருகோணமலை மாவட்ட  இராணுவ கட்டளை தளபதி மேஜர் ஜெனரல் சீ.டி.வீரசூரிய  அவர்களுக்கு மூதூர் மஜ்லிஷூஸ் ஷூறாவின் தலைமையிலும், ஏற்பாட்டிலும் மூதூர் சிவில் சமூக பிரதிநிதிகளின் பங்குபற்றலுடன் வழங்கப்பட்ட வரவேற்பு நிகழ்வு நேற்று( 12.) பி.ப.4.30 மணியளவில் நத்துவத்துல் உலமா அரபிக் கல்லூரி கேட்போர் கூடத்தில் ஷூறாசபையின் தலைவர் அல்-ஹாஜ். எம்.எம்.கரீம் மெளலவி அவர்களின் தலைமையில் இடம் பெற்றது.

இந்நிகழ்வில் இராணுவ  சிவில் விவகார இணைப்பாளர் கேனல்.சுபசிங்க, 223, படைப்பிரிவு பிரிகேடியர் சாந்த பெரேரா அவர்களும் கலந்து கொண்டனர். 

ஜம்மியத்துல் உலமா-மூதூர் கிளை, மூதூர் அனைத்து பள்ளிவாசல் சம்மேளனம், மூதூர் கதீப்மார் சம்மேளனம்,  மூதூர் வர்த்தக சங்கம்,மூதூர் ஜூவல்ரி சங்கம்,  மூதூர் மீனவ சமாஜம், மூதூர் உதைப்பந்தாட்ட சம்மேளனம், மூதூர் கிரிக்கெட் சபை உட்பட இன்னும் பல அமைப்புகளின் உறுப்பினர்கள் இந்நிகழ்வில் கலந்து கொண்டனர். 

இதன் போது உரையாற்றிய மாவட்ட இராணுவ கட்டளை தளபதி

 நாட்டின் முன்னேற்றம் கருதி இன, மத பேதமின்றி தான் பணியாற்றி வருபவர் என்றும் இத்தகைய பங்களிப்பு மூதூர் முஸ்லிம்களிடம் இருந்தும் கடந்த காலங்களை போல் கிடைக்கும் என்று பூரண நம்பிக்கை உண்டு என்றும் தெரிவித்தார். 

முன்னைய இராணுவ அதிகாரிகளுடன் சமூக ஒற்றுமை தொடர்பில் மூதூர் சமூகம் ஒத்துழைத்து செயற்பட்டதை வெகுவாக பாராட்டினர்.

இஸ்லாமிய சட்டத்தை குறிவைத்த ரதன தேரர் - தேசியப் பட்டியல் சாபக்கேடாகி விட்டது என்கிறார்


(இராஜதுரை ஹஷான்)

   அபேஜனபல வேகய கட்சிக்கு கிடைக்கப் பெற்றுள்ள தேசிய பட்டியல் ஆசனம் யாருக்கு வழங்க    வேண்டும் என்பதை தீர்மானிக்கம் அதிகாரம் எனக்கு மாத்திரமே உண்டு.  கிடைக்க பெற்ற ஒரு ஆசனம் அனைத்து தரப்பிற்கும் சாபகேடாக மாறியுள்ளது. என முன்னாள் பாராளுமன்ற உறுப்பினர்  அத்துரலியே ரத்ன தேரர் தெரிவித்தார்.

கொழும்பில் இன்று -13- இடம் பெற்ற ஊடகவியலாளர் சந்திப்பில் கலந்துக் கொண்டு கருத்துரைக்கையில் அவர் மேற்கண்டவாறு  குறிப்பிட்டார்.

அவர் மேலும் குறிப்பிடுகையில்,

  இஸ்லாமிய  அடிப்படைவாதத்தை முழுமயாக இல்லாதொழித் து  அனைத்து இன  மக்களும்   பொது சட்டத்திற்கு அடிபணிய  வேண்டும் என்பதற்காகவே  இடம் பெற்ற பொதுத்தேர்தலில் போட்டியிட்டோம். தேர்தலில்போட்டியிடுவதற்கு  அங்கிகரிக்கப்பட்ட கட்சி ஒன்று   இல்லாத காரணத்தினால் அபேஜன பல வேகய  கட்சியில் போட்யிட்டோம்.  ஞானசார தேரர்  உட்பட  தேர்தலில் போட்டியிட தீர்மானித்தவர்கள் அனைவரும்   இக்கட்சியில் கூட்டணியமைத்தோம்.  அப்போது   கூட்டணியின் பொதுச்செயலாளராக  நான்  நியமிக்கப்ட்டேன்.  

  தேர்தலில் போட்டியிடுதல் மற்றும்  அடுத்தக்கட்ட  நடவடிக்கைகள் தொடர்பில் தீர்மானங்கள் எடுக்கும் அதிகாரம்  கூட்டணிக்கு உண்டு என்பதை எழுத்து மூலமாக தேர்தல்கள் ஆணைக்குழுவிற்கு  அறிவித்துள்ளோம். இடம் பெற்று முடிந்த பொதுத்தேர்தலில் எமது கொள்கைகளை   மக்கள் மத்தியில் கொண்டு செல்வதற்கு எமக்கு  ஊடகங்களில்  வாய்ப்பு  கிடைக்கப் பெறவில்லை.

  ஞானசார தேரர் உட்பட  தேர்தலில் போட்டியிட தீர்மானித்த  அபேஜன பலவேகய அமைப்பின் உறுப்பினர்கள் மக்கள் மத்தியில் நேரடியாக சென்று  கொள்கைகளை  வெளிப்படுத்தினார்கள்.  அதுவே  67  ஆயிரம் வாக்குகளை எமக்கு பெற்றுக் கொடுத்தது   பொதுபல சேனா அமைப்பின் பொதுச்செயலாளர்  குருநாகலை மாவட்டத்தில் போட்டியி  தாக்கல் செய்த வேட்புமனு  இரத்து செய்யப்பட்டது. அதிக  வாக்குகளை  பெறுவதற்கு  எதிர்பார்த்த 4 மாவட்டங்களின் வேட்பு  மனுக்கல் இரத்து செய்யப்பட்டமை  எமக்கெதிராக  முன்னெடுக்கப்பட்ட அரசியல் சூழ்ச்சியாகும்.

 பாரிய  சவால்களுக்கு மத்தியில் பொதுத்தேர்தலில் 67  ஆயிரம்   வாக்குகளை பெற்றோம். எமக்கு   தேசிய பட்டியலில்  1 ஆசனம்   ஒதுக்கப்பட்டுள்ளது. இதுவே தற்போது அனைவருக்கும்  சாபக்கேடாக மாறியுள்ளது   அமைக்கப்பட்ட கூட்டணியின் பிரகாரம்   தேசிய பட்டியல் தொடர்பில்   தீர்மானம்  எடுக்கும் அதிகாரம் அபே ஜனபல வேகய கட்சிக்கு  கிடையாது. தேசிய பட்டியல் தொடர்பில் தீர்மானம் எடுக்கும் அதிகாரம் எமக்கு மாத்திரமே   உண்டு.

 இஸ்லாமிய  அடிப்படைவாதத்தை  இல்லாதொழிப்பது   சவால்மிக்கது    நாட்டில் அனைத்து இன   மக்களும் பொது சட்டத்திற்கு  அடிபணிய வேண்டும்.  என்பதற்காக  இந்த தேசிய  பட்டியல் ஆசனத்தை  பயன்படுத்துவோம். வெகுவிரைவில் சிறந்த தீர்மானம் எடுக்கப்படும்.  என்றார்.

பௌத்த மத தலைவர்கள், பிரதமருக்கு வழங்கிய ஆலோசனை


(இராஜதுரை ஹஷான்)

நாட்டு மக்கள் 2015 ஆம் ஆண்டு அரசியல் ரீதியில் செய்த தவறை  இம்முறை  பெரும்பான்மை  ஆதரவை  வழங்கி திருத்திக் கொண்டுள்ளார்கள். மக்கள் பொறுப்பினை   நிறைவேற்றியுள்ளார்கள். ஆகவே இனி ஆட்சியாளர்கள் பொறுப்புக்களை   நிறைவேற்ற  வேண்டும்.    

பாதிப்பினை ஏற்படுத்தும் அரசியலமைப்பினை நீக்கி அனுகூலமான   அரசியலமைப்பினை உருவாக்குதல் அவசியம் என  வட மத்திய  பிரிவுக்கு பொறுப்பான   பிரதான  பௌத்தபீட தலைவர்   பல்லேகம  சிறிநிவாச  பிரதமர் மஹிந்த ராஜபக்ஷவிற்கு ஆலோசனை வழங்கினார்.

