துவேஷக்காரர்கள் பட்டியலில், முஸ்லிம்களுக்கு முதலிடமா....?

அடுத்த ஜனாதிபதி தேர்தலில் யாருக்கு வாக்களிப்பது என்ற கலந்துரையாடல் எல்லா சமூக மட்டங்களிலும் வேகமாக பேசப்பட்டு வருகிறது. அப்படிப்பட்ட கருத்தாடல்கள் பலத்தை தேசிய மற்றும் உள்ளூர் மட்டங்களில் பார்க்ககூடியாத இருந்தது. அத்தனையிலும் கலந்துகொள்ளும் நம்ம நானாமார் வேற லெவல்.

நம்ம முஸ்லிம்கள் தான் இந்த நாட்டில் இனத்துவேசம் அல்லது மதத்துவேசம் பேசும் பட்டியலில் முதல் இடத்தில் இருக்கிறார்களோ என எண்ணத்தோன்றுகிறது.

நாட்டின் ஜனாதிபதி பற்றிய கலந்துரையாடலில் கூட முஸ்லிம்களுக்கு என்ன செய்தார், முஸ்லிம்களை பாதுகாத்தாரா? முஸ்லிம்களை கட்டியணைத்தாரா? என்று முஸ்லீம் தலைவர்கள் என்று சொல்லுபவர்கள் கூட செய்யாத விடயத்தை ஜனாதிபதி வேற்பாளர்களிடமிருந்து எதிர்பார்க்கிறார்கள்.

இல்ல தெரியாமல் தான் கேற்கிறேன், முஸ்லிம்கள் முஸ்லிம்களை பற்றி மட்டும் தான் சிந்திப்பார்களா? முஸ்லிம்களின் உரிமைகள், முஸ்லிம்களின் கல்வி, முஸ்லிம்கள் சுகாதாரம் என்று எல்லாவற்றிலும் முஸ்லிம்கள் முஸ்லிம்களை பற்றி மட்டும் தான் சிந்திக்கின்றார்களா?

இந்த நாட்டின் பொருளாதார நிலைமையை தூக்கி நிறுத்துவது பற்றி பேசமாட்டார்களா? இந்த நாட்டில் சட்டம் ஒழுங்கு பற்றி பேச மாட்டார்களா? இந்த நாட்டின் அடுத்த 10 வருட கனவைப் பற்றி பேசமாட்டார்கள்? உலக நாடுகளோடு போட்டி போட்டுக்கொண்டு ஓடுவதற்காக தேவைப்படும் சிறப்பான வெளிநாட்டு கொள்கைப் பற்றி பேசமாட்டார்களா? இந்த நாட்டில் ஊழல் இல்லாத நிர்வாகத்தைப்பற்றி பேசமாட்டார்களா? எப்ப பார்த்தாலும் எதை எடுத்தாலும் முஸ்லிம்கள் முஸ்லிம்கள் முஸ்லிம்கள்..

முஸ்லிம்கள் முஸ்லிம்களை பற்றி மட்டும் தான் பேச வேண்டும் என்று எனக்கு இந்த இனிய மார்க்க இஸ்லாம் சொல்லித்தரவில்லை.

ஜனாதிபதி தேர்தல் பற்றி கலந்துரையாடும் அன்பு நானாமார்களே இந்த நாட்டு யாப்பில் இருக்கும் பல சட்டங்களில் ஒரு சட்டமான "மத சுதந்திரம் மற்றும் அதன் உரிமைகள்" என்ற விடயத்தை பற்றி மட்டும் பேசிக்கொண்டிருக்காமல் அதனை தாண்டி இருக்கும் நாட்டின் இறைமை, பொருளாதாரம், வெளிநாட்டு கொள்கை, அபிவிருத்தி திட்டம், சட்டம் ஒழுங்கு, பாதுகாப்பு, கல்வி, நிர்வாகம், சூழல், சுகாதாரம் என எல்லாவற்றையும் பற்றி சிந்தியுங்கள், இவை அத்தனையும் இலங்கையில் இருக்கும் அனைத்து இலங்கையருக்கு சமமாக கொடுக்கப்படவேண்டும் என்பதை பற்றி கலந்துரையாடுங்கள். அதுவே நல்ல முடிவுகளையும் நல்ல சிந்தனைகளையும் தரும்.

முஸ்லீம் சமூகம் எப்போதும் மனிதத்தை நேசிக்கும் சமூகம்.

- SM Isham Marikar -