October 18, 2018

எரிபொருள் விலைச்சூத்திரம், என்றால் இதுதான்...!


பிரதமர் உள்ளிட்ட அநேகமானவர்கள் அறியாத எரிபொருள் விலைச்சூத்திரம் தொடர்பில் நிதி மற்றும் வெகுசன ஊடக அமைச்சர் மங்கள சமரவீர இன்று ஊடகங்களுக்கு கருத்து வௌியிட்டார்.

அந்த விலைச்சூத்திரமானது – MRP = V1 + V2+ V3+ V4 என மங்கள சமரவீர குறிப்பிட்டார்.

MRP எனும் Maximum Retail Price நான்கு காரணங்களை அடிப்படையாகக் கொண்டு தீர்மானிக்கப்படுவதாக அமைச்சர் மங்கள சமரவீர விளக்கமளித்தார்.

அவர் மேலும் தெரிவித்ததாவது,

V1 என்றால் துறைமுகத்தில் இறக்கும் செலவு எனவும், ஒரு பீப்பாய்க்கு செலவாகும் சிங்கப்பூர் விலையும் ஆவியாதல் மற்றும் ரூபாவின் பெறுமதியும் இதன்போது கவனத்திற்கொள்ளப்படுகிறது.

V2 என்றால் உற்பத்தி செலவு (உள்நாட்டு துறைமுகக் கட்டணம், துறைமுகத்திற்கு கொண்டுவரப்படுகின்றபோது ஏற்படுகின்ற விரையம், சந்தை முகவரின் மானியம், களஞ்சிய செலவு ஆகியனவும் அடங்கும்)

V3 என்றால் நிர்வாக செலவு (ஊழியர் கொடுப்பனவு உள்ளிட்ட நிர்வாக செலவு, ரூபாவின் பெறுமதி வீழ்ச்சியடைகின்றமை உள்ளிட்ட ஏனைய செலவுகளும் உள்ளடங்கும்).

V4 என்றால் வரிச் செலவு (சுங்க வரி, துறைமுக மற்றும் விமான நிலைய அபிவிருத்தி வரி, தேச நிர்மாண வரி ஆகிய வரிகள் அடங்கும்)

மேற்சொன்ன நான்கையும் கணக்கிட்டே MRP-ஐ 10 ஆம் திகதிகளில் அறிமுகம் செய்வதாக அமைச்சர் மங்கள சமரவீர தௌிவூட்டினார்.

'ஹதியாவிடம் இருந்தது, லவ் ஜிஹாத் அல்ல'


சில ஆண்டுகளுக்கு முன்பு ஹதியா இஸ்லாமிய கொள்கைகளால் கவரப்பட்டு மன மாற்றம் அடைந்து இஸ்லாத்தை தழுவிக் கொண்டார். ஒரு இஸ்லாமியரையே திருமணம் முடிப்பேன் என்று உறுதியாக இருந்து ஷஃபின் ஜஹான் என்ற இளைஞரை மணந்து கொண்டார். ஆனால் இந்துத்வாவை சேர்ந்த ஹதியாவின் தந்தை 'தனது மகள் லவ் ஜிஹாதால்' மிரட்டப்பட்டு மதம் மாற்றப்பட்டுள்ளார் என்று வழக்கு தொடர்ந்தார். மனித வெடி குண்டாக மாறவும் வாய்ப்புள்ளது என்றார். சில காலம் நீதி மன்ற உத்தரவால் தனது வீட்டில் சாமியார்களை கொண்டு வந்து மன மாற்றம் ஏற்படுத்த முயற்சித்தார். எதுவும் பலிக்கவில்லை. ஹதியா உறுதியோடு இருந்தார்.

இன்று தீர்ப்பு வந்துள்ளது. 'ஹதியாவுக்கு இருந்தது உண்மையான காதல்: அது லவ் ஜிஹாதல்ல' என்று. உண்மையை வெளிக் கொண்டு வந்த National Investigation Agency’s (NIA) க்கு பாராட்டுக்கள். லவ் ஜிகாத்திற்கான ஆதாரங்கள் எதுவும் இல்லையென்று தெரிவித்துள்ள இவ்வமைப்பு, வழக்குகளை முடித்து கொள்வதால் மேற்கொண்டு உச்ச நீதிமன்றத்தை அணுக போவதில்லை என்றும் தெரிவித்துள்ளது. 'லவ் ஜிஹாத்' என்ற பெயரில் உள்ள அனைத்து வழக்குகளும் இதன் மூலம் தள்ளுபடி செய்யப்படும்.

எல்லா புகழும் இறைவனுக்கே!
தகவல் உதவி
ஹிந்துஸ்தான் டைம்ஸ்
18-10-2018

மார்க் சூகர்பெர்க், பதவியை இழப்பாரா..?


பேஸ்புக் நிறுவனர் மார்க் சூகர்பெர்க் சேர்மன் பொறுப்பில் இருந்து நீக்கப்பட உள்ளதாக தகவல் வெளியாகியுள்ளது.

சமூக வலைதளங்களில் ராஜாவாக திகழும் பேஸ்புக், கடந்த  2004 ஆம் ஆண்டு துவங்கப்பட்டது. மார்க் சூகர்பெர்க் உள்ளிட்ட மேலும் சில நபர்களால் துவங்கப்பட்ட இந்த நிறுவனம் இன்று உலக அளவில் மிகப்பெரும் நிறுவனங்களில் ஒன்றாக திகழுகிறது. கோடிக்கணக்கான மக்கள், பேஸ்புக்கை பயன்படுத்தி வருகின்றனர். இந்த நிலையில், சமீப காலமாக பேஸ்புக் நிறுவனம் கடும் சர்ச்சையில் சிக்கி வருகிறது. அமெரிக்க தேர்தலில் ரஷ்யா தலையீடு, கேம்பிரிட்ஜ் அனலடிகா சர்ச்சை என அடுத்தடுத்த சர்ச்சையில் பேஸ்புக் நிறுவனம் சிக்கியதால், அந்நிறுவனம் கடும் நெருக்கடிக்குள்ளானது. 

இந்த நிலையில், பேஸ்புக் நிறுவனத்தின் சேர்மன் பொறுப்பில் இருந்து மார்க் சூகர்பெர்க்கை நீக்குவதற்கான முன்மொழிவை, அந்நிறுவனத்தில் பொது பங்குகளை கொண்டுள்ள பங்குதாரர்கள் முன்மொழிவை கொண்டு வந்துள்ளனர். சில முறைகேடுகளை பேஸ்புக் முறையாக கையளவில்லை என கூறி மார்க்சூகர்பெர்க்கு எதிராக தீர்மானம் கொண்டு வரப்பட்டுள்ளது. 

வரும் 2019- மே மாதம் நடைபெறும் பேஸ்புக்கின் ஆண்டு பங்குதாரர்கள் கூட்டத்தில் இந்த முன்மொழிவு ஓட்டெடுப்புக்கு விடப்படும் என்று தெரிகிறது. இந்த முன்மொழிவில், பேஸ்புக்கின் சேர்மன் பதவி, தன்னிச்சையான பதவியாக இருக்க வேண்டும் என்ற ஷரத்து இடம் பெற்றுள்ளதாக செய்திகள் கூறுகின்றன. மார்க் சூகர்பெர்க்கு எதிராக முன்மொழிவு கொண்டு வரப்படுள்ளது குறித்து, பேஸ்புக் நிறுவனம் எந்த கருத்தையும் வெளியிடவில்லை. 60 சதவீதத்திற்கும் மேலான வாக்கு சக்தியை மார்க் சூகர்பெர்க் தன்னிடமே வைத்துள்ளார் என்பது  கவனிக்கத்தக்கது. 

ஆண்களிலும், பெண்களிலும் சிறந்தவர் யார்...?? (வீடியோ)


ஆண்களிலும், பெண்களிலும் சிறந்தவர் யார்...??



வட,கிழக்கில் 28.000 வீடுகளை அமைக்க திட்டம் - பாதிக்கப்பட்ட முஸ்லிம்களுக்கும் பகிர்ந்தளிக்கப்படுமா..?

வடக்கு, கிழக்கில் போரினால் பாதிக்கப்பட்ட மக்களுக்காக, முதற்கட்டமாக 28 ஆயிரம் வீடுகளை அமைக்கும் பணி இந்தியாவிடம் வழங்கப்பட்டுள்ளது. இதற்கு சிறிலங்கா அமைச்சரவை நேற்று முன்தினம் அங்கீகாரம் அளித்துள்ளது.

வடக்கு, கிழக்கில் போரினால் பாதிக்கப்பட்டவர்களுக்கு 65 ஆயிரம் வீடுகளை அமைக்கும் திட்டத்தின் முதற்கட்டமாகவே, 28 ஆயிரம் வீடுகள் கட்டிக் கொடுக்கப்படவுள்ளன.

1.2 மில்லியன் ரூபா செலவில் ஒவ்வொரு வீடும், அமைக்கப்படும்.

இந்தியாவின் என்டி என்டர்பிரைசஸ், சிறிலங்காவைச் சேர்ந்த யப்கா டெவலப்பேர்ஸ்,  மற்றும் ஆர்ச்சிடியம் நிறுவனம் ஆகியனவே இந்த வீடுகளை அமைக்கும் பணியை மேற்கொள்ளவுள்ளன.

முன்னதாக, சீன நிறுவனத்துக்கு இந்த ஒப்பந்தம் வழங்க முடிவு செய்யப்பட்டது. எனினும் இந்தியாவின் எதிர்ப்பை அடுத்து, இந்தப் பணி இந்திய – சிறிலங்கா நிறுவனங்களிடம் ஒப்படைக்கப்பட்டுள்ளது.

வட  கிழக்கில் போரினால் முஸ்லிம்களுக்கும் பாதிக்கப்பட்டனர்.

புலிகளின் இனச்சுத்திகரிப்பினாலும் முஸ்லிம்களுக்கும் பாதிக்கப்பட்டனர்.

இந்நிலையில் பல ஆயிரம் முஸ்லிம்கள் இன்னும் மீள்குடியேற்றப்படவில்லை: ஆகவே குறித்த வீடுகள் முஸ்லிம்களுக்கும் பகிர்ந்தளிக்கப்படுவதே நியாயமானது.

சீனாவிடம் இருந்து 1000 மில்லியன் டொலரை, நேற்று பெற்ற சிறிலங்கா

சீனாவிடம் இருந்து நேற்று சிறிலங்காவுக்கு 1 பில்லியன் டொலர் நிதியுதவி கிடைத்துள்ளதாக சிறிலங்கா மத்திய வங்கி தெரிவித்துள்ளது.  சிறிலங்கா நாணயத்தை வலுப்படுத்தும் வகையிலும், வெளிநாட்டு நாணயக் கையிருப்பை அதிகரிக்கவும் இந்த நிதியுதவி பயன்படும் என்று கூறப்படுகிறது.

வெளிநாட்டு நாணய தவணை நிதியளிப்பு வசதியின் கீழ், கடந்த மார்ச் மாதம் 1000 மில்லியன் டொலருக்கான முன்மொழிவுகள் உள்நாட்டு மற்றும் வெளிநாட்டு வங்கிகளிடம் இருந்து கோரப்பட்டன.

இதற்கு நான்கு உள்நாட்டு மற்றும் வெளிநாட்டு வங்கிகளிடம் இருந்து முன்மொழிவுகள் சமர்ப்பிக்கப்பட்டன.

அந்த முன்மொழிவுகள் அமைச்சரவையினால் நியமிக்கப்பட்ட வழிநடத்தல் மற்றும் தொழில்நுட்ப மதிப்பீட்டுக் குழுவின் கடுமையான மதிப்பீடுகள் மற்றும் பேச்சுக்களை அடுத்து,சீன அபிவிருத்தி வங்கி  தெரிவு செய்யப்பட்டது.

இதன் மூலம், சிறிலங்கா அரசாங்கம் 1000 மில்லியன் டொலரை சீன அபிவிருத்தி வங்கியிடம் இருந்து நேற்று பெற்றுள்ளது. இந்தக் கடன் 8 ஆண்டுகளில் திருப்பிச் செலுத்த வேண்டும் என்றும் சிறிலங்கா மத்திய வங்கி தெரிவித்துள்ளது.

மைத்திரிபால கொலைச் சதி - உடனடியாக அம்பலப்படுத்தக் கோருகிறார் சிறால் லக்திலக்க


(அஷ்ரப் ஏ சமத்)

ஜனாதிபதி மைத்திரிபால சிறிசேன மற்றும் முன்னாள் பாதுகாப்புச் செயலாரையும் கொலை செய்வதற்கு தீட்டப்பட்டுள்ள சதித் திட்டங்கள் இதற்குப் பின்னால் உள்ளவர்கள் யார் ?அவர்கள் அரசியல்வாதிகளா அல்லது வேறு சக்தியா , வெளிநாட்டுச் சக்தியா என்பது பற்றி உடன் மக்களுக்கு தெளிவுபடுத்தல் வேண்டும் ? இவ்விடயத்தில் இந்தியாவைச் சேர்ந்த கேரலா வாசி ஒருவரும் சம்பந்தப்பட்டுள்ளார். இவ் விடயம்  பற்றி பல அரசியல் வாதிகள் அடிக்கடி பல்வேறு கதைகளைக் ஊடகங்களில் கூறிவருகின்றனர். இதில் சம்பந்தப்பட்டவர்கள் பற்றி உடன் தெளிவுபடுத்தல்  வேண்டும். சிலர் இச் சம்பவத்தை காபட்டுக்கு கீழ் போட்டு மூடி மறைக்க முனைகின்றனர்.  இச் சம்பவத்தினை முதன் முதலில் வெளிப்படுத்தியவர்கள் ஊடகங்களே ஆகவே தான் ஊடகங்களை அழைத்து இதனை தெளிவுபடுத்துகின்றோம்.   

என ஜனாதிபதியின் ஆலோசகர் சட்டத்தரணி சிறால்; லக்திலக்க. இன்று நிப்போன் ஹோட்டலில் நடைபெற்ற விசேட ஊடக மநாட்டில் மேற்கண்டவாறு தெரிவித்தார். இந் நிகழ்வில் இலங்கை மன்றக் கல்லூரியின் தலைவர் சரத் கோங்காகேவும் கலந்து கொண்டு கருத்து தெரிவித்தார்.

