ஒரே சூலில் 7 குழந்தைகளை பிரசவித்த பெண் - அனைத்தும் சுகப் பிரசவம்
ஈராக்கிய வரலாற்றில் முதன் முறையாக 25 வயதான பெண்ணொருவர் ஒரே சூலில் ஏழு குழந்தைகளைப் பிரசவித்ததாக வைத்தியர்கள் அறிவித்ததைத் தொடர்ந்து ஊடகங்களின் தலைப்புச் செய்திகளில் அந்தப் பெண் இடம்பிடித்துள்ளார்.
கடந்த வாரத்தின் முற்பகுதியில் டையாலா மாகாணத்திலுள்ள அல்-பதொல் வைத்தியசாலையில் பெயர் வெளியிடப்படாத பெண்ணொருவர் ஆறு பெண் குழந்தைகள் மற்றும் ஒரு ஆண் குழந்தையுமாக ஏழு குழந்தைகளைப் பிரசவித்துள்ளார்.
சுகப் பிரசவத்தின் மூலம் குறித்த பெண்ணுக்கு குழந்தைகள் பிறந்ததாகவும், அனைத்துக் குழந்தைகளும் நலமுடன் இருப்பதாகவும் உள்ளூர் காதாரத் திணைக்களத்தின் உத்தியோகபூர்வ பேச்சாளரான பிராஸ் அல்-இஸ்ஸாவி ஊடகங்களுக்கு வெளியிட்ட அறிக்கையொன்றில் தெரிவித்துள்ளார். ஏழு குழந்தைகளும் மருத்துவப் பரிசோதனைக்குட்படுத்தப்பட்டதாகவும், குழந்தைகள் ஆரோக்கியமாக இருப்பதாகவும் அவர் மேலும் தெரிவித்துள்ளார்.
ஈராக்கில் முதன்முறையாக இவ்வாறான பிரசவம் இடம்பெற்றுள்ளதென அல்-இஸ்ஸாவி தெரிவித்துள்ளார். நாடு முழுவதும் கொண்டாடப் படும் இக் குழந்தைகளின் புகைப்படங்களை ஊடகங்கள் வெளியிட் டுள்ளன.
இதுவே, இலங்கை தனியார் மருத்துவ மனைகளில் என்றால் அது சி-சே-ரியன்;
ReplyDeleteஅதுவே, அரச அல்லது பாரம்பரிய முறைகளில் என்றால்: she-say-real, ஈராக்கில் போன்று.