வாழைச்சேனையில் ஆயுதங்களுடன், புலி உறுப்பினர் கைது

வாழைச்சேனையில் ரி 56 ரக துப்பாக்கி மற்றும் அதன் ரவைகளுடன் இரண்டு சந்தேகநபர்கள் நேற்றிரவு கைது செய்யப்பட்டுள்ளனர்.

விநாயகபுரம் பகுதியில் ஒருவரிடம் துப்பாக்கி இருப்பதாக கடற்படைக்கு இரகசிய தகவல் கிடைத்துள்ளது.

இதன் அடிப்படையில் மேற்கொள்ளப்பட்ட சுற்றிவளைப்பின் போது விஷேட அதிரடிப்படையினரின் உதவியுடன் ஒருவர் கைது செய்யப்பட்டு வாழைச்சேனை பொலிஸாரிடம் ஒப்படைக்கப்பட்டுள்ளார்.

அதனை தொடர்ந்து பொலிஸார் மேற்கொண்ட விசாரணையில் கிரான், திகிலிவெட்டை பிரதேசத்தில் ஒருவர் கைது செய்யப்பட்டுள்ளார்.

இவர்களிடம் இருந்து ரி 56 ரக துப்பாக்கி ஒன்றும், அதற்கு பயன்படுத்தும் 27 துப்பாக்கி ரவைகளும் கைப்பற்றப்பட்டுள்ளன.

இதேவேளை கைது செய்யப்பட்ட சந்தேகநபர்களில் ஒருவர் விடுதலைப் புலிகளின் உறுப்பினர் என விசாரணைகளில் இருந்து தெரியவந்துள்ளது.

இது தொடர்பான மேலதிக விசாரரணைகள் மேற்கொள்ளப்பட்டு வருகின்றன.