அவர் மேலும் கருத்து தெரவிக்கையில் -
நேற்று ஹிந்து பத்திரிகையில் கூட இவ் விடயம் பற்றி செய்தி வெளியிடப்பட்டு;ளளது. இந்தியப் பிரதமரிடம் ஜனாதிபதி  தொலைபேசியில் பேசியிருந்தார். அவ்வாறான ஒரு விடயம் இல்லை என பதிலளிக்கப்பட்டது. இலங்கை-இந்தியா உறவை சீர்குலைப்பதற்கும் யாரும் முயற்சிக்கிறார்கள்h? அல்லது மைத்திரிபால சிறிசேனா, அல்லது கோட்டாபாய ராஜபக்ச ஆகியோர்கள்  மீண்டும் ஜனாதிபதி தேர்தல் குதிப்பதற்கு தீட்டப்பட்ட சதியா  

கேரலாவைச் சோந்த நபர் விசா காலக்கேடு முடிவடைந்தும் அவர் நீர்கொழும்பில் தனியார் ஆங்கில வகுப்புக்களை நடத்துவதாகவும் கூறப்படுகின்றது. அவர் மட்டக்களப்பில் இவ்விடயம் சம்பந்தமாக ஒரு கட்டத்தில் பேசியுள்ளார். அவர் மனநோயாளி என்கின்றனர். அவர் பற்றி பரிசோதித்த அறிக்கை நீதிமன்றத்தில் சமர்ப்பிக்கப்பட்டதா? 

 அன்மைக் காலத்தில் சமுக ஊடகத் தலங்களில் எஸ்.ரீ.எப். பிரதானி லத்தீப், இரகசிய பொலிஸ் அதிகாரி இப்படி பல்வேறு பல செய்திகளை அவர்களுக்கு எதிராக வெளியிட்டார்கள் இவ்விடயம் சம்பந்தமாக அமைச்சரவையில் கட்டுக்கோப்பில் எதுவும் பேசவேண்டாம் என்று கூறியும் 4 கபிணட் அமைச்சர்கள் இவ்விடயம் சம்பந்தமாக வெளியில் பேசியுள்ளார்கள்.  

இந்தியாவில் பிரதமராக  இருந்த 4 காந்திகள் கொல்லப்பட்டுளளனர். அதேபோன்று இலங்கையில் எஸ்.டபிள்யு பண்டாரநாயக்க கொல்லப்பட்டுள்ளாh. ஆர். பிரேமதாச போன்ற தலைவர்கள் கொள்ளப்பட்டு;ளள்ளார்கள. இக்  கொலைக்கு பின் வந்த சம்பவங்கள் என்ன ? என்பது நாம் ஆராய்ந்தால் தெரியும் அவ்வாறே இலங்கையில் ஜனாதிபதி மைத்திரிபால சிறிசேனவை கொலை செய்வதற்கு ஏதாவது திட்டங்கள் உள்ளதா என நாங்கள் சந்தேகப்படுகின்றோம்.

நாலக்க டி சில்வா வெளியிட்டுள்ள குரல் பரிசீலனை சரியாக உள்ளதாகவும் பிரதிப் பொலிஸ் மா அதிபரின் இடை நிறுத்தம். தற்போது இவ்விடயத்தினை சி.ஜ.டியினர் இடை நிறுத்தப்பட்ட பிரதிப் பொலிஸ் மா அதிபரை விசாரித்து வருகின்றனர். இவைகள் அனைத்தும் நீதிமன்றம் ஊடாக சுயாதீனமாக விசாரிக்கப்படல் வேண்டும். பிரதிப் பொலிஸ் மா அதிபரை இடை நிறுத்துவதற்கும் சட்டம் ஒழுங்கு அமைச்சர் பொலிஸ் கொமிசனுக்கு அறிவுறுத்த் தேவையில்லை. பொலிஸ் கமிசன் ஒரு சுயாதீன கமிசனாகும். எனவும் லக்திலக்க தெரவித்தார். 

இந்தச் சதிக்குக் கீழ் யார் உள்ளார் என்று நாங்கள் யாருக்கும் விரல் நீட்டவில்லை. எதிர்கட்சியோ, தற்போதைய அரசியல் கட்சிக்குள் அல்லது தனிப்பட்டவர்கள் வெளிநாட்டுச் சக்திகள் இதற்கு இருக்கலாம் என நாங்கள் நம்புகின்றோம். அதற்காகவே ஊடகங்கள் தான் உலகில் தலைவர்களை கொல்லுவதற்கு தீட்டும் திட்டங்களை வெளிக்கொண்டுள்ளன. ஆகவே தான் இதனை உடன் நாட்டு மக்களுக்கும் உலகுக்கும் வெளிக்கொணருமாறும் விசாரனைகளை உடன் விரைவுபடுத்துமாறும் நாங்கள் வேண்டிக் கொள்கின்றோம்.   

கைவிடப்பட்டுச் சென்ற, குழந்தை மீட்பு (படம்)


குருணாகலை சுற்றுவட்டத்திற்கு அண்மையிலிருந்து பிறந்து சில தினங்களே ஆன சிசு ஒன்று மீட்கப்பட்டுள்ளது.

இன்று காலை குறித்த சிசுவைக் கண்ட நபர் ஒருவர் குருணாகல் பொலிஸ் நிலையத்தில் அறிவித்ததை அடுத்து, பொலிஸ் அதிகாரிகள் வந்து குழந்தையை மீட்டுள்ளனர்.

குழந்தை தற்போது குருணாகலை போதனா வைத்தியசாலையில் அனுமதிக்கப்பட்டுள்ளதாக நியூஸ்பெஸ்ட்டின் பிராந்திய செய்தியாளர் குறிப்பிட்டார்.

இந்த குழந்தையை கைவிட்டு சென்ற நபரை குருணாகலை பொலிஸார் தேடி வருவதுடன் மேலதிக விசாரணைகளையும் ஆரம்பித்துள்ளனர்.

பாராளுமன்றத்தின் உணவு மற்றும் குடிபானங்களை முழுமையாக கண்காணிக்க உத்தரவு

நாடாளுமன்றத்துக்குள் விநியோகிக்கப்படும் உணவு மற்றும் குடிபானங்கள் தொடர்பில், முழுமையாக கண்காணிக்குமாறு சபாநாயகர் கருஜயசூரிய சம்பந்தப்பட்ட அதிகாரிகளுக்கு உத்தரவிட்டுள்ளதாக, சபாநாயகரின் ஊடகப் பிரிவு தெரிவித்துள்ளது.

இலங்கையிலேயே அதிகமாக உணவுகள் விரயமாக்கப்படுவது நாடாளுமன்றத்தில் தான் என கடந்த வாரம் ஜனாதிபதி மைத்திரிபால சிறிசேன வெளியிட்ட கருத்தையடுத்தே சபாநாயகர் கருஜயசூரிய இந்த அறிவிப்பை விடுத்துள்ளதாக ஊடகப் பிரிவு தெரிவித்துள்ளது.

கேள்விகளால் ஆத்திரப்பட்ட மஹிந்த, ஊடகவியலாளர் சந்திப்பிலிருந்து வெளியேறினார்...!


ஜனாதிபதி மஹிந்த ராஜபக்ஷவின் இல்லத்தில் இன்று(18) நடைபெற்ற ஊடகவியலாளர் சந்திப்பில் கலந்துகொண்டு ஊடகவியலாளர்கள் எழுப்பிய கேள்விகளால் கோபமடைந்த முன்னாள் ஜனாதிபதி மஹிந்த ராஜபக்ஷ, ஊடகவியலாளர் சந்திப்பிலிருந்து கோபமாக இடையில் வெளியேறியிருந்தார்.

சதொச பொருட்களை முறையற்ற விதத்தில் பயன்படுத்திய குற்றச்சாட்டின் பேரில் விளக்கமறியலில் வைக்கப்பட்டிருந்த முன்னாள் அமைச்சர்  ஜோன்ஸ்டன் பெர்னாண்டோ உள்ளிட்ட மூவர் குருணாகல் மேல் நீதிமன்றத்தினால் நேற்று (17) விடுதலை செய்யப்பட்டிருந்தனர்.

இந்நிலையில், இது தொடர்பான விசேட ஊடகவியலாளர் சந்திப்பு ஒன்று கொழும்பு விஜேராம மாவத்தையில் அமைந்துள்ள முன்னாள் ஜனாதிபதி மஹிந்த ராஜபக்ஷவின் இல்லத்தில் நடைபெற்றது.

இதில், ஒன்றிணைந்த எதிரணியின் நாடாளுமன்ற உறுப்பினர்களான, மஹிந்தானந்த அலுத்கமகே, விமல் வீரவன்ச, ஜோன்ஸ்டன் பெர்னாண்டோ, நாமல் ராஜபக்ஷ மற்றும் முன்னாள் அமைச்சர் பேராசிரியர் ஜி.எல்.பீரிஸ் ஆகியோர் கலந்துகொண்டிருந்தனர்.

ஜமால் காணாமல்போன சம்பவம் - சவூதியும், துருக்கியும் உண்மையை வெளிக்கொணர வேண்டும் - இலங்கையிலிருந்து குரல்

சவூதி அரேபியாவைச் சேர்ந்த ஊடகவியலாளர் ஜமால் கஷோக்கி, துருக்கியிலுள்ள சவூதி தூதரகத்திலிருந்து காணாமல் போனதாக கூறப்படும் சம்பவம் தொடர்பில் சவூதி அரேபியாவும் துருக்கியும் உண்மையை வெளிக் கொண்டுவர வேண்டியது அவசியமாகும் என ஸ்ரீ லங்கா முஸ்லிம் மீடியா போரம் விடுத்துள்ள அறிக்கையில் தெரிவிக்கப்பட்டுள்ளது.

இது தொடர்பில் ஸ்ரீ லங்கா முஸ்லிம் மீடியா போரம் விடுத்துள்ள அறிக்கையில் மேலும் தெரிவிக்கப்பட்டுள்ளதாவது, 

சிரேஷ்ட ஊடகவியலாளர் ஜமால் கஷோக்கி கடந்த ஒக்டோபர் 2 ஆம் திகதி துருக்கியிலுள்ள சவூதி தூதரகத்தினுள் தனிப்பட்ட அலுவல்கள் நிமித்தம் சென்ற சமயம் அங்கிருந்து வெளியில் வரவில்லை என முறையிடப்பட்டுள்ளது. இச் சம்பவம் நடந்து சுமார் 18 நாட்கள் கடந்துவிட்ட போதிலும் இதுவரை ஜமால் கஷோக்கிக்கு நடந்தது என்ன என்பது பற்றிய உறுதியான தகவல்கள் வெளியிடப்படவில்லை. 

உள்நாட்டு மற்றும் சர்வதேச ஊடகவியலாளர்களின் நலன்கள் தொடர்பில் அக்கறை கொண்ட அமைப்பு என்ற வகையில் ஸ்ரீ லங்கா முஸ்லிம் மீடியா போரம் இவ்விவகாரம் தொடர்பில் தனது கவனத்தைச் செலுத்தியுள்ளது. அதேபோன்று சர்வதேச ஊடகங்களும் ஊடகவியலாளர்களின் உரிமைகளுக்காக செயற்படும் நிறுவனங்களும் இந்த விவகாரம் தொடர்பில் கூடுதல் அக்கறையை வெளிப்படுத்தியுள்ளன.

இந் நிலையில் ஜமால் கஷோக்கி தூதரகத்தினுள் வைத்து கொல்லப்பட்டதாக சவூதி அரேபிய அரசாங்கம் மீது குற்றச்சாட்டுக்கள் முன்வைக்கப்பட்டுள்ளன. எனினும் இதனை சவூதி முற்றாக மறுத்துள்ளது. தற்போது சவூதி அதிகாரிகளும் துருக்கி நாட்டு அதிகாரிகளும் இந்த சம்பவம் தொடர்பில் கூட்டு விசாரணைகளை ஆரம்பித்துள்ளனர். இதன் மூலம் ஊடகவியலாளர் ஜமால் கஷோக்கிக்கு நடந்தது என்ன என்பது தொடர்பான உண்மை வெளிவரும் என நம்புகிறோம்.

ஊடகவியலாளர்களின் கருத்துச் சுதந்திரத்தை நசுக்கும் எந்தவொரு செயற்பாட்டையும் ஒருபோதும் அனுமதிக்கவோ ஆதரிக்கவோ முடியாது. ஊடகவியலாளர்களின் உரிமைகளையும் நலன்களையும் பாதுகாக்க வேண்டியது சகல அரசாங்கங்களினும் பொறுபு என்பதையும் வலியுறுத்த விரும்புகிறோம் என்றும் அதில் மேலும் தெரிவிக்கப்பட்டுள்ளது.
                            
பொதுச் செயலாளர்
ஸ்ரீ லங்கா முஸ்லிம் மீடியா போரம்                                                                                                
18.10.2018

டுபாயில் இலங்கையர்களிடையே மோதல்

வெளிநாடு ஒன்றில் இலங்கையர்கள் கடும் மோதல்! ஒருவர் ஆபத்தான நிலையில் வைத்தியசாலையில் அனுமதி

மத்திய கிழக்கு நாடொன்றில் இலங்கையர்கள் மோதிக் கொண்டமையால் ஒருவர் படுகாயம் அடைந்துள்ள நிலையில் வைத்தியசாலையில் அனுமதிக்கப்பட்டுள்ளார்.

டுபாயில் இலங்கையரை கத்தியால் குத்திய நபர் ஒருவர் கைது செய்யப்பட்டுள்ளார் என அந்நாட்டு ஊடகம் ஒன்று தகவல் வெளியிட்டுள்ளனர்.

இலங்கையை சேர்ந்த நபர் ஒருவர் மற்றுமொரு இலங்கையரை கத்தியால் குத்தியுள்ளார் என டுபாய் பொலிஸார் தெரிவித்துள்ளனர்.

39 வயதான இலங்கையர் Umm Suqeim பகுதியில் உள்ள பேருந்து நிலையத்தில் இரத்த காயங்களுடன் மீட்கப்பட்டுள்ளார்.

குறித்த பகுதி முழுவதும் இரத்த கறை காணப்பட்டுள்ளதாக பொலிஸார் தெரிவித்துள்ளனர்.

