Dr ஷாபி விடுதலை, பெருநாள் இரவு போன்றிருக்கிறது - உங்களுக்கு எப்படி..?

- Dr.  Ahamed Nihaj -

டாக்டர் ஷாபி,,

நான் கண்டதுமில்லை. எனக்கும் அவருக்கும் எந்த தொடர்புமில்லை. ஆனால் அநியாயமாக, முஸ்லிம் என்ற ஒரே காரணத்திற்காக கைது செய்து இழுத்துச் சென்றதை பார்த்த போது, மனது வலித்தது. பல இரவுகளில் தூக்கம் வர மறுத்தது. இறைவனிடம் பிரார்த்திப்பதை தவிர வேறு வழியும் இருக்கவில்லை.

பல வருடங்கள் மருத்துவம் படித்த வைத்தியர்களின் கண்களை இனவாதம் மறைத்தது. வைத்தியர்களுக்கான facebook மற்றும் viber குழுமங்களில் பச்சையாக இனவாதம் கதைத்தனர். ஆதாரம் கேட்ட முஸ்லிம் வைத்தியர்கள் பயங்கரவாதிகளாக திட்டப்பட்டனர். பல குழுக்களில் இருந்து வெளியேற்றப்பட்டனர். வைத்தியர்களின் கூட்டமைப்பின் இனவாத முகம் வெளிப்பட்டது.

வைத்தியசாலையில் பல வைத்தியர்களுடன் கருத்து முரண்பாடுகள் ஏற்பட்டன. வைத்தியனாக இராமல் பொதுப் புத்தியுள்ள ஒரு சராசரி மனிதனாக சிந்தித்துப் பாருங்கள் என கடைசியாக ஒருவரிடம் கூறினேன்.

இறைவனிடம் கேட்ட பிரார்த்தனைகள் பலனளிக்க தொடங்கின.

போலியான குற்றச்சாட்டு என நிரூபணமானது. வைத்தியசாலை அத்தியட்சகரின் போலி மோசடி தோலுரிக்கப்பட்டது. மருத்துவ பரிசோதனைக்காக அழைக்கப்பட்ட குற்றஞ்சாட்டிய பெண்கள் பின்னங்கால் பிடறியில் அடிபட ஓடினார்கள். அவர்களின் கணவர்களின் விந்தணுக்களை பரிசோதிப்பதற்கும் அவர்கள் தயாராக இருக்கவில்லை.

இப்போது வைத்தியர்களின் பக்கங்களில் இதைப்பற்றிய எந்தப் பேச்சுமில்லை. சில மறை கழன்ட பைத்தியங்களின் தனிப்பட்ட போஸ்ட்களை தவிர.

வைத்தியர் ஷாபிக்கும் எனக்கும் எந்த உறவுமில்லை. ஆனால் இன்று பெருநாள் இரவு போன்றிருக்கிறது எனக்கு!

உங்களுக்கு எப்படி?