பதியூதீன் போன்ற முஸ்லிம் அடிப்படைவாதிகளை, புதிய அரசாங்கத்துடன் இணைய அனுமதிக்கமாட்டோம்

எதிர்காலத்தில் தாம் அரசியல் ஆதரவு வழங்கி உருவாக்கும் கூட்டணி அமைக்கும் அரசாங்கத்தில் ரிசாட் பதியூதீன் போன்ற முஸ்லிம் அடிப்படைவாத அரசியல்வாதிகளை இணைத்துக்கொள்ள இடமளிக்க போவதில்லை என நாடாளுமன்ற உறுப்பினர் விமல் வீரவங்ச தெரிவித்துள்ளார்.

தேசிய சுதந்திர முன்னணி கொழும்பில் நடத்திய செய்தியாளர் சந்திப்பில் அவர் இதனை கூறியுள்ளார்.

ஆட்சி அதிகாரத்தை பெற்றுக்கொண்டு, அடிப்படைவாதத்தை போஷிக்கும் அரசியல்வாதிகளுக்கு மீண்டும் ஆட்சி அதிகாரத்தை வழங்குவது நமது கைகளால் கழுத்தை அறுத்துக்கொண்டமைக்கு ஈடானது.

ஆரம்ப காலத்தில் இருந்தே அடிப்படைவாதம் மற்றும் ஏகாதிபத்தியத்திற்கு எதிராக நாங்கள் போராடி வந்துள்ளோம்.

எனது கருத்தியல் போராட்டத்தில் மாற்றம் ஏற்படவில்லை. இதனை மக்கள் விடுதலை முன்னணியின் கே.டி.லால்காந்தவும் பத்திரிகை போட்டி ஒன்றில் சுட்டிக்காட்டியுள்ளார்.