இஸ்லாமிய ஆடையை அரேபியக் கலாச்சாரம் என, எப்படி வாய்க்கூசாமல் கூறுவர்...?

- அஷ்ஷைக் அப்துல்லாஹ் உவைஸ் MA -

 புர்கா அரேபியக் கலாச்சாரமல்ல என்பதற்கு   வரலாறு நெடுகிலும் முஸ்லிம் பெண்கள் கடைபிடித்து வரும் ஆடையே என நிறுவும் அல்குர்ஆனில் கூறப்பட்டுள்ள  ஆதாரங்கள்:

*நபித்தோழர்கள் குர்ஆன் வசனத்துக்கு வழங்கிய செயல்முறை விளக்கம்*

ஸூரா அஹ்ஸாபின் 59வது வசனத்தில் இடம்பெறும் ஜில்பாபைத் தம்மீது போட்டுக்கொள்ளட்டும் என்பதற்கு விளக்கம் கூறிய இப்னு அப்பாஸ் ரழி அவர்கள் அது இரு கண்கள் அல்லது ஒரு கண்ணைத் தவிர ஏனையவற்றை மறைப்பதாகும் என விளக்கம் கூறியுள்ளார்கள்.

இப்னு அப்பாஸின் மாணவரான அபீததுஸ் ஸல்மானி ரஹ் அவர்கள் மேற்கூறிய வசனத்துக்கு விளக்கமளிக்கும் போது  தனது ஆடையை எடுத்து தனது தலையையும் *ஒரு கண்ணைத் தவிர முகத்தையும் மூடி* செயல்முறையில் செய்துகாட்டினார்கள்.

ஆதார நூல் தப்ஸீர் தபரீ  (20/ 325)

*நபித்தோழிகளின் நடைமுறை*

அஸ்மா பின்த் அபீபக்ர் ரழி அவர்கள், நாம் இஹ்ராமுடைய நிய்யத் வைப்பதற்கு முன்னால் எங்களுடைய தலையை வாரிக்கொள்வோம். எங்களுக்கு முன்னால் ஆண்கள் நடமாடினால் எங்களுடைய *முகத்தை நாம் மூடிக்கொள்வோம்.* எனக் கூறுகின்றார்கள். 

ஆதாரம் இப்னு குஜைமா 2690 ஹாகிம் 1668

*5ம் நூற்றாண்டில் வாழ்ந்த இமாம் அபூ ஹாமித் அல்கஸாலி மற்றும் 8ம் 9ம் நூற்றாண்டுகளில் வாழ்ந்த இப்னு ஹஜர் அல்அஸ்கலானி அவர்களும் கூறுகின்றார்கள்:*

முஸ்லிம் பெண்கள் காலாகாலமாக அந்நிய ஆண்களை விட்டும் *முகத்தை மறைக்கும்* வழக்கமுடையோராகவே இருந்து வருகின்றனர். 

ஆதாரம் 

இஹ்யாஉ உலூமித்தீன் 2/ 53 

பத்ஹுல் பாரீ 9/424

*7ம் நூற்றாண்டைச் சேர்ந்த அபூ ஹய்யான் ரஹ் அவர்கள் கூறுகின்றார்கள்:* 

பெண் ஒரு கண்ணை மாத்திரம் திறப்பதே ஸ்பெய்னில் உள்ளவர்களின் வழக்கமாக இருந்தது. 

ஆதார நூல்: அல்பஹ்ருல் முஹீத் (8/ 504)

இவ்வாறு அல்குர்ஆனில் குறிப்பிடப்பட்ட, தொடர்ந்து பல நூற்றாண்டுகளாக பல நாடுகளிலும் பல சமூகங்களிலும் முஸ்லிம் பெண்களால் கடைபிடிக்கப்பட்ட புர்கா, நிகாப் என்ற இஸ்லாமிய ஆடையை வெறும் அரேபியக் கலாச்சாரம் என எவ்வாறுதான் வாய்க்கூசாமல் கூறுகின்றனரோ தெரியவில்லை.