கல்முனை, நிந்தவூர், அட்டாளைச்சேனை, ஒலுவில், மருதமுனை பகுதிகளில் மின்வெட்டு (முழு விபரம் இணைப்பு)

அம்பாறை, கல்முனை மின் பொறியியலாளர் பிரிவில், அவசரத் திருத்த வேலை காரணமாக மின் துண்டிப்பு இடம்பெறவுள்ளதாக, இலங்கை மின்சார சபையின் கல்முனை பிராந்திய மின் பொறியலாளர் அறிவித்துள்ளார்.

காலை 08.30 முதல் மாலை 05 மணி வரை இந்த மின் துண்டிப்பு இடம்பெறுமென, அறிவிக்கப்பட்டுள்ளது.

இதன்படி, நாளை (17) நிந்தவூர் மின் பாவனையாளர் சேவை நிலையத்துக்குட்பட்ட மீலாத்நகர், அட்டாளைச்சேனையிலும் நாளை மறுதினம் (18) நிந்தவூர், ஒலுவில், பாலமுனை, அட்டாளைச்சேனை, அஷ்ரப் நகர் பகுதிகளிலும் 21ஆம் திகதி, மல்கம்பிட்டி வீதியிலும் மின் தடைப்படும்.

22ஆம் திகதி, மீலாத்நகர், அட்டாளைச்சேனையிலும் 24ஆம் திகதி சின்னப்பாலமுனை, அட்டாளைச்சேனையிலும் 29ஆம் திகதி, சின்னப்பாலமுனை, அட்டாளைச்சேனையிலும் மின் தடைப்படும்.

மேலும், 30ஆம் திகதின்று, மருதமுனை, துறைவந்தியமேடு, பெரியநீலாவனை ஆகிய பகுதிகளில் காலை 08.45 முதல் மாலை 04.30 மணி வரையும், மின் தடைப்படுமெனவும் அறிவிக்கப்பட்டுள்ளது.

எம்.எஸ்.எம். ஹனீபா