முஸ்லிம்களைப் பாதுகாக்க வேண்டும், முஸ்லிம்களுக்கு பாதிப்பு ஏற்பட்டால் அது பயங்கரவாதிகளுக்கு வெற்றி - ஹரிந்த விதானகே
தற்போதுள்ள நிலையில் நாம் சிந்திக்க வேண்டிய பல விடயங்கள் எங்கள் முன்னுள்ளன. நாம் முஸ்லிம் மக்களைப் பாதுகாக்க வேண்டும். இங்குள்ள முஸ்லிம்களுக்கு ஏதும் பாதிப்புகள் நிகழும் பட்சத்தில், அது பயங்கரவாதிகளுக்கு பெரும் வெற்றியாகவே அமையும் என்று தேசிய பாதுகாப்புத் துறை தொடர்பான நிபுணரும் பண்டாரநாயக்க சர்வதேச ஆய்வு மையப் பணிப்பாளருமான கலாநிதி ஹரிந்த விதானகே தெரிவித்துள்ளார்.
அண்மையில் நாட்டில் கோர விளைவுகளை ஏற்படுத்திய தற்கொலைக் குண்டுத் தாக்குதலின் எதிரொலியாக எழுந்துள்ள தேசிய பாதுகாப்பு குறித்த அச்சுறுத்தல் தொடர்பாக லங்காதீப வார இதழ் ஊடகவியலாளர் பிரியந்த கொடிப்பிலி வினவிய போதே அவர் மேற்கண்டவாறு கூறியுள்ளார்.
கலாநிதி ஹரிந்த மேலும் கூறியதாவது,
இலங்கை முஸ்லிம்களைப் பகைத்துக் கொண்டு இங்குள்ள இஸ்லாமிய தீவிரவாதத்தை ஒழித்துக் கட்ட முடியாது. இஸ்லாமிய மக்களூடாகத் தான் இஸ்லாமிய தீவிரவாதத்தை இங்கிருந்து விரட்டியடிக்கலாம். அதே போன்றதொரு தவறை நாம் 1983 ஆம் ஆண்டு செய்துள்ளோம். நாம் அன்று தமிழ் பயங்கரவாதத்தை ஒழிப்பதற்கு முன்னர், தமிழ் மக்களைப் பகைத்துக் கொண்டாம். அதன் பயங்கர விளைவை நாம் 30 வருடங்களாக அல்லல்பட்டு அனுபவித்தோம். இஸ்லாமிய மக்களுடன் பகைமையை ஏற்படுத்திக்கொள்வோமானால் இதனை விடவும் பாரிய விளைவுகளை எதிர்கொள்வது தவிர்க்க முடியாது போகும். இன்றைய நிலையில், இஸ்லாமிய தேசத்துடன் தொடர்புள்ள வழிதவறிச் சென்றுள்ள வாலிபர்களை நாம் இனம்கண்டு கொள்வது முக்கியமாகும். எமது தேசிய பாதுகாப்புக் குறித்து இன்று தீர்மானம் எடுக்கின்ற எமது அரசியல் தலைவர்கள் இது விடயமாக சிந்திக்க வேண்டும்.
தனிப்பட்ட அரசியல் விருப்பு வெறுப்புக்களுக்கு மதிப்பளித்து எமது அரசியல் தவைர்கள் நடந்து கொள்ளும் முறையால் தேசிய பாதுகாப்புக்குத்தான் அச்சுறுத்தலாக அமைகிறது.
நாடொன்றில் ஆட்சி அமையப்பெற்றவுடன் அதன் தலையாய கடமையாக அமைவது தேசிய பாதுகாப்பாகும். பாதுகாப்புத்துறை, இராணுவம் என்பன அரசின் பொறுப்பில் வருகின்றன. நாட்டின் நிலப்பரப்பு, சுயாதீனம் என்பவற்றுக்குப் புறம்பாக அன்றாட தேவையாக பாதுகாப்பு இயந்திரமே பிரதான பாகமாக விளங்குகிறது. இதில் உள்நாட்டு – வெளியுலகப் பாதுகாப்பு ஆகிய இரண்டுமே உள்ளடங்குகின்றன. தேசிய பாதுகாப்பின் அடிப்படை தர்மங்களாக இவை கணிக்கப்படுகின்றன.
