"மாலைதீவில் இலங்கையர்களை நல்லடக்குவது, நாடற்றவர்களாக ஆக்குவதற்கு சமனாகும்"

- Inamullah Masihudeen -

கொவிட் 19 நோய்த் தொற்றினால் மரணமடையும் இலங்கை முஸ்லிம்களது உடல்களை முறையான இறுதி மார்க்க கடமைகளின் படி மாலைத்தீவில் நல்லடக்கம் செய்வதற்கான ஏற்பாடுகளை செய்துதர முன்வந்த மாலைத்தீவு அரசிற்கு நாங்கள் நன்றி செலுத்துகிற அதேவேளை..

அவ்வாறானதொரு நடவடிக்கை உலக அரங்கில் இலங்கைக்கு அபகீர்த்தியை ஏற்படுத்தும் ஏன்பதனையும் முஸ்லிம்களை உயிருடனோ மரணித்தவர்களாகவோ நாடற்றவர்களாக ஆக்குவதற்கு சமனாகும் என்பதனையும் நாம் வலியுறுத்த விரும்புகிறோம்.

தேசத்தின் நலன்கருதி அத்தகையதொரு முன்னெடுப்பை அதிமேதகு ஜனாதிபதி கோடபாய ராஜபக்ஷ கைவிடல் வேண்டுமென்றும், வெளிவிவகார அமைச்சு குறிப்பாக தொழில்சார் இராஜதந்திரிகள் அவருக்கு ஆலோசனை வழங்க வேண்டுமெனவும் எதிர்பார்க்கிறோம்.

இலங்கையின் அரசியல் சாசனம் உறுதிப்படுத்தியுள்ள படி சகல இலங்கையரதும் தத்தமது சமய கலாசார மரபுகளின்படி மரணத்தின் போது இறுதிக்கடமைகள் மேற்கொள்ளப்படுவதற்கான உரிமை உத்தரவாதப் படுத்தப்படல் வேண்டுமெனவும் வலியுறுத்துகிறோம்!