பிரதமர் மஹிந்த  ராஜபக்ஷ  இன்றைய  தினம்  ஸ்ரீ மஹா போதி,  ருவன்வெளிசாய ஆகிய    சிறப்புமிக்க விகாரைகளுக்கு சென்று  மத வழிபாடுகளில் ஈடுப்பட்டார். பின்னர்  பௌத்தமத பீட  தலைவர்களை சந்தித்து ஆசிப் பெற்றுக் கொண்டார்.

இடம் பெற்று முடிந்த பொதுத்தேர்தல் அரசியல் ரீதியில் எதிர்பார்த்த   மாற்றத்தை  ஏற்படுத்தியுள்ளது.   நாட்டு மக்கள் 2015 ம் ஆண்டு அரசியல் ரீதியில் செய்த தவறை இம்முறை    பெரும்பான்மை ஆதரவை  வழங்கி திருத்திக் கொண்டுள்ளார்கள். இனி  சிறந்த  அரச  நிர்வாகத்தை முன்னெடுப்பது    அவசியமாகும்.

நாட்டு மக்கள்  தமது  கடமையை முறையாக நிறைவேற்றியுள்ளார்கள். இனி ஆட்சியார்கள்    தங்களின் கடமைகளை சரிவர  செயற்படுத்த  வேண்டும். மக்களின்  வெறுப்பக்கு  உள்ளானால் மீண்டும் மாற்றம் ஏற்படும்.  பாதிப்பினை ஏற்படுத்தும்   அரசியலமைப்பினை  நீக்கி     நாட்டுக்கு  அனுகூலமான  அரசியலமைப்பை உருவாக்குவதற்கு   ஆட்சியாளர்கள்  கவனம் செலுத்த வேண்டும் என  குறிப்பிட்டு    தேரர்  பிரதமருக்கு ஆசி  வழங்கினார்.

அநுராதபுர  மாவட்டத்தில் உள்ள தொல்பொருள்  சிறப்பு மிக்க இடங்களை பாதுகாப்பாற்கு அரசாங்கம் உரிய  நடவடிக்கைகளை முன்னெடுக்க வேண்டும்.   அரச பதவி கிடைக்கும்     அனைத்து சந்தர்ப்பங்களிலும் அநுராதபுர  வரலாற்று  சிறப்பு மிக்க இடத்திற்கு  பிரதமர் மஹிந்த ராஜபக்ஷ விஜயம் செய்வது  சிறப்புக்குரியது.   சிறந்த  அரசாங்கத்தை அனைத்து  தரப்பினரையும் ஒன்றுப்படுத்தி முன்னெடுக்க வேண்டும். தேசிய பாதுகாப்பிற்கு அதியுச்ச  முன்னுரிமை  கொடுப்பது     அரச தலைவர்களின் பொறுப்பாகும் என பல்லேகட சிறிநிவாச தேரர்  பிரதமர் மஹிந்த ராஜபக்ஷவுக்குஆசி  வழங்கினார்.

நீதிமன்றத்தின் ஊடாக தேசிய பட்டியல், பிரச்சினையை தீர்க்க நடவடிக்கை

தேசிய பட்டியல் உறுப்பினரை நியமிக்கும் அதிகாரம் தன் வசமே உள்ளதாக அத்துரலியே ரதன தேரர் தெரிவித்துள்ளார். 

கொழும்பில் இன்று (13) இடம்பெற்ற ஊடக சந்திப்பில் கலந்து கொண்டு அவர் இதனை தெரிவித்தார். 

இதன்போது கருத்து தெரிவித்த அவர், அபே ஜன பல கட்சியின் அதிகாரபூர்வமாக ஒப்பந்தத்தின் ஊடாக தேசிய பட்டியல் உறுப்பினரை நியமிக்கும் அதிகாரம் தனக்கு வழங்கப்பட்டுள்ளதாக தெரிவித்தார். 

இவ்வாறான சூழ்நிலையில் பிரச்சினையை தீர்த்துக் கொள்வதற்காக வெவ்வேறு தரப்பினரால் மேற்கொள்ளப்படும் அழுத்தங்கள் காரணமாக நீதிமன்றம் சென்று பிரச்சினையை தீர்த்துக் கொள்ளுதல் பொருத்தமான ஒரே நடவடிக்கையாக இருக்கும் என அவர் தெரிவித்தார். 

அபே ஜனபல கட்சியின் செயலாளராக கூறப்படும் வெதினிகம விமலதிஸ்ஸ தேரரால் குறித்த பாராளுமன்ற உறுப்பினர் பதவியை கோரி தேர்தல் ஆணைக்குழுவிற்கு கடிதமொன்று அனுப்பி வைக்கப்பட்ட போதும், நெருக்கடிக்கு மத்தியில் ஞானசார தேரரின் பெயரிடப்பட்டுள்ளமையினால் பல பிரச்சினைகள் உருவெடுததுள்ளதாக அவர் குறிப்பிட்டார்.

26 புதிய அமைச்சுக்களுக்கான செயலாளர்கள் நியமனம் (முழு விபரம்) தமிழர், முஸ்லிம்கள் எவருமில்லை

நேற்றைய தினம் பதவிப்பிரமாணம் செய்துக் கொண்ட அமைச்சர்களுக்கு உரிய 25 அமைச்சுக்களுக்கான புதிய செயலாளர்கள் நியமிக்கப்பட்டுள்ளனர். 

அவர்களுக்கான நியமனக்கடிதங்கள் ஜனாதிபதி கோட்டாபய ராஜபக்ஷவினால் இன்று (13) பிற்பகல் ஜனாதிபதி செயலகத்தில் வைத்து வழங்கப்பட்டுள்ளது. 

அதன்படி, 

1. அமைச்சரவை செயலாளர் - டபிள்யூ.எம்.டி.ஜே. பெர்ணான்டோ பிள்ளை

2. சுற்றுச்சூழல் அமைச்சு - வைத்திய நிபுணர் அனில் ஜாசிங்க

3. வௌியுறவு அமைச்சு - அத்மிரல் (ஓய்வு) ஜயநாத் கொலம்பகே

4. நிதி அமைச்சு - எஸ்.ஆர்.ஆடிகல

5. பெருந்தெருக்கள் அமைச்சு - ஆர்.டபிள்யூ.ஆர். பிரேமசிறி 

6. அரச சேவைகள், மாகாண சபை மற்றும் உள்ளூராட்சி அமைச்சு - ஜே.ஜே. ரத்னசிறி

7. வெகுஜன ஊடக அமைச்சு - ஜகத் பீ.விஜேவீர

8. பெருந்தோட்ட அமைச்சு - ரவிந்திர ஹேவாவிதாரண

9. நீர்பாசன அமைச்சு - அனுர திஸாநாயக்க

10. கைத்தொழில் அமைச்சு - டபிள்யு.ஏ.சுலானந்த பெரேரா 

11. மின்சக்தி அமைச்சு - வசந்த பெரேரா 

12. சுற்றுலா அமைச்சு - எஸ். ஹெட்டியாராச்சி

13. காணி அமைச்சு - ஆர்.ஏ.ஏ.கே. ரணவக

14. தொழில் அமைச்சு - என்.பீ.டி.யூ.கே. மாபா பதிரண 

15. கடற்றொழில் அமைச்சு - ஆர்.எம்.ஐ. ரத்நாயக்க

16. பாதுகாப்பு அமைச்சு - மேஜர் ஜெனரால் (ஓய்வு) கமல் குணரத்ன

17. வனஜீவராசிகள் மற்றும் வன பாதுகாப்பு அமைச்சு - எம்.கே.பீ ஹரிச்சந்திர

18. போக்குவரத்து அமைச்சு - என்.பீ.மொன்டி ரணதுங்க

19. நீர் வழங்கல் அமைச்சு - கலாநிதி பிரியத் பந்து விக்ரம

20. வர்த்தக அமைச்சு - ஜே.எம்.பீ. ஜயவர்தன

21. சுகாதார அமைச்சு- மேஜர் ஜெனரால் சஞ்சீவ முணசிங்க

22. கமத்தொழில் அமைச்சு - மேஜர் ஜெனரால் (ஓய்வு) ஏ.கே.சுமேத

23. இளைஞர் மற்றும் விளையாட்டு அமைச்சு - அனுராத விஜேகோன்

24. வலுசக்தி அமைச்சு - கே.டீ.ஆர்.ஒல்கா 

25. கல்வி அமைச்சு - பேராசிரியர் கபில பெரேரா 

26. நகர அபிவிருத்தி மற்றும் வீடமைப்பு அமைச்சு - சிறிநிமல் பெரேரா

ஆகியோர் நியமிக்கப்பட்டுள்ளனர்.

