ராஜபக்ஷ சர்வதேச விமான நிலையத்திற்கு மாதாந்தம் 100 மில்லியன் ரூபா இழப்பு, ஸ்ரீலங்கனுக்கு சொந்தமாக எந்த விமானமும் இல்லை
முதலீட்டாளர்கள் மத்தள ராஜபக்ஷ சர்வதேச விமான நிலையத்தில் முதலீடு செய்யத் தயாராக இருந்தால் அரசாங்கம் பரிசீலிக்கும் என்றும் அவர் பாராளுமன்றத்தில் தெரிவித்தார்.
எவ்வாறாயினும், கொவிட் தொற்று மற்றும் நாட்டில் பரவலான போராட்டங்கள் போன்ற பல காரணங்களால் விமானப் போக்குவரத்தில் வீழ்ச்சி ஏற்பட்டுள்ளதாக அமைச்சர் தெரிவித்தார்.
இரத்மலானை மற்றும் பலாலி விமான நிலையங்களும் திட்டமிட்டபடி முழுமையாகப் பயன்படுத்தப்படவில்லை.
பலாலி விமான நிலையத்திற்கு சேவைகளை வழங்குவதாக பல விமான நிறுவனங்கள் உறுதியளித்த போதிலும் ஒரு விமானம் கூட அங்கு தரையிறங்கவில்லை. எயார் இந்தியாவும் தமது சேவைகளை இயக்க சம்மதித்துள்ளது. இரத்மலானையில் விமான சேவையை ஆரம்பித்த மாலைத்தீவு விமான நிறுவனம் தோல்வியடைந்துள்ளது என்றும் குறிப்பிட்டார்
ஸ்ரீலங்கன் விமான சேவையும் இதுவரை 1.2 பில்லியன் அமெரிக்க டொலர் நட்டத்தை பதிவு செய்துள்ளதாகவும் அதனை மறுசீரமைப்பதற்கான அமைச்சரவை பத்திரம் ஏற்கனவே சமர்ப்பிக்கப்பட்டுள்ளதாகவும் அமைச்சர் தெரிவித்தார்.
“49% பங்குகள் எதிர்கால முதலீட்டாளருக்கு குத்தகைக்கு விடப்படும்,” என்றும், ஸ்ரீலங்கனுக்கு சொந்தமாக எந்த விமானமும் இல்லை என்றும், கடற்படையில் உள்ள 23 விமானங்களும் குத்தகைக்கு விடப்பட்டவை என்றும் அமைச்சர் தெரிவித்தார்.
ஸ்ரீலங்கன் விமான சேவையை குத்தகைக்கு விடாவிட்டால், சுமார் 6,000 ஊழியர்கள் வேலை இழக்கும் அபாயத்தை எதிர்நோக்க நேரிடும் என்றும் அவர் மேலும் தெரிவித்துள்ளார்.
Post a Comment