சம்பவ இடத்திற்கு சென்ற பொலிஸார், காயமடைந்த இலங்கையரை உடனடியாக சம்பவ இடத்திற்கு அருகிலுள்ள வைத்தியசாலைக்கு கொண்டு சென்றுள்ளனர்.

குறித்த நபரின் வலது நெஞ்சு பகுதியில் பாரிய காயம் ஏற்பட்டு ஆபத்தான நிலையில் சிகிச்சை பெற்றுக் வருவதாக வைத்தியர்கள் தெரிவித்துள்ளனர்.

சம்பவம் பற்றி விசாரணைக்குப் பின்னர், குற்றத்தை ஒப்புக் கொண்ட சந்தேக நபரை டுபாய் பொலிஸார் கைது செய்து விசாரித்து வருகின்றனர்.

மகிந்தவுக்கு ஏற்பட்டுள்ள, பலத்த சந்தேகம்

நாட்டின் அரசியல் நிலைமை குறித்து பேச எனக்கு விருப்பமில்லை. நாட்டில் அரசாங்கம் என்ற ஒன்று காணப்படுகின்றதா என்றே சந்தேகமாகவுள்ளது. ஜனாதிபதி பிரதமரை திட்டுவதும் பிரதமர் ஜனாதிபதியை திட்டுவதும் அமைச்சர்கள் தங்கள் இஷ்டபடி நடப்பதும் என்று நாடு செல்கின்றது. இவ்வாறு பொறுப்புவாய்ந்தவர்கள் நடந்துக்கொள்ளும் விதத்தில் நாட்டினை எவ்வாறு அபிவிருத்தி பாதையில் இட்டுச்செல்ல முடியும்? என முன்னாள் ஜனாதிபதி மகிந்த ராஜபக்ஷ கேள்வி எழுப்பினார்.

முன்னாள் ஜனாதிபதி மகிந்தவின் ஆலோசனையின் கீழ் ஆரம்பிக்கப்பட்டுள்ள பொதுஜன பெரமுன கட்சிசார் பொறியியலாளர்கள் மன்றம் இன்று முன்னாள் ஜனாதிபதி மஹிந்த ராஜபக்ஷ தலைமையில் தனது முதல் கூட்டத்தொடரை தாஜ்சமுத்திரா ஹோட்டலில் ஆரம்பித்து வைத்தது. 

இந்நிகழ்வில் பொதுஜன பொரமுன கட்சிசார் அரசியல் பிரமுகர்கள் உள்ளிட்ட பல்வேறு தரப்பட்ட பொறியளாலர்கள் கலந்துகொண்டிருந்தனர்.

இந்நிகழ்வில் கலந்துகொண்டு கருத்து தெரிவிக்கையிலேயே அவர் மேற்கண்டவாறு கேள்வி எழுப்பியிருந்தார்.

மரிக்கார் விடுத்துள்ள சவால்

பொது எதிரணியினரால் மாற்று அரசாங்கத்தையோ அல்லது புதிய அரசாங்கத்தையோ உருவாக்க முடியாது. மாற்று அரசாங்கத்துக்கு பதிலாக முடியுமானல் பாராளுமன்றத்தில் 113 பெரும்பான்மையை பெற்று புதிய அரசாங்கத்தை அமைக்குமாறு கூட்டு எதிரணியினரிடம் ஐக்கிய தேசிய கட்சி சவால் விடுத்துள்ளது. 

மாற்று அரசாங்கத்திற்கான விளக்கம் தெரியாதவர்கள் அதனை நடைமுறைப்படுத்த எத்தனித்தால் அது தோல்வியிலேயே முடிவடையும்.

ஸ்ரீலங்கா சுதந்திர கட்சியில் ஏற்பட்டுள்ள பிலவுகளை சமாளிப்பதற்காகவும் தம்மீதான நீதிமன்ற விசாரணைகளில் இருந்து தப்பித்துக்கொள்வதற்காகவே எதிரணியினர் மாற்று அரசாங்கத்தை உருவாக்குவதாக போலி பிரச்சாரங்களை மேற்கொண்டு வருவதாக ஐக்கிய தேசிய கட்சியின் பாராளுமன்ற உறுப்பினர் எஸ்.எம்.மரிக்கார் தெரிவித்தார். 

ஐக்கிய தேசிய கட்சியின் தலைமையகமான சிறிகொத்தாவில் இன்று வியாழக்கிழமை இடம்பெற்ற ஊடகவியலாளர் சந்திப்பில் கலந்துக்கொண்டு உரையாற்றும் போதே அவர் இதனை குறிப்பிட்டார். 

ஜனாதிபதியின் தீர்மானத்திற்கு ஐ.தே.க. அதிருப்தி

இலங்கை வங்கி, மக்கள் வங்கி மற்றும் இலங்கை முதலீட்டு சபை ஆகிய நிறுவனங்களின் பணிப்பாளர் சபைகள் ஜனாதிபதி மைத்திரிபால சிறிசேன திடீரென கலைத்துள்ள நிலையில் ஐக்கிய தேசிய அதிருப்தியை வெளிப்படுத்தியுள்ளதுடன் , துறைசார் அமைச்சர்களுடன் எவ்விதமான பேச்சு வார்த்தைகளையும் முன்னெடுக்காது இவ்வாறான தீர்மானம் எடுக்கப்பட்டமை குறித்து ஜனாதிபதியுடன் பேச்சு வார்த்தையை முன்னெடுக்கவும் தீர்மானித்துள்ளது. 

அக்கட்சி இன்று வெளியிட்ட விசேட ஊடக அறிக்கையிலேயே இதனை சுட்டிகாட்டியுள்ளது. 

ஞானசாரரை மன்னிக்குமறு அவரது தாய், ஜனா­தி­பதிக்கு உருக்கமான கடிதம்

-ARA.Fareel-

அர­சாங்­கத்தில் சட்டம் ஒரு­தலை பட்­ச­மா­கவே செயற்­ப­டு­கின்­றது. தமிழ் தேசிய கூட்­ட­மைப்­பிற்கும், பாரா­ளு­மன்ற உறுப்­பினர் விஜ­ய­கலா மகேஷ்­வ­ர­னுக்கும் வழங்­கப்­ப­டு­கின்ற சலு­கைகள் பொது­பல சேனா அமைப்பின் பொதுச்­செ­ய­லாளர் ஞான­சார தேர­ருக்கு வழங்­கு­வதில் அர­சாங்கம் பார­பட்சம் பார்க்­கின்­றது என தெரி­வித்த ராவ­ண­ப­லய அமைப்பின் பொதுச்­செ­ய­லாளர் மாகல்கந்தே சுதந்த தேரர், ஞான­சா­ர­ரது விடு­தலை தொடர்பில் கடந்த காலங்­களில் நாங்கள் பாரிய முயற்­சி­களை மேற்­கொண்டோம். ஆனால் அவற்றில் எவ்­வி­த­மான தீர்வும் இது­வ­ரையில் எட்­டப்­ப­ட­வில்லை.

ஆகவே ஜனா­தி­பதி மைத்­தி­ரி­பால சிறி­சேன இவ­ருக்கு பொது­மன்­னிப்பு வழங்க வேண்டும் என கண்­ணீ­ருடன் கோரிக்கை விடுத்தார்.

பொது­பல சேனா  அமைப்பின் அலு­வ­ல­கத்தில் நேற்று  முன்தினம் இடம்­பெற்ற ஊட­க­வி­ய­லாளர் சந்­திப்பில் கலந்துகொண்டு உரையாற்றுகை யிலேயே அவர் மேற்­கண்­ட­வாறு தெரி­வித்தார்.

அவர் மேலும் குறிப்­பி­டு­கையில்,

ஞான­சார தேரர் அன்று நீதி­மன்­றத்தில் தெரி­வித்த கருத்­துக்கள் நீதி­மன்­றத்தை அவ­ம­தித்­த­தாகக் காணப்­ப­ட­வில்லை. இரா­ணுவ புல­னாய்வு அதி­கா­ரி­களை சிறை வைப்­ப­தற்கு எதி­ரா­கவே அவர் கருத்து தெரி­வித்தார்.

எனினும் அவ்­வாறு கருத்­துக்­களைத் தெரி­வித்­ததன் பின்னர் தான் தெரி­வித்த கருத்­துக்­களில் ஏதேனும் தவ­றுகள் காணப்­பட்டால் மன்­னிக்­கு­மாறும் ஞான­சார தேரர் வேண்­டுகோள் விடுத்­தி­ருந்தார்.

இருப்­பினும் அவ­ருக்கு கடூ­ழிய தண்­டனை  பௌத்­த­மத கோட்­பாட்­டுக்கு முர­ணாக விதிக்­கப்­பட்­டது. இவ­ரது கருத்­துக்கள் முர­ணாக காணப்­பட்­டாலும் பௌத்த மதத்தை பாது­காப்­பதே அவ­ரது நோக்­க­மாக காணப்­பட்­டது. எனவே தான் பொது­ப­ல­சேனா அமைப்பு அவ­ரு­டைய விடு­த­லையை தொடர்ந்து வலி­யு­றுத்தி வரு­கின்­றது.

தொடர்ந்து நாட்டில் இன­வாதம் பேசி வடக்­கி­னையும், தெற்­கி­னையும் பிரிக்கும் வித­மாக அர­சாங்­கத்தின் ஆத­ர­வுடன் செயற்­படும் தமிழ்­தே­சிய கூட்­ட­மைப்­பி­ன­ருக்கு எதி­ராக இது­வரையில்  எவ்­வி­த­மான நட­வ­டிக்­கை­களும் முன்­னெ­டுக்­கப்­ப­ட­வில்லை, மறு­புறம் மீண்டும் விடு­தலை புலி­களின் இயக்கம் தோற்றம் பெற வேண்டும் அதுவே எமது நோக்கம் என்று பகி­ரங்­க­மாக அறி­வித்த  பாரா­ளு­மன்ற உறுப்­பினர் விஜ­ய­கலா மகேஷ்­வ­ர­னுக்கு பிணையில் செல்லக்கூடிய அள­விற்கு சட்டம் செயற்­ப­டு­மாயின் ஏன் ஞான­சார தேரரின் விவ­கா­ரத்தில் இவ்­வ­ளவு  இறுக்­க­மாக காணப்­ப­டு­கின்­றது. இதன் பின்னணியை அறிய முடியாதிருக்கிறது.

தமிழ் அர­சியல் கைதிகளின் விடு­தலை தொடர்பில் தமிழ் தேசிய கூட்­ட­மைப்­பி­னரும், அர­சாங்க அமைச்­சர்­களும் குரல் கொடுப்­பதை போன்று ஏன் பாரா­ளு­மன்­றத்தில்  உள்ள அமைச்­சர்கள்  ஞான­சார தேர­ருக்கு ஆத­ர­வாக செயற்­பட முன்­வர மறுக்­கின்­றனர். இவ­ரது கைது அர­சாங்­கத்தின் நெடுநாள் விருப்­ப­மா­கவே காணப்­பட்­டுள்­ளது என்ற சந்­தேகம் தற்­போது தோற்றம் பெற்­றுள்­ளது.

 ஞான­சார தேரரின் விடு­தலை குறித்து அவ­ரது தாயார் ஜனா­தி­ப­திக்கு உருக்­க­மான கடி­த­மொன்­றினை  அனுப்பி வைத்­துள்ளார். இவ்­வி­ட­யத்தில் ஜனா­தி­பதி தனது நிறை­வேற்று அதி­கா­ரத்­தினை செயற்­ப­டுத்த வேண்டும்.

 இவ­ரது தண்­டனை தொடர்பில் மீள் பரி­சீ­லனை செய்து பொது­மன்­னிப்பு வழங்க வேண்டும். இவ்­வி­ட­யத்தில் அவ­ருக்கும் பல தடைகள் ஏற்­படும்  ஆகவே அவர் தன்­னிச்­சை­யான தீர்­மா­னங்­களை மேற்­கொள்ள வேண்டும் என கண்ணீர் மல்க தெரிவித்தார்.
-Vidivelli

போலி உம்ரா, முகவர்களிடம் ஏமாறாதீர்கள்...!

குறைந்த கட்­ட­ணங்­களில் உம்ரா பயண ஏற்­பா­டு­களை மேற்­கொள்­வ­தாக உறு­தி­ய­ளித்து ஏமாற்றும் உம்ரா முக­வர்கள் தொடர்­பிலும் ஏற்­க­னவே முற்­பணம் பெற்­றுக்­கொள்ளும் உம்ரா முக­வர்கள் தொடர்­பிலும் எச்­ச­ரிக்­கை­யாக இருக்­கு­மாறு அரச ஹஜ் குழு மக்­களை வேண்­டி­யுள்­ளது. முஸ்லிம் சமய பண்­பாட்­ட­லு­வல்கள் திணைக்­க­ளத்தில் பதிவு செய்­யப்­ப­டாத உம்ரா முக­வர்­க­ளுடன் பயண ஏற்­பா­டு­களை முன்­னெ­டுக்க வேண்­டா­மெ­னவும் வேண்­டுகோள் விடுத்­துள்­ளது.

உம்ரா முக­வர்கள் தொடர்பில் அரச ஹஜ் குழு­விற்குப் பல முறைப்­பா­டுகள் கிடைத்­துள்­ள­தா­கவும், குறைந்த கட்­ட­ணங்­களில் உம்ரா பய­ணி­களை அழைத்­துச்­செல்லும் முக­வர்கள் வர்த்­தக நட­வ­டிக்­கை­களில் ஈடு­ப­டு­வ­தா­கவும் அரச ஹஜ் குழுவின் தலைவர் எம்.ரி.சியாத் தெரி­வித்தார்.

குறைந்த கட்­ட­ணங்­களில் பய­ணி­களை அழைத்­துச்­செல்லும் உம்ரா முக­வர்கள் சவூதி அரே­பி­யாவில் அவர்­களை பல்­வேறு அசௌ­க­ரி­யங்­க­ளுக்கு உட்­ப­டுத்­து­கி­றார்கள்.

உம்ரா பய­ணத்­துக்­காக முற்­பணம் பெற்­றுக்­கொள்ளும் முகவர் சில மாதங்­களின் பின்பு உறு­தி­ய­ளித்த கட்­ட­ணத்தை விட கூடு­த­லான கட்­டணம் செலுத்­து­மாறு வற்­பு­றுத்­தப்­ப­டு­வ­தாக முறைப்­பா­டுகள் கிடைத்­துள்­ள­தா­கவும் அவர் கூறினார்.

