கிறீஸ் பூதங்களை, முஸ்லிம்கள் மறக்கமாட்டார்கள் - தௌபீக்

அடக்கு முறைகளுக்கு அஞ்சிவாழும் சமூகமாக ஒருபோதும் முஸ்லிம் சமூகம் வாழ முடியாது. கடந்த ஆட்சி காலத்தில் முஸ்லிம்களுக்கு எதிராக நடாத்தப்பட்ட கிறீஸ் பூதங்களை முஸ்லிம் மக்கள் மறக்கமாட்டார்கள் என பாராளுமன்ற உறுப்பினர் எம்.எஸ். தௌபீக் தெரிவித்தார்.  

மூதூரில்  சஜீத் பிரேமதாசாவை ஆதரிக்கும் முகமாக  நடாத்தப்பட்ட மக்கள் கூட்டத்தில் அவர் தொடர்ந்தும் உரையாற்றுகையில், இன்று பணம் கொடுத்தாவது மக்களை ஏமாற்றலாம் என்ற மாயையில் மக்களை திசை திருப்பும் நோக்கில் சில கும்பல்கள் ஈடுபடுவதாகவும் பேசப்படுகின்றது.

இவ்வாறானவர்கள் ஏன் வெற்றியை பெறலாம்தானே. நாட்டை சுபீட்சமாக வழி நடத்திச் செல்லக்கூடிய ஜனாதிபதி வேட்பாளர் சஜித் பிரேமதாசாவுக்கு அணி திரள்வதில் ஏற்படும் தடுமாற்றம் தான் அது.  

யாவருக்கும் புகழிடம் வழங்கிய அமரர் ரணசிங்க பிரேமதாசாவின் புதல்வர் இந்நாட்டு சிறுபான்மை மக்களுக்கும் தேவையான அனைத்து நலன்களையும் உறுதிப்படுத்தும் முகமாக புகழிடங்களை சஜித் பிரேமதாசா வழங்குவார் என்பதில் ஐயமில்லை என்றார்.