சம்பிரதாயங்களை மறந்த 3 அமைச்சர்களால் சர்ச்சை


புதிய அரசாங்கத்தின் அமைச்சரவை நேற்று ஜனாதிபதி கோட்டாபய ராஜபக்‌ஷ முன்னிலையில் சத்தியப்பிரமாணம் செய்து கொண்டது.

கண்டியில் இடம்பெற்ற இந்த நிகழ்வின் பின்னர் ஜனாதிபதி கோட்டாபய ராஜபக்ஷவுடன் அமைச்சர்கள் மற்றும் இராஜாங்க அமைச்சர்கள் புகைப்படம் எடுத்துக் கொண்டனர்.

எனினும் குறித்த சந்தர்ப்பத்தில் மூன்று இராஜாங்க அமைச்சர்கள் புகைப்படம் எடுத்துக் கொள்ளாமல் அங்கிருந்து சென்றுள்ளதாக தெரிவிக்கப்படுகிறது.

லொஹான் ரத்வத்தே, விமலவீர திஸாநாயக்க, பிரியங்கர ஜயரத்ன ஆகிய இராஜாங்க அமைச்சர்களே இவ்வாறு புகைப்படம் எடுத்துக் கொள்ளாமல் சென்றுள்ளனர்.

தங்களின் தனிப்பட்ட தேவைக்காக அவசரமாக செல்ல வேண்டும் என கூறி அங்கிருந்து சென்றுள்ளனர்.

இராஜாங்க அமைச்சர் பிரியங்கர ஜயரத்ன அங்கிருந்த போதிலும் நெகிழ்ச்சியான சிக்கல் ஒன்றிற்கு மத்தியில் அந்த புகைப்படம் எடுத்துக் கொள்வதனை அவர் புறக்கணித்துள்ளார் என குறிப்பிடப்படுகின்றது.

இலங்கையில் புதிய அமைச்சரவையின் போது ஜனாதிபதியுடன், அமைச்சர்கள் மற்றும் ராஜாங்க அமைச்சர்கள் புகைப்படம் எடுத்துக் கொள்வது சம்பிரதாயமாகும்.

தனது விருப்பு வாக்குகளை மீள எண்ண, சுமந்திரன் இணக்கம் தெரிவிப்பு

நடைபெற்று முடிந்த நாடாளுமன்றத் தேர்தல் முடிவுகளின் அடிப்படையில் எனது வெற்றியில் பலருக்கு சந்தேகம் ஏற்பட்டிருக்கின்றது. எனக்கு கிடைக்கப்பெற்ற விருப்பு வாக்குகளில் மோசடி செய்யப்பட்டுள்ளதாக குற்றச்சாட்டுக்கள் சுமத்தப்பட்டுள்ளன என தமிழ்த் தேசியக் கூட்டமைப்பின் ஊடகப் பேச்சாளர் எம்.ஏ.சுமந்திரன் தெரிவித்துள்ளார்.

மேலும், எனக்கு என்னுடைய வெற்றியில் எவ்வித சந்தேகமும் கிடையாது, அரசாங்க ஊழியர்களின் நேர்மையிலும் எனக்கு நம்பிக்கை இருக்கின்றது. ஆகவே பொறுப்பில்லாமல், இப்படி பேசிக் கொண்டிருக்காமல் தயவு செய்து வழக்குத் தாக்கல் செய்யுங்கள். எனக்கு கிடைக்கப்பெற்ற வாக்குகளை மீள எண்ணுவதற்கு இணங்குகின்றேன் எனவும் அவர் குறிப்பிட்டுள்ளார்.

யாழில் இன்றையதினம் ஊடகவியலாளர்களிடம் கருத்து வெளியிடும்போதே அவர் மேற்கண்டவாறு குறிப்பிட்டார்.

தொடர்ந்தும் தெரிவிக்கையில்,

எனது வெற்றியில் மோசடி இடம்பெற்றுள்ளது என்று பொதுவெளியில் கூறுபவர்கள் துணிச்சல் இருந்தால் இவர் கள்ளவாக்கினால் வென்றார் என வெளிப்படையாக கூறுங்கள். உங்களுக்கு எதிராக நான் நடவடிக்கை எடுக்கின்றேன்.

ஆகவே மக்களை குழப்பும் நடவடிக்கையை முன்னெடுப்பது நியாயமாக, நேர்மையாக எடுத்த ஜனநாயக வெற்றியை கொச்சைப்படுத்தும் ஒரு செயல். அதனை பல கட்சிகள் சேர்ந்து செய்கின்றார்கள்.

எங்களது கட்சிக்குள்ளேயே பலர் அதனை ஊக்குவிக்கின்றார்கள். அதுதான் விசித்திரமான செயல். என்னைத் தோற்கடிக்க வேண்டும் என்று வெளியே இருந்து செய்யப்பட்ட சூழ்ச்சிகளை விட கட்சிக்குள்ளேயிருந்து செய்யப்பட்ட சதிகள் தான் ஏராளம். அவை அனைத்துமே மக்களுக்கு தெரிந்த விடயம் என குறிப்பிட்டுள்ளார்.

UNP க்குள் மீண்டும் முரண்பாடுகள்

(நா.தனுஜா)

பொதுத்தேர்தலில் மிகப்பாரிய பின்னடைவைச் சந்தித்திருக்கும் ஐக்கிய தேசியக் கட்சி புதிய தலைமைத்துவமொன்றின் கீழ் முழுமையான மறுசீரமைப்பிற்கு உட்படுத்தப்பட வேண்டும்.

அதனை மையப்படுத்தி கட்சியின் பொறுப்புக்களுக்கு வெவ்வேறு பெயர்கள் பரிந்துரைக்கப்பட்டுள்ள நிலையில், அதுகுறித்து சிரேஷ்ட உறுப்பினர்களுக்கிடையில் முரண்பாடுகள் ஏற்பட்டிருப்பதாகத் தெரிகிறது.

இவ்விடயத்தில் கருத்து முரண்பாடுகளைத் தவிர்த்து நாட்டையும் இனத்தையும் கட்சியையும் பாதுகாத்துக்கொள்வதற்காக ஒருமித்த தீர்மானமொன்றை மேற்கொள்ள வேண்டிய நிலையிலேயே கட்சி இருக்கின்றது என்பதை அனைவரும் புரிந்துகொண்டு செயற்பட வேண்டும் என்று அக்கட்சியின் பிரதிச்செயலாளர் ருவன் விஜேவர்தன வலியுறுத்தியிருக்கிறார்.

2020 பொதுத்தேர்தலில் ஐக்கிய தேசியக் கட்சி மிகப்பாரிய பின்னடைவைச் சந்தித்ததுடன், தேசிய பட்டியல் மூலமான ஒரு ஆசனத்தைத் தவிர பாராளுமன்றத்தில் எந்தவொரு ஆசனங்களையும் பெற்றுக்கொள்ள முடியாத நிலைக்குத் தள்ளப்பட்டது.

ஆகவே கட்சியின் தலைமைத்துவத்தில் மாற்றம் ஏற்படுத்தப்படுவதுடன், கட்சி முழுமையாக மறுசீரமைப்பிற்கு உட்படுத்தப்பட வேண்டும் என்ற கருத்துக்களும் வலுப்பெற்றிருக்கின்றன. எனினும் கட்சித்தலைமைத்துவம் தொடர்பில் இதுவரையில் எவ்வித இறுதித்தீர்மானங்களும் எட்டப்படவில்லை.

இவ்வாறானதொரு நிலையில் கட்சியின் பிரதிச்செயலாளர் இன்று வியாழக்கிழமை வெளியிட்டிருக்கும் அறிக்கையில் கட்சியின் தலைமைத்துவ மாற்றம் மற்றும் கட்சி மறுசீரமைப்பு குறித்து வலியுறுத்தியிருக்கின்றார்.

இலங்கையில் இருந்து கட்டாருக்கான, விமான சேவை இன்றுமுதல் ஆரம்பம்


கொரோனா வைரஸ் தோற்று காரணமாக நிறுத்தப்பட்டிருந்த இலங்கைக்கான சேவையை கட்டார் எயார்வேஸ் மீண்டும் ஆரம்பித்தது.

இலங்கையில் இருந்து கட்டாருக்கு பணி நிமிர்த்தம் செல்லவிருந்தவர்களுக்கு இது மகிழ்ச்சியான செய்தியாகும்

மேலும் ஏராளமான வெளிநாட்டு தொழிலாளர்கள் தமது வருமானங்களை இழந்திருந்த வேளையில் மீண்டும் தமது தொழில்களுக்கு மீண்டும் செல்வதற்கு இச்சந்தர்பத்தினை டுபாய்யினை அடுத்து கட்டார் வெளிநாட்டு தொழிலாளர்களுக்கு வழங்கியுள்ளது.

