ஜனாதிபதியாக பதவியேற்றதும் ஒரு நாடு, ஒரு சட்டம் என்ற நிலைப்பாட்டை பின்பற்றுவேன்

உயிர்த்த ஞாயிறு தாக்குதல் தொடர்பில் காவல்துறை அதிபர் மீது குற்றம் சுமத்தப்பட்டமையானது பிழையானது என்று ஜனாதிபதி வேட்பாளர் மகேஸ் சேனாநாயக்க தெரிவித்துள்ளார்.

தாம் இராணுவத் தளபதியாக இருந்தவேளையில் தீவிரவாதக் குழுக்கள் தொடர்பில் உரிய அதிகாரிகளுக்கு அறிக்கையை சமர்ப்பித்ததாக குறிப்பிட்ட அவர் எனினும் எவ்வித பயனும் இல்லை.

இதன் வெளிப்பாடே உயிர்த்த ஞாயிறுத் தாக்குதலாகும் என்றும் மகேஸ் சேனாநாயக்க குறிப்பிட்டுள்ளார்.

தாக்குதல் இடம்பெற்றபோது யார் சட்டம் ஒழுங்குத்துறை அமைச்சராக இருந்தார் என்பதை கவனிக்கவேண்டும்.

இந்நிலையில் தாம் ஜனாதிபதியாக பதவியேற்றதும் ஒரு நாடு ஒரு சட்டம் என்ற நிலைப்பாட்டை பின்பற்றப்போவதாக மகேஸ் சேனாநாயக்க தெரிவித்தார்.

சிலாபத்தில் இடம்பெற்ற நிகழ்வு ஒன்றின்போதே அவர் இந்தக்கருத்துக்களை வெளியிட்டார்.