February 20, 2020

செயற்­குழுக் கூட்­டத்தில் நடந்தது என்ன

எதிர்­வரும் பொதுத்­தேர்­தலில் அன்னம் சின்­னத்தில் போட்­டி­யி­டு­வ­தற்கு ஐக்­கிய தேசியக் கட்­சியின் தலைவர் ரணில் விக்­கி­ர­ம­சிங்க தலை­மை­யி­லான அணி­யி­னரும் எதிர்க்­கட்சித் தலைவர் சஜித் பிரே­ம­தாச தலை­மை­யி­லான அணி­யி­னரும் இணங்­கி­யி­ருந்­த­போ­திலும் அதற்கு செயற்­குழுக் கூட்­டத்தில் நேற்று அங்­கீ­காரம் வழங்­கப்­ப­ட­வில்லை.

சஜித் தலை­மை­யி­லான ஐக்­கிய மக்கள் சக்தி அர­சியல் கூட்­ட­ணிக்கு அன்னம் சின்­னத்தை வழங்­கு­வது தொடர்பில் தேர்தல் திணைக்­க­ளத்தின் ஆலோ­ச­னை­யினை முதலில் பெற­வேண்டும் என்றும் அதன் பின்னர் இதற்­கான அங்­கீ­கா­ரத்தை வழங்­கலாம் என்றும் ஐக்­கிய தேசியக் கட்­சியின் தலைவர் ரணில் விக்­கி­ர­ம­சிங்க தெரி­வித்­துள்ளார்.

ரணில் விக்­கி­ர­ம­சிங்க தலை­மையில் ஐக்­கிய தேசியக் கட்­சியின் செயற்­குழுக் கூட்டம் நேற்று கட்­சியின் தலை­மை­ய­க­மான சிறி­கொத்­தாவில் நடை­பெற்­றது. காலை 10 மணி முதல் 11.30மணி­வரை நடை­பெற்ற இந்தக் கூட்­டத்தில் பொதுத் தேர்­தலை அன்னம் சின்­னத்தில் சந்­திப்­பது தொடர்பில் கலந்­து­ரை­யா­டப்­பட்­டது.

இதன்­போது அன்னம் சின்­னத்தில் பொதுத்­தேர்­தலை சந்­திக்­கலாம் என்று சஜித் அணியைச் சேர்ந்த பல உறுப்­பி­னர்­களும் கருத்­து­களைத் தெரி­வித்­துள்­ளனர். ஆனால் ரணில் அணியைச் சேர்ந்த உறுப்­பி­னர்கள் யானைச் சின்­னத்தில் தேர்­தலை சந்­திப்­பதே சிறந்­தது என்று கருத்து தெரி­வித்­துள்­ளனர்.

எம்பி.க்களான நவின் திசா­நா­யக்க. தயா கமகே. ருவன் விஜ­ய­வர்­தன. பாலித ரங்கே பண்­டார உட்­பட பலரும் இத்­த­கைய கருத்­து­களை தெரி­வித்­துள்­ளனர். பொதுக் கூட்­ட­ணி­யாக அன்னச் சின்­னத்தில் போட்­டி­யிட்­டாலும் நுவ­ரெ­லியா மாவட்­டத்தில் யானைச் சின்­னத்­தி­லேயே போட்­டி­யி­ட­வேண்­டு­மென்று நவின் திசா­நா­யக்க எம்.பி. யோசனை முன்­வைத்­துள்ளார். இதே­போன்று அம்­பா­றையில் யானைச் சின்­னத்­தி­லேயே போட்­டி­யி­ட­வேண்­டு­மென தயா கமகே எம்.பி. வலி।­யு­றுத்­தி­யுள்ளார்.

இங்கு கருத்து தெரி­வித்த ருவன் விஜ­ய­வர்­தன எம்.பி. தொடர்ச்­சி­யாக நாம் யானைச் சின்­னத்­தி­லேயே கள­மி­றங்கி வரு­கிறோம். தேர்தல் நெருங்­கு­வதால் எந்தச் சின்­னத்தில் போட்­டி­யி­டு­வது என்­பதில் உட­ன­டி­யாக தீர்­மானம் எடுக்க வேண்டும் என்று தெரி­வித்­துள்ளார்.

எம்.பி.க்களான ரவிந்­திர சம­ர­வீர, திலிப் ஆராய்ச்சி உட்­பட பலரும் கட்­சியின் தலைவர் ரணில் விக்­கி­ர­ம­சிங்­கவின் செயற்­பாட்டை விமர்­சித்­த­துடன் சின்னம் தொடர்பில் உட­னடி தீர்­மானம் எடுக்­க­வேண்டும் என்றும் வலி­யு­றுத்­தி­யுள்­ளனர்.  

இத­னை­ய­டுத்து புதிய கூட்­டணி அன்னம் சின்­னத்தில் போட்­டி­யி­டு­வது தொடர்பில் தேர்தல் ஆணைக்­கு­ழுவின் ஆலோசனை பெறப்பட வேண்டும். அந்த ஆலோசனையைப் பெற்றுக்கொண்ட பின்னர் அடுத்த செயற்குழுக் கூட்டத்தில் இந்த விடயம் தொடர்பில் இறுதித் தீர்மானம் எடுக்கப்படும் என்று கட்சியின் தலைவர் ரணில் விக்கிரமசிங்க அறிவித்துள்ளார். இதனையடுத்து கூட்டம் முடிவுக்கு வந்துள்ளது.

0 கருத்துரைகள்:

Post a comment