இதன் ஊடாக இன்று முதல் -13- இலங்கையில் உள்ளவர்கள் கட்டார் நாட்டிற்கு தமது வேலைவாய்ப்புகளை மீண்டும் தொடங்க பயணிக்க முடியும்

இலங்கையின் அதிகூடிய வருமானத்தினை வழங்கும் அம்சமாக வெளிநாட்டு வேளைவாய்ப்பு விளங்குகின்றது

இதற்கான பாதுகாப்பு வழிமுறைகளை கட்டார் தொழில்வழங்கும் நிறுவனங்களுக்கு வழங்கியுள்ளது

ஞானசாரருக்கா, ரதன தேரருக்கா தேசிப் பட்டியல் என்பதை நானே தீர்மானிப்பேன்


(இராஜதுரை ஹஷான்)

அபேஜன  பலவேகய  கட்சிக்கு   ஒதுக்கப்பட்டுள்ள ஒரு  தேசிய பட்டியல் ஆசனத்தை  யாருக்கு  வழங்க வேண்டும் என்று தீர்மானிக்கும் அதிகாரம்  எனக்கு மாத்திரம் உண்டு. அத்துரலிய தேரரரை தற்காலிகமாக  பாராளுமன்றத்துக்கு அனுப்புவதற்கு பொதுபல சேனா அமைப்பின் பொதுச்செயலாளர் ஞானசார தேரர் இணக்கம் தெரிவிக்க வேண்டும். 

பௌத்த மத உரிமைகளை பாதுகாக்க ஞானசாரதேரர் பாராளுமன்றம் செல்ல வேண்டும் என அபேஜனபல வேகய கட்சியின் பொதுச் செயலாளர்  வேதினிகம  விமலதிஸ்ஸ  தேரர்  தெரிவித்தார்.

 அவர் மேலும் குறிப்பிட்டுள்ளதாவது,

இடம் பெற்று முடிந்த பொதுத்தேர்தலில்   அபேஜன  பல வேகய  கட்சி  67 ஆயிரம்  வாக்குகளை  பெற்றுள்ளது.  பெற்றுக் கொண்டுள்ள  மக்களாணை முறையாக  பயன்படுத்தப்பட வேண்டும்.   தேசிய பட்டியல் விவகாரத்தில்    கட்சிக்குள் முரண்பாடுகள்   தோற்றம் பெற்ற காரணத்தினால் தேர்தல்கள் ஆணைக்குழுவிற்கு எனது பெயரை   சுயமாக  பரிந்துரை செய்தேன்.

தேசிய  பட்டியல் ஊடாக கிடைக்கப்  பெற்றுள்ள ஒரு  ஆசனத்தில்   ஞானசார தேரர் அல்லது அத்துரலியே ரத்ன தேரர் பாராளுமன்றம் செல்ல வேண்டும். அதனை விடுத்து அபேஜனபல  வேகய கட்சியின்  பிறிதொருவர்     பாராளுமன்றம் செல்வதற்கு  இடமளிக்க முடியாது.   தேசிய ஆசனம் தொடர்பில் தீர்மானம் எடுக்கும் அதிகாரம் கட்சியின்  பொதுச்செயலாளர் என்ற ரீதியில்    எனக்கு மாத்திரமே  உண்டு. கட்சியின் கொள்கைக்கு அமைய    மத்திய செயற்குழுவால்   நிரூபிக்கப்படாத காரணங்களின்றி   பொதுச்செயலாளரை நீக்கும் அதிகாரம்        கட்சி தலைவருக்கு   கிடையாது.

பொதுபல சேனா அமைப்பின்  பொதுச்செயலாளர் ஞானசார தேரர்    தேசிய பட்டியல் ஊடாக    பாராளுமன்றம்    செல்வதற்கு முடியாது , ஏனெனில் அவரது பெயர் தேசிய  பட்டியaல் உள்ளடங்கவில்லை.  ஆகவே  அத்துரலியே  ரத்ன தேரர்   தேசிய பட்டியலில் பாராளுமன்றம் சென்று அவர் சுயமாகவே  பாராளுமன்ற உறுப்புரிமையினை நீக்க வேண்டும்.  அதன் பின்னர்  அவ்விடத்திற்கு   ஞானசார தேரரை   இலகுவில் நியமிக்க முடியும்.   இவ்விடயத்தையே  நான்  ஆரம்பத்தில் தெரிவித்தேன். ஆனால் இரு தரப்பினரும்  இதற்கு இணக்கம்  தெரிவிக்கவில்லை.

தேசிய பட்டியல் ஆசனத்தை அத்துரலியே  ரத்ன தேரருக்கு  வழங்குவதற்கு  ஞானசார தேரரும்,        பிறகு பதவி விலகுவதற்கு   அத்துரலிய ரத்ன தேரரும்        முழுமையாக இணக்கம் தெரிவிக்க வேண்டும்.    ஞானசார தேரர் பாராளுமன்றம்   செல்வதற்கு இந்த வழிமுறையை  விட பிறிதொரு வழி கிடையாது.   ஞானசார தேரர்   கட்டாயம் பாராளுமன்றம் செல்ல வேண்டும். ஆகவே யாருக்கு   தேசிய பட்டியல் வழங்க வேண்டும் என்பதை   நானே  தீர்மானிப்பேன்   என்றார்.

ஸ்ரீலங்கன் எயர்லைன்சிற்கு சீனா, தடை விதித்தது ஏன்...?


கொரோனா வைரசினால் பாதிக்கப்பட்ட பல பயணிகள் கண்டுபிடிக்கப்பட்டதை தொடர்ந்து ஸ்ரீலங்கன் எயர்லைன்சின் கொழும்பு சங்காய் சேவைக்கு சீனா தற்காலிக தடை விதித்துள்ளது.

ஆகஸ்ட் ஏழாம் திகதி ஸ்ரீலங்கன் எயர்லைன்சின் யுஎல்866 விமானத்தில் பயணித்தவர்களில் 22 பேர் கொரோனா வைரசினால் பாதிக்கப்பட்டு;ள்ளமை கண்டுபிடிக்கப்பட்டுள்ளதை தொடர்ந்தே சீனா இந்த தடையை அறிவித்துள்ளது.

ஒரு மாதகாலத்துக்கு இந்த தடை நீடிக்கும் என சீனா அறிவித்துள்ளது.

நான் கிரிக்கெட் விளையாட்டுக்கு மட்டும், நியமிக்கப்பட்ட அமைச்சர் அல்ல - நாமல்

நான் கிரிக்கெட் விளையாட்டுக்கு மட்டும் நியமிக்கப்பட்ட அமைச்சர் அல்ல என்று விளையாட்டுத்துறை மற்றும் இளைஞர் விவகாரத்துறை அமைச்சராக நியமிக்கப்பட்ட நாமல் ராஜபக்ச தெரிவித்து உள்ளார்.


கண்டியில் உள்ள தலதா மாளிகையில் நேற்று புதன்கிழமை விளையாட்டுத்துறை மற்றும் இளைஞர் விவகாரத்துறை அமைச்சராக நாமல் ராஜபக்ச அரச தலைவர் கோத்தபாய ராஜபக்ச முன்னிலையில் பொறுப்பு ஏற்றுக் கொண்டார்.


பதவி ஏற்ற பின்னர் ஊடகவியலாளர் ஒருவர் சிறிலங்கா கிரிக்கெட் அணியில் தற்போது தோன்றி உள்ள நெருக்கடிக்கு நீங்கள் என்ன நடவடிக்கை எடுப்பீர்கள் என்று அவரிடம் கேள்வி எழுப்பினார்.


அதற்கு பதில் அளித்த அவர், பலரும் கிரிக்கெட்டின் மறுமலர்ச்சியில் கவனம் செலுத்தினாலும் நான் கிரிக்கெட்டுக்கு மட்டும் நியமிக்கப்பட்ட ஒரு அமைச்சர் மட்டும் அல்ல என்பதனை முதலில் நினைவில் வைத்துக் கொள்ள வேண்டும். நான் அனைத்து விளையாட்டுக்களுக்கும் நியமிக்கப்பட்ட ஒரு அமைச்சர் என்று தெரிவித்து உள்ளார்.


கிரிக்கெட்டுக்கு தனியாக கவனிக்கும் குழு இருப்பதாகவும், முன்னாள் வீரர்களுடன் கலந்தாலோசித்து கிரிக்கெட் விளையாட்டை மறுசீரமைக்க நடவடிக்கை எடுக்கப்படும் என்றும் அவர் உறுதி அளித்து உள்ளார்.