வெளியுலகிலிருந்து வரும் அச்சுறுத்தல்களிலிருந்து நாட்டைப் பாதுகாப்பதும் உள்நாட்டில் தலையெடுக்கும் அரசியல் ஊடாட்டங்கள் உள்ளிட்ட நாட்டிற்கு எதிராக கிளர்ந்து வரும் சகல அச்சுறுத்தல்கள், சவால்களிலிருந்தும் நாட்டுக்குப் பாதுகாப்பு வழங்குவதுமே தேசிய பாதுகாப்பு எனப்படுகிறது. மக்கள் நாட்டின் ஒரு பகுதியாகும். எனவே மக்களுக்குப் பாதுகாப்பு வழங்குவதும் அரசாங்கத்தின் பொறுப்பாகும். இவை அனைத்தும் சேர்ந்தே தேசிய பாதுகாப்பு எனப்படுகின்றது.
தற்போது உலகிலுள்ள நாடுகள் தேசிய பாதுகாப்பை முன்னிலைப் படுத்திக்கொண்டு அடக்குமுறைச் செயற்பாடுகளில் ஈடுபட்டுக் கொண்டிருப்பதைக் காணமுடிகிறது. இவற்றில் மனித உரிமைகள், சிவில் உரிமைகள், மொழிச்சுதந்திரம் போன்றனவும் கட்டுப்படுத்தப்படுகின்றன. இந்நிலையில் தேசிய பாதுகாப்பு போதுமானதாக இல்லை என்ற முறைப்பாடும் முன்வைக்கப்படுகின்றது.
உலக நாடுகளில் கடந்த பதினைந்து இருபது வருடங்களாக பாதுகாப்புச் சூழல் பெருமளவில் விஸ்தரிப்புச் செய்யப்பட்டுள்ள போதிலும் அதிலும் திருப்தி காணாத சிந்தனையே நிலவி வருவதைக் காண்கிறோம். இலங்கையில் பாதுகாப்பு நிலைமை திருப்தி, அதிருப்தி என்று இரு வகைகளிலும் விமர்சிக்கப்படுகிறது.
30 வருட கால யுத்தத்தை முடிவுக்குக் கொண்டு வந்து வெற்றி கொண்டமையை திருப்தியாகக் குறிப்பிடப்படுகிறது. அதேவேளை மறுபுறத்தில் தேசிய பாதுகாப்புக் குறித்தும் சவால் உள்ளது. அதே போன்று நல்லிணக்கம் தொடர்பாகவும் சவால் உள்ளது. கடந்த காலங்களில் இவ்விடயங்கள் தொடர்பாகவே பேசப்பட்டு வந்தன. இந்நிலையிலேயே அண்மையில் இடம்பெற்ற தற்கொலைக் குண்டு தாக்குதல் சம்பவங்களுடன் இவ்விடயம் மேலும் உக்கிரமடைந்துள்ளது. தேசிய பாதுகாப்பே அரசாங்கம் ஒன்றின் பிரதான கடமையாகும். இதனூடாகவேதான் அரசாங்கத்தின் பலம் நோக்கப்படுகிறது. எமது நாட்டின் பாதுகாப்பு ஒருவகையில் அரசியல் ரீதியாக பிளவு பட்ட கதையாகவே உள்ளது. இதே போன்றே எமது நாட்டின் பெரும்பாலான விடயங்களின் அடிப்படை அரசியல் மயமாகவே உள்ளன. அத்துடன் அவற்றில் தனிநபர் தலையீடுகளும் புகுத்தப்பட்டுள்ளன. இதனாலேயே பிரச்சினைகளுக்கு முகம் கொடுத்துக்கொண்டிருக்கின்றோம்.
10009%true.our politicians spoiled our defense and secuirty.
ReplyDeleteThat's the historical evidence. First of all sir, we have to bring peace and harmony between communities. If our communities strengthen, outside enemies could cut short their tails.
ReplyDelete