சுகாதார அதிகாரிகளின் ஆலோசனைப்படியே கொரோனா உடல்கள் பற்றி இறுதிமுடிவு எடுக்கப்படும் - இராஜாங்க அமைச்சர்

சுகாதார அதிகாரிகளின் ஆலோசனைப்படியே கொரோனாவால் உயிரிழந்தவர்களின் உடல்கள் தொடர்பான இறுதிமுடிவு எடுக்கப்படும் என இராஜாங்க அமைச்சர் ஜனக வக்கும்புர தெரிவித்துள்ளார்.

உலகம் முழுவதும் கொரோனாவினால் உயிரிழந்தவர்களின் உடல்கள் தகனம் செய்யப்படுவதால் நிபுணர் குழுவொன்றின் அடிப்படையில் உடல்களை தகனம் செய்யும் முடிவு முன்னர் எடுக்கப்பட்டது என அவர் குறிப்பிட்டுள்ளார்.

இதன்காரணமாக நிபுணர் குழு பரிந்துரை செய்தால் மாத்திரமே உடல்களை தகனம் செய்யும் முடிவு மாற்றப்படும் என அவர் குறிப்பிட்டுள்ளார்.

இது அரசியல்வாதிகள் எடுக்கும் முடிவில்லை என அவர் தெரிவித்துள்ளார்.

கொரோனா வைரசினை கட்டுப்படுத்துவதற்கான நடவடிக்கைகளில் கடந்த ஒரு வருடகாலமாக சுகாதார அதிகாரிகளின் ஆலோசனையை அரசாங்கம் பின்பற்றி வருகின்றது என அவர் குறி;ப்பிட்டுள்ளார்.