நாட்டில் 1400 பள்ளிவாசல்கள் தன்னிச்சையாக நடக்கின்றன - நிதி, ஊழல், மோசடிகள் குறித்து புகார்
(ஏ.ஆர். ஏ. பரீல்)
நாட்டில் சுமார் 1400 பள்ளிவாசல்கள் வக்பு சபையுடன் தொடர்புகளைப் பேணாது தன்னிச்சையாக செயற்படுகின்றன. இவற்றில் பல பள்ளிவாசல்களில் நிதி ஊழல் மோசடிகள் இடம்பெற்றுவருவதாக புகார்கள் கிடைத்துள்ளன. அவ்வாறான பள்ளிவாசல்களின் சட்டரீதியற்ற நிர்வாகங்கள் கலைக்கப்பட்டு ஜனநாயக ரீதியில் புதிய நிர்வாகங்கள் அமைக்கப்படவேண்டும். வக்புசபையின் தொடர்புகளைப் பேணாது தன்னிச்சையாகச் செயற்படும் நிர்வாகங்களுக்கு எதிராக கடும் நடவடிக்கை எடுக்க வக்புசபை தீர்மானித்துள்ளது என வக்பு சபையின் தலைவர் சட்டத்தரணி சப்ரி ஹலீம்தீன் தெரிவித்தார்.
வக்புசபையின் தலைவர் இது தொடர்பில் தொடர்ந்தும் ‘விடிவெள்ளி’ க்குக் கருத்து தெரிவிக்கையில், இவ்வாறாக தன்னிச்சையாக செயற்படும் பள்ளிவாசல்கள் நீண்ட காலமாக வக்பு சபையுடன் தொடர்புகளின்றி இருக்கின்றன. அவற்றின் வரவு செலவுகள் என்பன வக்பு சபைக்குச் சமர்ப்பிக்கப்படுவதில்லை. நிர்வாக சபையிலுள்ள சிலர் ஊழல் மோசடிகளில் ஈடுபடுவதாக புகார்கள் கிடைத்துள்ளன. இவ்வாறான நிர்வாகங்களுக்கு எதிராக கடும் நடவடிக்கை எடுக்கப்படவுள்ளது. வக்பு சபையின் சட்டவிதிகளுக்கு அமைய அவர்களுக்கு எதிராக நீதீமன்றின் மூலம் நடவடிக்கை எடுக்க முடியும்.
வக்பு சொத்துகள் பாதுகாக்கப்படவேண்டும். வரவு செலவுகள் வருடாந்தம் சமர்ப்பிக்கப்படவேண்டும் இவ்வாறு வரவு செலவு சம்ர்ப்பிக்கப்படாது ஒரு சில நிர்வாகிகள் மோசடிகளில் ஈடுபட்டு வருகின்றனர் என்றார்.
இலங்கையின் வக்பு சொத்துக்கள் அனைத்தும் ஒன்று சேர்க்கப்பட்டு அதன் மூலம் வருகின்ற வருமானங்களை கொண்டு முஸ்லீம் சமூக கல்வி அபிவிருத்திக்கு பயன் பெற செய்ய வேண்டும்
ReplyDeleteAlso this Waqf committee should help needy Masjids for healthy developments. Further introduce the WAQF committee,s responsibility, authority and duties towards the society to Muslim public in the country.
ReplyDeleteஎல்லா பள்ளிவாசல்கள் + மத்ரஸாக்கள் வக்ப் சபையின் கீழ் வரணும் ஏனைய அமைப்புகள் இல்லாமல் ஆக்கப்பட்டு மஸ்ஜிதுகளின் கீழ் சமூகம் ஒன்றிணைக்கப்படல் வேண்டும், நிர்வாகிகளாக அல்லாஹ்வும் அல்லாஹ்வின் ரசூல் ஸல் கூறியவாறு நிர்வாகிகளை (அறிவுசார்ந்தவர்களும் உள்வாங்கப்பட்டு) வக்ப் சபையின் பொறுப்பானவர்கள் மூலம் நியமிக்கப்படல் வேண்டும்.
ReplyDeleteஒரு ஊரில் கோரம் இல்லாமையினால் வீடுவீடாக சென்று கையொப்பங்களை பெறப்பட்டு நிர்வாக சபைகள் வக்ப் சபையில் சமர்ப்பிக்கப்படுகிறது,அது மட்டுமல்ல பல மஸ்ஜிதுகளிலும்,பல இயக்கங்களிலும் இருப்பவர்களுக்கு நிர்வாகத்தில் இடம் கொடுக்க கூடாது (எமது ஊரில் நடந்ததை கூறுகிறேன்) ஆகவே தகுதி இல்லாதவர்கள் ஓரங்கட்டப்பட்டு தகுதியானவர்கள் உள்வாங்கப்படணும்