எதிர்கட்சித் தலைவர் குறித்து, நாளை இறுதித் தீர்மானம் - ஐதேக பாராளுமன்ற குழு கூட்டமும் நடக்கிறது

எதிர்க்கட்சித் தலைவர் பதவி தொடர்பில் நாளைய தினம் இறுதி தீர்மானம் எட்டப்படும் என பாராளுமன்ற உறுப்பினர் காவிந்த ஜயவர்தன தெரிவித்துள்ளார். 

ஜா எலவில் ஊடகங்களுக்கு கருத்து தெரிவித்த போது அவர் இதனை தெரிவித்தார். 

எதிர்க்கட்சித் தலைவர் பதவி தொடர்பில் கட்சியினுள் எவ்வித நெருக்கடி நிலையும் இல்லை என தெரிவித்த அவர், கட்சியின் அனைவரும் ஒருமித்த ஒரு முடிவை எடுக்க வேண்டும் என தெரிவித்தார். 

2

ஐக்கிய தேசியக் கட்சியின் பாராளுமன்ற உறுப்பினர்களின் குழு கூட்டம் நாளை (05) இடம்பெறவுள்ளது. 

கட்சித் தலைவர் ரணில் விக்ரமசிங்கவின் தலைமையில் இந்த கூட்டம் இடம்பெறவுள்ளதாக தெரிவிக்கப்படுகின்றது. 

இதன்போது எதிர்க் கட்சித் தலைவர் பதவி குறித்து பொது இணக்கப்பாடு எட்டப்படவுள்ளது. 

அத்துடன் கட்சியின் எதிர்க்கால அரசியல் செயற்பாடுகள் தொடர்பிலும் முக்கிய கவனம் செலுத்தப்படவுள்ளது.