மேலும் அவர் தெரி­விக்­கையில் திணைக்­க­ளத்தில் பதிவு செய்­துள்ள உம்ரா முக­வர்­க­ளுக்கு எதி­ராக முறைப்­பா­டுகள் கிடைத்­தாலே அது தொடர்பில் சட்ட நட­வ­டிக்­கை­களை மேற்­கொள்ள முடியும். விசாரணைகளை நடாத்த முடியும். திணைக்களத்தில் பதிவு செய்யாத உம்ரா ஏற்பாட்டாளர்கள் தொடர்பில் திணைக்களத்தினால் எவ்வித உறுதிகளையும் வழங்க முடியாது என்றார்.

-Vidivelli

லொஹன் ரத்வத்தே, கையில் இரத்தக்கறை படிந்தவன் - மகிந்த அணிமீது குமார கடும் தாக்குதல்

கண்டியில் கூட்டு எதிர்க்கட்சியின் நாடாளுமன்ற உறுப்பினர்கள் சிலர் தன்னை விமர்சித்த போது அந்த கூட்டத்தில் முன்னாள் ஜனாதிபதி மகிந்த ராஜபக்ச இருந்ததாக நாடாளுமன்ற உறுப்பினர் குமார வெல்கம தெரிவித்துள்ளார்.

மத்துகம பிரதேசத்தில் நேற்று நடைபெற்ற கூட்டம் ஒன்றில் உரையாற்றும் போதே அவர் இதனை கூறியுள்ளார். அங்கு தொடர்ந்தும் கருத்து வெளியிட்டுள்ள குமார வெல்கம,

நான் எவருடைய அடிமையும் இல்லை. அடுத்த ஜனாதிபதி தேர்தலில் முன்னாள் ஜனாதிபதி மகிந்த ராஜபக்ச போட்டியிடாவிட்டால், ராஜபக்ச குடும்பத்திற்கு வெளியில் உள்ள சிரேஷ்ட தலைவர் ஒருவர் வேட்பாளராக நிறுத்தப்பட வேண்டும்.

ஜனாதிபதி பதவி என்பது குடும்பம் ஒன்றுக்கு உரித்ததான ஒன்றல்ல. ராஜபக்ச குடும்பத்திற்கு வெளியில் சிரேஷ்ட தலைவர் ஒருவரை வேட்பாளராக நிறுத்துவது மிகவும் பொருத்தமானது என குமார வெல்கம குறிப்பிட்டுள்ளார்.

அத்துடன் நாடாளுமன்ற உறுப்பினர்கள் கெஹெலிய ரம்புக்வெல்ல, மகிந்தானந்த அளுத்கமகே, லொஹன் ரத்வத்தே, திலும் அமுனுகம ஆகியோர் தன்னை விமர்சித்துள்ளமை தொடர்பிலும் வெல்கம கடும் விமர்சனங்களை முன்வைத்துள்ளார்.

நல்லாட்சி அரசாங்கத்தை அமைக்க வேண்டும் என தீர்மானித்த ஸ்ரீலங்கா சுதந்திரக் கட்சியின் மத்திய செயற்குழு கூட்டத்தில் ஜனாதிபதி சிறிசேன, ஐக்கிய தேசியக் கட்சியுடன் இணைந்து ஆட்சி அமைக்க அழைத்த நேரத்தில் மகிந்தானந்த அளுத்கமகே ஏன் தலையை குனிந்து தரையை பார்த்துக் கொண்டிருந்தார் என்று நான் கேள்வி எழுப்புகிறேன்.

மகிந்தானந்தவுக்கு முதுகெலும்பு இருந்திருக்குமாயின் அன்று நான் கூறியபோது தான் நல்லாட்சி அரசாங்கத்திற்கு வர மாட்டேன் என முகத்திற்கு நேராக கூறியிருக்க முடியும். மகிந்தானந்தவுக்கு முதுகெலும்பு இருந்திருந்தால், ஏன் நுகேகொடை கூட்டத்திற்கு வரவில்லை?.

கண்டியில் நடந்த கூட்டத்தின் பக்கம் கூட அவர் திரும்பி பார்க்கவில்லை. அந்த கூட்டத்தின் மேடையில் திலும் அமுனுகம மாத்திரமே ஏறினார்.

அத்துடன் டை கோர்ட் அணிந்து கொண்டு பேசும் நாடாளுமன்ற உறுப்பினர் ஒருவர், என் மீது குற்றம் சுமத்துகிறார்.

எனினும் 100 நாள் அரசாங்கம் அமைக்கப்பட்டபோது அமைச்சர் பதவியை வழங்குமாறு கோரி ரணில் விக்ரமசிங்க முன்னிலையில் மண்டியிட்டார். மேலும் லொஹன் ரத்வத்தே என்பவர் கையில் இரத்தக்கறை படிந்த நபர் எனவும் குமார வெல்கம குறிப்பிட்டுள்ளார்.

கோவில் மறைப்பை பிரித்தெறிந்து, முஸ்லிம்கள் அட்டகாசம் செய்யவில்லை - அடியோடு மறுக்கிறார் சந்திரசேகரம்

கல்முனை தமிழ் உப செயலக வளாகத்தில் உள்ள  கோவில் மறைப்பை   பிரித்தெறிந்து அட்டகாசம் செய்தவர்கள் எமது ஊர்சனங்கள் தான் என்பதை உறுதிப்படுத்தினார் கல்முனை மாநகர சபை உறுப்பினர் சந்திரசேகரம் ராஜன்.

நேற்றைய தினம்(17) நடைபெற்ற இச்சம்பவம் குறித்து ஊடகவியலாளரால் கேட்கப்பட்ட கேள்விக்கு மேற்கண்டவாறு தெரிவித்தார்.

 இந்துக்கோவிலுக்கு அநியாயம் செய்தார்கள் என முஸ்லீம்களை நாம் சொல்லவில்லை.நேற்றைய வாணி விழாவை சிறப்பிக்கும் முகமாக கோவில் மறைப்பை எங்கள் ஊரவர்களே நீக்கினர்.இதனை முஸ்லீம்கள் செய்யவில்லை.ஆனால்  கல்முனை மாநகர சபை   மேயர் குறித்த  ஆலயத்தை இடிப்பதற்கு  வழக்கு தாக்கல் செய்தமை குறித்து எதிர்ப்பு தெரிவிப்பதாக அவர் மேலும் கூறினார்.

எனினும் தமிழ் தேசிய கூட்டமைப்பின் கல்முனை மாநகர சபை உறுப்பினர்களினால் அழைத்து வரப்பட்ட இளைஞர்கள் தான் இதனை செய்ததாக  நேரில் பார்த்தவர்கள் குறிப்பிட்டுள்ளனர்.

இலங்கையில் அறிமுகமாகவுள்ள, புதியவகை எரிபொருள் - ஆட்டோ சாரதிகளுக்கு அதிக இலாபம்

இலங்கையில் புதிய வகை எரிபொருள் ஒன்றை அறிமுகம் செய்ய பெற்றோலிய வள அபிவிருத்தி அமைச்சு திட்டமிட்டுள்ளது.

குறைந்த செலவில் முச்சக்கரவண்டிகளுக்கு பயன்படுத்தக் கூடிய வகையில் புதிய எரிபொருள் அறிமுகம் செய்யப்படவுள்ளது.

அதற்கமைய ஒக்டேன் 87 அல்லது குறைந்த ஒக்டேன் ரக எரிபொருள் வகை ஒன்றை அடுத்த மாதம் சந்தையில் வெளியிடுவதற்கு திட்டமிடப்பட்டுள்ளது.

தற்போது நடைமுறையில் உள்ள எரிபொருளின் விலையை விடவும் மிகவும் குறைந்த விலையில் புதிய எரிபொருள் விநியோகம் செய்யப்படவுள்ளது.

புதிய எரிபொருள் முச்சக்கர வண்டிகளுக்கு மாத்திரமன்றி, மோட்டார் சைக்கிள்களுக்கும் பயன்படுத்த முடியுமா என்பது தொடர்பில் தற்போது ஆய்வுகள் மேற்கொள்ளப்பட்டு வருகிறது.

முச்சக்கரவண்டி சாரதிகளுக்கு நன்மையை ஏற்படுத்தக் கூடிய புதிய எரிபொருள் திட்டம் வெற்றி பெறும். . எதிர்வரும் மாதத்தில் புதிய எரிபொருள் சந்தையில் அறிமுகம் செய்ய எதிர்பார்ப்பதாக அமைச்சர் அர்ஜுன ரணதுங்க தெரிவித்துதுள்ளார்.

சமகாலத்தில் இலங்கையில் எரிபொருளின் விலை உயர்ந்த நிலையில் காணப்படுகிறது. இந்நிலையில் குறைந்த விலையில் அறிமுகமாகும் எரிபொருள் மக்களுக்கு கிடைத்த பெரும் நிவாரணமாக அமையவுள்ளது.

இலங்கையில் முச்சக்கரவண்டி மற்றும் மோட்டார் சைக்களின் அதிகளவில் காணப்படுகின்றமை குறிப்பிடத்தக்கது.

இந்நிலையில் குறைந்த விலையில் எரிபொருள் விற்பனை செய்யப்படும் பட்சத்தில் சாரதிகளுக்கும், மக்களுக்கும் பெரும் நன்மையை ஏற்படுத்தும் என சுட்டிக்காட்டப்பட்டுள்ளது.

ஜப்னா முஸ்லிம் செய்திக்கு, பலன் கிட்டியது

அல்ஹம்துலில்லாஹ்.

கடந்த வாரம் இலங்கை பல்கலைக்கழகமொன்றில் கல்வி பயிலும் இஸ்லாத்தில் உள்ள ஆதரவின்றி தவிக்கும் மாணவி ஒருவர் தொடர்பான செய்தியை நாம் அனுப்பிய வேளை உங்களால் அச்செய்தி வெளியிடப்பட்டிருந்தது.

இதனடிப்படையில் குறித்த செய்தியின் பலனாக உள்நாட்டிலிருந்தும் வெளிநாட்டிலிருந்தும் சிலர் எம்மைத் தொடர்பு கொண்டதுடன் உதவி செய்யவும் முன்வந்துள்ளனர். 

சுவனத்தின் உன்னத இலட்சியத்திற்காக நிலையான கல்வியின் வழியாக ஒரு மாணவிக்கு உதவ முன்வந்தோருக்கு அல்லாஹ் சுவனத்தை நிரந்தரமாக்குவானாக..மேலும் குறித்த செய்தியை வெளியிட்ட jaffna muslim இற்கும் அல்லாஹ் அருள்பாலிப்பானாக.. ஆமீன். 

இவ்வாறு கல்வியை தொடர முடியாத நிலையில் உள்ள அனைவருக்கும் அல்லாஹ்வின் உதவி கிடைக்க வேண்டி பிரார்த்திக்கிறோம்.

ஜஷாகல்லாஹு ஹைர். 

இப்படிக்கு
உதவி கிடைக்கப்பெற்றோர்.

ஜமால் கசோஜி, கடைசியாக எழுதியது என்ன தெரியுமா..??


காணாமல் போவதற்கு முன்பாக ஜமால் கசோஜி எழுதியதாகக் கூறப்படும் கடைசிப் பத்தியை வெளியிட்டுள்ளது வாஷிங்டன்போஸ்ட் நாளிதழ். மத்தியக் கிழக்கு நாடுகளில் சுதந்திரமான ஊடகத்துக்கான தேவை குறித்து அந்தப் பத்தியில் கசோஜி வலியுறுத்தியுள்ளார்.

கசோஜி பாதுகாப்பாக திரும்பி வருவார் என்ற நம்பிக்கையில், இந்த பத்தியை வெளியிடாமல் தாமதம் செய்ததாக அந்த நாளிதழின் உலக கருத்துப் பிரிவு ஆசிரியர் கரேன் ஆட்டியா தெரிவித்துள்ளார்.

"தற்போது அது நடக்கப்போவதில்லை என்பதை நான் ஒப்புக்கொள்ளவேண்டும். நான் கடைசியாக எடிட் செய்யும் அவரது கட்டுரை இது" என்று கூறிய அவர், "அரபு உலகத்தில் சுதந்திரம் நிலவவேண்டும் என்பதற்கு அவர் காட்டிய அக்கறையையம், ஆர்வத்தையும் இந்த பத்திக் கட்டுரை சிறப்பாக எடுத்துக்காட்டுகிறது. இந்த சுதந்திரத்துக்காகவே அவர் தமது உயிரைக் கொடுத்துள்ளார்" என்றும் தெரிவித்துள்ளார்.

வாஷிங்டன் போஸ்ட் வெளியிட்ட அந்த கடைசி பத்தியில் "அரபு உலகம் தம்முடைய சொந்த இரும்புத்திரை சூழ்நிலையை எதிர்கொண்டுள்ளது. இந்த இரும்புத்திரை வெளிநாட்டு சக்திகளால் உண்டானதல்ல.

அதிகார தாகத்தில் உள்நாட்டு சக்திகளே உருவாக்கியது. அரபு உலகத்துக்கு நவீனமான பன்னாட்டு ஊடகம் வேண்டும். இதன் மூலமே உலக நடப்புகளை குடிமக்கள் தெரிந்துகொள்ள முடியும். மிக முக்கியமாக, அரபு குரல்கள் ஒலிப்பதற்கான ஒரு தளத்தை உருவாக்கவேண்டும்" என்று கசோஜி எழுதியுள்ளார்.

தமது சக சௌதி எழுத்தாளர் சலே அல்-சலே தற்போதைய சௌதி அரசாங்கத்தின் கருத்துக்கு மாறான கருத்தை எழுதியதற்காக தேவையில்லாமல் ஐந்தாண்டுகள் சிறைத் தண்டனை விதிக்கப்பட்டுள்ளதாக அந்தக் கட்டுரையில் குறிப்பிட்ட கசோஜி, இத்தகைய நடவடிக்கைகளுக்கு சர்வதேச சமூகம் காக்கும் மௌனம் விரைவில் கண்டனமாக மாறும் என்றும் தெரிவித்துள்ளார்.

