முழு தென்னாசியாவிற்கே தேவையான, குண்டுதாரிகள் உருவாக்கப்படுகின்றனர் - ரத்தன தேரர்

மட்டக்களப்பு தனியார் பல்கலைகழகம் தொடர்பில் இன்றைய தினம் விஷேட அறிவிப்பு ஒன்றை வெளியிடவுள்ளதாக நாடாளுமன்ற உறுப்பினர் அத்துரலிய ரத்தன தேரர் தெரிவித்துள்ளார்.

மட்டக்களப்பு - கிரான் சந்தியில் இன்று பிற்பகல் 2 மணியளவில் இடம்பெறவுள்ள மக்கள் சந்திப்பில் வைத்து அது தொடர்பான தகவலை வெளியிடவுள்ளதாக அவர் குறிப்பிட்டுள்ளார்.

ஹிஸ்புல்லாவின் மட்டக்களப்பு தனியார் பல்கலைகழகம் தொடர்பான ஒருநாள் விவாதம் நாடாளுமன்றில் இடம்பெற்றது.

எனினும், அந்த பல்கலைகழகத்தின் உண்மை நிலவரத்தை எந்தவொரு உறுப்பினரும் வெளியிடவில்லை.

இந்த பல்கழைகத்திலிருந்து முழு தென்னாசியாவிற்கே தேவையான குண்டுதாரிகள் உருவாக்கப்படுகின்றனர்.

இந்த பல்கலைகழகத்திற்கு சவூதி அரேபியாவில் உள்ள செல்வந்தர்களே நிதியுதவி வழங்கியுள்ளனர்.

அவர்களே ஆப்கானிஸ்தானை சேர்ந்தவர்களை அடிப்படைவாதிகளாக மாற்றி நாசமாகியுள்ளனர்.

பாகிஸ்தானுக்கும் அதே நிலவரம்.

இலங்கையிலும் அதேபோன்ற செயற்பாட்டையே அவர்கள் மேற்கொள்ளவுள்ளனர்

இது தொடர்பான விஷேட கூட்டம் ஒன்று இன்று பிற்பகல் 2 மணியளவில் மட்டக்களப்பு கிரான் சந்தியில் இடம்பெறவுள்ளது.

இதன்போது, மட்டக்களப்பு பல்கலைகழகத்தின் சட்டவிரோத தன்மை தொடர்பில் தகவல் வெளியிடவுள்ளதாக நாடாளுமன்ற உறுப்பினர் அத்துரலிய ரத்தன தேரர் தெரிவித்துள்ளார்