ஜனாஸாக்கள் எரிப்பு - இலங்கை முஸ்லிம்கள், நோர்வேயில் ராஜதந்திர முயற்சி

இலங்கையில் ஜனாஸாக்கள் எரிக்கப்படுவது தொடர்பில், நோர்வேயில் வாழும் இலங்கை முஸ்லிம்கள் சிலர், ராஜதந்திர முயற்சிகளை மேற்கொண்டுள்ளனர்.

அந்தவகையில் United Sri Lankan Muslim Association of Norway (USMAN) என்ற அமைப்பு, நோர்வே வெளிவிவகார அமைச்சு அதிகாரிகளுடன் இன்று 09.12.2020 கலந்துரையாடல் ஒன்றினை மேற்கொண்டுள்ளது.

இலங்கையில் வாழும் முஸ்லிம்களின், விருப்புக்கு மாற்றமாக, அவர்களுக்குள்ள உரிமையை மீறி, அவர்களின் உடல்கள் பலாத்காரமாக எரிக்கப்படுவது பற்றி, நோர்வேயின் வெளிவிவகார அமைச்சு அதிகாரிகளுக்கு விரிவாக எடுத்துக் கூறப்பட்டுள்ளது.

இவற்றை மிகுந்த அவதானத்துடன் செவிமடுத்துள்ள, நோர்வே வெளிவிவகார அமைச்சின் அதிகாரிகள்,

தாமும் இதுகுறித்த வேதனை அடைவதாகவும், இதுபற்றி சில நகர்வுகளை மேறடகொள்ளும் பொருட்டு,  நோர்வேயில் உள்ள இலங்கைத் தூதுவரிடம் விளக்கம் கோரல், இலங்கையில் உள்ள தமது தூதுவர் மூலமாக இலங்கை வெளிவிவகார அமைச்சிடம் தமது வரம்புகளுக்கு உட்பட்டு விளக்கம் கோரல் மற்றும் ஜெனீவாவில் உள்ள தமது தூதுவர் மூலமாக ஐக்கிய நாடுகள் மனித உரிமைகள் ஆணைக்குழுவுக்கு முறையிடுதல் ஆகிய 3 படிமுறைகளின் அடிப்படையில் இதனை கவனத்திற் கொள்வதாகவும் உறுதியளித்துள்ளனர்.

இத்தகவல்களை பிரதிநிதி United Sri Lankan Muslim Association of Norway (USMAN)  அனீஸ் ரவூப் உறுதிப்படுத்தினார்.