சவூதி ஊடகவியலாளரின் கொலை ஆதாரத்தை, துருக்கியிடம் கேட்கும் டிரம்ப்

துருக்கியில் உள்ள சௌதி அரேபியத் துணைத் தூதரகத்துக்குள் சென்ற பின் காணாமல் போன சௌதி பத்திரிகையாளர் ஜமால் கசோஜி கொல்லப்பட்டார் என்பதைக் காட்டும் பதிவுகள் இருந்தால் கொடுங்கள் என்று துருக்கியைக் கேட்டிருப்பதாக அமெரிக்க அதிபர் டொனால்டு டிரம்ப் தெரிவித்தார்.

வெள்ளை மாளிகையில் நடந்த செய்தியாளர்கள் கூட்டத்தில் பேசும்போது டிரம்ப் இதைத் தெரிவித்தார்.

அக்டோரபர் 2-ம் தேதி இஸ்தான்புல்லில் உள்ள சௌதி துணைத் தூதரகத்துக்குள் சென்றதில் இருந்து கசோஜியைக் காணவில்லை. தாங்கள் அவரைக் கொல்லவில்லை என்றும், வந்த வேலை முடிந்து அவர் திரும்பிவிட்டார் என்றும் கூறுகிறது சௌதி அரேபியா.

எர்துவானுடன் அமெரிக்க பிரதிநிதிகள் சந்திப்பு - ஜமால் கொலை தொடர்பில் முக்கிய பேச்சு


துருக்கி சென்றிருக்கும் அமெரிக்க இராஜாங்க செயலாளர் மைக் பொம்பியோ சவூதி அரேபிய ஊடகவியலாளர் ஜமால் கசோக்கி காணாமல்போன விவகாரம் குறித்து துருக்கி ஜனாதிபதி ரிசப் தையிப் எர்துவானுடன் பேச்சுவார்த்தை நடத்தியுள்ளார்.

இஸ்தான்பூலில் இருக்கும் சவூதி துணைத் தூதரகத்திலேயே அவர் கொல்லப்பட்டதாக துருக்கி ஊடகம் புதிதாக குற்றம்சாட்டி இருக்கும் நிலையிலேயே நேற்று இந்த சந்திப்பு இடம்பெற்றுள்ளது.

முன்னதாக சவூதிக்கு சென்ற பொம்பியோ கடந்த செவ்வாயன்று அந்நாட்டு முடிக்குரிய இளவரசர் முஹமது பின் சல்மானை சந்தித்தார். செய்தியாளர் காணாமல் போனதுடன் தொடர்பு இருப்பதை சவூதி அரேபியா நிராகரிப்பதாக பொம்பியோ குறிப்பிட்டுள்ளார்.

கடந்த ஒக்டோபர் 2 ஆம் திகதி இந்த துணைத் தூரகத்திற்குள் நுழையும்போது கசோக்கி கடைசியாக காணப்பட்டுள்ளார். எனினும் அவர் தூதரகத்தில் இருந்து வெளியேறியதாக சவூதி கூறி வருகிறது.

துணைத் தூதரகத்திற்குள் செய்தியாளர் சித்திரவதை செய்யப்பட்டு கொல்லப்பட்டது குறித்த விபரங்களை துருக்கியின் அரச ஆதரவு பத்திரிகை ஒன்று வெளியிட்டுள்ளது.

கசோக்கி காணாமல்போனதுடன் சந்தேகப்படும் 15 பேரில் நால்வர் சவூதியின் பலம்மிக்க முடிக்குரிய இளவரசருடன் தொடர்புபட்டவர்கள் என்று நியூயோர்க் டைம்ஸ் பத்திரிகை குறிப்பிட்டுள்ளது.

எனினும் இந்த விடயத்தில் அவசரப்பட்டு சவூதி மீது குற்றம்சாட்டுவதில் அமெரிக்க ஜனாதிபதி டொனால்ட் டிரம்ப் அவதானத்துடன் உள்ளார். இந்த விவகாரம் சவூதி மீது சர்வதேச அழுத்தத்தை அதிகரித்துள்ளது.

இந்த விடயம் குறித்து சவூதி வெளிப்படையுடன் செயற்பட வேண்டும் என்று ஜீ7 நாடுகளின் வெளியுறவு அமைச்சர்கள் அழைப்பு விடுத்துள்ளனர்.

இதனிடையே கசோக்கி விவகாரத்தை அடுத்து சவூதியில் அடுத்த வாரம் நடைபெறவுள்ள முதலீட்டு மாநாட்டில் பங்கேற்பதில் இருந்து சர்வதேச நாணய நிதியத்தின் தலைவர் கிறிஸ்டின் லகார்ட் விலகிக் கொண்டுள்ளார்.

முஸ்லிம்களை ஏமாற்றுகின்றனர், வீழ்ந்துள்ள சிங்களவர்களை மீட்க 'வீர துட்டகைமுனு இயக்கம்'

முன்னாள் அமைச்சர் மேர்வின் சில்வாவின் தலைமையில் அமைக்கப்பட்டுள்ள வீர துட்டகைமுனு இயக்கம் எதிர்வரும் 23 ஆம் திகதி அனுராதபுரத்தில் உத்தியோகபூர்வமாக அங்குரார்ப்பணம் செய்து வைக்கப்படவுள்ளது.

முன்னாள் அமைச்சர் மேர்வின் சில்வா இதனை அறிவித்தார்.

வடக்கிலும், கிழக்கிலும் இனவாதம் உருவாவதை அனுமதிக்க முடியாது. கடந்த மன்னர்களது ஆட்சியின் போது இந்நாட்டில் சிங்கள, தமிழ், முஸ்லிம், பேகர் ஆகிய சகலரும் ஒற்றுமையாக வாழ்ந்துள்ளனர்.

சிங்களவர்களுக்கு இந்நாட்டில் இருந்த உரிமைகள் இல்லாமல் போவதை அனுமதிக்க முடியாது. அதனை மீளவும் பெற்றெடுப்பது இந்த அமைப்பின் நோக்கமாகும் எனவும் அவர் குறிப்பிட்டார்.

மஹிந்த ராஜபக்ஷவின் குழுவும், ஜனாதிபதி, பிரதமர் தலைமையிலான அரசாங்கமும் இந்நாட்டிலுள்ள சிங்களவர்கள் வீழ்ந்துள்ள பாதாளத்திலிருந்து மீட்டுப்பதற்கு தவறியுள்ளன. 

இவர்கள் வடக்கிற்குச் சென்று தமிழ் மக்களை ஏமாற்றுகின்றனர். 

கிழக்குக்குச் சென்று முஸ்லிம் மக்களை ஏமாற்றுகின்றனர் எனவும் மேர்வின் சில்வா மேலும் கூறினார். 

Dc

இன்று இந்தியா பறக்கிறார் ரணில், மைத்திரி கொலைசதி பற்றியும் பேசுவார்...}

ஜனாதிபதி கொலை சதி தொடர்பில் விக்ரமசிங்க இந்திய அதிகாரிகளுடன் கலந்துரையாடவுள்ளதாக பிரமர் அலுவலக பேச்சாளர் ஒருவர் தெரிவித்துள்ளார்.

ஜனாதிபதியை கொலை செய்ய இந்திய உளவுத்துறையான ‘ரோ’ சதி செய்வதாக ஜனாதிபதி மைத்ரிபால சிறிசேனவை மேற்கோள் கட்டி இந்திய ஊடகமொன்று செய்தி வெளியிட்டதை அடுத்து பிரதமர் இந்த தீர்மானத்தை எடுத்துள்ளதாக அவர் குறிப்பிட்டுள்ளார்.

இதேவேளை, பிரதமரின் இந்திய விஜயத்தின் போது இந்திய பாதுகாப்பு உயரதிகாரிகளை சந்திக்க முன்னேற்பாடு செய்துள்ளதாகவும் தெரிவிக்கப்படுகின்றது.

மூன்று நாள் உத்தியோகபூர்வ விஜயம் மேற்கொண்டு பிரதமர் ரணில் விக்ரமசிங்க இன்று இந்திய புறப்படவுள்ளமை குறிப்பிடத்தக்கது.

October 17, 2018

இன்பராசாவின் குற்றச்சாட்டு தொடர்பில், அமீனிடம் விசாரணை

முஸ்லிம்களிடம் ஆயுதம் இருப்பதாக புலிகள் அமைப்பைச் சேர்ந்த இன்பராசா தெரிவித்த விடயங்கள் தொடர்பில் சட்ட பொதுஒழுங்கு அமைச்சு விசாரணைகளை துரிதப்படுத்தியுள்ளது.

இதுதொடர்பில் சிறிலங்கா முஸ்லிம் கவுன்சில் அமைச்சர் ரஞ்சித் மத்தும பண்டாரவிடமும் முறையிட்டிருந்து.

இதன் ஒரு கட்டமாக முஸ்லிம் கவுன்சில் தலைவர் என்.எம். அமீனிடமும் விசாரணை நடைபெற்றுள்ளதாக அறியவருகிறது.

'றோ' என்று ஜனாதிபதி கூறவேயில்லை – சிறிரால் லக்திலக

அமைச்சரவைக் கூட்டத்தில், சிறிலங்கா அதிபர் எந்த இடத்திலும், ‘றோ’ என்ற பதத்தைப் பாவிக்கவேயில்லை, என்றும், இந்தியப் புலனாய்வு  சேவை என்றே குறிப்பிட்டார் எனவும், சிறிலங்கா அதிபரின் மூத்த ஆலோசகர் சிறிரால் லக்திலக தெரிவித்துள்ளார்.

தன்னைப் படுகொலை செய்யும் சதித்திட்டத்துக்குப் பின்னர் இந்தியப் புலனாய்வு அமைப்பான ‘றோ’ இருந்தது என்று சிறிலங்கா அதிபர் மைத்திரிபால சிறிசேன நேற்று அமைச்சரவைக் கூட்டத்தில் தெரிவித்தார் என்று செய்திகள் வெளியாகின.

ஊடகங்களில் வெளியான இந்தச் செய்திகள் தொடர்பாக விளக்கமளித்துள்ள, சிறிலங்கா அதிபரின் மூத்த ஆலோசகர் சிறிரால் லக்திலக,

”சிறிலங்கா அதிபர் இந்தியப் புலனாய்வுச் சேவை என்று மாத்திரமே குறிப்பிட்டாரே தவிர, ‘றோ’ என்று கூறவில்லை.

தலைவர்களைக் கெலை செய்யும் இரகசிய புலனாய்வு அமைப்புகளின் முயற்சிகள் தொடர்பாக,  சிறிலங்கா அதிபர் பொதுப்படையாகவே பேசினார்.

இந்தியப் பிரதமர் நரேந்திர மோடி இந்த நகர்வுகளை அறிந்திருக்கவில்லை என்றும் சிறிலங்கா அதிபர் உறுதியாக கூறியிருந்தார்.

அத்துடன், எந்த இடத்திலும் ‘றோ’ என்றும் அவர் குறிப்பிடவேயில்லை.” என்றும் அவர் தெரிவித்துள்ளார்.

இன்று நள்ளிரவில், ஜனாதிபதி செய்தி கைங்காரியம்

இலங்கை வங்கி, மக்கள் வங்கி, முதலீட்டு சபை என்பவற்றின் பணிப்பாளர் சபைகளை இன்று (17) நள்ளிரவுடன் அமுலுக்கு வரும் வகையில் கலைக்க ஜனாதிபதி தீர்மானித்துள்ளதாக ஜனாதிபதி ஊடகப் பிரிவு தெரிவித்துள்ளது.

இதனையடுத்து, இந்த நிறுவனங்களில் இடம்பெற்றதாக கூறப்படும் நிதி முறைகேடுகள் குறித்து தனித்தனியாக விசாரணை நடாத்தவுள்ளதாகவும் அரச தரப்பு வட்டாரங்கள் குறிப்பிட்டுள்ளன. 

ஜனாதிபதி எனக்குக் கடமைப்பட்டுள்ளார் - சுஜீவ சேனசிங்க

ஜனாதிபதி மைத்திரிபால சிறிசேனவை ஜனாதிபதியாக்க நான் எவ்வளவோ செயற்பட்டுள்ளேன் எனவும் இதற்காக அவர் எனக்குக் கடமைப்பட்டுள்ளார் எனவும் இராஜாங்க அமைச்சர் சுஜீவ சேனசிங்க தெரிவித்தார்.

தனக்கு எதிராக ஊழல் மோசடி பற்றிய குற்றச்சாட்டு ஜனாதிபதி செயலகத்தின் ஊடாகவே முன்வைக்கப்பட்டுள்ளது. இந்தக் குற்றச்சாட்டு பொய்யான ஒன்று. இதற்கான எந்தவிதமான சான்றுகளும் இல்லை.

வெளிநாட்டு முதலீட்டாளர் ஒருவரிடம் நிதி கோரியதாக அந்தக் குற்றச்சாட்டில் குறிப்பிடப்பட்டுள்ளது. குறைந்தது இந்தக் குற்றச்சாட்டை முன்வைக்க முன்னர் ஜனாதிபதி என்னிடம் ஒருவார்த்தை கேட்டிருக்கலாம்.

இந்தக் குற்றச்சாட்டு தொடர்பில் பிரதமரும், ஜனாதிபதியும் பொறுப்புக் கூற வேண்டும். இவ்வாறு நடைபெறும் போது அரசியல் நடவடிக்கையில் ஈடுபடுவதா? இல்லையா? என்ற தீர்மானத்துக்கு வர வேண்டிய ஒரு நிலையில் தான் இருப்பதாகவும் அவர் மேலும் கூறினார்.

கொழும்பில் இன்று (17) நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கையில் அவர் இதனைக் குறிப்பிட்டார். 

பாகிஸ்தானில் இருந்து வந்தால், உம்றா வரி ரத்து - சவுதி அரசு அறிவிப்பு

பாகிஸ்தானில் இருந்து உம்ரா யாத்திரை செய்ய வரும் பக்தர்களுக்கான வரியை ரத்து செய்ய சவுதி அரேபியா அரசு சம்மதம் தெரிவித்துள்ளது.
இஸ்லாமாபாத்:

இஸ்லாம் தோன்றிய புனித பூமியான சவுதி அரேபியா மற்றும் ஈராக், சிரியா ஆகிய நாடுகளில் அந்த மார்க்கத்துடன்  தொடர்புடைய சில புனிதஸ்தலங்களும், முஹம்மது நபியின் மகள், பேர பிள்ளைகள் மற்றும் சில கலிபாக்களின் நினைவிடங்களும் அமைந்துள்ளன.

