ரணில், சஜித்துக்கு முஸ்லிம்கள் சிறந்த பாடம் புகட்டுவர் - மர்ஜான் பளீல்

முஸ்லிம் சமூகத்தை காட்டிக்ெகாடுத்து அரசியல் பிழைப்பு நடாத்தும் செயற்பாடுகளை எமது சமூக அரசியல்வாதிகள் கைவிட வேண்டுமென என பொதுஜன பெரமுன கட்சியின் தேசிய பட்டியல் வேட்பாளர் மர்ஜான் பளீல் தெரிவித்தார். 


பொதுஜன பெரமுனவின் வெற்றியை உறுதிப்படுத்தும் நோக்கில் பேருவளை மருதானை, சீனன்கோட்டை பிரதேச முஸ்லிம் பகுதிகளில் இடம்பெற்ற பிரசார கூட்ட ங்களில் கலந்துகொண்டு உரையாற்றும்போதே மர்ஜான் பளீல் மேற்கண்டவாறு தெரிவித்தார். 
தொடர்ந்து உரையாற்றிய அவர், 

சமூகத்தை காட்டிக்ெகாடுத்து அரசியல் பிழைப்பு நடாத்தும் பேருவளை தொகுதி அரசியல்வாதிகளுக்கு நடைபெறவுள்ள தேர்தலில் எமது சமூகம் சிறந்த பாடத்தை புகட்ட வேண்டும். இவர்களின் செயற்பாடுகளாலே முஸ்லிம் சமூகத்திற்கு தலைகுனிவு ஏற்பட்டுள்ளது. 
அன்று தர்கா நகர் சம்பவத்தைக்ெகாண்டு முன்னாள் ஜனாதிபதி மஹிந்த ராஜபக்சவை வீட்டிற்கு அனுப்பினார்களோ அதே பேருவளைத் தொகுதி மக்கள் இம்முறை தேர்தலில் ரணில்,சஜித் தரப்பினருக்கு சிறந்த பாடத்தை புகட்ட முன்வந்துள்ளதை பாராட்டுகிறேன்.

தர்கா நகர் மக்களின் செயற்பாடுகளில் முன்னேற்றங்கள் காணப்படுவதை பாராட்டுகிறேன். பிரதமர் மஹிந்த ராஜபக்சவிடம் இனவாதம் இல்லை என்பதை அவர்கள் விளங்கி விட்டனர். உண்மையான இனவாதிகள் யார் என்பதையும் அவர்கள் இன்று தெரிந்து வைத்துள்ளனர். 


தர்கா நகர் சம்பவத்துக்கு பின்னால் இருந்த ராஜித சேனாரட்ன, சம்பிக்க ரனவக்க போன்ற இனவாதிகள் இன்று யாருடன் கூட்டு சேர்ந்துள்ளனர் என்பதை சமூகம் சிந்திக்க வேண்டும். மீண்டும் நாம் யானைக்கோ அல்லது தொலைபேசிக்ேகா வாக்களிப்பதை 'ஹராம்' என நினைத்துக்ெகாள்ளுங்கள். 


களுத்துறை மாவட்ட முஸ்லிம்கள் நடைபெறவுள்ள தேர்தலில் ஜனாதிபதி கோட்டாபய ராஜபக்ச தலைமையிலான அர​ைச அதிகப்படியான வாக்குகளினால் வெற்றிபெறச்செய்து முழு இலங்கைக்கும் முன்மாதிரியான செய்தியை வழங்கும் எனவும் மர்ஜான் பளீல் இதன்போது தெரிவித்தார்.