"நமக்குள் றிஷாத், ஹக்கீம், அதா என்று வேறுபாடு இருந்தாலும் அவர்களுக்கு எல்லோருமே ஒன்றுதான்"


- Nawfeer Atham Lebbe -

அதாஉள்ளாஹ் ஆதரவாளர்கள்,

பற்றி எரியும் உங்கள் மனங்களைப் புண்படுத்துவதாக எண்ண வேண்டாம். சில யதார்த்தங்களைச் சொல்ல வேண்டும்.

முதலில் NC தலைவர் அதாஉள்ளாஹ் அவர்களை அமைச்சுப் பதவி வழங்காமல் அவமானப்படுத்தியதை கண்டிக்கிறோம்.

ஆனால் இந்த அரசுக்காக நீங்கள் கட்டிய #கஃபத்துள்ளாவும், இந்த ஆட்சிக்கு கொடுத்த உலகப் புனிதவான் சான்றிதழும் சரியானதா? என்பது இப்போது புரிந்திருக்கும்.

இன்றும் கூட புரியாமல் இருந்தால் உங்கள் அரசியல் உணர்வுக்கு என்ன சொல்ல இயலுமோ தெரியாது. நீங்கள் அக்கரைப்பற்று பாலத்தையும் தாண்டி கொஞ்சம் யோசிக்கும் போதே, கொழும்பின், தென்னிலங்கையின் தற்போதைய மனோநிலை எப்படி உள்ளது என்று புரிந்து கொள்ள முடியும்.

இதையே பலமுறை நாங்கள் பேசி வந்தோம். இந்த ஆட்சியைக் கைப்பற்றிய முக்கிய #துரும்பு #முஸ்லிம் இனவாதமே என்பதை இப்போதாவது புரிந்து கொண்டிருப்பீர்.

நமக்குள் றிஷாத், ஹக்கீம், அதாஉள்ளாஹ் என்று வேறுபாடு இருந்தாலும் #அவர்களுக்கு நாம் எல்லோருமே முஸ்லிம் என்ற ஒன்று தான்.

நல்லதைச் சொல்லும் போது நாங்கள் மடையர்களே. ஏற்றி விட்டு ஏணியைத் தூக்குவதில் இந்தக் குடும்பத்தை விட யார் இருப்பர்? டக்ளஸுக்கு அமைச்சு ? ஏன் சேர்?..

அரசியலின் யதார்த்தம் வேறு நீங்கள் புரிந்து கொண்ட யதார்த்தம் வேறு. இன்னும் காலமிருக்கிறது நீங்கள் இந்த அரசைப் புரிந்து கொள்ளா விட்டாலும் உங்களை நம்பி வந்த சாய்ந்தமருதவர் புரிந்து கொள்வார்கள். பொறுத்திருப்போம் இணைந்து போவோம் #கரைந்து விடாது.

முஸ்லிம்கள் ஒரு புதிய பாதையில், பயணம் செய்ய ஆரம்பித்துள்ளார்கள் - நீதி அமைச்சர் அலி சப்ரி


இந்நாட்டின்  அரசியலமைப்பின் இறையாண்மைக்குப் பாதுகாவலனாக இருப்பதோடு எந்த சந்தர்ப்பத்திலும் ஐக்கியத்திற்கும் சகோதரத்துவத்திற்கு எதிராக செயற்பட போவதில்லை என்று உறுதியுடன் தெரிவித்துக் கொள்வதாக என்று தெரிவித்தார். நீதி அமைச்சர் அலி சப்ரி 

கண்டியில் உடரட்ட இராசதானியாக இருந்த காலத்தில் இராஜசிங்க மன்னன் பாவிக்கப்பட்ட ராஜ மண்டபம் என வர்ணிக்கப்படும் மகுல் மடுவத்தில் ஜனாதிபதி கோத்தபாய ராஜபக்~ பிரதமர் மஹிந்த ராஜபக்~ முன்னிலையில் இம்மண்டபத்தில் அமைச்சர் அலி சப்ரி நீதி அமைச்சராக சத்தியப்பிரமாணம் செய்து கொண்ட பின்னர் அமைச்சர் அலி சப்ரி அவர்களுக்கு கண்டி லையின் ஜும்ஆப் பள்ளிவாசலில் விசேட  முதலாவது வரவேற்பு வைபவமும் துஆப் பிரார்த்தனையும் இடம்பெற்றது.

இந்நிகழ்வு  மத்திய மாகாண அரசியல் ஒன்றியமும் மற்றும் கண்டி லையின் பள்ளிவாசல் நிர்வாகமும் சேர்ந்து ஏற்பாடு செய்திருந்தது. அமைச்சர் அலி சப்ரி உரையாற்றும்  இங்கு போது இவ்வாறு இதனைத் தெரிவித்தார். அவர் அங்கு தொடர்ந்து பேசுகையில் 

நான் ஜனாதிபதி முன்னிலையில் நீதி அமைச்சராகப் பதவியேற்றது ஒரு  குறித்த சமூகத்திற்காக மட்டும் அல்ல . ஒரு சனக் கூட்டத்திற்கு அல்ல . இது முழுநாட்டுக்காக வழங்கப்பட்டதாகும். நாங்கள் இந்நாட்டுக்கு மிகவும் ஆதரவானவர்கள். நாங்கள் இந்நாட்டின் அரசியலமைப்புக் கொள்கைக்கு உடன்பட்டவர்களாக இருக்க வேண்டும். இந்நாட்டின் அரசியமைப்பு இறையாண்மைக்கு பாதுகாப்பாக இருக்க வேண்டும். நான் முதல் தடவையாக ஜனாதிபதி சட்டத்தரணியாக பதவியேற்கும் இரண்டாவது தடவையாக நிதி அமைச்சராக பதவியேற்கும் இந்நாட்டின் அரசியலமைப்பின் இறையாண்மை பாதுகாக்கவராக இருக்க வேண்டும் என இரமுறை சத்தியப்பிரமானம் செய்துள்ளேன்.  

எனவே எந்தச் சந்தர்ப்பத்திலும் இந்நாட்டிற்கு எதிராகவும்  ஐக்கியத்திற்கு எதிராகவும் சக  சகோதரதத்திற்கு எதிராகவும்  செயற்படப் போவதில்லை என்று நான் ஆரம்பத்திலே உறுதிப்படத் தெரிவித்துக் கொள்கின்றேன். இது தொடர்பாக எந்த சந்தேகங்களும் கொள்ளத் தேவையில்லை. 

இந்நாட்டில் மக்களைப் பிரிப்பதற்கு சிலருக்கு தேவை இருக்கிறது. முஸ்லிம் சமூகம்  கிறிஸ்தவ சமூகம்  இந்து சமூகம் ஆகிய சமூகங்களுக்கிடையில் ஒன்றிணைந்து  சகவாழ்வை ஏற்படுத்த முற்படும் போதை அதைச் சீர்குலைப்பதற்கு பணத்திற்காக செயற்படும் ஒரு சில மனிதர்கள் சமூக விலைத்தளங்களில் பிழையான சித்தரிப்புக்களில் ஈடத் தொடங்கியுள்ளனர். இந்நாட்டில் முஸ்லிம்கள் 1100 வருடங்கள் கௌரவத்துடன் வாழும் முஸ்லிம் சமூகமாகும். 

முஸ்லிம் சமூகத்திற்குள் அடிப்படைவாதிகளை இல்லாமற் செய்வதில் வேறு எவரும் இருக்க முடியாது.  அது ஏனென்றால்  அடிப்படைவாதிகள் இருக்கும் வரையிலும் எங்களுக்கு நிம்மதியாக இருக்க முடியாது. அந்த அடிப்படைவாதிகள் இருக்கும் வரையிலும் எங்களால் சுதந்திரமாக வாழ முடியாது. அந்த வகையில் நாங்கள் அதற்காக முழு அர்ப்பணிப்புடன் சேவையாற்றுவோம். யாராவது சரி உயிர்த்த ஞாயிறு சம்பவத்துடன் தொடர்புடையவர்கள் இருப்பார்களாயின் கடைசிவரையிலும் சட்டத்திற்கு முன் கொண்டு வந்து உரிய நடவடிக்கைகள் மேற்கொள்வோம். அதற்கான உத்தரவாதத்தையும் நாங்கள் வழங்குகின்றோம் என்று அமைச்சர் உறுதியுடன் தெரிவித்தார் 

ஜனாதிபதி மற்றும் பிரதமர் ஆகிய இருவருடைய என் மீது நம்பிக்கையின் பிரகாரம் ஒரு நீதி அமைச்சராக நியமனம் செய்து இருக்கிறார்கள். 