லகம் முழுவதிலும் இருந்து பல்லாயிரக்கணக்கான முஸ்லிம்கள் ஆண்டுதோறும் புனிதப்பயணம் மேற்கொள்கின்றனர். ஹஜ் யாத்திரையைப்போல் கடமையாக்கப்படா விட்டாலும் ‘உம்ரா’ என்றழைக்கப்படும் இந்த யாத்திரை சிலரது விருப்பத்தேர்வாக உள்ளது.

எந்த மாதத்திலும் இப்படி உம்ரா செய்யவரும் யாத்ரிகர்களுக்கு இந்நாடுகள் ஒரு குறிப்பிட்ட தொகையை வரியாகவும், நுழைவு கட்டணமாகவும் வசூலித்து வருகின்றன.

குறிப்பாக, சவுதி அரேபியா நாட்டில் இரண்டு ஆண்டுகளுக்கு இடையில் ஒருமுறைக்கு மேல் உம்ரா செய்யவரும் வெளிநாட்டு யாத்ரிகர்களிடம் இருந்து 2 ஆயிரம் ரியால்கள் உம்ரா வரியாக வசூலிக்கப்படுகிறது. 

இந்த ஆண்டில் இதுவரை சுமார் 4 லட்சத்து 21 ஆயிரம் வெளிநாட்டு யாத்ரிகர்கள் உம்ரா செய்வதற்காக சவுதி அரேபியா வந்துள்ளனர். இவர்களில் சுமார் 82 ஆயிரம் பேர் பாகிஸ்தானை சேர்ந்தவர்கள். 

இந்நிலையில், பாகிஸ்தான் நாட்டின் புதிய பிரதமராக பொறுப்பேற்ற இம்ரான் கான், தனது முதல் வெளிநாட்டு பயணமாக சமீபத்தில் சவுதி அரேபியா நாட்டுக்கு சென்றார்.

சவுதி மன்னர் சல்மானை சந்தித்த இம்ரான் கான் தங்கள் நாட்டினருக்கான உம்ரா வரியை ரத்து செய்யுமாறு கேட்டு கொண்டார். இதனை ஏற்ற சவுதி அரசு உம்ரா வரியை ரத்து செய்துள்ளதாக பாகிஸ்தான் நாட்டின் அறநிலையத்துறை இன்று தெரிவித்துள்ளது.

திருக்குர்ஆன் செய்த மருத்துவம்

குடிப்பதையே வாழ்க்கையாகக் கொண்டு, எழுத்தறிவில்லாத, காட்டு மிராண்டிகளைப் போல் வாழ்ந்து கொண்டிருந்த ஒரு சமுதாயம் தன் கையாலே மதுப் பானைகளை உடைத்தெறியும் அளவிற்குப் பெரும் மறுமலர்ச்சி அரபு தேசத்தில் உருவானது. இந்தக் கருத்தை நாம் மக்களிடம் கூறினால் இந்த மாபெரும் மாற்றத்தை ஏற்படுத்திய அந்தச் சீர்திருத்தவாதி யார்? அவர் என்ன மருத்துவம் செய்தார்? அவர் சாதாரண ஆளாக இருக்க முடியாது என்றெல்லாம் வியந்து கேட்பார்கள்.

அரபியர்களிடத்தில் ஏற்பட்ட இந்த மறுமலர்ச்சிக்கு, குர்ஆன் அவர்களுக்கு அளித்த அற்புதப் பயிற்சியே காரணம். இந்தப் பயிற்சி தான் அவர்களுக்கு மதுவின் மீது இருந்த மோக நோய் தீர சிறந்த மருந்தாக இருந்தது.
எடுத்த எடுப்பிலே மதுவை யாரும் பயன்படுத்தக் கூடாது என்று குர்ஆன் கட்டளையிடவில்லை. மதுவை ஒழிப்பதற்காக வேறுபட்ட கால கட்டங்களில் வெவ்வேறு கோணங்களில் மதுவைப் பற்றி குர்ஆன் மக்களுக்கு எச்சரித்தது. மது நல்ல பொருள் அல்ல என்ற கருத்தை முதலில் குர்ஆன் முன்வைத்தது.
பேரீச்சை மற்றும் திராட்சைக் கனிகளிலிருந்து மதுவையும், அழகிய உணவையும் தயாரிக்கிறீர்கள். விளங்கும் சமுதாயத்திற்கு இதில் சான்று உள்ளது.
அல்குர்ஆன் 16:67

இந்த வசனம் மது தடை செய்யப்படுவதற்கு முன்னால் இறங்கிய வசனம். இந்த வசனத்தில் இறைவன் உணவு மற்றும் மது ஆகிய இரண்டையும் பற்றிப் பேசுகிறான்.
இரண்டு பொருட்களைப் பற்றி பேசும் போது ஒன்றை மட்டும் சிறந்தது என்று கூறினால் இன்னொன்று சிறந்ததல்ல என்றக் கருத்து வரும். எனவே உணவு, மது ஆகிய இரண்டில் உணவு தான் அழகானது; சிறந்தது. மது சிறந்ததல்ல என்றக் கருத்தை முதலில் முன்வைக்கிறான். இந்நேரத்தில் மது அருந்தக் கூடாது என்று குர்ஆன் தடை விதிக்கவில்லை.
இதன் பிறகு மதுவில் கேடு தான் அதிகமாக இருக்கிறது என்று திருக்குர்ஆன் தெளிவாக உணர்த்தியது. என்றாலும் மதுவைப் புறக்கணிக்க வேண்டும் என்ற கட்டளையை குர்ஆன் இப்போதும் இடவில்லை.
மது மற்றும் சூதாட்டம் பற்றி (முஹம்மதே!) உம்மிடம் கேட்கின்றனர். "அவ்விரண்டிலும் பெரும் கேடும், மக்களுக்குச் சில பயன்களும் உள்ளன. அவ்விரண்டின் பயனை விட கேடு இவ்வுலகிலும், மறுமையிலும் மிகப் பெரியது” எனக் கூறுவீராக!
அல்குர்ஆன் 2:219
இதன் பிறகு தொழுகைக்கு வரும் போது போதையுடன் வரக்கூடாது என்று குர்ஆன் கட்டளையிட்டது. ஒரு நாளைக்கு ஐந்து முறை தொழுவது கடமையாக்கப் பட்டுள்ளது.
தொழுகைக்கு போதையில்லாமல் வர வேண்டும் என்றால் குறைந்தது தொழுவதற்கு ஒரு மணி நேரத்திற்கு முன்பாவது மது அருந்தாமல் இருக்க வேண்டும். இதை ஒரு நாளைக்கு ஐந்து முறை கடைப்பிடிக்கும் போது எப்போதும் போதையில் திளைத்தவர்கள் சிறந்த பயிற்சிக்கு உட்படுத்தப்படுவார்கள். போதையின்றி வாழ்வதற்கு பழகிக் கொள்வார்கள். எனவே தான் மனித இயல்பை அறிந்த இறைவன் மதுவை முற்றிலும் தடுத்து விடாமல் தொழுகை நேரத்தில் மட்டும் அருந்த வேண்டாம் என்று உத்தரவு பிறப்பித்தான்.

நம்பிக்கை கொண்டோரே! போதையாக இருக்கும் போது நீங்கள் கூறுவது உங்களுக்கு விளங்கும் வரை தொழுகைக்கு நெருங்காதீர்கள்!
அல்குர்ஆன் 4:43
இந்த வசனம் இறங்குவதற்குப் பின்வரும் சம்பவம் காரணமாக இருந்தது.
அலீ (ரலி) மற்றும் அப்துர் ரஹ்மான் பின் அவ்ஃப் (ரலி) ஆகிய இருவரையும் அன்சாரிக் குலத்தைச் சார்ந்த ஒருவர் விருந்துக்கு அழைத்திருந்தார். அவ்விருவருக்கும் மதுவை குடிக்கக் கொடுத்தார். (இச்சம்பவம்) மது தடை செய்யப்படுவதற்கு முன்பு (நடந்தது). அலீ (ரலி) அவர்கள் (போதையுடன்) குல் யா அய்யுஹல் காஃபிரூன் என்ற சூராவை ஓதி மக்களுக்கு மஃக்ரிப் தொழ வைத்தார். (போதையின் காரணத்தினால்) தொழுகையில் தவறுதலாக ஓதிவிட்டார். அப்போது தான், "நம்பிக்கை கொண்டோரே! போதையாக இருக்கும் போது நீங்கள் கூறுவது உங்களுக்கு விளங்கும் வரை தொழுகைக்கு நெருங்காதீர்கள்!’ (4:43) என்ற வசனம் இறங்கியது.
அறிவிப்பவர்: அலீ (ரலி)
நூல்: அபூதாவூத் 3186
இறுதிக் கட்டமாக மதுவை முற்றிலும் புறக்கணிக்க வேண்டும் என்று குர்ஆன் கட்டளையிட்டது.

நம்பிக்கை கொண்டோரே! மது, சூதாட்டம், பலிபீடங்கள், (குறி கேட்பதற்கான) அம்புகள், ஆகியவை அருவருப்பானதும், ஷைத்தானின் நடவடிக்கையுமாகும். எனவே இதிலிருந்து விலகிக் கொள்ளுங்கள்! வெற்றி பெறுவீர்கள்!
மது மற்றும் சூதாட்டம் மூலம் உங்களுக்கிடையே பகைமையையும், வெறுப்பையும் ஏற்படுத்தவும், அல்லாஹ்வின் நினைவை விட்டும், தொழுகையை விட்டும் உங்களைத் தடுக்கவுமே ஷைத்தான் விரும்புகிறான். எனவே விலகிக் கொள்ள மாட்டீர்களா?
அல்குர்ஆன் 5:90
எத்தனையோ சட்டங்கள் ஏட்டளவில் இருக்கின்றன. மக்களில் எவரும் இந்தச் சட்டங்களை மதிப்பதும் இல்லை. பொருட் படுத்துவதும் இல்லை. ஏனென்றால் யாருமே கடைப்பிடிக்க முடியாத அளவிற்கு மிகக் கடினமாக இச்சட்டங்கள் இருக்கின்றன.
சட்டங்கள் இடுவது முக்கியமல்ல. எப்போது, எப்படிச் சட்டம் இயற்றினால் பலன் ஏற்படும்? என்ற தூர நோக்குப் பார்வையில் சட்டங்களை இயற்ற வேண்டும். மக்களின் மனநிலைகளை அல்லாஹ் முற்றிலும் அறிந்திருப்பதால் இத்தகைய வழிமுறையைக் கையாண்டுள்ளான்.
எடுத்த எடுப்பிலே மதுவை குடிக்கக் கூடாது என்று கூறியிருந்தால் இச்சட்டத்திற்கு யாரும் கட்டுப்பட்டிருக்க மாட்டார்கள். இதை ஆயிஷா (ரலி) அவர்கள் தெளிவுபடுத்துகிறார்கள்.
ஆயிஷா (ரலி) அவர்கள் கூறுவதாவது:
எடுத்த எடுப்பிலேயே நீங்கள் மது அருந்தாதீர்கள் என்று வசனம் அருளப்பட்டிருந்தால் மக்கள் நாங்கள் ஒரு போதும் மதுவைக் கைவிட மாட்டோம் என்று கூறியிருப்பார்கள். (ஆகவே தான் அல்லாஹ் படிப்படியாகச் சட்ட விதிகளைக் கூறும் வசனங்களை அருளினான்.)
நூல்: புகாரி 4993

குர்ஆனின் இந்த வழிமுறையை நமது அரசும் பின் பற்ற வேண்டும். முதலில் மதுவுக்கு எதிரான பிரசாரத்தை அனைத்து மட்டத்திலும் கொண்டு வர வேண்டும். அடுத்து அனைத்து மாவட்ட தலைநகரங்களிலும் இலவசமாக மது மறு வாழ்வு மையம் அமைத்து மது அடிமைகளுக்கு தீவிர சிகிச்சை அளிக்க வேண்டும். கள்ள சாராயம் காய்ச்சுபவர்களுக்கு மரண தண்டனை என்ற சட்டத்தை கொண்டு வர வேண்டும். அதன் பிறகு சில மாதங்கள் கழிந்து முற்றிலுமாக மதுவுக்கு நாடு முழுக்க தடை கொண்டு வர வேண்டும். மது குடிப்பவர்களுக்கு தண்டனையை அதிகப்படுத்த வேண்டும். வெளி மாநிலங்களிலிருந்து ஊடுருவும் கள்ள சாராயத்தை தடுக்க கடுமையான சட்டம் இயற்ற வேண்டும்.
அரசே சாராயத்தை விற்கும் ஒரு நாட்டில் இதெல்லாம் சாத்தியப்படுமா என்று கேட்கலாம். மக்கள் நினைத்தால் போராட்டத்தின் மூலம் இதனை சாத்தியமாக்கலாம்.

மொஹமட் றம்ஸியை நிறைவேற்று அதிகாரியாக கொண்டியங்கும், நிறுவனத்தின் அற்புதமான திட்டம்


மெல்பன் மெற்றல் - நிறுவனம் நாட்டில் வாழும் வீடுகள் அற்ற 500 மேசன் வாாஸ் மாா்களுக்கு தோ்ந்தெடுத்து தேசத்தை கட்டியெழுப்பும் நோக்கோடு நாடு முழுவதிலும் வாழும் மேசன் மாா்களுக்கு 500 வீடுகளை இலவசமாக மெல்பன் மெற்றல் நிறுவனம் கட்டியெழுப்துவதற்காக ஒரு தி்ட்டம்மொன்றை வகுத்துள்ளது. 

ஒவ்வொரு வீடும் 12 இலட்சம் பெறுமதி வாய்ந்தது. இத் திட்டததின் முதலாவது வீடு இன்று(17) இலங்கை கிறிக்கட் குழுவின் முன்னால் கப்டன் குமாா் சங்கங்காரவும், மெல்பன் மெற்றல் நிறுவனத்தின் பிரதம நிறைவேற்று அதிகாரி டொக்டா் மொஹமட் றம்ஸியும் இனைந்து திக்வல்லையில் உள்ள வத்தேகம எனும் பிரதேசததில் வாழும் ஒரு ஏழை மேசன் வாஸ் குடும்பத்திற்கு வீடொன்றை நிர்மாணித்து அன்பளிப்புச் செய்தாா்கள். 

