அரசாங்கத்திற்கு ஆதரவான குணவன்ச தேரருடன் சஜித் சந்திப்பு

இன்று (15) கொழும்பு தர்ம நிறுவனத்தில் எதிர்க்கட்சித் தலைவர் சஜித் பிரேமதாச எல்லே குணவன்ஸ தேரோவை சந்தித்தார்.

எதிர்க்கட்சித் தலைவர் சஜித் பிரேமதாச நல்லொழுக்கத்தின் அடிப்படையில் எதிர்காலத்தில் ஒரு சமூக-கலாச்சார மறுமலர்ச்சியை மேற்கொள்ள நடவடிக்கை எடுக்கப்படும் என்று அவருக்கு நினைவூட்டியதோடு அதற்கான அவரது ஆசீர்வாதங்களைக் கோரினார்.

நல்ல செயல்களுக்கான ஆசீர்வாதங்களை தாம் எப்போதும் வழங்குவதாக கூறிய எல்லே குணவன்ச தேரர், நல்லொழுக்க இயக்கம் குறித்த தனது பாராட்டுகளையும் தெரிவித்தார்.

முன்னாள் ஜனாதிபதி ரணசிங்க பிரேமதாசாவையும் அவர் நினைவு கூர்ந்தார், அவர் ஒரு மக்கள் தலைவர் என்றும் கூறினார்.

அவரும் இனவெறிக்கு எதிராக போராடுவார் என்றும் இந்த நாட்டு மக்கள் அனைவரும் அமைதியுடனும் நல்லிணக்கத்துடனும் வாழ வேண்டும் என்றும் கூறினார்.

அரசியல் சாராத புலமைத்துவ ஆலோசனை மற்றும் மனித வளங்கள் மூலம் நாட்டின் முன்னேற்றம் குறித்து தாம் ஆலோசனை பெற்று வருவதாகவும், அவர்களின் பங்களிப்பு ஒரு பேரழிவு ஏற்படுவதற்கு முன்னர் அவர்களையும் நாட்டிலும் விழிப்புனர்வை ஏற்படுத்துவதற்காகவும் என்று எதிர்க்கட்சித் தலைவர் நினைவு கூர்ந்தார்.

கொரோனா பேரழிவு குறித்து பலரும் அன்று அறிந்திருக்கவில்லை என்றும்,எதிர்க் கட்சியாக அவர் முதலில் நாட்டிற்கு கூறியதை நினைவுபடுத்தி,இன்று உலகம் முழுவதும் கொரோனா தடுப்பூசி குறித்து விசாரித்து வருகிறது, ஆனால் நம் நாட்டின் நிலைமை மோசமாக உள்ளது, என்றார்.

எதிர்க்கட்சித் தலைவர் தனது அரசியல் சக்தியின் அபிலாஷை இனம், மதம் போன்ற குறுகிய பிளவுகளிலிருந்து விடுபட்டு ஒரு நாட்டில் சகோதரத்துவத்தில் வாழ்வதே என்றும், பிரிவினவாதம் நாட்டிற்கு ஒருபோதும் பயனளிக்காது என்றும் கூறினார்.

புலமை,அறிவு, தகவல் மற்றும் புதிய தொழில்நுட்பத்தை அடிப்படையாகக் கொண்ட ஒரு பயணம் எடுக்கப்பட வேண்டும் என்பது அவரினதும் ஐக்கிய மக்கள் சக்தியின் நிலைப்பாடு என்றும், அதற்காக மகா சங்கத்தின் ஆலோசனை மற்றும் வழிகாட்டல் அவசியம் என்றும் அவர் கூறினார்.