விசேடமாக சிறுபான்மையின முஸ்லிம்கள் ஒரு புதிய பாதையில் பயணம் செய்ய ஆரம்பித்துள்ளார்கள். இந்தப் பயணத்தில் சக்திமிக்கவர்களாக முன்னோக்கிச் செல்ல வேண்டும். இன ரீதியிலான அரசியல் கலாசாரத்தில் இருந்து விலகி தேசிய கொள்கையுடைய அரசியலில் பயணம் செய்ய வேண்டும். அவ்வாறு செல்வோமாயின் எங்களுக்கான எதிர்காலம் இருக்கிறது. இது மிகவும் பெறுமதியானது என  நாங்கள் நம்புகின்றோம்.  அந்தப் பயணத்தில் முஸ்லிம் சமூகமோ அல்லது தமிழ் சமூகமோ இணைந்து கொள்ளும் போது தேசிய கட்சிகளுக்கு ஒரு பொறுப்பு இருக்கிறது. அவர்களை இணைத்துக் கொள்ள வேண்டும்.

எனவே அந்தப் பொறுப்பை பிரதான கட்சிகள் செய்ய வேண்டும். இதற்கு எடுத்துக் காட்டாக   ஜனாதிபதி மற்றும்; பிரதமர் ஆகியோர் என்னை நியமனம் செய்துள்ளனர். அவர்கள் எங்கள் எல்லோரையும் ஒரே சமனாக மதிக்கின்றார்கள்.   இலங்கையைக் கட்டி எழுப்புதவதகாகவும்  இலங்கையிலுள்ள சர்வ சமயங்களும் சிறந்தோங்கச் செய்வதற்காகவும் எல்லோரையும் ஒன்றிணைத்துக் கொண்டு எவ்வாறு புதிய நாட்டை உருவாக்குவது நாங்கள் எதிர்பார்க்கக் கூடிய நாட்டை எப்படி உருவாக்குவது என்பதே ஜனாதிபதி மற்றும் பிரதமர் ஆகிய இருவருடைய கொள்கையும் திட்;டமும் ஆகும்.

அந்த வகையிலேயே இலங்கையில் முதல் தடவையாக ஜனாதிபதி அவர்கள் அமைச்சர்மார்கள் நியமனம் செய்வதற்கு  மூன்று நாட்களுக்கு முன்னரே அமைச்சின் அலுவலகம், அவ்வமைச்சின் செயற்பாடு, எதிர்பார்ப்புக்கள் அவ்வமைச்சின் கீழுள்ள நிறுவனங்கள்  அனைத்தையும் தெளிவுபடுத்தி சிறந்த முறையில் வர்த்தகமானி அறிவித்தலை பதிப்பித்து  வெளிக்கொணர்ந்துள்ளார். இது ஒரு நல்லதொரு முன்னெடுப்பாகும்.  எனவே நாம் இலங்கையர் என்ற வகையில் இந்நாட்டை எல்லோரும் சேர்ந்து கட்டி எழுப்புவோம் என்று அவர் மேலும் தெரிவித்தார். 

இக்பால் அலி

பயங்கரவாதி சஹ்ரான் கைது, செய்யப்படாமைக்கான காரணம் என்ன...?


பொலிஸாரின் ஒவ்வொரு பிரிவிற்கு இடையில் இருந்த போட்டி தன்மையின் காரணமாக சரியான தொடர்பு இன்மையினால் சஹ்ரான் ஹசீமை கைது செய்ய முடியாமல் போனதாக தீவிரவாத விசாரணைப் பிரிவின் அடிப்படைவாத மற்றும் தீவிரவாத விசாரணை பிரிவின் பதில் நிலையப் பொறுப்பதிகாரி கயான் ரத்னாயக்க உயிர்த்த ஞாயிறு தொடர்பான விசாரணை குழுவிடம் தெரிவித்துள்ளார். 

உயிர்த்த ஞாயிறுத் தாக்குதல்கள் தொடர்பான ஜனாதிபதி ஆணைக்குழுவில் வாக்குமூலம் வழங்கும் போதே அவர் இவ்வாறு தெரிவித்துள்ளார். 

அத்துடன் தீவிரவாத நடவடிக்கைகள் தொடர்பிலான விசாரணைகளின்போது பல இடையுறுகளும் இருந்ததாக தெரிவிக்கப்பட்டுள்ளது. 

அடிப்படைவாதம் மற்றும் தீவிரவாதம் தொடர்பில் விசாரணையை நடத்தியபோது 2019 பெப்ரவரி மாதம் 28 ஆம் திகதியன்று தாமும் அதிகாரிகளும் சஹ்ரானின் மனைவியுடைய நாரம்மல உள்ள வீட்டுக்கு சென்றோம். 

சஹ்ரானின் மாமி மற்றும் அவருடைய சகோதரர் ஆகியோரிடம் இதன்போது விசாரணை நடத்தப்பட்டது. 

இந்தநிலையில் தங்களுடைய வீட்டுக்கு சஹ்ரான் கடந்த இரண்டு வருடங்களாக வரவில்லை என்று சஹ்ரானின் மாமி தெரிவித்தார். 

எனினும் அவருடைய சகோதரர் சஹ்ரான் ஒன்றரை மாதங்களுக்கு முன்னர் தமது வீட்டுக்கு வந்ததாக தெரிவித்தார். 

தாம் சஹ்ரானின் மாமியுடைய சகோதரனை விசாரணை செய்துக்கொண்டிருந்தபோது அவரின் கைத்தொலைபேசிக்கு அழைப்பு ஒன்று வந்தது. 

அதில் குற்றப்புலனாய்வுத்துறையினர் டயஸ் என்ற அதிகாரி பேசினார். சஹ்ரானின் மாமியின் சகோதரனை தாம் தனிப்பட்ட தகவல் தருபவராக பயன்படுத்துவதாக இதன்போது கூறிய குற்றப்புலனாய்வுத்துறையின் அதிகாரியான டயஸ், இந்த விசாரணையை பயங்கரவாத தடுப்பு பிரிவு தொடர்ந்து நடத்தினால் அது குற்றப்புலனாய்வுத்துறையினரின் விசாரணைகளுக்கு தாக்கத்தை ஏற்படுத்தும் என்று குறிப்பிட்டார். 

எனவே சஹ்ரானின் மனைவியினது வீட்டில் இருந்து பயங்கரவாத தடுப்புப்பிரிவினர் விலகிச்செல்லுமாறும் குற்றப்புலனாய்வுத்துறையின் டயஸ் என்ற அதிகாரி கூறினார். 

எனினும் சஹ்ரான் தொடர்பில் குற்றப்புலனாய்வுத்துறையினரின் தொகுப்பு விசாரணை அறிக்கையில் சஹ்ரானின் மாமியின் சகோதரர் தனிப்பட்ட தகவல் தருபவர் என்ற விடயம் தெரிவிக்கப்படவில்லை. 

இதேவேளை உயிர்த்த ஞாயிறு தாக்குதல்கள் நடத்தப்படும் வரை சஹ்ரானின் மாமியுடைய சகோதரரிடம் விசாரணையை மேற்கொள்ள முடியவில்லை என்றும் சாட்சியம் வழங்கியுள்ளார்.

August 12, 2020

அமைச்சை நீங்களே வைத்துக் கொள்ளுங்கள் - அதாவுல்லா


DCC Chairman இல்லாமல் இருந்து அமைச்சராக இருக்க என்னால் முடியாது.! அமைச்சை நீங்களே வைத்துக் கொள்ளுங்கள். அரசில் இருந்து ஆதரவு தருகிறேன்.

எனது வெற்றியின் மிகப்பெரிய பங்கு சாய்ந்தமருது மக்கள்.! அவர்களுக்கு ஏற்கனவே வழங்கிய நகரசபையை வழங்குங்கள். அது மட்டும் போதும் - அரசிடம் தேசிய காங்கிரஸின் தலைவர் பாராளுமன்ற உறுப்பினர் அதாவுல்லா கூறியது. #இன்னும் நிறையவே இருக்கின்றது சந்தர்ப்பம் வரும்போது பகிர்ந்து கொள்கின்றேன்...

Sulaiman Raafi

UNP யின் தலைமைத்துவத்திற்கு நவீன், பாலித ரங்கே பண்டார ஆகியவர்களின் பெயர்களும் முன்மொழிவு


ஐக்கிய தேசியக் கட்சியின் தலைமைத்துவத்திற்கு கட்சியின் தேசிய ஒருங்கமைப்பாளர் நவீன் திஸாநாயக்க, பிரதி பொதுச் செயலாளர் ருவன் விஜேவர்தன மற்றும் பாலித ரங்கே பண்டார ஆகியவர்களின் பெயர் முன்மொழியப்பட்டுள்ளதாக தெரிவிக்கப்பட்டுள்ளது.