(அஷ்ரப் ஏ சமத்)



வசீம் தாஜூடீன் கொலையாளிகளை, நாங்கள் தூக்கு மேடைக்கு அனுப்புவோம் - ராஜித

ஜனாதிபதி மற்றும் பிரதமர் இடையிலான ஐக்கியத்தை சிதைக்கும் எவராக இருந்தாலும் அவர் துரோகி என அமைச்சரவைப் பேச்சாளரும் அமைச்சருமான ராஜித சேனாரத்ன தெரிவித்துள்ளார்.

அரச தகவல் திணைக்களத்தில் இன்று -17- நடைபெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பில் அவர் இதனை கூறியுள்ளார்.

தற்போதை நல்லாட்சி அரசாங்கத்தினால், மக்களுக்கும் ஊடகங்களுக்கும் சுதந்திரம் கிடைத்துள்ளது. அரசாங்கத்தினால், ஜனநாயகம் ஏற்படுத்தப்பட்டுள்ளது. ஊடகவியலாளர்களுக்கு உரிமைகள் கிடைத்துள்ளன.

ஊடகவியலாளர்கள் தற்போது ஜனாதிபதியை விமர்சிக்கின்றனர். பிரதமரை விமர்சிக்கின்றனர். ஊடகவியலாளர்களுக்கு ஒரு சிறிய அசம்பாவிதம் நடந்துள்ளதா?.

லசந்த விக்ரமதுங்க எங்கே. லசந்தவை கொலை செய்த கொலையாளிகளை கைதுசெய்ய வேண்டியது கடமையல்லவா.

எங்களை சிறையில் அடைக்க போவதாக மகிந்த ராஜபக்ச கூறுகிறார். லசந்த விக்ரமதுங்கவை கொலை செய்த கொலையாளிகளையே நாங்கள் சிறையில் அடைக்க போகிறோம்.

லசந்த விக்ரமதுங்க, பிரகீத் எக்னேலிகொட, கீத் நொயார், வசீம் தாஜூடீன் ஆகியோரே எமக்கு வாக்குகளை பெற்றுக்கொடுத்தனர். அவர்களின் பெயர்களை பயன்படுத்தியே வாக்குகளை பெற்றோம்.

தாஜூடீனின் கொலையாளிகளை நாங்கள் தூக்கு மேடைக்கு அனுப்புவோம். லசந்தவை கொன்றவர்களை தூக்கு மேடைக்கு அனுப்புவோம். எக்னேலிகொடவை கடத்தியவர்கள் எந்த இராணுவ வீரராக இருந்தாலும் தூக்கு மேடைக்கு அனுப்புவோம். 11 பிள்ளைகளை கொலை செய்த பாவிகளை தூக்கு மேடைக்கு அனுப்புவோம்.

கீத் நொயரை தாக்கியவர்களை சிறைக்கு அனுப்வோம். போத்தல ஜெயந்த, பாலசூரிய, உபாலி தென்னகோன் ஆகியோரை தாக்கியவர்களுக்கு தண்டனை வழங்குவோம். இந்த விடயத்தில் என்னை விட ஊடகவியலாளர்களான உங்களுக்கு அதிகமான அக்கறை இருக்க வேண்டும்.

சிரச, சியத்த தொலைக்காட்சி நிலையங்கள் எரியூட்டப்பட்டன. இன்று அப்படி எதுவும் நடக்கின்றதா?. அரசாங்கம் குறுகிய காலத்தில் பாரிய வேலைத்திட்டங்களை செய்துள்ளது.

கணக்காய்வு சட்டம், தகவல் அறியும் சட்டம் முக்கியமான வேலைத்திட்டங்களை அரசாங்கம் செய்துள்ளது. அதில் சில குறைகள் இருக்கலாம். கடந்த காலத்துடன் தற்காலத்தை ஒப்பிட்டு பாருங்கள் என அமைச்சர் ராஜித சேனாரத்ன குறிப்பிட்டுள்ளார்.

முஸ்லிம் கொள்கைக்கு உயிரோட்டம் கொடுக்க நான் தயார் - மாணவர்கள் தயாரா..? சவால் விடுக்கிறார் ஹரீஸ்

தமிழ் தலைமைகளுக்கு யாழ் பல்கலைக்கழகம் ஒரு அழுத்த சக்தியாக இருக்க முடியுமென்றால் ஏன் முஸ்லிம் அரசியல்வாதிகளுக்கு ஒரு மாணவ இயக்கம் அழுத்த சக்தியாக இருக்க முடியாது? இந்நாட்டில் முஸ்லிம் கொள்கைகளுக்கு உயிரோட்டம் கொடுக்கின்ற அடிப்படையில் மாணவர்களும் மாணவ இயக்கங்களும் ஒன்றிணைய வேண்டும் என பிரதி அமைச்சர் ஹரீஸ் தெரிவித்தார்.

ஸ்ரீலங்கா இஸ்லாமிய மாணவர் இயக்கத்தின் இளைஞர் வலுவூட்டல் 7 நாள் வதிவிட செயலமர்வை பூர்த்தி செய்த மாணவர்களுக்கு சான்றிதழ் வழங்கும் நிகழ்வில் ஸ்ரீலங்கா முஸ்லிம் காங்கிரஸ் பிரதித் தலைவரும் அரச தொழில் முயற்சி மற்றும் கண்டி நகர அபிவிருத்தி பிரதி அமைச்சருமான சட்டத்தரணி எச்.எம்.எம். ஹரீஸ் பிரதம அதிதியாக கலந்து சிறப்பித்து உரையாற்றுகையிலே மேற்கண்டவாறு தெரிவித்தார். 

கொழும்பு தபால் தலைமையக கேட்போர் கூடத்தில் ஞாயிற்றுக்கிழமை (14) நடைபெற்ற அந்நிகழ்வில் பிரதி அமைச்சர் ஹரீஸ் தொடர்ந்தும் உரையாற்றுகையில், 

யாழ் பல்கலைக்கழகம் இந்த நிமிடம் வரை அதனுடைய வகிபாகத்தை வகித்துக்கொண்டிருக்கின்றது. அது ஒரு அழுத்தக் குழு போன்று செயற்படுகிறது. இந்த நாட்டின் ஒட்டு மொத்த தமிழ் சமூகத்தினுடைய தலைமைத்துவத்தை அடையாளப்படுத்துகின்ற தீர்மானங்களை உருவாக்குகின்ற ஒரு தளமாக அது இயங்குகிறது. 

அவ்வாறான ஒரு கருத்தியலில்தான் நாம் எங்களுக்கான ஒரு தளமாக தென்கிழக்கு பல்கலைக்கழகத்தை மறைந்த பெருந்தலைவர் அஷ்ரஃப் அவர்கள் ஊடாக உருவாக்குவதற்கு முயற்சி எடுத்து வெற்றி கண்டோம். எவ்வாறான சமூக ரீதியான கடமையை அது செய்ய வேண்டும் என்று எதிர்பார்த்தோமோ அதேபோன்று அதன் ஆரம்ப காலத்தில் செய்து வெற்றி கண்டது. ஒலுவில் பிரகடனம் அன்றைய சமாதான பேச்சுவார்த்தையில் முஸ்லிம்களுக்கு நியாயமான விடயங்களை பெற்றுக் கொள்வதில் பெரியதொரு வகிபாகத்தை மேற்கொண்டது. ஒலுவில் பிரகடனம் அரசுக்கு மிகப் பெரும் அச்சத்தையும் அழுத்தத்தையும் கொடுத்திருந்தது. அதன் பின்னர் புலிகள் அரசு பேச்சுவார்ததை ஒரு பிரளயமாக மாறி முஸ்லிம்களுக்கு தனித் தரப்பு, முஸ்லிங்களுடைய தீர்வு என்ற விடயம் வேறொரு பரிணாமத்துக்குச் சென்றது. 

தென்கிழக்கு பல்கலைக்கழகத்தின் அந்த மாணவப் பலம் இன்றைய நாளில் இல்லை. பெரும்பான்மையின ஆட்சியாளர்கள் யாழ் பல்கலைக்கழக வரலாற்றில் விட்ட தவறை முஸ்லிம் பெரும்பான்மையான தென்கிழக்கு பல்கலைக் கழகத்தில் விட்டு விடக்கூடாது என்பதற்காக இன்று திட்டமிட்ட அடிப்படையில் முஸ்லிம் மாணவர்களுடைய விகிதாசாரம் குறைக்கப்பட்டிருக்கின்றது. இதனால் அங்குள்ள மாணவர் ஒன்றியத்தின் முஸ்லிம் மாணவர்களின் ஆதிக்கம் ஏதோ ஒருவகையில் கட்டுப்போடப்பட்டு ஒரு மாணவ போராட்டத்தை கொண்டுவர முடியாத சூழ்நிலையில் அப்பல்கலைக்கழகத்தின் மாணவர் வரலாறு மாற்றி அமைக்கப்பட்டிருக்கின்றது.

இந்நிலையில் இந்த நாட்டில் யுத்தம் முடிவுக்கு கொண்டுவரப்பட்டதன் பின்னரான காலப் பகுதியிலும் கூட முஸ்லிம்களுக்கு எதிரான பிரச்சினைகள் முடிந்தபாடில்லாமல், நாளுக்கு நாள் ஏதோ ஒரு வடிவத்தில் பிரச்சினை தொடர்கின்ற இக்கட்டத்தில் மாணவர்களை ஒழுங்குபடுத்திய ஒரு கட்டமைப்புக்குள் கொண்டுவர வேண்டிய தேவை அனைவராலும் உணரப்படுகிறது. தென்கிழக்கு பல்கலைக்கழகத்தில் மாணவர் பலம் இல்லாது இருக்கின்ற தறுவாயில் அடுத்த தெரிவாக எங்களுடைய கனவுகளை எதிர்பார்ப்புகளை நிறைவேற்றக் கூடிய ஒரு மாணவ அமைப்பினை கட்டியெழுப்ப வேண்டிய பொறுப்பு இன்று சமூகத்திற்கு இருந்து கொண்டிருக்கிறது. 

முன்னைய ஆட்சியாளர்கள் தோற்கடிக்கப்பட்டால் இந்த நாட்டில் முஸ்லிம்கள் நிம்மதியாக வாழ முடியும் எங்களுடைய உரிமைகளைப் பெறமுடியும் என்று எதிர்பார்த்தோம். ஆனால் இப்போதைய ஆட்சியிலும் எமது பாதுகாப்புக்கு அச்சுறுத்தலான தாக்குதல்கள் நடைபெற்றன. முன்னைய அரசின் அதே பொறிமுறை இவ்வரசினாலும் கையாளப்படுகின்றன. மறுபுறத்தில் இந்த நாட்டின் முஸ்லிம் சமூகத்தை பகடைக் காய்களாக பயன்படுத்துவதற்கும், சர்வதேச பூகோள அரசியலில் துரும்புச் சீட்டாக கையாழ்வதற்கும் முனைகிறார்கள் என்பதை தெளிவாக புரிந்துகொள்ள வேண்டும். 

இந்நாட்டின் மிகப் பெரிய பாதுகாப்பு மையமான பயங்கரவாத புலனாய்வுப் பிரிவின் பிரதி பொலிஸ் மா அதிபர் மற்றும் அவருடைய தகவல் வழங்குனர் நாமல் குமார ஆகியோரின் குரல்கள் உத்தியோக பற்றற்ற ரீதியில் உறுதி செய்யப்பட்டதன் மூலம் அது புலனாகிறது. இலங்கையில் வன்செயலை தோற்றுவித்து பூகோள அரசியலில் மாற்றத்தைக் கொண்டுவந்து தங்களுடைய தேவைகளை நிறைவேற்றுவதற்காக வெளிநாட்டில் உள்ள முஸ்லிம்களுக்கு எதிரான அமைப்புகள் மில்லியன் டொலர் கணக்கில் பணம் கொடுத்து, எங்களுடைய முஸ்லிம் சகோதரிகள், பள்ளிவாசல்கள், முஸ்லிங்களை பெரும்பான்மையாக கொண்ட நகரங்கள், வியாபார நிலையங்களை குறிவைத்து தாக்குதல் நடத்துகின்றனர் என்பதை அவர்களின் குரல் பதிவுகள் நிரூபித்துக் கொண்டிருக்கின்றது. முஸ்லிம் அரசியல் தலைமைகளை கொலை செய்வதற்கும் திட்டங்களை வகுத்திருக்கின்றார்கள்.  
இன்று சமுத்திர ரீதியான போர்களமாக இலங்கை கடல் பிராந்தியம் மாற்றப்பட்டிருக்கின்றது. தமிழ் - முஸ்லிம், சிங்கள - முஸ்லிம் கலவரங்களை தோற்றுவிப்பதன் மூலம் முஸ்லிம்களை காவுகொடுத்து இலங்கையில் மனித உரிமை மீறல் நடைபெறுகின்றது என தெரியப்படுத்தி, இலங்கைக்கு பொருளாதார ரீதியான சர்வதேச தடைகளை ஏற்படுத்துவதன் ஊடாக இந்நாட்டின் அரசை வழிக்கு கொண்டுவருவதற்காக அவர்கள் பாவிக்கின்ற ஒரு உபாயமாக இது அமைகின்றது. 

இவ்வாறான ஒரு சூழ்நிலையில் முஸ்லிம் மாணவர்களை ஒரு இயக்கத்தின் கீழ் கட்டியெழுப்ப வேண்டிய தேவை உள்ளது. ஏனெனில் சமகாலத்தில் முஸ்லிம் பிரச்சினைகள் என்பது நுனிப்புல் மேய்வது போன்று ஆட்சியாளர்களும் அரசும் சூழ்நிலைகளை மாற்றி இருக்கின்றது. இதில் மாறுபாடு ஏற்பட வேண்டும் என்றால் 88 காலப்பகுதியில் அன்று இருந்த மாணவர்கள் உயிர்ப்பித்தது போன்ற ஒரு சிந்தனை இந்த நாட்டின் மாணவர்கள் மத்தியில் உருவாக்கப்பட வேண்டும்.  

