May 21, 2021

இலங்­கை­யில் இருந்து இம்முறை ஹஜ் செல்லவோ, பயண ஏற்பாடுகளில் ஈடுபடவோ வேண்டாம்


(ஏ.ஆர்.ஏ.பரீல்)

கொவிட் 19 வைரஸ் தொற்று நோய் பரவல் கார­ண­மாக இவ்­வ­ருடமும் இலங்­கை­யர்­க­ளுக்கு ஹஜ் கட­மைக்­கான வாய்ப்பு இல்­லை­யெ­னவும் அதற்­கான முயற்­சி­களில் ஈடு­பட வேண்­டா­மெ­னவும் அரச ஹஜ் குழு முஸ்­லிம்­களை வேண்­டி­யுள்­ளது.

ஷவ்வால் பிறை 7இல் சவூதி அரே­பி­யாவின் விமான நிலை­யங்கள் திறக்­கப்­படும் என சவூதி அரே­பியா ஏற்­க­னவே அறி­வித்­தி­ருந்­த­போதும் விமான நிலை­யங்கள் திறக்­கப்­ப­ட­வில்லை. அத்­தோடு இந்­தியா, பாகிஸ்தான், இலங்கை, மாலை­தீவு போன்ற நாடு­களின் விமா­னங்­க­ளுக்கும் சவூதி அரே­பிய அரசு தடை­வி­தித்­துள்­ளது என அரச ஹஜ் குழுவின் தலைவர் அஹ்கம் உவைஸ் ‘விடி­வெள்­ளி’க்குத் தெரி­வித்தார்.

மேலும் அவர் கருத்து தெரி­விக்­கையில், சவூதி அரே­பிய ஹஜ் அமைச்சு இவ்­வ­ருட ஹஜ் யாத்­தி­ரையை கண்­டிப்­பான சுகா­தார வழி­காட்­டல்­க­ளுடன் அனு­ம­திக்­க­வுள்­ள­தா­கவும் யாத்­தி­ரி­கர்­களின் பாது­காப்பு உறுதி செய்­யப்­படும் எனவும் தெரி­வித்­தி­ருந்­தது. இவ்­வ­ரு­டத்­துக்­கான ஹஜ் யாத்­தி­ரைக்கு செயல்­மு­றைத்­திட்­ட­மொன்­றினை விரை­வில்­அ­றி­விக்­க­வுள்­ள­தா­கவும் சவூதி ஹஜ் அமைச்சு தெரி­வித்­தி­ருந்­தாலும் இது­வரை அவ்­வா­றான அறி­விப்பு இலங்­கைக்கு கிடைக்­க­வில்லை.

அவ்­வா­றான அறி­விப்பு கிடைக்­கப்­பெற்­றாலும் இவ்­வ­ருடம் இலங்­கையில் ஹஜ் ஏற்­பா­டு­களை மேற்­கொள்­வது சாத்­தி­யப்­ப­ட­மாட்­டாது.

ஏனென்றால் ஹஜ் ­யாத்­திரை மேற்­கொள்ளும் யாத்­தி­ரி­கர்கள் 14 நாட்கள் இலங்­கையில் தனி­மைப்­ப­டுத்­தலில் இருக்க வேண்டும். பிசிஆர் பரி­சோ­தனை மேற்­கொள்ள வேண்டும். அத்­தோடு சவூதி அரே­பி­யா­விலும் பிசிஆர் பரி­சோ­தனை மேற்­கொள்­ள ­வேண்டும். எனவே தடுப்பூசி பெற்றுக் கொண்டவர்களையே புனித தலங்களில் அனுமதிக்க முடியும் என ஏற்கனவே சவூதி அறிவித்துள்ளது. இவ்­வா­றான நடை­மு­றை­க­ளினால் ஹஜ் யாத்திரை சாத்தியப்படமாட்டாது.

சவூதி அரேபிய ஹஜ் அமைச்சின் ஹஜ் யாத்திரை தொடர்பான அறிவிப்புகள் கிடைக்கப்பெற்றால் அது தொடர்பில் மக்களுக்கு தெளிவு படுத்தப்படும் என்றார். – Vidivelli

1 கருத்துரைகள்:

பலகாலம் பாடுபட்டு பாவமன்னிப்பில் ஈடுபட்டு ஈமான் ஈரம் காயக்கூடாது என்று காத்திருந்து கவலை படுபவர்கள் சிலரிருக்க, பணத்தாசை பிடித்து பாவத்தில் உழைத்து பழகிய பலர் தமது பணத்தை என்ன செய்வது என்று தெரியாமல் பயணம் போய் வார வருடாந்த வழக்கத்தை இனி என்ன செய்யப் போகிறார்கள்?

Post a Comment