அந்த கட்சியின் பொது செயலாளர் அகில விராஜ் காரியவசம் இதனை தெரிவித்துள்ளார்.


“ஐக்கிய தேசிய கட்சியின் தலைமைத்துவம் தொடர்பில் இன்று அறிவிக்கப்பட இருந்த போதிலும் இறுதித் தீர்மானத்திற்கு வர முடியவில்லை” எனவும் அவர் கூறியுள்ளார்.


கட்சியின் தலைமைத்துவம் தொடர்பில் தீர்மானம் எடுப்பதற்காக இன்று ரணில் விக்ரமசிங்க தலைமையில் அவரது கொள்ளுபிட்டிய வீட்டில் ஒன்றுகூடியிருந்தனர்.


இருப்பினும் இன்று இறுதித் தீர்மானத்திற்கு வர முடியவில்லை என கட்சியின் பொதுச் செயலாளர் தெரிவித்துள்ளார்.


கட்சியின் தலைமைத்துவம் தொடர்பான இறுதி தீர்மானத்தை எதிர்வரும் வெள்ளிக்கிழமை அறிவிப்பதாகவும் அவர் தெரிவித்துள்ளார்.


அண்மையில் இடம்பெற்ற நாடாளுமன்ற தேர்தலில் ஐக்கிய தேசியக் கட்சி படு தோல்வியை சந்தித்த நிலையில், கட்சியின் தலைமை பதவியில் இருந்து விலகுவதாக முன்னாள் பிரதமர் ரணில் விக்ரமசிங்க கூறியிருந்தார்.


இதனையடுத்து ஐக்கிய தேசியக் கட்சியின் புதிய தலைவரை நியமிப்பதற்கான நடவடிக்கைகள் எடுக்கப்பட்டு வருகின்றன.


கட்சியின் தலைமைத்துவத்திற்கு கட்சியின் பொதுச் செயலாளர் அகில விராஜ் காரியவசம், உப தலைவர் ரவி கருணாநாயக்க, வஜிர அபேவர்தன மற்றும் தயா கமகே ஆகியவர்களின் பெயர் பரிந்துரைக்கப்பட்டிருந்தது.


இந்நிலையில், குறித்த விடயம் தொடர்பில் தீர்மானம் எடுப்பதற்காக இன்று ரணில் விக்ரமசிங்க தலைமையில் அவரது கொள்ளுபிட்டிய வீட்டில் ஒன்றுகூடியிருந்தனர் என்பதும் குறிப்பிடத்தக்கது.

நீதி அமைச்சர் அலி சப்ரி, அந்தப் பதவிக்கு பொருத்தமானவர் - ஹக்கீம்


"கோழிகள், முட்டை மற்றும் கழிப்பறைகளுக்கு இப்போது அமைச்சர்கள் நியமிக்கப்பட்டுள்ளனர். இது ஒரு பெரிய நகைச்சுவை” என நாடாளுமன்ற உறுப்பினரும் முஸ்லிம் காங்கிரஸ் கட்சியின் தலைவருமான ரவூப் ஹக்கீம் தெரிவித்துள்ளார்.


புதிதாக நியமிக்கப்பட்ட நீதி அமைச்சர் அலி சப்ரி இந்த பதவிக்கு பொருத்தமான வேட்பாளர் என்று முன்னாள் அமைச்சர் ரவூப் ஹக்கீம் கூறுகிறார்.


பத்திரிகையாளர்கள் எழுப்பிய கேள்விக்கு அவர் பதிலளிக்கும் போதே மேற்கண்டவாறு தெரிவித்தார்.


இன்றையதினம் நியமிக்கப்பட்ட அமைச்சர்கள் நியமனத்தின்போது அமைச்சர்கள் பிரிக்கப்பட்ட விதம் குறித்து தாம் திருப்தி அடையவில்லை எனவும் அவர் தெரிவித்தார்.


இதேவேளை புதிதாக நியமிக்கப்பட்ட நீதி அமைச்சர் அலி சப்ரி இந்த பதவிக்கு பொருத்தமான வேட்பாளர் என்றும் அவர் தெரிவித்தார்.

SJB யின் தேசியப்பட்டியல் Mp மார் இவர்கள்தான் (Final)


ஐக்கிய மக்கள் சக்தியின் தேசியப்பட்டியல் Mp மார் இவர்கள்தான் 

Samagi Jana Balavegaya has named it’s 7 member national list.


Ranjith Maddumabandara – Former MP

Imtiaz Bakeer Markar – Former MP

Tissa Attanayake – Former MP

Harin Fernando – Former MP

Eran Wickramaratne – Former MP

Mayantha Dissanayake – Former MP

Diana Gamage

காலம் போடும், கோலத்தை பார்த்தீர்களா...?


ஜே.வி.பி முதன் முறைாயக 1994ஆம் ஆண்டு ஓகஸ்ட் மாதம் நடைபெற்ற நாடாளுமன்றத் தேர்தலில் வெற்றிபெற்று ஒரு ஆசனத்தைப் பெற்றிருந்தது.

நிகால் கலபதி அதன் முதலாவது உறுப்பினராகத் தெரிவானார். சந்திரிகா வெற்றி பெற்று ஜனாதிபதியாகப் பதவியேற்றிருந்த காலம் அது.

நிறைவேற்று ஜனாதிபதிமுறைய ஒழிப்பேன் என்று கூறிப் பதவிக்கு வந்த சந்திரிகாவுக்கு நிகால் கலபதி நாடாளுமன்றத்தில் ஆதரவும் கொடுத்திருந்தார்.

ஆனால் இந்த நாடாளுமன்றக் கட்டடம் ஐந்து நட்சத்திர விடுதியைப் போன்றது. மக்களின் வரிப்பணத்தில் 225 உறுப்பினர்களும் அதி உயர்வான உணவுகளை அருந்துவதாகக் குற்றம் சுமத்திய நிகால் கலபதி, நாடாளுமன்ற அமர்வுகளுக்கு வரும்போது. வீட்டில் இருந்தே சோற்றுப்பாசலையும் கொண்டு வருவார். உறுப்பினர்களுக்குரிய உணவகத்தில் வைத்து, வீட்டில் இருந்து கொண்டுவந்த உணவை அவர் அருந்துவார்.

நாடாளுமன்றக் கட்டடத்திற்குள் எவரும் எந்தவொரு உணவுகளையும் கொண்டுவந்து அருந்த முடியாது. ஏனெனில் உறுப்பினர்களின் விருப்பத்துக்கு ஏற்றவாறும். அவர்களின் நோய்களின் தன்மைக்கு ஏற்பவும் உணவுகளை கேட்டுப் பெற்றுக்கொள்ளக் கூடிய வசதிகள் அங்கு உண்டு.

இவ்வாறான நிலையிலும் ஜே.வி.பியின் கொள்கைக்கு அமைவாக, அன்று நிகால் கலபதிக்கு மாத்திரம் உள்ளே சோற்றுப் பாசலைக் கொண்டுவர சிறப்பு அனுமதி வழங்கப்பட்டிருந்தது..

நாடாளுமன்றப் பதவிக்காலம் முடியும் வரை அவர் நாடாளுமன்ற உணவை அருந்தியதே கிடையாது. தேநீர்கூடக் குடிக்கவில்லை. உறுப்பினர்களுக்குரிய வரப்பிரசாதங்களைக் கூட நிகால் கலபதி அனுபவிக்கவில்லை. தற்போது நிகால் கலபதி எங்கே என்று தெரியாது. நேர்மையான மக்கள் பிரதிநிதி.

ஆனால் 2000ஆம் ஆண்டில் இருந்து தற்போது வரை நாடாளுமன்றம் சென்று வரும் ஜே.வி.பி உறுப்பினர்கள் பலரும் நாடாளுமன்றத்திலேயே உணவை அருந்துகின்றனர். ஆனாலும் உறுப்பினர்களுக்குரிய வரப்பிரசாதங்களை மக்களுக்காகப் பயன்படுத்துகின்றனர்.

