April 16, 2021

தடை செய்யப்பட்ட 11 இஸ்லாமிய அமைப்புக்களின், தலைவர்களை கைதுசெய்ய திட்டம்..?


தடை செய்யப்பட்ட 11 இஸ்லாமிய அமைப்புக்களின் தலைவர்கள் முக்கிய உறுப்பினர்களை கைது செய்ய நடவடிக்கை மேற்கொள்ளப்பட்டுள்ளதாக  அருண பத்திரிகை தகவல் வெளியிட்டுள்ளது. 

அத்துடன்  இந்த இஸ்லாமிய அமைப்புகளின் உறுப்பினர்கள் நாட்டை விட்டு வெளியேறுவதைத் தடுக்க, பாதுகாப்பு நடவடிக்கைகளை கடுமையாக்க பாதுகாப்பு அமைச்சகம் உத்தரவிட்டுள்ளது அப்பத்திரிகை  மேலும் குறிப்பிட்டுள்ளது. அதில் குறிப்பிடப்பட்டுள்ளதாவது,

තහනම් සංවිධානවල නායකයන් අල්ලන්න මෙහෙයුම්

තහනම් කළ අන්තවාදී සංවිධාන එකොළහකට අයත් නායකයන් ඇතුළු ක්‍රියාකාරි සාමාජිකයන් අත්අඩංගුවට ගැනීම සඳහා විශේෂ වැඩපිළිවෙළක් යොදා අතැයි ජ්‍යෙෂ්ඨ ආරක්ෂක නිලධාරියෙක් ‘අරුණ’ට පැවසීය.

මේ අනුව මෙම ඉස්ලාම් සංවිධාන තහනමත් සමග ඒවායේ සාමාජිකයන් රටින් පැනයාම වළක්වාලීම සඳහා පෙරේදා (14 වැනිදා) සිට ආරක්ෂක විධිවිධාන තර කිරීමට ආරක්ෂක අමාත්‍යාංශය නියෝග කර ඇත.

මේ අනුව මුහුදු මාර්ගයෙන් වෙනත් රටවලට පැනයාම වැළැක්වීම සඳහා නාවික හමුදාවටද ආරක්ෂාව තර කිරීමට නියෝග කර තිබේ. මීට අමතරව රටේ අභ්‍යන්තර ආරක්ෂාව තරකර බුද්ධි අංශ මෙහෙයුම්ද ව්‍යාප්ත කර ඇත.

තහනම් කළ සංවිධානවල අභ්‍යන්තරයේ සිටින පුද්ගලයන් ඇතුළු ප්‍රධාන චරිත දැනටමත් හඳුනාගෙන ඇති බැවින් ඔවුන් අපරාධ පරීක්ෂණ දෙපාර්තමේන්තුව හා ත්‍රස්ත විමර්ශන කොට්ඨාසය එක්ව අත්අඩංගුවට ගැනීමට කටයුතු යොදා ඇති බව ජ්‍යෙෂ්ඨ නිලධාරියෙක් අනාවරණය කළේය.

එමෙන්ම එම මෙහෙයුම්වලට සමගාමීව රටින් පැනයාමට තැත්කරන පුද්ගලයන් හඳුනා ගැනීමට ගුවන් තොටුපළේ බුද්ධි මෙහෙයුම් ක්‍රියාත්මක කර ඇත. ව්‍යාජ ගුවන් බලපත්‍ර සකස් කර රටින් පැනීමට යන පුද්ගලයන් හඳුනා ගැනීමේ විශේෂ ක්‍රමවේද පවා ඊයේ (15 වැනිදා) වන විටත් ක්‍රියාත්මක කර තිබේ. අත්අඩංගුවට ගන්නා පුද්ගලයන්ට එරෙහිව නීතිමය ක්‍රියාමාර්ග ගැනීම හෝ පුනරුත්ථාපනයට යොමු කිරීම ඔවුන්ට නැඟෙන චෝදනා අනුව සිදුවේ.

වව්නියාව, පුන්තෝට්ටම්හි පාස්කු ප්‍රහාරයට සම්බන්ධ වූවන් ඇතුළුව අන්තවාදී මත දරන්නන් පුනරුත්ථාපනය සඳහා වෙනමම පුනරුත්ථාපන මධ්‍යස්තානයක්ද දැනටමත් සූදානම් කර ඇත.

තහනම් කළ සංවිධාන එකොළහකට අයත් බැංකු ගිණුම් හා දේපළ තහනම් කිරීමට ද මේ වන විට පියවර ගෙන තිබේ. සංවිධාන එකොළහ තහනම් කිරීමට අදාළ අතිවිශේෂ ගැසට් නිවේදනයට අප්‍රේල් 13 වැනිදා ජනපති ගෝඨාභය රාජපක්ෂ අත්සන් කර ඇත.

තිස්ස රවීන්ද්‍ර පෙරේරා

2 கருத்துரைகள்:

Innalillahi Wahinna Elyhi Rajihoon

If someone translate this Sinhala news in Ramil, it's good for everyone to read and understand.

Post a comment