முஸ்லிம் மாணவர்களை சீரழிப்பதற்கான சகல முயற்சிகளும் திட்டமிட்ட அடிப்படையில் இன்று முன்னெடுக்கப்படுகின்றன. போதை வஸ்துக்களை குறைந்த விலையில் முஸ்லிம் மாணவர்கள் மத்தியில் விநியோகிக்கின்ற ஒரு சூழல் இந்நாட்டின் பட்டி தொட்டியெல்லாம் உருவாக்கப்பட்டிருக்கிறது. அவற்றை தடுப்பதற்கு நடவடிக்கை எடுக்க முயற்சிகள் மேற்கொண்டாலும், முஸ்லிம் மாணவ சமூகம் சீரழிவது தொடர்பில் பொலிஸ் அதிகாரிகளுக்கு கவலை கிடையாது என்பதனால் அவர்கள் அசமந்தமாகவே செயற்படுகின்றனர். இது பெரியதொரு சவாலாக தோற்றம் பெற்றுள்ளது. இவற்றுக்கு எதிராகவும் ஊழலுக்கு எதிராகவும் போராடுவதற்கு முஸ்லிம் மாணவர்கள் முன்வர வேண்டும். 

சவூதியில் இருந்துவந்த உலகின் 2 வது மிகப்பெரிய, விமானம் மத்தலையில் தரையிறங்கியது


உலகில் இரண்டாவது மிக பெரிய பொருட்கள் விநியோக விமானமான AN 124 விமானம் இன்று பகல் 12.20 மணியளவில் மத்தல விமான நிலையத்தில் தரையிறங்கியுள்ளது.

 19 பேருடன் சவூதி அரேபியாவின் PRINCE SULTAN விமான நிலையத்திலிருந்து, இந்தோனேசியா வரை பயணித்த குறித்த விமானம் எரிபொருள் நிரப்புவதற்காகவும் அலுவலகர்களின் ஓய்வுக்காகவும் மத்தல விமான நிலையத்தில் தரையிறக்கப்பட்டது.

குறித்த விமானம் நாளை அதிகாலை 3.30 மணியளவில் இந்தோனேசியா நோக்கி மீண்டும் பயணத்தை ஆரம்பிக்கவுள்ளது.

மைத்திரி நடுங்குகிறாரா..? மோடியுடன் அவசரமாக டெலிபோனில் பேசினார்

ஜனாதிபதி மைத்ரிபால சிறிசேன அவர்களுக்கும் இந்திய பிரதமர் நரேந்திர மோடிக்குமிடையே இன்று (17) பிற்பகல் தொலைபேசி உரையாடலொன்று இடம்பெற்றுள்ளது. 

இதன்போது இரு நாட்டு தலைவர்களும் நட்பு ரீதியான கலந்துரையாடலில் ஈடுபட்டதுடன், தற்போது இலங்கையில் மேற்கொண்டுவரும் அபிவிருத்தி செயற்பாடுகள் தொடர்பிலும் கலந்துரையாடினர். இதன்போது இலங்கையின் சுபீட்சத்திற்கும் அபிவிருத்திக்கும் தேவையான அனைத்துவித உதவிகளையும் வழங்குவதாக இந்திய பிரதமர் தெரிவித்தார். 

இலங்கைக்கும் இந்தியாவுக்குமிடையிலான நட்புறவு தொடர்ந்தும் வலுவுடன் காணப்படுமென பிரதமர் நரேந்திர மோடி தெரிவித்துள்ளார். அயல்நாடுகளுடனும் ஏனைய உலக நாடுகளுடனும் நட்புறவையும் நெருக்கமான தொடர்புகளையும் பேணி பாதுகாப்பதற்காக ஜனாதிபதி கௌரவ மைத்ரிபால சிறிசேன அவர்களால் முன்னெடுக்கப்படும் நடவடிக்கைகள் குறித்து மகிழ்ச்சியடைவதாகவும் இந்திய பிரதமர் தெரிவித்தார். 

நெருங்கிய நண்பனாகவும் அயல்நாடு என்ற வகையிலும் இலங்கையின் அபிவிருத்திக்கும் முன்னேற்றத்திற்கும் இந்தியாவிடமிருந்து கிடைக்கப்பெறும் ஒத்துழைப்புகளை ஜனாதிபதி கௌரவ மைத்ரிபால சிறிசேன அவர்கள் இதன்போது பாராட்டினார். 


ஜனாதிபதி ஊடகப் பிரிவு 
2018.10.17

வீரவங்சவின் வீட்டிற்கு வந்த, இந்திய உளவாளி

ஜனாதிபதி மற்றும் முன்னாள் பாதுகாப்புச் செயலாளர் ஆகியோரை கொலை செய்யும் சதித்திட்டம் தொடர்பாக குற்றப் புலனாய்வு திணைக்களத்தினால் கைதுசெய்யப்பட்டுள்ள றோ புலனாய்வு சேவையுடன் தொடர்புடைய இந்திய பிரஜை இரண்டு முறை தனது வீட்டுக்கு வந்துள்ளதாக தேசிய சுதந்திர முன்னணியின் தலைவரான நாடாளுமன்ற உறுப்பினர் விமல் வீரவங்ச தெரிவித்துள்ளார்.

அத்துடன் இந்த இந்திய பிரஜை தனது கட்சியின் அலுவலகத்திற்கு வந்துள்ளதாகவும், அப்போது தான் அங்கு இருக்கவில்லை என்பதால், அவரை சந்திக்கவில்லை எனவும் அவர் கூறியுள்ளார்.

கூட்டு எதிர்க்கட்சியினர் பொரள்ளை என்.எம். பெரேரா நிலையத்தில் இன்று நடத்திய ஊடகவியலாளர் சந்திப்பில் வீரவங்ச இதனை குறிப்பிட்டுள்ளார்.

இந்திய பிரஜை தான் இந்தியாவின் றோ புலனாய்வு சேவையுடன் சம்பந்தப்பட்டவர் என வாக்குமூலம் வழங்கியிருப்பதாக எமக்கு தகவல் கிடைத்துள்ளது.

அந்த நபர் இரண்டு முறை என்னை தேடி வீட்டுக்கு வந்துள்ளார். நான் வீட்டில் இருக்கவில்லை என்பதால், வாசலில் வைத்தே திருப்பி அனுப்பியுள்ளனர். எனினும் நான் வரும் வரை வீட்டிற்கு முன்னால் அந்த நபர் இருந்துள்ளார்.

என்னை தேடி எமது கட்சி அலுவலகத்திற்கும் வந்துள்ளார். அலுவலகத்தில் நான் இருக்கவில்லை என்பதால், அங்கிருந்த ஒருவருடன் பேசி விட்டு திரும்பிச் சென்றுள்ளார்.

இந்த நபர் இலங்கையில் வழங்கியுள்ள பெயர் றோ அமைப்பில் வழங்கப்பட்ட பெயர் அல்ல. அந்த அமைப்பில் இந்த நபருக்கு வேறு பெயர் இருக்கலாம் எனவும் விமல் வீரவங்ச குறிப்பிட்டுள்ளார்.

இலங்கை முஸ்லிம் வரலாற்றில், மிகமுக்கிய சியாரம் உடைப்பு - பன்னலயில் சம்பவம்

-ஏ. எம். பறக்கத்துள்ளாஹ்-

குருநாகல் மாவட்டத்தின் பன்னல பிரதேச செயலக பிரிவினுள் அமைந்துள்ள அகார எனும் முஸ்லிம்களின் தாய்க் கிராமம் இலங்கை முஸ்லிம் வரலாற்றில் மிக முக்கியமான ஒன்றாகும்.

இலங்கையை ஆட்சி செய்த ஒரேயொரு முஸ்லிம் அரசனான கலேபண்டார குருநாகல் பிரதேசத்தைச் சேர்ந்தவர் மட்டுமல்லாது இப்னு பதூதா இலங்கைக்கு விஜயம் செய்த இப்பிரதேசத்திற்கும் வருகை தந்திருந்தார்.

இப்னு பதூதா கண்டி நோக்கி பயணம் செய்த போது இப்பாதையினூடாக பயணம் செய்ததாகவும், இப்பிரதேசத்தில் சில சியாரங்கள் காணப்பட்டதாகவும் குறிப்பிடப்படுகின்றது.

இவ்வாறான முஸ்லிம் வரலாற்றுடன் தொடர்புடைய பிரதேசத்தில் கடந்த இரு வாரங்களுக்கு முன்னர் நடந்திருக்கும் செயல் மிக மன வருத்தத்தைத் தருகின்றது.

தொன்மையும் வரலாறும்
அகார எனும் முஸ்லிம் கிராமம் தம்பதெனியா இலங்கையின் தலைநகராக மாற்றம் பெற்ற காலத்தில் தோற்றம் பெற்ற ஒன்றாகும்.

அக்காலப் பகுதியில் நாராவில, தும்போதர, பாந்துறாவ, பூஜ்ஜம்பொல, பம்மன, எலபடகம போன்ற பிரதேசங்களில் குடியேறிய மக்கள் வெள்ளிக் கிழமை ஜும்ஆ தொழுகைக்காக அகர பள்ளிவாசலுக்கே வந்தனர்.

இரவிலும், அதிகாலையிலும் கால் நடையாக மக்கள் பயணம் செய்து ஜும்ஆவுக்கு வரும் அனைவருக்கும் அகார மக்கள் பகலுணவு வழங்கி மகிழ்ந்த வரலாறுகள் காணப்படுகின்றன.

இங்கு அடக்கம் செய்யப்பட்டுள்ள இறைநேசர் நபிகளின் பரம்பரை வந்த தபஹ்தாபிஈன்களைத் தொடர்ந்து வந்தவர்கள் என கருதப்படுகின்ற்அதேவேளை, இவர்கள்
எமன் தேசத்திலுருந்து இஸ்லாத்தை போதிப்பதற்காக இலங்கை வந்த 11 பேர் அடங்கிய குழுவினரில் ஒருவரே இங்கு அடக்கட்டுள்ள செய்யது இஸ்மாயில் வலியுள்ளாவாகும்.

இங்கு வருகை தரும் பெரும்பான்மை சிங்கள சகோதரர்கள் இச்சியாரத்தை தம்பி தெய்யோ என அழைத்து இன ஒற்றுமையை வளர்த்து வந்துள்ளமை குறிப்பிடத்தக்கது.

சியாரம் உடைப்பு
இப்பிரதேசத்தை இயக்கவாதிகள் எதுவித வரலாற்று அறிவுமில்லாமல் தமது கொள்கை வெறிக்காக பல நூற்றாண்டு காலம் தொன்மையான இச்சியாரத்தை உடைத்துள்ளமை கண்டிக்கத்தக்க விடயமாகும்.

வரலாறு என்பது ஒரு சமூகத்தின் இருப்பு தொடர்பானது. இலங்கை முஸ்லிம்களின் பூர்வீகத்தை தேடி அது தொடர்பான வரலாறுகளைத் திரட்டும் பேராசிரியர்கள், விரிவுரையாளர்கள், ஆய்வாளர்கள், ஆர்வலர்கள் இலங்கை முஸ்லிம்களின் பூர்வீகம் சியாரங்களிலிருந்து ஆரம்பிப்பதாக நிறுவுகின்றனர் .

இவ்வாறான நிலையில் எம் சமூகம் கண்மூடித்தனமாக நடந்து கொள்வது அனைவராலும் கண்டிக்கபட வேண்டிய ஒன்றாகும்.

பாரதூரம்
இலங்கையின் அடுத்த ஒரு இனக்கலவரம் இடம் பெறுமானால் இது குருநாகல் மாவட்டத்தில் இடம்பெறலாம் என்ற அச்சம் சூழ்ந்துள்ள வேளையில் இப்பிரதேசத்தில் இயங்கும் சமூகப் பார்வையற்ற சமயவாத இயக்கவாதிகள் இவ்வாறான செயல்களில் ஈடுபட்டிருப்பது குறித்த பிரதேசத்தில் மட்டுமல்ல முழு முஸ்லிம்களுக்கும் எதிராக செய்யப்பட்ட வரலாற்றுத் துரோகமாகவே பர்க்க வேண்டியுள்ளது.

செய்ய வேண்டியவை
குறித்த சியாரமும் நாட்டிலுள்ள ஏனைய சியாரங்களும் பாதுகாக்கப்பட வேண்டிய கட்டாய நிலைக்கு முஸ்லிம் சமூகம் உள்ளாக்கப்பட்டுள்ளது.

எனவேதான் இவ்விடயத்தில் முஸ்லிம் சமூக அமைப்புக்களும், பள்ளிவாசல் நிருவாகங்களும் தத்தமது பிரதேசங்களில் காணப்படும் சியாரங்கள், தொன்மையான அடையாள சின்னங்கள் போன்றவற்றை தொல்பொருள் திணைக்களத்தின் கீழ் பதிவு செய்வதற்கு உரிய நடவடிக்கை மேற்கொள்ளப்படல் வேண்டும்.

இன்றேல் ஏற்கனவே தமது இருப்புத் தொடர்பாக பல்வேறு பிரச்சினைகளை எதிர் கொண்டிருக்கும் முஸ்லிம்கள் பூர்வீகமற்ற சமூகமாக இலகுவாக ஒதுக்கப்பட்டுவிடுவர்.

கண்டனம்
குறித்த சியாரத்தும் அதன் அடையாளத்தையும் உடைத்தெறிந்தவர்கள் இந்தாட்டின் மரபுரிமைக்கும், பொதுக்கலாச்சாரத்திற்கும் குந்தகம் விளைவித்தவர்களாகவே கருத வேண்டும். மட்டுமல்லாது இவர்கள் எதிர்கால முஸ்லிம் இருப்புக்கான அச்சுறுத்தலை விடுக்கும் இயக்கமாகவே கருதப்பட வேண்டியுள்ளது.

இவ்வாறானவர்களின் வன்முறைக்குணமும், தீவிரப் போக்கும் சாதாரண முஸ்லிம்களின் இருப்பை கேள்விக்குறியாக்குவதோடு முழுச் சமூகத்தினதும் இருப்பையும் கேள்விக்குறியாக்கி விடுவதாக கருதப்படுகின்றது.

எனவே, இதுபோன்றவர்களின் காட்டுமிராண்டித்தனமான செயலை அனைவரும் கண்டிக்க வேண்டியது அனைவரினதும் கட்டாய கடமையாகும்.

இது தொடர்பான ஆக்கபூர்வமான பின்னூட்டல்கள் சமூகத்திற்கு பயனளிக்கும் என எதிர்பார்க்கிறேன்.

Older Posts