1982ஆம் ஆண்டு புதிய நாடாளுமன்றக் கட்டடத்தை ஜே.ஆர்.கட்டி முடித்துத் திறந்து வைத்தபோது, ஐந்து நட்சத்திர விடுதியனெக் குற்றம் சுமத்திய ஸ்ரீலங்கா சுதந்திரக் கட்சி, இன்று அந்த நாடாளுமன்றத்த்தின் வரப்பிரசாதங்களை முழுமையாக அனுபவித்து வருகின்றது. (ஸ்ரீலங்கா பொதுஜன பெரமுனவும் நன்றாகவே அனுபவிக்கிறது)

ஆனால் எதிர்ப்புகளின் மத்தியில் அன்று அந்த நாடாளுமன்றத்தைக் கட்டிய ஐக்கிய தேசியக் கட்சிக்கு இன்று ஒரேயொரு ஆசனமே. அதுவும் தேசியப் பட்டியல் மூலமாகக் கிடைத்த ஆசனம் அது.

Amirthanayagam Nixon


புதிய அமைச்சர்களுக்கு, ஜனாதிபதி பிறப்பித்துள்ள உத்தரவு


அமைச்சர்களாக இன்று பதவிப் பிரமாணம் செய்து கொண்ட அமைச்சர்களுக்கு ஜனாதிபதி கோட்டாபய ராஜபக்ச உத்தரவொன்றை பிறப்பித்துள்ளார்.

ஏற்கனவே நியமிக்கப்பட்டுள்ள நிறுவனங்களின் தலைவர்கள், பணிப்பாளர் சபை உறுப்பினர்கள் உட்பட நியமனங்களில் மாற்றங்களை செய்ய வேண்டுமாயின் அதற்காக ஜனாதிபதியிடம் முழுமையான அனுமதியை பெற்றுக் கொள்ள வேண்டும் என ஜனாதிபதியின் செயலாளர் பீ.பி. ஜெயசுந்தர வெளியிட்டுள்ள கடிதத்தில் கூறியுள்ளார்.

ஜனாதிபதியின் நியமித்த விசேட குழுவின் மூலமே இந்த நியமனங்கள் வழங்கப்பட்டிருப்பதாக ஜனாதிபதியின் செயலாளரது கடிதத்தில் மேலும் தெரிவிக்கப்பட்டுள்ளது.

புதிய அரசாங்கத்தின் அமைச்சரவை அந்தஸ்துள்ள அமைச்சர்கள் மற்றும் இராஜாங்க அமைச்சர்கள் இன்று -12- காலை கண்டி ஶ்ரீதலதா மாளிகை வளாகத்திலுள்ள மகுல்மடுவ மண்டபத்தில் வைத்து பதவியேற்றிருந்தனர்.

ஜனாதிபதி கோட்டாபய ராஜபக்ஷ முன்னிலையில் குறித்த பதவிப்பிரமாண நிகழ்வு இடம்பெற்றிருந்தது.

விஜயதாசவும் இராஜாங்க அமைச்சை நிராகரித்தாரா..? இறுதி நேரத்தில் நடந்த இழுபறி

கண்டியில் இன்று நடைபெற்ற அமைச்சர்களின் பதவியேற்பு நிகழ்வில் இராஜாங்க அமைச்சராகப் பதவியேற்பதற்குப் பெயர் குறிப்பிடப்பட்டிருந்த முன்னாள் அமைச்சர் விஜயதாச ராஜபக்‌ஷ தனக்கு ஒதுக்கப்பட்ட அமைச்சை நிராகரித்துவிட்டு, தலதா மாளிகைப் பகுதியிலிருந்து வெளியேறிச் சென்றதாக ஆங்கிய இணையத்தளம் ஒன்று தெரிவிக்கின்றது.


விஜயதாச ராஜபக்‌ஷவுக்கு கல்வி இராஜாங்க அமைச்சர் பதவி வழங்கப்படும் எனத் தெரிவிக்கப்பட்டிருந்தது. இருந்த போதிலும் இன்று காலை கண்டிக்கு வந்த விஜயதாச ராஜபக்‌ஷ இதனைத் திட்டவட்டமாக நிராகரித்துவிட்டு அங்கிருந்து வெளியேறிவிட்டதாகத் தெரிவிக்கப்படுகின்றது.


அதனால், இன்று ஜனாதிபதி கோட்டாபய ராஜபக்‌ஷ முன்பாக 40 இராஜாங்க அமைச்சர்கள் பதவிப் பிரமாணம் செய்வார்கள் எனத் தெரிவிக்கப்பட்டிருந்த போதிலும், 39 இராஜாங்க அமைச்சர்கள் மட்டுமே பதவிப் பிரமாணம் செய்திருந்தார்கள்.

தலைமைப் பதவியில், ரணில் நீடிப்பார்?

ஐக்கிய தேசியக் கட்சியின் தலைவர் பதவிக்கு சரியானவர் தெரிவாகும் வரை தலைவர் பதவியில் இருந்து தற்போதைக்கு ரணில் விலகுவது இல்லை என்று முடிவு செய்து உள்ளதாக சிங்கள இணையத் தளம் ஒன்று தெரிவித்து உள்ளது.

இது தொடர்பாக அந்த இணையத் தளத்தில் மேலும் தெரிவிக்கப்பட்டு உள்ளதாவது:

ஐக்கிய தேசியக் கட்சிக்கு கிடைத்து இருக்கக்கூடிய தேசிய பட்டியல் ஆசனத்தின் ஊடாக ரணிலை நாடாளுமன்றம் செல்லுமாறு பலரும் கோரி உள்ளதாகவும், அதனை அவர் பரிசீலிக்க தயாராக இருப்பதாகவும் அக்கட்சியின் வட்டாரங்கள் தெரிவித்து உள்ளன.

ஜனவரி வரை அவர் தலைவர் பதவியில் நீடிப்பார் என்று வதந்திகள் கட்சிக்குள்ளேயே பரவி வருகின்றன. ஆனால், அது ஜனவரி 2021 அல்லது ஜனவரி 2023 அல்லது ஜனவரி 2030 ஆக இருக்குமா என்று கூற முடியாது உள்ளது.

ரணில் விக்கிரமசிங்க பதவியில் இருந்து விலகுவதற்கு தொடக்கத்தில் அவர் எடுத்த முடிவினை அக்கட்சியின் முக்கிய பிரமுகர்களின் வேண்டுகோளுக்குப் பின்னர் மாற்றிக் கொண்டதாக அதில் மேலும் தெரிவிக்கப்பட்டு உள்ளது.

கண்டி மாநகரில், சர்ச்சைக்குறிய கொடிகள்


(நா.தனுஜா)

புதிய அமைச்சரவை பதவியேற்பு நிகழ்வை முன்னிட்டு இன்றைய தினம் கண்டி மாநகரத்தில் பல பகுதிகளிலும் காட்சிப்படுத்தப்பட்டிருந்த சிறுபான்மையினத்தவரைப் பிரதிநிதித்துவப்படுத்தும் நிறங்கள் நீக்கப்பட்ட கொடிகளை உடனடியாக அகற்றுவதற்கு கண்டி மாநகரசபை நடவடிக்கைகளை எடுத்திருக்கிறது.

நடைபெற்று முடிந்த பொதுத்தேர்தலில் ஸ்ரீலங்கா பொதுஜன பெரமுன வரலாற்று வெற்றியைப்பெற்று அரசாங்கம் அமைத்திருக்கும் நிலையில், அதன் புதிய அமைச்சரவை நேற்று புதன்கிழமை தலதா மாளிகையின் பார்வையாளர் அரங்கான மகுல் மடுவவில் வைத்துப் பதவிப்பிரமாணம் செய்துகொண்டது.

இந்நிகழ்வை முன்னிட்டு கண்டி மாநகரத்தின் பல பகுதிகளிலும் மாநகரசபை ஊழியர்கள் தேசியக்கொடியில் சிறுபான்மையினரைப் பிரதிபலிக்கும் நிறங்கள் நீக்கப்பட்ட, சிங்கம் மட்டும் காணப்படும் கொடிகளைக் காட்சிப்படுத்தியதாகவும் பின்னர் அவற்றை அகற்றுவதற்கு உடனடியாக நடவடிக்கை எடுக்கப்பட்டதாகவும் கண்டி மாநகரசபையின் ஆணையாளர் சந்தன தென்னகோன் தெரிவித்திருக்கிறார்.

இலங்கையின் தேசியக்கொடியில் தமிழர்களையும், முஸ்லிம்களையும் பிரதிபலிக்கும் நிறங்கள் நீக்கப்பட்ட 'தனி சிங்கக்கொடி' கண்டி மாநகரத்தில் பறக்கவிடப்பட்டமையைத் தொடர்ந்து, அதன் காணொளிகள் சமூகவலைத்தளங்களில் பரவலாகப் பகிரப்பட்டதோடு அது கடும் கண்டனங்களுக்கும் உள்ளாகியிருந்தமை குறிப்பிடத்தக்கது. 

Older Posts